کلیدی جھلکیاں

• آبی گزرگاہوں کے کنکلیو سے خطاب کرتے ہوئے، عزت مآب وزیر جناب جی کشن ریڈی نے کہا کہ سڑک، ریل اور ہوائی رابطہ کے ساتھ، آبی گزرگاہوں کے کنیکٹیویٹی کو ترقی دی جا رہی ہے ایسا پہلے کبھی نہیں ہوا تھا۔
• انہوں نے مزید کہا کہ حکومت نے 20 قومی آبی گزرگاہوں کا اعلان کیا ہے۔ہندوستان میں شمال مشرق ، خطے میں سستی اور زیادہ پائیدار ٹرانسپورٹ کنیکٹیویٹی کے لیے یہ ایک بڑی مدد فراہم کرے گا۔
• ایکٹ ایسٹ پالیسی کے لیے آبی گزرگاہوں کی ترقی اہم ہے۔ کالادن ملٹی ماڈل ٹرانزٹ ٹرانسپورٹ پروجیکٹ،علاقائی کنیکٹیویٹی کے لیے ایسٹرن واٹر ویز کنیکٹیویٹی ٹرانسپورٹ گرڈ وغیرہ جیسے اقدامات ہندوستان کی ایکٹ ایسٹ پالیسی میں ایک نئے باب کا اضافہ کر رہے ہیں۔
• آبی گزرگاہوں کی ترقی بے پناہ قدرتی صلاحیت سے فائدہ اٹھانے کے لیے ضروری ہے اور ان کی ترقی کا انجن ثابت ہو سکتی ہے اس سے خطے میں مزید سرمایہ کاری ہو گی، روزگار کے مواقع پیدا ہوں گے۔
• آبی گزرگاہوں کی ترقی خطے میں سیاحت کے لیے گیم چینجر ثابت ہو سکتی ہے۔ روایتی آبی گزرگاہوں پر کروز ٹورزم اور ہیریٹیج ٹورزم جیسے ابھرتے ہوئے علاقوں کو استعمال کرنے کی ضرورت ہے۔

شمال مشرقی خطے کی ترقی، سیاحت اور ثقافت کے مرکزی وزیر جناب جی کشن ریڈی نے آسام کے ڈبرو گڑھ میں منعقدہ واٹر ویز کنکلیو 2022 سے عملی/ورچوئل طور پر خطاب کیا۔ مرکزی وزیر نے خطہ میں آبی گزرگاہوں کے رابطوں کو بڑھانے کے لیے کیے جانے والے مختلف اقدامات پر روشنی ڈالی اور یقین ظاہر کیا کہ یہ خطے کی ترقی کی کہانی میں ایک نئے باب کا اضافہ کرے گا۔

انہوں نے کہا کہ وزیر اعظم نریندر مودی نے شمال مشرقی خطہ کو ہندوستان کی ترقی کے انجن کے طور پر قائم کرنے کے وژن کو حاصل کرنے کے لیے کنیکٹیویٹی پر بے مثال توجہ دی ہے۔ انہوں نے کہا کہ سڑک، ریل اور ہوائی رابطوں کے ساتھ ساتھ آبی گزرگاہ کو بھی پہلے کی طرح تیار کیا جا رہا ہے۔

انہوں نے اس بات پر روشنی ڈالی کہ پی ایم گتی شکتی پہل، شمال مشرق کو کنیکٹیویٹی کے مرکز میں تبدیل کرے گی اور برہمپتر پر کارگو کی تیز رفتار نقل و حرکت کو یقینی بنائے گی، جو بنگلہ دیش میں گنگا سے ملتی ہے۔ مزید یہ کہ حکومت نے 20 قومی آبی گزرگاہوں کا اعلان کیاہے۔ وزیر موصوف نے کہا کہ شمال مشرق میں ہندوستان، خطے میں سستی اور زیادہ پائیدار ٹرانسپورٹ کنیکٹیویٹی کے لیے ایک بڑی مدد فراہم کرے گا۔

مرکزی وزیر نے ہندوستان کی ایکٹ ایسٹ پالیسی کو آگے بڑھانے میں آبی گزرگاہوں کے رابطے کے ذریعے ادا کیے گئے اہم کردار پر بھی غور کیا۔ انہوں نے کہا کہ اس سے خطے میں غیر استعمال شدہ تجارتی صلاحیت سے فائدہ اٹھانے میں مدد مل سکتی ہے۔ وزیرموصوف نے کالادن ملٹی ماڈل ٹرانزٹ ٹرانسپورٹ پروجیکٹ، علاقائی کنیکٹیویٹی کے لیے ایسٹرن واٹر ویز کنیکٹیویٹی ٹرانسپورٹ گرڈ وغیرہ کا بھی حوالہ دیا جو ہندوستان کی ایکٹ ایسٹ پالیسی میں ایک نئے باب کا اضافہ کررہے ہیں۔

وزیرموصوف نے اس حقیقت کی طرف بھی توجہ مبذول کروائی کہ شمال مشرق کی آٹھ ریاستوں کی بے پناہ فطری صلاحیتوں سے فائدہ اٹھانے کے لیے آبی گزرگاہوں کی ترقی بے حد ضروری ہے۔ انہوں نے مزید کہا کہ آبی گزرگاہیں حقیقی معنوں میں اپنی ترقی کا انجن ثابت ہو سکتی ہیں اس سے خطے میں مزید سرمایہ کاری ہو گی اور روزگار کے مواقع پیدا ہوں گے۔

جناب ریڈی نے کہا کہ آبی گزرگاہوں کی ترقی سے خطے میں سیاحت کے لیے نئی راہیں کھلیں گی۔ انہوں نے کروز ٹورزم اور ریور ہیریٹیج ٹورزم کی مثال دی جو پہلے ہی مقبولیت کے لحاظ سے تیزی سے بڑھ رہی ہیں۔ انہوں نے کہا کہ آبی گزرگاہوں کی ترقی سیاحت کے شعبے کے لیے گیم چینجر ہونے کی صلاحیت رکھتی ہے۔

انہوں نے مزید کہا کہ شمال مشرقی ریاستوں کی ترقی کی کہانی میں یہ دلچسپ وقت ہے اور ہم نے ان کی ترقی اور ترقی کے لیے اس طرح کی کثیر جہتی اور مسلسل کوششیں پہلے کبھی نہیں دیکھی تھیں۔

*****

 

 

U.No:4194

ش ح۔ش ت۔س ا

(Release ID: 1816194)