সিভিল এভিএসন মন্ত্রালয় (এম.ও.সি.এ.)গী ফ্লেগশিপ রিজনেল কন্নেক্তিবিতী স্কিম উরান (উরে দেশ কা আম নাগ্রিক) অসি “ইন্নোবেসন (জেনরেল) – সেন্ত্রেল” কেতগোরীগী মখঅদা প্রধান মন্ত্রীগী এৱার্দ ফোর এক্সিলেন্স ইন পব্লিক এদমিনিস্ত্রেসন ২০২০গীদমক খল্লকখ্রে।

ভারত সরকারনা দিলাশিং অমসুং রাজ্য/সরকারী ওর্গনাইজেসনশিংনা তৌখিবা শীংথানীংঙাই ওইবা অমসুং ইন্নোবেতিব ওইবা থবক অদুবু মশক খঙনবা অমসুং মনা পীনবা এৱার্দ অসি হৌদোকখি। স্কিম অসিনা শুপ্নগী ক্বান্তিতেতিব তার্গেৎশিং ফংবা খক্তা নত্তনা গুদ গভর্নান্স, ক্বালিতেতিব ওইবা মাইপাকপশিং, অমসুং লাস্ত মাইল কন্নেক্তিবিতী  ফংহনবদা মীৎয়েং থমখি। এৱার্দ অসিদা ত্রোফী, স্ক্রোল অমসুং লুপা লাখ ১০গী ইনসেন্তিব অমা য়াওরি।

সিভিল এভিএসন মন্ত্রালয়না এৱার্দ অসি এপ্রিল ২১দা হায়বদি সিভিল সর্ভিস দে নুমিৎতা ফংগনি। ভারত সরকারনা “সিভিল সর্ভিস দে”গী থৌরমদা ভিজ্ঞান ভবন্দা অখন্নবা থৌরম অমা পাঙথোক্কনি, হায়রিবা অসিদা মন্ত্রালয়গী মীহুৎপু এৱার্দকা লোয়ননা তরাম্না ওক্কনি।

২০১৬তা হৌদোকখিবা উরান স্কিম অসিনা উরে দেশ কা আম নাগ্রিককী বিজনগা লোয়ননা মীচম প্রজাগী অনীংবশিং থুংহন্নবা লোয়ননা তায়র II অমসুং IIIগী শহরশিংদা এভিএসন ইনফ্রাস্ত্রকচর অমসুং এয়র কন্নেক্তিবিতী ফগৎহন্নবা পান্দম থম্মি। চহি ৫গী অতেনবা মতমগী মনুংদা ঙসি উরান রুৎ ৪১৫না  হেলিপোর্তশিং অমসুং ৱাতর এরোগ্রোমশিং য়াওনা অন্দরসর্ব/অনসর্ব এয়রপোর্ত ৬৬কা কন্নেক্ত তৌখ্রে অমসুং মসিদগী মীওই লাখ ৯২ হেনবনা কান্নবা ফংখ্রে। স্কিম অসিগী মখাদা ফ্লাইৎ লাখ ১গা লিশিং ৭৯ পাইখ্রে। উরান স্কিম অসিনা চীংগী রাজ্যশিং, অৱাং-নোংপোক লমদম অমসুং ঈথৎ য়াওনা পেন-ইন্দিয়া সেক্তর কয়ামরুমদা চাউনা কান্নবা ফংহনখ্রে।

উরান্না লৈবাক অসিগী শেন্মীৎলোন্দা অফবা শাফু পীখি অমসুং ইন্দস্ত্রী স্তেকহোল্দরশিংদগী মরু ওইনা এয়রলাইন ওপরেতরশিং অমসুং রাজ্য সরকারশিংদগী অফবা রেস্পোন্স ফংবা উবা ফংখি। হৌজিক অনৌবা শহরগী পিয়ত ৩৫০ হেন্না স্কিম অসিগী মখাদা হৌজিক কন্নেক্ত তৌনবা সেদ্যুল্দ তৌখ্রে, লোয়ননা ২০০ অমদি হান্ননা কন্নেক্ত তৌখ্রে অমসুং লৈবাক অসি শিনবা থুংনা কন্নেক্তিবিতী ফংহন্দুনা জিওগ্রাফিকেল্লী পাক-শন্না শন্দোকপা ঙমখ্রে লোপয়ননা শেন্মীৎলোন চাউখৎহন্দুনা অমসুং লমদম অদুগী মীয়ামদা থবক পীদুনা খল মান্নবা রিজনেল গ্রোথ লৈহনবসু ঙম্লে।

স্কিম অসিনা সিক্কিমগী গেংতোক্কী মনাক্তা লৈরিবা পাকয়োং, অরুনাচল প্রদেশকী তেজু অমসুং অন্ধ্র প্রদেশকী কুর্নুল অসিগুম্বা অনৌবা গ্রীন ফিল্দ এয়রপোর্তশিং শেমগৎপসু ঙমখ্রে। স্কিম অসিনা নন-মেত্রো এয়রপোর্তশিংগী দোমেস্তিক পেসেঞ্জর শিয়রদা ৫%গী ইনক্রেমেন্তেল গ্রোথ লৈহনখি।

সিভিল এভিএসন মন্ত্রালয়না ২০২৪ ফাওবদা ভারত্তা অনৌবা এয়রপোর্ত ১০০ শানবা লোয়ননা ২০২৬ ফাওবদা উরান আর.সি.এস. স্কিমগী মখাদা অনৌবা রুৎ ১০০০ শানবা থৌরাংশিং তৌরি।

হন্দক্তা, সিভিল এভিএসন মন্ত্রালয়নাগী তেব্লোজ অসি ২০২২গী রিপব্লিক সে নুমিৎতা বেস্ত মিনিস্ত্রী তেব্লোজ তাখি।  সিভিল এভিএসন মন্ত্রালয়নাগী তেব্লোজ অসিনা মাগী মপুং ওইবা থিম ওইনা রিজনেল কন্নেক্তিবিতী স্কিম (আর.সি.এস.) – উরান (উরে দেশ কা আম নাগ্রিক) উৎখি।

****