ایک ایسے وقت میں جب وزیراعظم کی جانب سے ‘‘ میٹ دی چمپئنز’’ کی منفرد مہم پورے ملک میں بتدریج مستحکم ہو رہی ہے، جس میں اسکولوں کا دورہ کیا جاتا ہے۔ مایہ ناز شوٹر سنگھ راج  ادھانا نے اسے مزید آگے بڑھایا اور 12 اپریل کو جموں و کشمیر کے طلبہ تک پہنچے۔

پیرا اولمپکس میں 2 تمغے حاصل کرنے والے سنگھ راج نے جو پیرا اولمپکس 2021 سے چند مہینے پہلے کووڈ-19 سے متاثر ہو گئے تھے، متوازن خوراک کی اہمیت پر روشنی ڈالی، جس سے قوت مدافعت مضبوط ہوتی ہے اور جسم صحت مند رہتا ہے۔

انہوں نے کہا کہ صحت مند جسم اور پختہ ارادے کے ساتھ ہم آدھی لڑائی تو پہلے ہی جیت جاتے ہیں اور میں نے بچپن سے یہی سیکھا ہے۔

وزیراعظم نریندر مودی کی مہم کو سراہتے ہوئے پیرا اولمپکس میڈلسٹ نے کہا کہ بچے کسی بھی ملک کا مستقبل ہوتے ہیں اور    اس طرح کے پروگرام انہیں بہتر اور چاق و چوبند بنانے کے لئے تغذیہ کا کام کرتے ہیں۔ادھانا نے کہا کہ  یہ وزیراعظم کی طرف سے شروع کیا گیا قابل ذکر پروگرام ہے، جس سے میرے خیال میں ہندوستان کے بچوں کو    متوازن خوراک     اور تغذیہ کے بارے میں    براہ راست     جانکاری حاصل ہوتی ہے۔ اس کے ساتھ ہی ساتھ اس سے ہم جیسے ایتھلیٹوں کو ان بچوں سے ملنے اور ہمارے سفر کے بارے میں اور تغذیہ اور سوچ کے بارے میں سوالوں کے جوا ب دینے کا موقع ملتا ہے۔

انہوں نے کہا کہ مجھے رام نگر کی مقدس زمین پر آکر بے حد خوشی ہوئی ہے اور انہوں نے جس طرح سے میری میزبانی کی اور طلبہ نے جو جوش و خروش دکھایا اس سے میں بہت متاثر ہوا ہوں۔

کھیلوں، خوراک اور فٹنس پر بات چیت کے علاوہ پیرا اولمپکس کھلاڑی نے طلبہ کے ساتھ والی بال بھی کھیلا، جس سے طلبہ میں بہت زیادہ جوش و خروش بھر گیا۔ گورنمنٹ ماڈل  ہائر سکنڈری اسکول، رام نگر کی  گیارہویں کلاس کی طالبہ مسکان نے کہا کہ یہ ایک یادگار تجربہ تھا، جب ہمیں ان سے ملنے کا موقع ملا اور ان کے مشورے ہمیں صرف آج نہیں، بلکہ آنے والے برسوں میں   بھی مدد یتے رہیں گے۔

 

اسی دوران گورنمنٹ ماڈل ہائر سکنڈری اسکول، رام نگر، اودھم پور ضلع، جموں و کشمیر میں ہونے والے اس پروگرام میں ریاست بھر کے 75 اسکولوں سے 200 شرکاء آئے۔

 

یہ منفرد پروگرام نوجوانوں کے امور اور کھیل کود کی وزارت اور   وزارت تعلیم نے مشترکہ طور پر منعقد کیا ہے اور حکومت  کے آزادی کا امرت مہوتسو کا حصہ ہے۔

****************************

ش ح-ع س-ک ا

U-4249

 

(ریلیز آئی ڈی: 1816510) وزیٹر کاؤنٹر : 149