نئی دہلی،11 اپریل  ،2022

مکانات اور شہری امور کی وزارت نے آج دہلی میں فضلے کا ذخیرہ کرنے والے تین میراثی  مقامات  اوکھلا،غازی پور اور بھلسوا میں فضلے کو ٹھکانے لگانے کے سلسلے میں  پیش رفت پر تبادلہ خیال  کرنے کےلئے ایک اعلی سطحی میٹنگ کا انعقاد کیا۔مکانات اور شہری امور کی وزارت کے سکریٹری کی زیر صدارت  اس میٹنگ میں مختلف وزارتوں  اور اداروں  کے سینئر حکام نے شرکت کی،جن میں مکانات اور شہری امور کی وزارت میں اڈیشنل سکریٹری ،ایم او ای ایف اور سی سی  میں اڈیشنل سکریٹری،مرکز کے زیر انتطام علاقے دہلی  میں شہری امور  کے سکریٹری،دہلی ڈولپمنٹ اتھاریٹی کے وائس چیئرمین ،سبھی ایم سی ڈیز کے کمشنر،سینٹرل پولیوشن کنٹرول بورڈ ،نیشنل تھرمل پاور کارپوریشن اور  نیشنل ہائی ویز اتھاریٹی آف انڈیا  کے نمائندے شامل تھے۔

ہندوستان کے شہروں میں وراثتی ڈمپ سائٹس کا مسئلہ مسلسل ماحولیاتی تشویش کا ایک باعث ہے۔ سوچھ بھارت مشن – اربن (2.0) (ایس بی ایم –اربن  2.0) مکانات  اور شہری کی وزارت  کے ذریعے نافذ کیا جا رہا ہے، یہ ملک میں اپنی نوعیت کی پہلی پہل ہے جس نے اس چیلنج کو ایک  ہدف کے طور پر  قبول کیا ہے۔ایس بی ایم –اربن 2.0  کی توجہ اب سالڈ ویسٹ مینجمنٹ چین کے دونوں سروں کو حل کرنے پر ہے،جس میں آبادی کا انتظام کرنے کے ساتھ ساتھ میونسپل ٹھوس فضلہ کو پائیدار طریقے سے ٹھکانے لگانے کے لیے، اس بات کو یقینی بنانا ہے کہ آئندہ  کوئی نئی ڈمپ سائٹس نہ بنیں، اور تمام پرانی ڈمپ سائٹس کا ازالہ کیا جائے۔ اسی مناسبت سے، مشن ٹھوس فضلہ کے ماخذ کی علیحدگی کے ساتھ ساتھ ، الگ کیے گئے فضلے کے حصوں کو جمع کرنے اور نقل و حمل پر توجہ مرکوز کر رہا ہے، بلک ویسٹ جنریٹرز (روزانہ 100 کلو سے زیادہ فضلہ پیدا کرنے والے ادارے) کی طرف سے اپنے فضلے کا انتظام کرنے، زیادہ سے زیادہ وسائل کی وصولی اور کچرے کے تمام الگ الگ حصوں (بشمول پلاسٹک کے کچرے) کی سائنسی پروسیسنگ  کرنے تاکہ ٹھکانے  نہ لگائے  جانے والے تازہ کچرے کو لینڈ فلز میں ختم ہونے سے روکا جا سکے، اور ملک بھر میں تمام میراثی  ڈمپ سائٹس کو بائیو ریمیڈیٹنگ کر کے تقریباً 16 کروڑ ٹن  میراثی فضلے کے نیچے دبی 15,000 ایکڑ پرائم ریل اسٹیٹ کو بازیافت کیا جا سکے۔ اس کے ساتھ ہی مشن نے سائنسی لینڈ فلز کا انتظام کیا ہے تاکہ ٹھکانے  نہ لگائے  جانے والے فصلے  کو ٹھکانے لگایا جا سکے اور رد کئے جانے کے عمل میں لایا جا سکے، تاکہ تازہ کوڑے دان کی تخلیق کو روکا جا سکے۔ اس کی تکمیل نیشنل گرین ٹریبونل کی ہدایات سے بھی ہوئی ہے جس نے تمام میراثی  ڈمپ سائیٹس کے لیے مقررہ وقت میں تدارک کرنا لازمی قرار دیا ہے۔ متوازی طور پر، مکانات اور شہری امور کی وزارت  ان کوششوں کو تقویت دینے کے لیے تمام اسٹیک ہولڈرز کے درمیان توجہ مرکوز کی صلاحیت کی تعمیر اور رویے میں تبدیلی کی مداخلتوں میں سرمایہ کاری کر رہی ہے۔

