“করিগুম্বা ঐখোয়না ঐখোয়গী খুঙ্গং অসি মশা-মউ ফবা অমা ওইহনবা পাম্লবদি ঐখোয়না মসিবু অপুনবা অমা ওইনা য়েংবা তাই। হৌজিক ফাওবদা করিগুম্বা ঐখোয়না খুঙ্গংশিংদা মশা-মউ ফনবা খল্লকপা মতমদা ঐখোয়না হোস্পিতাল অমসুং প্রাইমারী হেলথ সেন্তর খক্তমক খনখি অদুবু হৌজিক্তি ঐখোয়না খুঙ্গংগী মশা-মউ ফবগীদমক অপুনবা অমা ওইনা খল্লে। ঐখোয়না হকশেলগীদমক চপ মান্ননা মরুওইনা লৌরিবা লায়নাশিং লায়েংদুনা ফহনবা খক্তা নত্তনা ঙাকথোকপা অমসু চংলি” হায়না পঞ্চায়তী রাজ মন্ত্রালয়গী সেক্রেতরী সুনিল কুমারনা মহাক্কী ৱেলকম এদ্রেসতা হায়খি।  

অজাদি কা অমৃত মহোৎসবকী আইকোনিক ওইবা চয়োল নিংশিনবা পঞ্চায়তী রাজ মন্ত্রালয়না শিনবা নেস্নেল কনফরেন্সকী মঙাশুবা পরিংদা শ্রী সুনিল কুমারনা মশা-মউ ফবা খুঙ্গং অমসুং সমাজগী ওইবা তেক্ত-কাইদবা খুঙ্গংদা এস.দি.জি.শিংগী লোকেলাইজেসন্দা নেস্নেল কনফরেন্সতা ৱা ঙাংখি। নেস্নেল কনফরেন্স অসি রুরেল দিবলপমেন্ত মন্ত্রালয়গী সেক্রেতরী নগেন্দ্র নাথ সিংহ, ইন্দিরা গান্ধী পঞ্চায়তী রাজ অমসুং গ্রামিন বিকাস সংস্থান (আই.জি.পি.আর. অমসুং জি.ভি.এস.)জয়পুরগী, দাইরেক্তর জেনেরেল শ্রী শঙ্কর শ্রীবাস্তবা, দবল্যু.ঐচ.ও.গী লৈবাক্কী মীহুৎ, দাঃ ঐচ. ওফ্রিন, এম.ও.পি.আর.গী এদ্দিস্নেল সেক্রেতরী দাঃ চন্দ্র শেখর কুমার অমসুং এম.ও.পি.আর.গী জোইন্ত সেক্রেতরী শ্রীমতি রেখা য়াদব লোয়ননা পঞ্চায়তী রাজ মন্ত্রালয়গী সেক্রেতরী শ্রী সুনিল কুমার সিংহনা মৈ চুখৎতুনা হৌদোকখি।

বিহার অমসুং নোংপোক থংবা উত্তর প্রদেশতা মতৌ করম্না জাপানিজ এন্সেফাইলাতিস (জে.ই.)বু হেলথ সর্বিস অমসুং হেলথ ইনফ্রাস্ত্রকচর ফগৎহন্দুনা লাকশিনখিবগে হায়বদা থেংরকখিবশিং শ্রী সুনিল কুমারনা পাউদমখি। “করিগুম্বা ঐখোয়না অৱা অনা থোকহল্লিবা অমসুং লায়নাশিং অসিগী হৌরকফম অসি মুথৎলবা মতমদা ঐখোয়না মখোঙদগী হৌদুনা মশা-মউ ফবা অমা ওইবা ঙমগনি,” হায়না কেন্দ্রগী সেক্রেতরী শ্রী সুনিল কুমারনা হায়খি।

পঞ্চায়তী রাজ মন্ত্রালয়গী সেক্রেতরী শ্রী সুনিল কুমারনা মসি অমসু হায়খি মদুদি মীপুম খুদিংমক ৱাখল তাহনবা অসি অৱাবা অমা মায়োক্নবা মরম্না লোকেলগী মীওইশিংনা মখোয়গী মশাগী লোলদা পাউ ফাওনগদবনি। “ঐখোয়না মসিগী মাইকৈদা থবক তৌরি অমসুং ঐখোয়না মসিগী থেংনরিবা অৱাবা অসি মায়োক্নগদবনি। হায়রিবা অসি য়াম্না চাওবা শিংনবা অমনি অদুবু ঐহাক্না থাজৈ মদুদি মসি শোইদনা ওইথোকপা ঙমগনি।  শ্রী সুনিল কুমারনা খুঙ্গংশিংগী চাউখৎপদা হকশেলগী মরুওইবদা মরুওইবা পীখি, খুঙ্গংগী হকশেল অসি অতৈ অতোপ্পা দিপার্তমেন্থশিংগা লোয়ননা পুন্না হোৎনমিন্নরবা মতমদা ফংবা ঙমগনি। মহাক্না অপেনবা ফোংদোকখি মদুদি ভারত সরকারগী মন্ত্রালয় ২৬ অমসুং দিপার্তমেন্তশিংনা এস.দি.জি.গী পন্থুং ফংনবা অমসুং হকশেল অসি মরুওইবা মিৎয়েং চংগদবা অমা ওইনা ৱারেপ লৌদুনা পুন্না চংশিনমিন্নরি।

