মরু ওইবা হীরমশিং

• অৱাং নোংপোক লমদমগী চাউখৎ-থৌরাং, তুরিজম অমসুং কলচরগী কেন্দ্র মন্ত্রী শ্রী জি. কিশন রেদ্দীনা নুমিৎ মরিনি চুপ্না চত্থগদবা নাৎকী ওইবা কুহ্মৈ ‘মাধবপুর ঘেদ ফিয়র’গী নিনি শুবা নুমিৎতা শরুক য়াগদৌরি।
• মহাক্না হায়খি, ‘মাধবপুর ফিয়র অসি ভারতকী মমল য়াম্লবা নাৎকী ফজবা অসি মশক তাক্লিবা অমনি। মসি ভারতকী তোঙান-তোঙানবা রাজ্যশিংগী লাইনিং-লাইশোন, পুৱারী অমসুং নাৎকী ফজবা অদুগী তুংনফম অমা ওইরি’।

• তোঙান-তোঙানবা রাজ্যশিংদগী স্কিল লৈরবা আর্তিস্ত কয়ানা শরুক য়াদুনা চাউখ্রবা নাৎকী ওইবা থৌরম অমা পাঙথোকপা অসি তাংনা থোকই, মাধবপুর ঘেদ ফিয়র অমসুং অতোপ্পা অসিগুম্বা ক্রোস-কলচরেলগী ওইবা থৌরমশিং অসি ‘এক ভারত শ্রেস্থা ভারত’ অমসুং ভারতকী ‘য়ুনিতী ইন দাইভর্সিতী’গী শক্লোন অমনি হায়না মহাক্না মখা তাখি।

• রামায়ন, মহাভারত, উপনিশদশিং অসিগুম্বা অরিবা সাস্ত্রশিং অসিনা মখোয়গী মনুংদা ঙসি ফাওবা ঐখোয়বু লমজিং-লমতাক্লিবা লৌশিংগী চাউখ্রবা পুখৈ অমা য়াওরি হায়না মহাক্না ফোঙদোকখি। ঘেদ ফিয়র অসি ঐখোয়না অপুনবগী শক্তা অমসুং অমত্তা ওইবগী ৱাখল্লোনগী মরু ওইবশিং তাকপী তম্বীরিবা মতিক-মঙাল লৈরবা পুৱারীগী লেগেসী অমনি।

• মহাক্না মাধবপুর ঘেদ অসি তোঙান-তোঙানবা রাজ্যশিংদগী কলাকার, খুৎশা হৈবা, চেফ, জগোই শাবা, শৈশকপা, ফোক আর্তিস্ত কয়ামরুমনা অমত্তা ওইনা পুনশিল্লিবা অমসুং মখোয়গী হৈশিংবা উৎথোক্লিবা ‘আত্মনির্ভর ভারত’কী অথোইবা খুদম অমসু ওইরি হায়খি।

• মসি ঐখোয়গী লমদম অসিগী কলাকারশিংবু জাতি অমসুং অন্দরজাতিগী থাক্তা লৈরিবা ভাবোকশিংদা য়ৌশিনবা ঙম্নবা পুক্নিং থৌগৎলিবা অচৌবা ফম্পাক অমনি।

অৱাং নোংপোক লমদমগী চাউখৎ-থৌরাং, তুরিজম অমসুং কলচরগী কেন্দ্র মন্ত্রী শ্রী জি. কিশন রেদ্দীনা এপ্রিল ১০দগী ১৩, ২০২২ ফাওবা গুজরাত্তা পাঙথোক্লিবা নুমিৎ মরিনি চুপ্না চত্থগদবা নাৎকী ওইবা কুহ্মৈ ‘মাধবপুর ঘেদ ফিয়র’গী নিনি শুবা নুমিৎতা শরুক য়াগদৌরি।

 

