জম্মু য়ুনিভর্সিতীগী নৌনা খল্লবা ভাইস-চাঞ্চেলর, প্রোফেসর উমেশ রাইনা সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সনেল, পব্লিক গ্রীভান্সেস, পেনসন্স, এতোমিক ইনর্জী এন্দ স্পেস, দা. জিতেন্দ্র সিংহগা উনখ্রে অমসুং দা. জিতেন্দ্র সিংহগী মীৎয়েং মখাদা কেন্দ্রগী সাইন্স অমসুং তেক্নোলোকী মন্ত্রালয়না হৌদোকখিবা অনৌবা মহৈরোয় অমসুং নহারোলগা মরী লৈনবা স্তার্তঅপ অমসুং অতোপ্পা প্রোজেক্ত, স্কোলরশিপ, ফেলোশিপ কয়ামরুমদা য়ুনিভর্সিতী অসিগী মহৈরোয়শিং য়াওহন্দুনা অমসুং এনরোল তৌদুনা সাইন করিকুলম ইন্তিগ্রেসন তৌনবা হায়খ্রে।

ভাইস চাঞ্চেলর ওইনা ৱাশক লৌরবা মতুংদা মন্ত্রীগা অহানবা ওইনা উনবা অসিদা, হৌজিক পাইরিবা ফম অসিগী মমাংদা দিল্লী য়ুনিভর্সিতীদা প্রোফেসর ওইরম্বা প্রোফেসর রাইনা মহাক্না দা. জিতেন্দ্র সিংহগী প্রোএক্তিব অমসুং আউত-ওফ-বোক্স এপ্রোচ অসি তুং ইন্দুনা লাকখি, মসিদা মহাক্না অনকনভেন্সনেল ওইবা ৱারেপ খরা লৌখি খুদম ওইনা মন্ত্রালয়শিং অমসুং বিভাগশিংবু অম্ব্রেলা অমগী মখাদা ইন্তিগ্রেৎ তৌরি হায়না ফোঙদোকখি।

মহাক্না দা. জিতেন্দ্র সিংহনা সাইন্সকা মরী লৈনবা তোঙান-তোঙানবা বিভাগ অমসুং মন্ত্রালয়শিং মমিং ওইনা পল্লবদা, সাইন্স এন্দ তেক্নোলিজী, বাইওতেক্নোলোজী, কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.), আর্থ সাইন্সেস, ইন্দিয়া মেতিওরোলোজিকেল দিপার্তমেন্ত (আই.জেম.দি.), এতোমিক ইনর্জী অমসুং স্পেস হায়রিবশিং অসিগী ওইবা অপুনবা মীফমশিং পাঙথোক্নবা লৌখিবা ৱারেপ অদু থাগৎনীংঙাই ওই হায়না ফোঙদোকখি। মসিগী ইন্তিগ্রেসন অসিনা রিসর্চ প্রোজেক্তশিংদা ওভরলেপ্পিং অমসুং রিসোর্স মাংহনবা হন্থহনবদা অফবা ফলশিং পুরকপা ঙমগনি।

ভাইস চাঞ্চেলরনা দা. জিতেন্দ্র সিংহদা য়ুনিভর্সিতী ওফ জম্মুগী মহৈরোয়শিংবু মন্ত্রালয় অসিদা মহাক্কী লুচিং মখাদা হৌদোকখিবা ফ্যুচরিস্তিক সাইন্স প্রোজেক্ত খরদা য়াওহনবীনবা হায়জখি। মসিনা পরিফেরেল রিজন অসিদা লৈরিবা মহৈরোয়শিংদা এক্সপোজর হেন্না ফংহনবা ঙমগনি হায়না মহাক্না ফোঙদোকখি।

দা. জিতেন্দ্র সিংহনা হায়খি ভারত সরকারদা মহাক্না প্রধান মন্ত্রী নরেন্দ্র মোদীগী লুচিং মখাদা প্রমোৎ তৌনবা হোৎনরিবা ইন্তিগ্রেতেদ এপ্রোচ অমগীদমক প্রপোজেলগা লোয়ননা ভাইস চাঞ্চালর মশামক্না লাকপা অসিদা নুংঙাইবা পোকই। মন্ত্রীনা বিভাগশিংদা তোখাই-তোখাইবা প্রোজেক্তশিং পাইখৎতনবা অমসু থিমশিংদা য়ুম্ফম ওইবা প্রোজেক্তশিং অমসুং থিমশিং অসিগী মতুং ইন্না মান্নবা এজেন্দা অমগীদমক তোঙান-তোঙানবা মরী লৈনবা বিভাগশিং অমসুং মন্ত্রালয়শিংনা পুনশিন্নবা হায়খি হায়না ফোঙদোকখি।

