সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সনেল, পব্লিক গ্রীভান্সেস, পেনসন্স, এতোমিক ইনর্জী এন্দ স্পেস, দা. জিতেন্দ্র সিংহনা ঙসি ভারত্তা লৈরিবা সেক্তর খুদিংমক সাইন্স অমসুং তেক্নোলোজীগী মখা পোল্লক্লি, অদুবু মসিদা লৈরিবা অৱাৎপা অসি সেক্তরগী ওইবা অখন্নবা সমস্যাশিং অমসুং স্তার্ত-অপ এভেন্যুশিংগী ওইনা চুনবা তেক্নোলোজী এপ্লিকেসনশিংগী মতাংদা এৱের্নেসনি হায়না  ফোঙদোকখ্রে ।

 

পাউগী এজেন্সী অমনা লৌবা ইন্তর্ভ্যু অমদা দা. জিতেন্দ্র সিংহনা কেন্দ্র সরকারগী মন্ত্রালয় অমসুং বিভাগ কয়ানা য়াম্না শেল চংদবা মওং অমদা অখন্নবা সমস্যাশিংগী সাইন্তিফিক এপ্লিকেসনশিং অমসুং সোল্যুসনশিং শীজিন্নবা য়াগনি হায়না ফোঙদোকখ্রে। মহাক্না প্রধান মন্ত্রী নরেন্দ্র মোদীনা মতম চুপ্পদা মীচম মীয়ামগীদমক “ইজ ওফ লিবিং” পুরক্নবা অপনবশিং লৌথোক্নবা হোৎনবগী মহুৎ ইন্তিগ্রেল এপ্রোচ অমদা মীৎয়েং চংদুনা লাকখি হায়না নৌহৌনা ফোঙদোকখি।

 

 

দা. জিতেন্দ্র সিংহনা মোদীগী আউৎ-ওফ-বোক্স এপ্রোচ অসিগী ইথিল লৌদুনা হৌখিবা মতম খরা অসিদা, সাইন্সকা মরী লৈনবা তোঙান-তোঙানবা বিভাগ অমসুং মন্ত্রালয় তরেৎ মমিং ওইনা পল্লবদা, সাইন্স এন্দ তেক্নোলিজী, বাইওতেক্নোলোজী, কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.), আর্থ সাইন্সেস, ইন্দিয়া মেতিওরোলোজিকেল দিপার্তমেন্ত (আই.জেম.দি.), এতোমিক ইনর্জী অমসুং স্পেসনা লৌউ-শিংউ, জল শক্তি, রেলৱেজ, হকশেল. হায়ৱেজ অসিগুম্বা লাইন মন্ত্রালয় অমমমগা লোয়ননা ব্রেনস্তোর্মিং সেসনশিং পাঙথোকখি।

দা. জিতেন্দ্র সিংহনা হৌজিক ফাওবদা সাইন্তিফিক এপ্লিকেসনশিং অমসুং তেক্নোলোজিকেল সপ্পোর্ত অমসুং সোল্যুসনশিংগীদমক লাইন মন্ত্রালয়/বিভাগ ৩৮দগী প্রপোজেল/রিক্বায়র্মেন্ত ২০০ হেন্না ফংখি হায়না পাউদমখি। মহাক্না মরি লৈনবা সাইন্স মন্ত্রালয়শিং অমসুং বিভাগশিংনা মমিং ওইনা খরা পল্লবদা, লৌউ-শিংউ, লেন্দ মেপ্পিএ, দাইরী, ফুদ, এজুকেসন, স্কিল, রেলৱেজ, রোদ, জল শক্তি, পাৱর, কোল অমসুং সিৱেজ ক্লিংনিং অসিগুম্বা সেক্তরশিংগী তোঙান-তোঙানবা সাইন্তিফিক সোল্যুসনশিং এপ্লাই তৌনবা থবক তৌনবা হোৎনরি আয়না ফোঙদোকখি। মহাক্না অসিগুম্বা মমাংগী মীফমশিংনা য়ুম্ফম থোন্দুনা লাইন মন্ত্রালয়শিংগী সাইন্তিফিক এপ্লিকেসনশিংগী প্রপোজেল অমসুং সমস্যাশিং খঙদোকপগী থবক খোঙজেল য়াংখৎহন্নবা সাইন্স বিভাগশিং অমসুং লাইন মন্ত্রালয়শিংগী মরক্তা জোইন্ত ৱার্কিং গ্রুপশিং শেমখি হায়না ফোঙদোকখ্রে।

মন্ত্রীনা জল শক্তি মন্ত্রালয়গীদমক সি.এস.আই.আর.-এন.জি.আর.আই, হায়দরাবাদনা দিবেলপ তৌবা গ্রাউন্দৱাতর মেনেজমেন্তগীদমক হৌখিবা চহিদা  স্তেৎ-ওফ-দি-আর্ত হেলি-বোর্ন সর্ভে তেক্নোলোজী লোঞ্চ তৌখি হায়না পাউদমখি। অহৌবগী ওইনা রাজস্থান, গুজরাত, পঞ্জাব অমসুং হরিয়ানা, রাজ্যশিং অসিদা অনৌবা হেলি-বোর্ন সর্ভে অসি হৌগনি অমসুং তেক্নোলোজী অসিনা প্রধান মন্ত্রী নরেন্দ্র মোদীগী “হর ঘর নল সে জল”গী বিজন অমসুং মিসন অসিদা চাউনা শরুক তম্বদা মরু ওইবা থৌদাং অমা লৌরগনি হায়না মহাক্না ফোঙদোকখ্রে। চাউনা দিসিমিনেসন তৌনবগীদমক সি.এস.আই.আর.না দিবেলপ তৌবা মেকানাইজ সিৱেজ ক্লিনিং সিস্তেম দিবেলপ তৌখি অসিনা স্বচ্ছ ভারত মিসনগী পান্দম ফংনবা হোৎনবদা মতেং পাংগনি হায়না মহাক্না মখা তাখি।