মাধবপুর ফিয়র অসি ভারতকী মমল য়াম্লবা নাৎকী ফজবা অসি মশক তাক্লিবা অমনি হায়না মন্ত্রীনা ফোঙদোকখি। মসি ভারতকী তোঙান-তোঙানবা রাজ্যশিংগী লাইনিং-লাইশোন, পুৱারী অমসুং নাৎকী ফজবা অদুগী তুংনফম অমা ওইরি। প্রধান মন্ত্রী শ্রী নরেন্দ্র মোদীনা মমাংগী থাদা রেদিওদা মহাক্কী মন কী বাত্তা মাধবপুর ঘেদ অসি ‘এক ভারত শ্রেস্থা ভারত’কী খুদম অমনি মরমদি মসিনা গুজরাতকী দ্বার্কাদগী ভগৱান কৃষ্ণনা ভারতকী অৱাং-নোংপোক লমদমদগী রাজকুমারি রুকমিনিগা লুহোংখিববু পালন তৌরি অমসুং নুংঙাইবা ফোঙদোক্লি। ঐখোয়গী কলচরেল হেরিতেজনা ভারতকী নোংপোক্কী শরুকশিং অমসুং নোংচুপ থংবা শরুকশিংগী মরক্তা লৈনরিবা অচেৎপা মরী অদুবু শকখঙলি।

মহাক্না মখা তারদুনা হায় নুমিৎ-৪নিগী ফিয়র অসি কুহ্মৈ খক্তা নত্তনা মসি জাতিগী থাক্তা মরু ওইবা থৌরম অমসু ওইরি হায়খি। তোঙান-তোঙানবা রাজ্যশিংদগী স্কিল লৈরবা আর্তিস্ত কয়ানা শরুক য়াদুনা চাউখ্রবা নাৎকী ওইবা থৌরম অমা পাঙথোকপা অসি তাংনা থোকই, হায়না মহাক্না মখা তাখি।

শ্রী কিশন রেদ্দীনা ভারতকী মতিক-মঙাল লৈরবা পুৱারী মরু ওইনা ঐখোয়দা লেগাসী ওইনা খুৎশিন্নবীরম্লিবা মমল য়াম্লবা লৌশিং অমসুং স্কিলশিং অসি তাক্লি হায়খি। মহাক্না মখা তারদুনা হায় রামায়ন, মহাভারত, উপনিশদশিং অসিগুম্বা অরিবা সাস্ত্রশিং অসিনা মখোয়গী মনুংদা ঙসি ফাওবা ঐখোয়বু লমজিং-লমতাক্লিবা লৌশিংগী চাউখ্রবা পুখৈ অমা য়াওরি। মখোয়দা মীওইবগী সমস্যা খুদিংমক্কী লম্বীশিং য়াওরি হায়রিবা অসিনা চহিচা কয়াদগী হৌনা মালেম শিনবা থুংবদা লৈরিবা মীওইশিংগী পুক্নিং-ৱাখল ভারত্তা চীংশিল্লি হায়না মহাক্না মখা তাখি। ঘেদ ফিয়র অসি ঐখোয়না অপুনবগী শক্তা অমসুং অমত্তা ওইবগী ৱাখল্লোনগী মরু ওইবশিং তাকপী তম্বীরিবা মতিক-মঙাল লৈরবা পুৱারীগী লেগেসী অমনি হায়না মহাক্না ফোঙদোকখি।

মহাক্না মখা তারদুনা মাধবপুর ঘেদ অসি তোঙান-তোঙানবা রাজ্যশিংদগী কলাকার, খুৎশা হৈবা, চেফ, জগোই শাবা, শৈশকপা, ফোক আর্তিস্ত কয়ামরুমনা অমত্তা ওইনা পুনশিল্লিবা অমসুং মখোয়গী হৈশিংবা উৎথোক্লিবা ‘আত্মনির্ভর ভারত’কী অথোইবা খুদম অমসু ওইরি হায়খি। মসি ঐখোয়গী লমদম অসিগী কলাকারশিংবু জাতি অমসুং অন্দরজাতিগী থাক্তা লৈরিবা ভাবোকশিংদা য়ৌশিনবা ঙম্নবা পুক্নিং থৌগৎলিবা অচৌবা ফম্পাক অমনি

মন্ত্রীনা গুজরাতনা অরিবা মেলা অসিবু মাগী মশক অমসুং মওং অদু লেংদনা থম্বগা লোয়ননা মতমগা চুনবা অচৌবা থৌরম অমা ওন্থোকপগীদমক থাগৎপসু ফোঙদোকখি। মহাক্না মেলা অসিদা কলাকারশিংনা মখোয়গী ওইবা তোপ-তোপ্পা মওংদা ভারতকী নীংতম্বগী চহি ৭৪ অসি পালন তৌরিবা অমসুং ‘আজাদী কা অমৃত মহোৎসব’ অসি ঐখোয়গী থমোয়শিংদা হেন্না নকশিনহল্লি হায়না থাগৎপা ফোঙদোকখি।

********

(Release ID: 1815884) Visitor Counter : 154