آئل انڈیا لمٹیڈ  ( او آئی ایل ) نے  9 – ایم  ہائیڈ روجن  ایندھن سیل  سے چلنے والی  ای – بس  ،  اور  ایک  محلول نامیاتی  ہائیڈ روجن  کیرئیر   ( ایل او ایس سی ) حل کے ڈیزائن ،  اسے مربوط  کرنے اور  فروغ  کے لئے  ،  کل  اسٹارٹ –اپ  او ایچ  ایم   کلین ٹیک  پرائیویٹ  لمٹیڈ کے ساتھ ،  ایک  انکیوبیشن معاہدے پر  دستخط کئے ۔یہ اسٹارٹ -  اپ ،  پُر وقار آئی آئی ٹی گواہاٹی   کی سرپرستی میں  رہے گا اور اس کی  پرورش  کی جائے گی۔

آئل انڈیا لمیٹڈ  کے   سی  ایم ڈی جناب سوشیل  سی  مشرا   نے  بتایا کہ او آئی ایل  صاف توانائی کے شعبے  میں اختراعی  اور  غیر معمولی  ٹکنالوجیوں  کو فروغ دینے کے تئیں عہد بند ہے۔ او آئی ایل  ،  ہائیڈروجن  پیدا کرنے اور اسے  محلول   کی شکل دینے کے لئے  پہلے ہی ایک  پائیلٹ  پروجیکٹ کا آغاز کرچکا ہے۔اب یہ  ،  ہائیڈروجن کی اسٹوریج ،  اس کی  نقل وحمل  اور  موبلٹی  کے حل  کے   وسیع شعبات میں   اس  اسٹارٹ –اپ  پروجیکٹ  کی سرپرستی کررہا ہے۔انہوں نے  امید ظاہرکی کہ  اس سے  حکومت  ہند کے آتم نربھر  بھارت کے اقدامات  میں مدد ملے گی اور یہ  شمال مشرق  میں ہائیڈروجن    معیشت کے لئے  باب وا کرے گا۔

اس موقع پر  خطاب کرتے ہوئے ،  آئل انڈیا لمٹیڈ کے  ڈائریکٹر مالیہ  ،  جناب ہریش   مادھو   نے  مطلع کیا کہ   او آئی ایل  اپنی اسکیم   ‘‘ایس  این ای ایچ  ’’  (اسٹارٹ –اپ کی پرورش  ،  فعال بنانے  اور ہینڈ ہولڈنگ)  کے تحت  اہل اسٹارٹ – اپس کی  سرپرستی کرتا ہے۔ او آئی ایل  اس وقت  ملک بھر میں 6  اسٹارٹ اپس   کی سرپرستی کررہا ہے ، جو  روبوٹکس  ،  آلات سازی ،  حیاتیاتی ٹکنالوجی اور ایندھن کی فراہمی کے حل جیسے  مختلف اعلیٰ تکنیکی شعبوں  پر کام کرررہے ہیں۔ انہوں نے  ا س امید کا اظہار کیا کہ ہائیڈروجن توانائی کے ڈومین میں   ،  ان دو  نئے  تعاون کی کامیاب تکمیل  کے ساتھ  ، او آئی ایل  اسٹارٹ –اپس  کے ساتھ تال میل سے  ،  قلیل مدت کے اندر ہی شمال مشرقی  ہندوستان میں  ،  ہائیڈروجن ایندھن سیل  سے چلنے والی ای –بس  کو چلانے میں  ضرور کامیاب ہوگا۔

او ایچ  ایم  کلین ٹیک   کی  ڈائریکٹر  بھاونا ایچ  میور نے کہا کہ  او ایچ ایم   شمال مشرق میں  سبز توانائی  فراہم کرنے  کا  حصہ بننے کے بارے میں  بہت  پُر جوش ہے اور یہ   ، ایل اوایچ سی   اور  ہائیڈروجن  بس کو مارکیٹ میں  لانے جیسی   ہائیڈروجن سے منسلک   اہم ٹکنالوجیوں   کو سامنے لانے کا ایک منفرد موقع ہے۔او آئی ایل نے  ،  جو  ہم  پر اعتماد کیا ہے اس کے ساتھ  ،  ہم  ہندوستان میں  آتم نربھر فروغ  لانے کے لئے  ہر  ممکن کوشش کریں  گے۔

*************

ش ح۔اع  ۔رم

U-4121