সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস., পি.এম.ও., পর্সোন্নেল, পব্লিক গ্রাইভেন্স, পেন্সন, এতোমিক ইনর্জী অমসুং স্পেস, দাঃ জিতেন্দ্র সিংহনা লুচিংবা ভারত সরকারগী সেনিয়র ওফিসর কয়া য়াওবা কেন্দ্রগী অৱাংবা থাক্কী তীম অমনা থা অসিগী ২৪দা জমু অমসুং কশ্মিরগী সাম্বা জিলাদা লৈবা পাল্লি পঞ্চায়ত্তা প্রধান মন্ত্রী নরেন্দ্র মোদীগী রেলী পাংথোক্কদবা মফম য়েংশিনখ্রে।

মমাংদা হান্ননা পাউদমখিবগা লোয়ননা, হন্দক্কী চহিগী ‘পঞ্চায়তী রাজ দিবস’ অসি পঞ্চায়তী রাজকী কেন্দ্র মন্ত্রালয়না সাইন্স অমসুং তেক্নোলোজীগী কেন্দ্র মন্ত্রালয়, বাইওতেক্নোলোজী বিভাগ অমসুং কাউন্সিল ওফ সাইন্তিফিক অমসুং ইন্দস্ত্রীএল রিসর্চ (সি.এস.আই.আর.), ভারত সরকারগা খুৎশম্ননা পাংথোক্কনি।

কেন্দ্র মন্ত্রীগা লোয়ননা পাল্লি পঞ্চায়ত্তা চৎখিবা শক্নাইরবা মীওইশিংগী মরক্তা কেন্দ্রগী সাইন্স অমসুং তেক্নোলোজী মন্ত্রালয়গী সাইন্তিফিক অমসুং ইন্দস্ত্রীএল রিসর্চকী মখাদা লৈবা পি.এস.ই., সেন্ত্রেল ইলেক্ত্রোনিক্স লিমিতেদকী সি.এম.দি., প্রকাশ জেনসু য়াওরি। হায়রিবা পি.এস.ই. অসিনা পাল্লি পঞ্চায়ত্তা রেকোর্দ ওইরবা নুমিৎ ২০নিগী মনুংদা সোলার প্লান্ত অমা লিংখৎপগী হৌজিক থবক পায়খৎলিবনি। কে.ভি. ৫০০গী সোলর প্লান্ত অসি পুন্না স্ক্বার মীতর ৬৪০৮ পাক-চাউবা লম অমদা খিনবনি অমসুং মসিনা পঞ্চায়ত অসিগী য়ুম্থোং ৩৪০দা ক্লীন ইলেক্ত্রিসিতী অমসুং মৈ পীদুনা পঞ্চায়ত অসিবু ভারত সরকারগী ‘গ্রাম উর্জা স্বরাজ প্রোগ্রাম’গী মখাদা লৈবা খ্বাইদগী অহানবা কার্বন ন্যুত্রেল পঞ্চায়ত ওইহল্লগনি।

দাঃ জিতেন্দ্র সিংহগা লোয়নখিবা কেন্দ্র সরকারগী থৌবুরোই অতোপ্পশিংগী মরক্তা সর্ভেয়র জেনেরেল ওফ ইন্দিয়া, সুনিল কুমার; কেন্দ্রগী সাইন্স অমসুং তেক্নোলোজী মন্ত্রালয়গী সি.এস.আই.আর.গী সেনিয়র সাইন্তিস্ত, দাঃ পুর্নিমা রুপাল; ভারত সরকারগী সাইন্স অমসুং তেক্নোলোজী মন্ত্রালয়গী সেনিয়র সাইন্তিস্ত, দাঃ দেব প্রিয়া দত্তা; আই.আই.আই.এম.-সি.এস.আই.আর. জম্মুগী দাইরেক্তর, দাঃ স্রীনিবাস রেদ্দী; ভারত সরকারগী বাইওতেক্নোলোজী বিভাগকী সেনিয়র সাইন্তিস্ত, দাঃ ভাইশালী পঞ্জাবী অমসুং দাঃ রিচী; গান্ধীনগর গুজরাতকী নেস্নেল ইন্নোভেসন ফাউন্দেসনগী দাইরেক্তর, দাঃ বিপিন কুমার অমসুং কেন্দ্রগী সাইন্স অমসুং তেক্নোলোজী মন্ত্রালয়গী বিগ্যান প্রসারগী দাঃ গৌরব জেন অমসুং দাঃ বি.কে. ত্যাগীসু য়াওখি।

এদিস্নেল চীফ সেক্রেতরী অতল দুল্লুনা লুচিংবা জম্মু অমসুং কশ্মিরগী সেনিয়র ওফিসরশিংগী তীম্না পাল্লি পঞ্চায়তকী থৌরম পাংথোকফম অসিদা কেন্দ্রগী তীমগা ৱারী শাখি।

