কেন্দ্রগী হকশেল অমসুং য়াইফ-য়ুম্বালগী মন্ত্রী, দা. মনসুখ মান্দৱিয়া অমসুং ওরিশাগী ইকাইখুম্নরবা মুখ্য মন্ত্রী, শ্রী নবীন পত্নায়ক্না ঙসি পুন্না ওরিশাগী পুরিদা শ্রী জগন্নাথ মেদিকেল কোলেজ অমসুং হোসপিতাল (এস.জে.এম.সি.ঐচ.)পু লৈবাক অসিগী দমক্রতা কত্থোকখ্রে। শ্রী মনোহর অগ্নানি, এ.এস., হকশেল মন্ত্রালয়, শ্রীমতি হেকালি ঝিমোমি, জে.এস. হকশেল মন্ত্রালয় অমসুং মন্ত্রালয় অসিগী অতোপ্পা সেনিয়র ওফিসিয়েলশিংনা থৌরম অসিদা শরুক য়াখি। 

থৌরম অসিদা নুংঙাইবা ফোংদোক্লদুনা, দা. মান্দৱিয়ানা হায়খি মদুদি হোসপিতাল অসিনা দোক্তরশিং ত্রেনিং তৌবদা অমসুং ওরিশাগী মীয়ামদা অফবা মেদিকেল ফেসিলিতীশিং পীবদআ য়াম্না মরু ওইবা থৌদাং লৌগনি। মহাক্না হোসপিতাল অদুগী খ্বাইদগী অহানবা বেচকী শরুক অমা ওইগদৌরিবা মহৈরোইশিংগা ৱারী-ৱাতাই শাখি অমসুং মখোয়বু কন্না হোৎননবা অমসুং লৈবাক অসিগী খ্বাইদগী মতাই থংবা শরুক ফাওবা হেল্থকেবর য়ৌহন্নবা লৈবাক অসিগী খ্বাইদগী অথাপ্পা মফমদা ফাওবা সেবা তৌনাব পুক্নিং থৌগৎখি।

কেন্দ্রগী হকশেল মন্ত্রীনা ইকাইখুম্নরবা প্রধান মন্ত্রীনা মঙখিবা অনৌবা ভারত অমগী মঙলান অদুদি মীয়াম পুম্নমক্কীদমক্তা য়াম্না লাইনা অমসুং য়াম্না হোংনা হেল্থকেয়র ফংহনবা হায়বসিনি হায়না মহাক্না ময়ামদা খঙহনখি। মহাক্না মখাতানা মুখ্য মন্ত্রীদা ভারত্তা ফংলিবা হেল্থকেয়র অসিবু অমুক হেন্না ফগৎহন্নবা হৌজিক-হৌজি লৈরিবা রাজ্য অসিগী হেল্থ ফেসিলিতীশিংগা অয়ুশমান ভারত য়োজনাগা পুনশিন্নবা হায়খি।

শ্রী নবীন পত্নায়ক্না মহৈরোইশিংবু থাগৎখি অমসুং হোসপিতাল অসিদা শীত ১৫%দি সরকারগী স্কুলশিংদগী হৌরকপা মহৈরোইশিংগীদমক্তা রিজার্ব তৌরি হায়না খঙহল্লকখি। মহক্না “পুরিদা মেদিকেল কোলেজ অমা লিংখৎনবগী মতম কুইনদগী মংলকপা মঙলান অদু ঙসিদি মঙফাওনরে” হায়না হায়খি।

এস.জে.এম.সি.ঐচ. অসি ‘এস্তাব্লিশমেন্ত ওফ মেদিকেল কোলেজেস এতেচ ৱিত একজিস্তিং দিস্ত্রিক্ত/ রেফরেল হোসপিতালস’কীদমক্তা ওইবা স্কীম অদুগী ফেজ Iগী মখাদা শাখিবা মেদিকেল কোলেজ ৫গী শরুক অমনি। স্কীম অসিগী মখাদা লৈবা হোসপিতালশিং অসি লুপা করোর ৯৪৫ চংনা শাখিবনি, মসিদা ৬০%দি কেন্দ্র সরকারদগী কাইথরকখি। এস.জে.এম.সি.ঐচ. অসি শঙ্গাবগা মেদিকেল কোলেজ ৫মক হৌজিক্তি ফংস্নেল ওইরে।

অপুনবগী ওইনা হৌজিক ওরিশাদা ২০১৩-১৪ মেদিকেল কোলেজ ৩৮৭ লৈরম্বদগী ২০২০-২১ ৫৯৬দা হেনগৎলক্তুনা ৫৫% হেনগৎলকখ্রে।  ‘এস্তাব্লিশমেন্ত ওফ মেদিকেল কোলেজেস এতেচ ৱিত একজিস্তিং দিস্ত্রিক্ত/ রেফরেল হোসপিতালস’গী স্কীম অসিগী ফেজ II অমসুং IIIগী মখাদা, ওরিশাদা জয়পুর অমসুং কালামন্দিদা হোসপিতাল অনি অয়াবা পীখ্রে অমসুং  মথংশিৎনা লুপা করোর ১৫০ অমসুং লুপা করোর ১০০গী কেন্দ্রগী শেয়র রাজ্য সরকারদা পীথখ্রে।

কেন্দ্র সরকার অমসুং ওরিশাগী সরকারনা ওরিশাদা লৈরিবা রাজ্য সরকার অমসুং কেন্দ্র সরকারগী মেদিকেল কোলেজশিংদা এম.বি.বি.এস. অমসুং পি.জি.গী শিতশিং হেনগৎহন্নবগী মাইকৈদা কন্না হোৎনরি। ‘লৈবাক অসিদা এম.বি.বি.এস. সীতশিং হেনগৎহন্নবা লৈরিবা রাজ্য সরকার/কেন্দ্র সরকারগী মেদিকেল কোলেজশিং অপগ্রেদেশন তৌবা’গীদমক্তা ওইবা স্কীমগী মখাদা লুপা করোর ১৪৪গী শেনফম অমা বুর্লাগী ভি.এস.এস. মেদিকেল কোলেজ অমসুং বেহরামপুরগী এম.কে.সি.জি.মেদিএকেল কোলেজদা এম.বি.বি.এস. সীত ২০০ হেনগৎহন্নবগীদমক্তা রাজ্য সরকারদা কেন্দ্র সরকারনা কাইথখ্রে। অসিগা চপ মান্ননা ‘পি.জি.শিতশিং হেনগৎনবগীদমক্তা সরকারগী মেদিকেল কোলেজশিং মপাঙ্গল কনখৎহনবা অমসুং অপ-গ্রেদেশন’গীদমক্তা ওইবা কেন্দ্রনা স্পোনসর তৌবা স্কীম অসিগী মখাদা বুর্লাগি ভি.এস.এস. মেদিকেল কোলেজ, বেহরামপুরগী এম.কে.সি.জি. মেদিকেল কোলেজ অমসুং কতেক্কী এস.সি.বি. মেদিকেল কোলেজতা পুন্না সীত ১০৭ হাপ্নবা প্রোপোস তৌখ্রে। 

*****

(Release ID: 1815807) Visitor Counter : 112