থৌরম অসিদা ৱা ঙাংলদুনা রুরেল দিবলপমেন্ত মন্ত্রালয়গী সেক্রেতরী, শ্রী নগেন্দ্রনাথ সিংহনা হায়খি মদুদি হকচাং ফবা হায়বা অসি লায়েংবা, অদোম্না চা-থক্লিবা, লু-নানবা, মীওই অমনা মশা-মউ ফনবা তৌরিবা পুম্বা খক্তা নত্তে। মসিবু ফংনবগীদমক গ্রাম পঞ্চায়তশিংনা য়াম্না মরুওইবা থৌদাংশিং লৌরি। গ্রাম পঞ্চায়ত অমসুং রুরেল লোকেল বোদীশিংগী মীহুৎ খুদিংমক্না হায়রিবা পান্দম অসিগীদমক খুঙ্গংগী থাক্তগী খনগদবনি। “করিগুম্বা ঐখোয়না খনবিরবদি ঐখোয়গী পাউরৌশিংদা ঐখোয়বু হকচাং ফনা থম্বা ঙম্বা থায়নগী ওইবা লৌশিং কয়া অমা লোৎতুনা লৈরি। ঐখোয়না মশা-মউ ফবা খুঙ্গং অমগী পান্দম ফংনবগীদমক চহিচা কয়া লৈরক্লবা লোকেলগী ওইবা লৌশিং শিজিন্নগদবনি,” হায়না দাঃ নগেন্দ্রনাথ সিংহনা মহাক্কী ৱা ঙাংবদা হায়খি।

শ্রী নগেন্দ্রনাথ সিংহনা হায়খি মদুদি ঙসিসু খুঙ্গংগী মীওইশিংনা হকচাং ফনবগী মরমদা লৌশিং মপুং ফানা লৈরি অমসুং মখোয়না মখোয়গী লৌশিং অমসুং থেংনরকপশিংনা মীয়ামগী হকশেলবু তেক্ত-কাইদনা থম্বা ঙম্মী। লাতুর দিস্ত্রীক্তা খুদম অমা পীরদুনা, মহাক্না পাউদমখি মদুদি মখোয়না ইচম চম্বা কোম তৌদুনা মেলারিয়া মুথৎখি। অসিগুম্বা ইচম চম্বা খোঙথাংশিং লৌখৎতুনা খুঙ্গংগী মশা-মউ ফনবা মতেং পাংবা য়াই।  

শ্রী সিংহা পঞ্চায়তকী মীহুৎশিংদা পাউতাক পীখি মদুদি মখোয়না মখোয়গী খুঙ্গংগী অশোনবা, থবক শুবা ঙমদ্রবা, অহল ওইরবা নত্ত্রগা অনাবশিংগী মরমদা হেন্না লুম্না লৌগদবনি অমসুং খুঙ্গং পুম্বা মশা-মউ ফবা অমা ওইনবা মখোয়বু মখোয়গী ইমুংমক্নি খন্না লোয়নগদবনি হায়খি।  

থৌরম অসিদা, পঞ্চায়তী রাজ মন্ত্রালয়গী সেক্রেতরী শ্রী সুনিল কুমার অমসুং ভারতকী ৱার্ল্দ হেলথ ওর্গানাইজেসন (দবল্যু.ঐচ.ও.)গী লৈবাক্কী মীহুৎ, দাঃ রোদেরিকো ওফ্রিন্না থৌরম অসিবু নিংশিংনবা অমসুং মতুংদা অসিগুম্বা চিং-লেম্লবা থবক অসিবু পুন্না পাংথোকমিন্নবা জোইন্ত স্তেতমেন্ত ওফ আন্দস্তেন্দিং অমা খুৎয়েক পীনখি। আই.জি.পি.আর. অমসুং জি.ভি.এস.কী দি.জি. শ্রী রবি শঙ্কর শ্রীবাস্তবা অমসুং পঞ্চায়তী রাজ মন্ত্রালয়গী সেক্রেতরীনসু পঞ্চায়তকী মচাকশিং ব্রাইল স্ক্রীপতা ফোংখি অমসুং কনাগুম্বা অমত্তা চীত্থহৌদনবা লোল খুদিংদা হন্দোক্নবসু হায়খি।