পাল্লি পঞ্চায়তপু লৈবাক্কী থাক্তা পাংথোক্কদবা পঞ্চায়তী রাজ দিবসকী মফম ওইনা খনখিবা অসিনা প্রধান মন্ত্রী নরেন্দ্র মোদীনা জম্মু অমসুং কশ্মিরদা খ্বাইদগী অহেনবা মিৎয়েং চঙলিবা অমসুং য়ুনিয়ন তেরিতোরী অসিগী পঞ্চায়তী রাজ ইন্সতিত্যুসন (পি.আর.আই.)শিংবু মপাঙ্গল হেন্না হাপ্নবগীদমক্তা মোদী সরকারবা মিৎয়েং চঙবগী থৌওং তাক্লি হায়না দাঃ জিতেন্দ্র সিংহনা খোংচৎ অসিগী মতুংদা মিদিয়াগী মীওইশিংগা ৱারী শাবদা ফোংদোকখি। নীংতম্বা ফংলবা মতুংগী চহি ৭০গী মতুংদা জম্মু অমসুং কশ্মিরদা দিস্ত্রিক্ত দিভেলপমেন্ত কাউন্সিলগী খ্বাইদগী অহানবা মীফম পাংথোকখ্রবা মতুংদা প্রধান মন্ত্রীনা মফমসিদা চৎপা অহানবা খোঙচৎ ওইগনি হায়না মহাক্না মখা তাখি।

প্রধান মন্ত্রী মোদীনা খুন্নাই অমসুং ধর্ম পুম্নমক্কী কাঙলুপশিংগী মরক্তা চাউখৎপা পুরকপা অমসুং রিসোর্সশিংবু মান্ননা য়েন্থোকপগী মিৎয়েংগা লোয়ননা মহাক্কী সরকারনা জম্মু অমসুং কশ্মিরদা গ্রাসরুত দিমোক্রেসী পুরক্নবা মমাংগী চহি ৮দগী লেপ্তনা হোৎনদুনা লাক্লিবনি হায়না দাঃ জিতেন্দ্র সিংহনা পাউদমখি। প্রধান মন্ত্রী ওইরবা মতুংদা পি.এম. মোদীনা পায়খৎপা খ্বাইদগী অহানবা মরু ওইবা প্রোগ্রামদি কাত্রাগী রেলৱে স্তেসন শঙ্গাবনা ওইখি অমসুং মসিগা ইকান কান্নদনা শ্রীনগর শহর অপুনবসি ঈশিং-ঈচাউনা থনখিবা মতমদা, প্রধান মন্ত্রীনা পি.এম. ওইনা পাংথোকপা ইং ২০১৪গী মহাক্কী অহানবা দিৱালীবু তম্পাক অসিগী ঈশিং-ঈচাউনা শোকহল্লবা মীওইশিংগী মনাক্তা লৈখিবনি অমসুং মসিনা মহাক্না জম্মু অমসুং কশ্মিরগী মীয়ামগী অপাম্ববু লুনা খনবগী ময়েক শেংলবা মমি অমনি হায়না দাঃ জিতেন্দ্র সিংহনা নীংশিংদুনা ফোংদোকখি।

প্রধান মন্ত্রীনা খুঙ্গং চাউখৎপা পাম্বগী তসেংবা ইথিলগা লোয়ননা চৎমিন্নবা ওইনা, মহাক্না লুচিংলিবা কেন্দ্রগী সাইন্স অমসুং তেক্নোলোজী মন্ত্রালয়না পঞ্চায়তী রাজ দিবস মনুংদা খুঙ্গং চাউখৎপা অমসুং অপগ্রেদ তৌরবা এগ্রিকলচর ফার্মিংদা শিজিন্নবা য়াবা, অদুবু, লৈবাক্কী শরুক অমত্তদা মতিক চানা শিজিন্নবদি হৌদ্রিবা খ্বাইদগী অনৌবা সাইন্তিফিক ইন্নোভেসন কয়া মীয়ামদা শক্তাক্নবা হোৎনগনি হায়না দাঃ জিতেন্দ্র সিংহনা ফোংদোকখি। এগ্রিকলচরেল ফার্মিংদা দ্রোন তেক্নোলোজী শিজিন্নবা, এরোমা মিসন অমসুং পর্পল রিভোল্যুসন ফ্লোরিকলচর মিসন, ৱাবু মতমগা চুনবা মওংদা শিজিন্নবা, ৱেস্তৱাতর মেনেজমেন্তকী মতাংগা মরী লৈনবা কয়া উৎনবা হোৎনগনি হায়না মহাক্না মখা তাখি।

<><><><><>