اسپورٹس اتھارٹی آف انڈیا نے کھیلو انڈیا نیشنل رینکنگ  خواتین تیر اندازی ٹورنامنٹ کے 6 مرحلوں میں انعقاد کے لئے 75 لاکھ روپے کی رقم کو منظوری دی ہے۔ ٹاٹا آرچری اکیڈمی، جمشید پور ( جھارکھنڈ) ٹورنامنٹ کے پہلے مرحلے کے 12 اور 13 اپریل کو انعقاد کی میزبانی کے لئے پوری طرح سے تیار ہے۔ ٹورنامنٹ سینئر، جونیئر اور کیڈٹ زمروں میں ریکرو اور کمپاؤنڈ مقابلوں پر مشتمل ہوگا اور تیر اندازی کے عالمی ضابطوں کے تحت یہ  مقابلے کرائے جائیں گے۔ دی آرچری ایسوسی ایشن آف انڈیا ( اے اےآئی) جھارکھنڈ آرچری ایسوسی ایشن اور ٹاٹااسٹیل کے اشتراک سے ٹورنامنٹ کا اہتمام کر رہا ہے۔

سینئر، جونیئر اور کیڈٹ زمروں میں 32 اعلیٰ ریکرو اور کمپاؤنڈ تیر اندازوں کا انتخاب کیا گیا ہے۔ وہ تیر انداز جنہوں نے کسی بھی قومی چمپئن شپ، نیشنل ؍ سلیکشن   -ٹرائل ؍ کھیلو انڈیا ٹورنامنٹ؍ ریاستی چمپئن شپ ؍ اسٹیٹ سلیکشن ٹرائل  22-2021 میں کم از کم اہلیت کا اسکور حاصل ہو، وہ بھی شامل ہوں گے۔

 

خواتین کے 6 نیشنل ریکنگ ٹورنامنٹ پر ایک مہینے بعد ہوں گے اورحتمی مرحلہ دسمبر 2022 میں ہوگا۔ 6 ٹاپ کے تیر اندازوں کو دسمبر کے آخری مرحلے میں نقد انعامات دیئے جائیں گے، جن کی مجموعی رقم 37.5 لاکھ روپے ہے۔

نیشنل ریکنگ آرچری ٹورنامنٹ  کھیلو انڈیا خواتین کے کھیلوں کے تحت ایک اہم حصہ ہے اور  اس کا مقصد کھیل کے مختلف مقابلوں میں خواتین کی زیادہ حصہ داری کی حوصلہ افزائی کرنا ہے۔ مدد صرف گرانٹ کی شکل میں ہی نہیں دی جاتی ہے، بلکہ  مناسب تنظیموں میں شمولیت وغیرہ میں بھی مدد کی جاتی ہے۔ گزشتہ مقابلوں میں 17 سے کم  عمر کی فٹ بال لیگ اور 21 سے کم عمر کی کھیلو انڈیا خواتین کی ہاکی لیگ شامل ہیں۔ یہ مقابلے نئی دلی اور لکھنؤ میں ٹورنامنٹ کے  تین مرحلوں میں ہوئے تھے۔

 

کھیلو انڈیا نیشنل ریکنگ خواتین  تیر اندازی ٹورنامنٹ اب دوسری تیسری اور چوتھی صف  کی تیراندازوں کو زیادہ سے زیادہ مواقع فراہم کرے گا، جو خواتین کو بااختیار بنانے کی جانب اہم قدم ہے۔ اس سے انہیں دوسری جگہوں پر جانے اور گھلنے ملنے کا موقع بھی ملے گا، جو انہیں ذہنی طور پر مضبوط بنانے اور مقابلے کا اہل بنانے کے لئے ضروری ہے۔

****************************

 

ش ح-ع س-ک ا

U NO 4156

 

(Release ID: 1815833) Visitor Counter : 145