“মহাত্মা গান্ধীনা হায়বিখি মদুদি ভারতকী থৱায়দি খুঙ্গংদা লৈ অমসুং মসিমক মতিক চানা চুম্মী, ঐখোয়না খুঙ্গংদা লৈরিবা মীপুম খুদিংমক্তা য়ৌশিনবগী তঙাইফদবা লৈ” হায়না দাঃ ওফ্রিন্না হায়খি। মহাকপু বার্তোন তৌবিরকপগীদমক এম.ও.পি.আর.গী সেক্রেতরী অমসুং পঞ্চায়ত রাজকী মন্ত্রালয়বু থাগৎপা ফোংদোক্লদুনা দাঃ রোদেরিকো ঐচ. ওফ্রিন্না হায়খি মদুদি মখোয়না মতম শাংনা হেলথ অমসুং ফেমিলী ৱেলফিয়রগী মন্ত্রালয়গা মরী লৈরক্লে অমসুং খুঙ্গংগী থাক্তা মখোয়গী প্রোগ্রামশিং অমসুং পোলিসীশিং পায়খৎপদা পঞ্চায়তী রাজ মন্ত্রালয়গা থবক তৌমিন্নবদা য়াম্না নুঙাইবা অমা ওইরগনি।  

শরুক য়ারিবা পঞ্চায়তকী মীহুৎশিংগী কান্নবা ফংনবা নাগালেন্দগী ত্রেদিস্নেল লোকেল বোদী ওইরিবা চংসুদগী মশা-মউ ফবা খুঙ্গং অমগী মথক্তা নম্বা ফিল্ম অমসু উৎখি।

প্রোগ্রামগী তেক্নিকেল সেসন-১ পুথোক্তুনা হেলথ অমসুং ফেমিলী ৱেলফিয়র মন্ত্রালয়গী ফিত ইন্দিয়াগী দাইরেক্তর, শ্রী এম.এ. বলাসুব্রমান্যনা হেলথ সর্বিস্তা পঞ্চায়ত রাজ ইন্সতিত্যুসনগী থৌদাংশিং মরীক চুম্না তাকখি। ৱার্ল্দ হেলথ ওর্গানাইজেসন (দবল্যু.ঐচ.ও.)গী লৈবাক্কী মীহুৎ, দাঃ রোদেরিকো ওফ্রিন্না লৌনগনবা অমসুং লৌনগন্দবা লায়নাগী মরমদা অমসুং মসিবু ঙাকথোক্নবগী মরমদা মরীক চুম্না শন্দোক্না তাকখি।  

হেলথ অমসুং ফেমিলী ৱেলফিয়র মন্ত্রালয়গী সেক্রেতরী শ্রী রাজেশ ভুশন্না লৌনগনবা অমসুং লৌনগন্দবা লায়না মীওইবগী পুন্সিদা অকাইবা কয়া পীবা অমসুং মতৌ করম্না মন্ত্রালয় অসিনা লৌনগনবা লায়না অসিবু লাকশিনবদা মায় পাকখিবগে হায়বা মরীক চুম্না শন্দোক্না তাকখি। মশা-মউ ফবা খুঙ্গংগী থীমদা মরী লৈনবা ভিদিও প্রজেন্তেসনশিং আন্দমান অমসুং নিকোবর ইথৎকী রাজ্যশিং অমসুং য়ু.তি.শিং, বিহার, গুজরাত অমসুং রাজস্থান্না উৎখি অমসুং খনগৎলবা মীহুৎশিং, মরুওইনা সর্পনচ/গ্রাম পঞ্চায়তকী মুখিয়ানসু মশা-মউ ফবা খুঙ্গং অমসুং সমাজগী ওইবা তেক্ত-কাইদবা খুঙ্গংদা মিৎয়েং থম্বা থীমশিংদা লেঙদবা চাউখৎ থৌরাংগী পান্দম ফংনবা মখোয়গী থেংনরকপশিং শিয়র তৌখি।   

অনিশুবা তেক্নিকেল সেসন্দা, সোসিএল জস্তিসকী মন্ত্রালয়, রুরেল দিবলপমেন্তগী মন্ত্রালয়, হেলপ এজ ইন্দিয়া অমসুং আই.আই.তি. দিল্লীগী ৱাঙাংলোইশিংনা মখোয়গী মন্ত্রালয়গী স্কীমশি অমসুং হিরম অসিদা পুন্না থেংনগদবশিংগী মরমদা খন্নখি। মখা তানা, সোসিএল সেক্যুর ভিলেজশিংগী মরী লৈনবা ভিদিও প্রজেন্তেসনশিং আন্ধ্র প্রদেশ, আসম, কেরলা, ঝরখন্দ অমসুং উত্তরাখন্দগী রাজ্যশিংনা উৎখি অমসুং মীহুৎশিংনা মখোয়গী পঞ্চায়ত্তা মখোয়না থেংনরকপা শিয়র তৌখি।

মশা-মউ ফবা খুঙ্গং অমসুং সমাজগী ওইবা তেক্ত-কাইদবা খুঙ্গংদা এস.দি.জি.শিং লোকেলাইজেসন্দা নেস্নেল কনফরেন্স অসিদা লৈবাক অসিগী অজাদি কা অমৃত মহোৎসবতা পঞ্চায়তী রাজ মন্ত্রালয়না আইকোনিক ওইবা চয়োল পাংথোকপা অসিদা পঞ্চায়তকী মীহুৎশিংনা থৱায় য়াওনা শরুক য়াবা উখি।

 

**********

(Release ID: 1817236) Visitor Counter : 111