 দা. জিতেন্দ্র সিংহনা লৌমীশিংগী ইনপুৎকীদমক চংবা শেলশিং তুংশিনবা ঙমহন্দুনা ঈথৈ-লৌখোং, লৌবুক্তা তিল-হীদাক অমসুং হার চাইনবা লৌউ-শিংউদা দ্রোন তেক্নোলোজী শীজিন্নরি হায়খি। মসিগা মান্নবা মওংদা, অনমেন ক্রোসিংশিং শেমদোক্নবা অমসুং খুদোংথিবা থৌদোকশিং থোকপদগী ঙাকথোক্নবা লৌউ-শিংউ অমসুং রেলৱেজতা তেলিমেদিসিন, দ্রাওৎ মেপ্পিং তৌবদা স্পেস তেক্নোলোজী শীজিন্নবা হেনগৎলক্লি। মন্ত্রীনা হায়খি, মহাক্না তোঙান-তোঙানবা বিভাগশিংদা লৈরিবা বিজ্ঞানিক অমসুং ওফিসরশিংদা মেদিসিন অমসুং সর্জরীদা আর্তিফিসিএল-ইন্তেলিজেন্স অমসুং রোবোতিক্স শীজিন্ননবা পাউতাক পীখ্রে। মহাক্না পার্লিয়ামেন্তদা ইনস্তোল তৌখিবা সি,এস.আই.আর.না দিবেলপ তৌবা য়ু.ভি. তেক্নোলোজী অমসুং হৌজিক্না কোবিদ-১৯ ভাইরস শন্দোকপা লাকশিন্নবা রেলৱেজতা শীজিন্নরিবা অসিগী মতাংদসু পনখি।

ৱাহং অমগী পাউখুমদা, দা. জিতেন্দ্র সিংহনা, রাজ্য অমসুং য়ুনিয়ন তেরিতোরী অমমমদা মীচম প্রজাগী ইজ ওফ লিবিং হেনগৎহন্নবা তোঙান-তোঙানবা সমস্যাশিং কোকহনবদা মতেং পাংবা য়াবা তেক্নোলোজিকেল ইন্তরভেন্সনশিং পাইখৎপা য়াবা লমশিং খঙদোক্নবা হায়খি হায়না ফোঙদোকখি। মহাক্না খুদম ওইনা, জম্মু অমসুং কাশ্মিরগী য়ু.তি. সরকার অসিদা দাল লেককী খ্বাইদগী নৌবা স্নো ক্লিয়রিং তেক্নোলোজীগী খুত্থাংদা তেংবাং পীগনি অমরোমদনা পুদুচেরী অমসুং তামিল নাদুদা সমুদ্র তোর্বান শেমজিন্নবা অমসুং শেমগৎনবা তেংবাং পীখি হায়না ফোঙদোকখি। জম্মু অমসুং কাশ্মিরদা এরোমা মিসন অমসুং লদাখকী লেহ বেরী প্রমোসন তৌরিবা অসি চুনবা সাইন্তিফিক ইন্তরভেন্সনশিংনা মরম ওইরগা ওইথোকপা ঙমহল্লি অমসুং লোকেল সস্তেনেবল স্তার্ত-অপশিং প্রমোৎ তৌবগী মথক্তা থবক্কী খুদোংচাবা লাক কয়া পীরি হায়না মহাক্না ফোঙদোকখি।

দা. জিতেন্দ্র সিংহনা প্রাইবেৎ প্লেয়রশিংগীদমক স্পেস সেক্তর অনলোক তৌরবা মতুংদা ইন্নোবেতিব স্তার্ত-অপশিংনা অনতেপ পোতেন্সিএল পুথোক্নবা চাউনা হোৎনরি হায়খি। মহাক্না স্পেস সেক্তরদা স্তার্ত-অপ ৫০ হেনবনা থবক তৌরি অমসুং মখোয়গী মনুংদা ১০দা লুপা করোর ৫০ নত্ত্রগা অহেনবা ফন্দিং অমমমতা ওইনা পীখি হায়না ফোঙদোকখি। মন্ত্রীনা এন.এ.ভি.আই.সি. বেজ এপ্লিকেসনশিংগী মথক্তা স্তার্ত-অপশিংনা গ্লোবেল রেমিফিকেসনশিং য়াওবা স্পেসতা দেব্রিস মেনেজমেন্তগীদমক সোফৱেয়র সোল্যুসনশিং পুথোকপগী থবক তৌরি হায়না নুংঙাইবা ফোঙদোকখি। মসিগা মান্নবা মওংদা এতোমিক ইনর্জীগী লমদা পি.এস.য়ু.শিংগা লোয়ননা জোইন্ত ভেঞ্চরশিংনা ন্যুক্লিয়র পাৱর প্লান্তশিংগী খুত্থাংদা ইনর্জী দিমান্দ হেনগৎহনবদা মতেং ওইরগনি।

*****

(Release ID: 1817386) Visitor Counter : 135