কিলোমীতর ২০০০গী রেদিয়র্সকী মনুংদা, ঐখোয়দা মীওই মিলিয়ন ৮০০গী অপুনবা মীশিং লৈরিবা অচৌবা শহরশিং লৈবনা, ৱাতরৱেজ অসিনা ঐখোয়গী নহা ওইরিবা ওন্তরপ্রিনরশিংদা অচৌবা খুদোংচাবশিং ফংহনগনি হায়না ঙসি পোর্তস, শিপ্পিং অমসুং ৱাতরৱেজকী কেন্দ্র মন্ত্রী শ্রী সর্বানন্দ সোনোৱালনা ফোংদোকখি৷

ফেদেরেসন ওফ ইন্দিয়ন চেম্বর্স ওফ কম্মর্স এন্দ ইন্দস্ত্রী (এফ.আই.সি.সি.আই.) অমদি আই.সি.সি.না ইন্দস্ত্রী পার্তনর ওইদুনা পোর্তস শিপ্পিং অমসুং ৱাতরৱেজ মন্ত্রালয় অমদি ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.ই.)না অসামগী দিব্রুগরদা শিনখিবা নুমিৎ নিনিগী থৌরম অমা ওইরিবা ৱাতরৱেজ কনক্লেব ২০২২ হৌদোকপগী থৌরমদা ৱা ঙাংলদুনা, ইশিংগী ইকোসিস্তেমদা খ্বাইদগী ফবা অমদি হোলিস্তিক ওইবা মওংদা দিবেলপমেন্ত পুরক্তুনা ঐখোয়গা য়ুমথংনরিবা লৈবাকশিংগা লোইননা ঐখোয়না অফবা করবারগী মরীশিং থম্বা ঙমগনি হায়না মহাক্না ফোংদোকখি৷

ৱাতরৱেজ সেক্তরদা সরকার অসিগা প্রোএক্তিবলী পার্তনর ওইনবা অমদি প্রধান মন্ত্রী শ্রী নরেন্দ্র মোদীগী অত্মনির্ভর ভারতকী মংলানদা কন্ত্রিব্যুত তৌরক্নবা মন্ত্রীনা ইন্দস্ত্রীবু  কৌখি৷

অসামগী মুখ্য মন্ত্রী শ্রী হিমন্ত বিস্বা শর্মগী ৱারোলদা, মহাক্না অসুম্না ফোংদোকখি মদুদি অসামনা পেসেঞ্জরশিংদা সেফ ওইবা অমসুং হেন্না খুদোংচাবা সর্ভিসশিং ফংহন্নবা অসাম ইনলেন্দ ৱাতর ত্রান্সপোর্ত কোতি ৭৭০গী প্রোজেক্ত চৎনরি৷ অৱাং-নোংপোক্তা ৱাতরৱেজ ইকোসিস্তেম দরকার ওইরিবা অদুগী মতাংদা পল্লদুনা, ভারতকী ৱাতর রিসোর্স পোতেন্সিয়েলগী ৩০%রোমদি ব্রহ্মপুত্র বেসিনদা লৈরি অমদি ৱাতরৱেজ শিজিন্নদুনা কার্গো মুবমেন্ত তৌবা অসিনা কংফানগী লম্বীশিং শিজিন্নদুনা কার্গো ত্রান্সপোর্তেসনদা মখা পোল্লম্বা অদু চাওনা হন্থহল্লগনি মহাক্না ফোংদোকখি৷ “ৱাতরৱেজ শিজিন্নদুনা চাং নাইনা কার্গো মুবমেন্ত তৌবনা থবক্কী খুদোংচাবশিং ফংহনগনি অমদি কোস্ত-ইফেক্তিব ত্রান্সপোর্তকী খুৎথাংদা লোকেল প্রদক্তশিংগীদমক মালেমগী কৈথেল হাংদুনা লৈহনগনি ”, হায়না মহাক্না ফোংদোকখি৷