مکانات اور شہری امور کی وزارت نے اس مقصد کے لیے پہلے ہی 14 ریاستوں/ مرکز کے زیر انتظام علاقوں میں 600 سے زیادہ شہری مقامی اداروں میں تقریباً 5,700 ایکڑ پر قابض 963 لاکھ میٹرک ٹن میراثی ڈمپ سائٹس کے تدارک کے لیے  4,152 کروڑ روپے کے ڈمپ سائٹ کے تدارک کے منصوبوں کو منظوری دے دی ہے۔ منظور شدہ رقم میں دہلی کے تینوں کارپوریشنوں میں 186 ایکڑ پر محیط 253 لاکھ میٹرک ٹن کے تدارک کے لیے 776 کروڑ روپے کے پروجیکٹ شامل ہیں۔ منظور شدہ رقم میں سے، 529 کروڑ روپے کی مرکزی امداد ریاستوں/ مرکز کے زیر انتظام علاقوں کو پہلی قسطوں کے طور پر پہلے ہی جاری کی جا چکی ہے، جس میں دہلی حکومت کو جاری کیے گئے 174 کروڑ روپے بھی شامل ہیں۔ مرکزی اسپانسر شدہ اسکیموں کے مالیاتی اصولوں کے مطابق، ریاستی / مرکز کے زیر انتظام علاقوں کی  حکومتوں کو متعلقہ یو ایل بی کو فنڈز تقسیم کرتے ہوئے اپنی طرف سے مماثل تعاون دینے  کی ضرورت ہے۔

تینوں میونسیپل کارپوریشنوں  نےبتایا کہ وہ مجموعی طور پر 11,000 ٹن ٹھوس فضلہ روزانہ پیدا کرتے ہیں، جس میں سے تقریباً نریلا بوانہ، اوکھلا اور غازی پور سائٹس پر واقع 3 ویسٹ ٹو انرجی پلانٹس پر فی الحال 5,900 ٹن فی دن سائنسی طور پر پروسیس کیا جا رہا ہے۔ تینوں ڈمپ سائٹس پر، آج تک کل تقریباً 42 لاکھ میٹرک ٹن کا تدارک کیا جا چکا ہے، لیکن ان جگہوں پر پھینکا جانے والا تازہ فضلہ جو ابھی تک ٹھکانے  نہیں لگایا  گیا ہے اس کی تلافی کرتا ہے۔

آج کی میٹنگ کے دوران اس بات پر زور دیا گیا کہ اس شعبہ  میں پرائیویٹ سیکٹر کی شرکت کو راغب کرنے کی کلید ماخذ کی مضبوط علیحدگی ہے جو بعد میں کچرے کی پروسیسنگ کو ممکن بنائے گی۔ تمام میونسیپل کارپوریشنوں  پر زور دیا گیا کہ وہ اپنے فضلے کو ذرائع  پر الگ کرنے کے لیے اپنی کوششیں تیز کریں۔ مزید یہ فیصلہ کیا گیا کہ ایم سی ڈیز  اور ڈی ڈی اے  مشترکہ طور پر زمین سے متعلق تمام مسائل کو حل کریں گے تاکہ تدارک کے عمل کو آسان بنایا جا سکے۔ ڈی ڈی اے سے یہ بھی درخواست کی گئی کہ وہ اپنے باغبانی اور بائیو ڈائیورسٹی پارکوں میں، جس حد تک ممکن ہو، 6 ملی میٹر سے کم حصے کو مٹی کی افزودگی کے طور پر استعمال کرنے کے مواقع تلاش کریں۔ تدارک سے متعلق فنڈنگ ​​کے مسائل کے معاملے میں، یہ فیصلہ کیا گیا کہ دہلی حکومت کھدائی شدہ میراثی فضلہ کی نقل و حمل کے لیے گرین سیس فنڈز پر غور کرنے کے امکانات تلاش کرے گی، کیونکہ ڈمپ سائٹ کے تدارک سے دہلی میں فضائی آلودگی کو کم کرنے میں مدد ملے گی۔ متوازی طور پرمیونسیپل کارپوریشنوں  سے درخواست کی گئی تھی کہ وہ ڈمپ سائٹ کے تدارک کے لیے عمل کی لاگت کو بہتر بنانے کے لیے تفصیلی تجزیہ کریں، جامع پروجیکٹائزیشن، اور مضبوط پروجیکٹ کی نگرانی کے اقدامات کے ساتھ ساتھ یہ بھی فیصلہ کیا گیا کہ مکانات اور شہری امور کی وزارت  ایک آزاد ایجنسی کو تعینات کرے گی ، جو دہلی سمیت تمام  شہروں میں کئے گئے نگرانی کے طریقہ کار کا مطالعہ کرے گی اور مقامات پر اعلیٰ معیار کی نگرانی کو شامل کرنے کے بہترین طریقوں کا اشتراک کرے گی ۔ فوری طور پر فالو اپ کے طور پر، دہلی حکومت سے درخواست کی گئی کہ وہ ضروری مرکز کے زیر انتطام علاقوں  کو شامل کرنے کے بعد، وزارت  کے ذریعہ جاری کردہ فنڈز کا مرکزی حصہ تمام میونسیپل کارپوریشنوں  کو تقسیم کرے۔

باقاعدہ اپ ڈیٹس کے لیے، براہ کرم سوچھ بھارت مشن کی آفیشل ویب سائٹ اور سوشل میڈیا پراپرٹیز کو فالو کریں:

ویب سائٹ: : https://sbmurban.org/

فیس بک: : Swachh Bharat Mission - Urban |

ٹویٹر: : @SwachhBharatGov

انسٹاگرام :: sbm_urban|

یوٹیوب : : Swachh Bharat Urba

*****

ش ح ۔ا م۔

U:4142

(Release ID: 1815721) Visitor Counter : 144