আয়ুশ

প্রধান মন্ত্রী শ্রী নরেন্দ্র মোদীনা গান্ধীনগরদা এপ্রিল ২০দা ‘গ্লোবেল আয়ুশ ইনভেস্তমেন্ত এন্দ ইন্নোবেসন সম্মিত’ হৌদোক্লগনি

Posted On: 15 APR 2022 7:34PM by PIB Imphal

প্রধান মন্ত্রী শ্রী নরেন্দ্র মোদীনা এপ্রিল ২০, ২০২২দা গুজরাতকী গান্ধীনগরদা নুমিৎ হুমনি চত্থগদবা গ্লোবেল আয়ুশ ইনভেস্তমেন্ত এন্দ ইন্নোবেসন সম্মিত (জি.এ.আই.আই.এস.) হৌদোক্লগনি।

২০২২গী ওইনা আয়ুশ মন্ত্রালয়গী খ্বাইদগী মরু ওইবা থৌরম ওইরিবা, সম্মিত অসিদা ত্রেদিস্নেল মেদিসিনশিং অমসুং সিস্তেমশিং চাউখৎহন্নবা পাম্বৈশিংগী মতাংদা খন্ন-নৈন্নবা ইন্দস্ত্রীগী লুচিংবশিং, একাদেমিসিয়নশিং, অমসুং স্কোলরশিংনা শরুক য়াবা উবা ফংগনি। সম্মিত অসিগী শরুক ওইনা প্লেনরী সেসন ৫, রাউন্দতেবল ৮, ৱার্কশোপ ৬, সিম্পোজিয়ম ২, মশক নাইবা ৱাঙাংলোয় ৯০ অমসুং একজিবিতর ১০০না য়াওগনি। এম্বেসীশিং, ইন্দস্ত্রীশিং অমসুং মকোক থোংবা কোর্পোরেৎশিংদগী ৱাঙাংলোয় অমসুং দিপ্লোমেৎশিংনা শরুক বাগনি। ইন্তর্নেস্নেল মার্কেৎশিংদা আয়ুশকী এক্সপোর্তশিং হেনগৎহন্নবা থৌরাং কয়ামরুম খন্নগনি।

সম্মিত অসিগী পান্দমশিং অসিদা মালেমগী ওইনা ভারত অসি গ্লোবেল আয়ুশ দেস্তিনেসন ওইনা শেমগৎনবা অচৌবা ইনভেস্তমেন্তশিং লাকহনবা হায়বা অসি অমনি। হৌখিবা চহি খরা অসিদা ভারতনা ফোরেন দাইরেক্ত ইনভেস্তমেন্তশিংদা অপনবশিং লৈতবনা মরম ওইরগা অচৌবা ইনভেস্তমেন্তশিং লাকপা উবা ফংখি। আয়ুশ মন্ত্রালয়না মসি মখা চত্থবা পাম্মি অমসুং হীদাক-লাংথক্কী ত্রেদিস্নেল সিস্তেমশিং অসি মশক খঙনবা অমসুং শাহৌ লৈহন্নবা তার্গেৎ-ওরিয়েন্তেদ ওইবা থৌরাংশিং হৌদোক্নবা ফম্পাক ওইনা শীজিন্নবা পাম্মি।

থৌরম অসি লাউথোকপা অসিগী মতাংদা মহাক্কী ৱাখল্লোশিং ফোঙদোক্লদুনা আয়ুশকী কেন্দ্র মন্ত্রী, শ্রী সর্বানন্দ সোনোৱালনা হায়খি, “ভারতপু গ্লোবেল আয়ুশ দেস্তিনেসন অমা ওইহনবদা মতেং পাংগদবা ইন্নোবেসন অমসুং ওন্তপ্রনোরশিপকী মতাংদা অখন্ননা শেম্বা থৌরম অসিনা লৈবাক অসিগী মাংজিল থারিবা স্তার্ত-অপশিং, ওন্তপ্রিনোরশিং, ইনভেস্তরশিং, পোলিসীমেকরশিং অমসুং অতোপ্পা জাতি অমসুং অন্তর্জাতিগী স্তেকহোল্দরশিংবু পুশিনহনগদৌরিবা গ্লোবেল আয়ুশ ইনভেস্তমেন্ত এন্দ ইন্নোবেসন সম্মিত ২০২২ পাঙথোক্লগনি লাউথোকচবা ঙমজবা অসিদা ঐখোয়না চাউথোকচবা পোকই। আয়ুশ সেক্তরগী হৌজিক লৈরিবা মার্কেৎ সাইজ অসি ২০১৪-২০২০ ফাওবদা চহিদা ১৭% হেনগৎলকখি অমসুং মসিগী ফ্লেগশিপ থৌরম অমসুং থৌশিলশিং অসিগী খুত্থাংদা সেক্তর অসি মখা তানা মাইপাক্নবা হোৎগনি হায়না থাজবা থম্মি।”

আয়ুশ সেক্তরগী মতাংদা মহাক্কী ৱাখল্লোনশিং ফোঙদোক্লদুনা আয়ুশকী এম.ও.এস. দা. মুঞ্জপরা মহেন্দ্রভাই কালুভাইনা হায়খি, “ঐখোয়না হকচাং ফারবা অমসুং থোং মান্নরবা মতমদা ঐখোয়না ঐখোয়গী মঙলানশিং থুংহনবা ঙমগনি অমসুং খুন্নাই অসিগী শরুক ওইনা ঐখোয়গী থৌদাং পাঙথোকপা ঙমগনি। আয়ুশ সিস্তেম অসিনা হকচাং ফনা থম্নবগী দাইৎকী কাংলোনগী মতাংদা খঙহল্লি। মসিনা ঐখোয়গী তশেংবা হকচাং অদুগা রিকন্নেক্ত তৌবদা মতেং পাংনবা অচম্বা খোঙথাং কয়ামরুম তাকপীরি।”

দবল্যু.ঐচ.ও.গী গ্লোবেল সেন্তর ফোর ত্রেদিস্নেল মেদিসিন অসিগী উরেপ-উয়ুং তম্বগী থৌরম গুজরাতকী জামনগরদা এপ্রিল ১৯দা পাঙথোক্কনি। সেন্তর অসিনা মালেমগী ত্রেদিস্নেল মেদিসিন সিস্তেমশিং অসিবু অনৌবা পনখৈ তম্না পুখৎকদৌরিবা গ্লোবেল ৱেলনেসকী ইন্তর্নেস্নেল হব অমা ওইরগনি। মসিনা দবল্যু,ঐচ.ও.গী মেম্বর ওইরিবা লৈবাকশিংদা তেংবাং পীদুনা মালেম শিনবা থুংবদা হকচাং ফনা থম্নবা হোৎনগনি।

*****



(Release ID: 1817238) Visitor Counter : 161