মসিগা ইরোইনানা, দা. জিতেন্দ্র সিংহনা য়ুনিভর্সিতী অসিদা তৌখিবা রিসর্চ অসি স্তার্তঅপশিংগা লিঙ্ক তৌগদবনি অমসুং স্তার্তঅপশিং অসি সস্তেনেবল ওইহন্নবা একাদেমিক স্ত্রীমশিং খক্তা নত্তনা ইন্দস্ত্রীনসু পুন্না পুনশিন্দুনা রিসোর্সশিংগী চপ মান্নবা ইনভেস্তমেন্তশিং তৌবগা লোয়ননা চপ মান্নবা স্তেকহোল্দরশিং ওইবা তাই হায়না ফোঙদোকখি।

দা. জিতেন্দ্র সিংহনা ভাইস চাঞ্চেলরদা সাইন্স এন্দ তেক্নোলোজী বিভাগনা ওজা অমনা পোতেন্সিএল স্কোলর অমগী থৌদাং লৌদুনা তোঙান-তোঙানবা কোলেজ অমসুং য়ুনিভর্সিতী মহৈরোয়শিংগীদমক মেন্তরশিপ প্রোগ্রাম অমা হৌদোকখি অমসুং হিংনবগী লম্বীগা মরী লৈনবা সস্তেনবেল স্তার্তঅপ এক্তিবিতীগীদমক মহাকপু মখোঙ শোম্বীরি হায়না পাউদমখি।

দা. জিতেন্দ্র সিংহনা এজুকেসন্দা তেক্নোলোজীগী ওইবা খোঙথাংশিং লৌখৎপা অসিনা মীরোল অসিগী মহৈরোয়শিংদা কান্নবা অমা পীরি হায়খি অমসুং প্রোফেসর রাইদা ইনফোর্মেসন, এভেন্যুশিং, পাম্বৈশিং অমসুং তেলেন্ত এক্সেসিবিলিতী লৈবনা মরম ওইদুনা খোঙজেল য়াংনা মাংদা চংশিল্লিবা মহৈরোয়শিংগা চান্নবা মওংদা ফেকলতী থম্নবা হায়খি। মহাক্না ঙসিগী এজুকেসনিস্তশিংগী থৌদাং অসি দিগ্রী অমা পীবা খক্তা নত্তে অদুবু ইজ ওফ লিবিং ফংবা ঙম্নবা তাকপী-তম্বীগদবনি, হায়রিবা অসি নহারোলশিংনা সরকারগী থবকশিং ঙাইবগী মহুৎ মহাক মশাগীদমক হিংনবা সস্তেনেবল স্তার্ত-অপ সোর্স অমা ফংলবা মতমদা খক্তা ওইথোক্কনি হায়না অকনবা ৱাফম থমখি।

দা. জিতেন্দ্র সিংহনা জম্মু অসি অৱাং ভারতকী এজুকেসন হব ওইনা খোঙজেল য়াংনা চাউখৎলক্লি হায়খি। মহাক্না ইন্দিয়ন ইন্সতিত্যুত ওফ তেক্নোলোজী, ইন্দিয়ন ইন্সতিত্যুতোদ মাস কম্ম্যুনিকেসন, এম্স, ইন্দিয়া ইন্তিত্যুত ওফ ইন্তিগ্রেতিব মেদিসিন,ভাদেরৱাহদা লৈবা নেস্নেল ইন্সতিত্যুত ওফ হায় অলতিত্যুদ মেদিসিন, কাথুৱাদা লৈবা ইন্দস্ত্রিএল বাইওতেক পার্ক, সেন্ত্রেল য়ুনিভর্সিতীদা লৈবা অৱাং ভারতকী অহানবা স্পেস সেন্তর অসিগুম্বা জম্মুগী তোঙান-তোঙানবা এজুকেস্নেল ইন্সতিত্যুসনশিংগী মরক্তা চাউনা ইন্তিগ্রেসন তৌনবা হায়খি।

নেস্নেল এজুকেসন পোলিসী-২০২০গী হীরমদা পল্লদুনা দা জিতেন্দ্র সিংহনা ঙসি এন.ই.পি.-২০২০গী পান্দম মখল অনি অসিনা চহি কয়া লৈরক্লবা শশোইবশিং শেমদোকপা অমসুং হৌজিক্কী ওইনা মালেমদা চৎনরীবশিং অসিগা চান্ননা চৎমিন্ননবা কন্তেম্পোররী প্রোবিজনশিং পুথোকপা অসিনি হায়খ্রে।

<><><><><>