লোজিস্তিক ইফিসিয়েন্সী ফংনবগী তঙাই ফদবা অদু পল্লদুনা, রোদ ত্রান্সপোর্ত অমসুং হাইৱেজকী কেন্দ্র মন্ত্রী শ্রী নিতিন গদকরিনা মহাক্কী ভর্চুএল ৱারোলদা ফোংদোকখি মদুদি চাইনাদা লোজিস্তিক কোস্ত অসি ৮দগী ১০% (পোৎ-চৈগী মমলদা) ফাওবনি, য়ুরোপিয়ন লৈবাকশিংদা ১০-১২%নি অমদি য়ু.এস.এ.দা ১২%রোম অমসুং ভারত্তা ১৬%নি৷

ৱাতরৱেজশিং অসি কংফানগী লম্বীশিং অমদি রেলৱেজকা চাংদম্নবা মতমদা খ্বাইদগী কোস্ত ইফেক্তিব ওইবা ত্রান্সপোর্তকী মেদিয়ম ওই হায়না মন্ত্রীনা ফোংদোক্লদুনা, "লোজিস্তিক কোস্ত অসি হেক য়েংশিল্লিবা মখৈ, ৱাতরৱেজকী লোজিস্তিক ইফিসিয়েন্সীশিং অসি ঐখোয় ময়াম পুম্নমক্কী অরোইবা মিসন ওইরি", মহাক্না মখাতাখি৷

অৱাং-নোংপোক্তা রেচরেল রিসোর্সশিং মরাং-কাইনা ফংলিবা অসিগী পোতেন্সিয়েল অসি মংফাওনহনবদা ৱাতরৱেজশিং অসিনা চাওনা মতেং পাংগনি হায়না দিবেলপমেন্ত ওফ নোর্থ ইস্তর্ন রিজনগী কেন্দ্র মন্ত্রী শ্রী জি. কিসন রেদ্দীনা মহাক্কী ভর্চুএল ৱারোলদা ফোংদোকখি৷

লৈবাকশিদা রেল,রোদ অমসুং ৱাতরৱেজশিং য়াওরিবা লোজিস্তিক মিক্সতা হেক য়ারিবমখৈ ৱাতরৱেজ সেক্তরগী সেয়রবু ৱাংহন্নবা ঐখোয়না শোইদনা হোৎনগনি হায়না কম্ম্যুনিকেসন্স, ইলেক্ত্রোনিক্স অমসুং ইনফোর্মেসন তেক্নোলোজীগী কেন্দ্র মন্ত্রী শ্রী অশ্বিনী বৈষ্ণনা ফোংদোকখি৷ "ফ্যুল লিতর অমনা ফ্রৈইত তন অমা ত্রান্সপোর্ত তৌগনি, কংফানগী লম্বীনা কিলোমীতর ২৪, রেলনা কিলোমীতর ৯৫ অমসুং ৱাতরৱেজনা কিলোমীতর ২১৫ তৌগনি", হায়না মন্ত্রীনা ফোংদোকখি৷

ভুতান অমদি ভারতকী মরক্তা ললোন-ইতিক তৌবা হেনগৎলক্লি অমদি ইকোনোমীগী স্কেলদা য়েংলগা অচৌবা পোতেন্সিয়েল লৈরিবা অসাম অমদি নোংপোক থংবা ভুতানগী মরক্তা লৈরিবা লিঙ্ক অদুবু ফগৎহন্নবগী থবক তৌমিন্ননবা স্তেকহোল্দরশিংবু কৌখি হায়না ভুতানগী রোয়েল গভর্মেন্তকী ইকোনোমিক এফিয়র্স মন্ত্রী লিওনপো লোকনাথ শর্মনা ফোংদোকখি৷ "ৱাতরৱেজ শিজিন্নবা অসিনা পাউখুম ওইরি", হায়না মহাক্না ফোংদোকখি অমদি "ঐখোয়না রিজনেল কন্নেক্তিবিতীদা মাই ওনশিল্লক্লি" হায়না মহাক্না মখাতাখি৷

