“ঐখোয়না থিম মাপন ওইনা পাইখৎখিবা সস্তেনেবল দিবেলপমেন্ত গোলশিং (এস.দি.জি.শিং) ফংনবা ঐখোয়গী ৱাখল্লোন্দা অচৌবা অহোংবশিং পুরকপা তাই। ঐখোয়না মীয়ামগী পুন্সিশিংদা অহোংবা অমা পুরক্নবা অমসুং ভারতকী খুঙ্গংদা অওনবা পুরক্নবা গ্রাসরুৎ লেবেল্দা থৌদাং লৌবা মথৌ তাই”, হায়না পঞ্চায়তি রাজকী কেন্দ্রগী রাজ্য মন্ত্রী শ্রী কপিল মোরেশ্বর পতিলনা পঞ্চায়তি রাজ মন্ত্রালয়না আজাদী কা অমৃত মহোৎসব পালন তৌনবা পাঙথোক্লিবা আইকনিক ৱীক্কী শরুক ওইনা শিনখিবা নেস্নেল কনফরেন্স ওন লোকেলাইজেসন ওফ এস.দি.জি.দা শরুক য়াখিবা লৈবাক শিনবা থুংবদগী পঞ্চায়ৎকী মীহুৎশিংগী মীতিন্দা ৱা ঙাংবদা ফোঙদোকখ্রে।

 

শ্রী কপিল মোরেশ্বর পতিলনা মহাক্কী ৱারোলদা য়ুনাইতেদ নেসন্সনা ২০০০দা মিলেনিয়ম দিবেলপমেন্ত গোলশিং হৌদোকখি, মসিগী মতুংদা সস্তেনেবল দিবেলপমেন্ত গোলশিং থোরকখি হায়না পাউদমখি। মহাক্না করিগুম্বা ঐখোয়না ঐখোয়গী পুন্সি মহিং অসি ফগৎহনবা পাম্লবদি, ঐখোয়না এস.দি.জি.গী তার্গেৎশিং থম্বা তাই অমসুং সস্তেনেবল দিবেলপমেন্ত গোল পুম্নমক মরু ওইবনা এসদি.জি.শিং অসি ফংহনবা হোৎনবা তাই হায়না অকনবা ৱাফম থমখি। কেন্দ্রগী মন্ত্রী শ্রী কপিল মোরেশ্বর পতিলনা পঞ্চায়ৎশিংদা মহাত্মা গান্ধীগী ক্লীন অমসুং হাইজিনিক ইন্দিয়া অমা ওইহন্নবা মঙলান থুংহন্নবা হায়খি। শ্রী কপিল মোরেশ্বর পতিলনা স্বচ্ছতা দ্রাইবতা শরুক য়ানবা অমসুং খুন্নাই অমসুং জাতিগীদমক থৌদাং লৈবা ৱাখল্লোন অমগা লোয়ননা স্বচ্ছ অভিয়ান মাংদা পুখৎনবা অপীল তৌখি।

আজাদী কা অমৃত মহোৎসব পালন তৌনবা পাঙথোকপা আইকনিক ৱীক্কী তরুক্নি শুবা নুমিৎতা পঞ্চায়তি রাজ মন্ত্রালয়না সস্তেনেবল দিবেলপমেন্ত গোলশিংগী মখাদা নেস্নেল লেবেল কনফরেন্স ওন লোকেলাইজেসন ওফ সস্তেনবেল দিবেলপমেন্ত গোলস(এল.এস.দি.জি.) অসি থিম ৫: ক্লীন এন্দ গ্রীন ভিলেজ অমসুং থিম ৪: ৱাতর সফিসিএন্ত ভিলেজতা মীৎয়েং থমদুনা পাঙথোক্লি।

কনফরেন্স অসি পঞ্চায়তি রাজকী কেন্দ্রগী রাজ্য মন্ত্রী শ্রী কপিল মোরেশ্বর পতিলনা থৌমৈ চুখৎতুনা পঞ্চায়তি রাজ মন্ত্রালয়গী শ্রী সুনিল কুমার, জল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর এন্দ সেনিতেসনগী সেক্রেতরী, শ্রীমতি বিনি মাহাজন, এম.ও.পি.আর.গী এদিস্নেল সেক্রেতরী দা. চন্দ্র সেখর কুমার অমসুং এম.ও.পি.আর.গী জোইন্ত সেক্রেতী শ্রীমতি রেখা য়াদব য়াওদুনা হৌদোকখি।

 

পঞ্চায়তি রাজ মন্ত্রালয়গী সেক্রেতরী শ্রী সুনিল কুমারনা খুঙ্গংশিংগী চাউখৎ-থৌরাংদা লুনানবগী মরু ওইবা অদু থমখি। মহাক্না লুনান্না থম্বা এৱের্নেস পীবা অসি য়াম্না মরু ওই অমসুং মসি সেচুরেসন মোদ অমদা কাংলুপশিংগী মরক্তা মখা চত্থহনবা তাই হায়না ফোঙদোকখি। মহাক্না খল্লবা মীহুৎশিংনা পান্দমশিং অসি খ্বাইদগী মরু ওইনা লৌগদবনি হায়খি। মহাক্না ক্লীন অমসুং গ্রীন ইনর্জীগী ফিফতিন ফাইনান্স কম্মিসন (এফ.এফ.সি.) গ্রান্তশিং নীংথিনা শীজিন্নবা ঙম্নবগীদমক লালোংশিং অমসুং এক্সন-প্লানগী মরমদা শন্দোক্না হায়খি। মহাক্না থিম ৯ অসি অমগা অমগা মরী লৈনৈ অদুনা ঐখোয়না থিম অমমমদা মীৎয়েং চংবা তাই হায়খি। ক্লীন এন্দ গ্রীন ভিলেজকী থিমদা উত্তরাখন্দগী কুথার গ্রাম পঞ্চায়ৎকী অমসুং তেলঙ্গানাগী মেতাপল্লি গ্রাম পঞ্চায়ৎকী ৱাতর সিফিসিএন্ত ভিলেজকী থিমেতিক ভিদিওশিং উৎখি।