বঙ্গলাদেশতা লৈরিবা ৱাতরৱেজশিংগী ইকোসিস্তেমগী পোতেন্সিয়েলবু পল্লদুনা, বঙ্গলাদেশ সরকারগী শিপ্পিংগী রাজ্য মন্ত্রী খালিদ মহামুদ চৌধুরীনা হায়খি মদুদি "বঙ্গলাদেশতা তুরেল ৭০০ লৈ, মসিগী মনুংদা ৫৪দি বঙ্গলাদেশ অমদি ভারতকী মরক্তা লৈরিবা ঙমখৈদা লৈ"৷ ভর্চুএল ওইনা পুল্লিবা অদুদা ৱা ঙাংলদুনা, শ্রী চৌধুরীনা হায়খি মদুদি বঙ্গলাদেশকী নেবিগেবল ওইবা ৱাতরৱেজগী কি.মি. ৮৪৮০রোমদি বঙ্গলাদেশ, ভারত, নেপাল অমদি ভুতানগী মরক্তা পোৎ-চৈশিং পুথোক-পুশিন তৌবা অমদি য়েন্থোকপদা শিজিন্নবা য়াই"৷

ভারতকী অৱাং-নোংপোক লমদমদা লৈরিবা ঙমখৈশিংগী ৯৯%রোমদি ইন্তরনেসনেল বাউন্দরীশিং ওইরি অমদি “বে ওফ বেঙ্গলগী প্রোক্সিমিতী অসি এক্সপ্লোর তৌবা অমদি শিজিন্নবা”গী তঙাই ফদবা লৈ হায়না এক্সতর্নেল এফিয়র্সকী কেন্দ্র রাজ্য মন্ত্রী দা. রাজকুমার র়ঞ্জন সিংহনা ফোংদোকখি৷

ইশিংগী  লম্বী ১১দি নেসনেল ৱাতরৱেজনি হায়না লাওথোকখ্রে হায়না পেত্রোলিয়ম অমদি নেচরেল গ্যাসকী কেন্দ্র রাজ্য মন্ত্রী শ্রী রামেশ্বর তেলিনা ফোংদোকখি৷  অৱাং-নোংপোক লমদমদা লৈরিবা ৱাতরৱেজশিং অসি লৈবাক অসিগী চিক্কন নেকনি হায়না ময়াম্না খঙনরিবা সিলগুরি লমদমদা ওন্তরনেতিব অমা ওইরগনি হায়না মহাক্না মখাতাখি৷

ৱাতরৱেজশিংগী সেক্তরদা ফংখিবা য়াম্লবা এচিলমেন্ত অদুবু পল্লদুনা, বঙ্গলাদেশ ইন্দিয়া প্রোতোকোল রুতকী মখাদা রেকোর্দ ওইনা মিলিয়ন মেত্রিক তন ৪.৫গী মুবমেন্ত তৌখি হায়না পোর্তস, শিপ্পিং অমদি ৱাতরৱেজ মন্ত্রালয়গী সেক্রেতরী সঞ্জীব রঞ্জননা ফোংদোকখি৷

অৱাং-নোংপোক লমদমগী লৈরিবা ৱাতরৱেজ ইকোসিস্তেমগী চাওরবা পোতেন্সিয়েল অদুবু পল্লদুনা, ইনলেন্দ ৱাতরৱেজ ওথোরিতী ওফ ইন্দিয়াগী চিয়রমেন সঞ্জে বন্দোপাধ্যায়না হায়খি, “ঐখোয়না য়ুমথংনবা লৈবাকশিংগা শম্নহন্নবা হোৎনবা খক্তা নত্তনা, লমদম অসিগী অতোপ্পা রাজ্য পুম্নমক্কসু শম্নহন্দুনা অমদি উত্তর প্রদেশ, বিহার, ঝর্খন্দ, ৱেস্ত বেঙ্গল অমদি ওরিশাদা শাংদোকহন্নবা হোৎনরি”৷

******