জল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর এন্দ সেনিতেসনগী সেক্রেতরী, শ্রীমতি বিনি মাহাজন্না ভারতনা করম্না ওপন দেফিকেসন মুত্থৎখি অমসুং ও.দি.এফ. ফ্রী ওইনা লাউথোকখী অমসুং ও.দি.এফ.++কী মাইকৈদা করম্না থবক তৌরিবগী হায়বগী মতাংদা পাউদমখি। মহাক্না বাইও-ৱেস্ত ইনর্জী, সোলিদ-লিক্বিদ ৱেস্ত মেনেজমেন্ত, গ্রে ৱাতর মেনেজমেন্ত অসিনচিংবগী মতাংদসু খন্নখি। মহাক্না পঞ্চায়ৎশিংগী খল্লবা মীহুৎশিংদা ফিফতিন ফাইনান্স কম্মিসন, এম.জি.এন.আর.ই.জি.এ. অমসুং স্বচ্ছ ভারত মিসন (এস.বি.এম.)গী মখাদা লৈরিবা ফন্দশিং লিক্বিদেৎ নত্ত্রগা শীজিন্ননবা হায়খি। মহাক্না জল শক্তি মন্ত্রালয়না জল জীবন মিসনগী মখাদা থম্লিবা পান্দম অসি ২০২৪ ফাওবদা য়ুমথোং খুদিংদা অফবা থক্নবা তোতি ঈশীং ফংহনবনি হায়না ফোঙদোকখি।

নেস্নেল কনফরেন্সকী অহানবা তেক্নিকেল সেসন হৌদোক্লদুনা জল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর এন্দ সেনিতেসনগী দিরেক্তর (এস.বি.এম.) শ্রী কপিল চৌধরীনা লুনানবগী কান্নবশিং অদু থমখি। কর্নাতকাগী নোদেল ওফিসর এস.বি.এম., শ্রী শ্রিনিবাদানা উদুপীদা সোলিদ ৱেস্ত মেনেজমেন্তগী থিমেতিক ভিদিও ফিল্ম অমা শিয়র তৌখি।

ভারতকী য়ু.এন.ই.পি.গী কন্ত্রী ওফিসকী হেদ, শ্রী অতুল বাগাইনা সস্তেনেবল হ্যুমেন দিবেলপমেন্তগী মাইকৈদা গ্রাসরুৎশিংদা ক্লীন অমসুং গ্রীন এনভাইর্নমেন্তগী মরু ওইবগী মতাংদা ৱা ঙাংখি। তি.ই.আর.আই.গী স্কুল ওফ এদভান্স স্তদীগী ভাইস চাঞ্জেলর প্রোফেসর প্রতীক শর্ম অমসুং এন.তি.পি.সি. স্কুল ওফ মেনেজমেন্তগী দা. দেবাজিৎ পালিৎনা এল.এস.দি.জি.দা খুঙ্গংগী হীরমদা সস্তেনেবল সোল্যুদনদগী রিন্যুএবল ইনর্জীগী সমস্যাশিংদা মীৎয়েং চংনবা হায়খি। লদাখ, তামিল নাদু, ৱেস্ত বেঙ্গোল, হিমাচল প্রদেশ অমসুং মেঘালয়গী গ্রাম পঞ্চায়ৎশিংগী রাজ্য-রাজ্যগী ভিদিও প্রজেন্তেসনশিং উৎখি অমসুং পঞ্চায়ৎশিংগী খল্লবা মীহুৎশিংনা মখোয়গী এক্সপরিয়েন্সসু শিয়র তৌখি।

অনিশুবা তেক্নিকেল সেসন অসি জল শক্তি মন্ত্রালয়গী রিভর দিবেলপমেন্ত এন্দ গঙ্গা রিজুবনেসন, দিপার্তমেন্ত ওফ ৱাতর রিসোর্সেসকী সেক্রেতরী শ্রী পঙ্কজ কুমারনা ময়াই তাংবল লৌখি। এম.ও.জে.এস.কী দিরেক্তর শ্রী প্রতুল সক্সেনানা ৱাতর সফিসিএন্ত ভিলেজকী মতাংদা মহাক্কী ৱাখল্লোন ফোঙদোকখি। ৱাতরএদ ইন্দিয়া অমসুং দীপক পরেখ ইন্সতিত্যুতকী ৱাঙাংলোয়শিংনা এল.এস.দি.জি.দা খুঙ্গংগী হীরমদা রিন্যুএবল ইনর্জী সিফিসিএন্সীগী সমস্যাশিংদা মীৎয়েং চংনবা হায়খি। রাজস্থান, কর্নাতকা, কেরলা, মহারাস্ত্র, মিজোরাম অমসুং নাগালেন্দনা মখোয়গী এক্সপরিয়েন্সশিং, শীংনবশিং অমসুং মাইপগী ৱারীশিং শিয়র তৌখি।

 

 

**********

(Release ID: 1817573) Visitor Counter : 169