পেত্রোলিয়ম অমসুং নেচরেল গ্যাস মন্ত্রালয়

অৱাং নোংপোক্তা হাইদ্রোজেন মোবিলিতী সোল্যুসনশিং চাউখৎহন্নবগীদমক হাইদ্রোজেন ফ্যুএলগা মরী লৈনবা স্তার্ত-অপশিংগা লোয়ননা ও.আই.এল.না ইনক্যুবেসন এগ্রীমেন্ত খুৎয়েক পীনখ্রে

Posted On: 08 APR 2022 3:42PM by PIB Imphal

ওইল ইন্দিয়া লিমিতেদ (ও.আই.এল.)না ৯-এম হাইদ্রোজেন ফ্যুএল সেলনা পাৱর তৌবা ই-বস, অমসুং লিক্বিদ ওর্গানিক হাইদ্রোজেন কেরিয়র (এল.ও.ঐচ.সি.) সোল্যুসনগী দিজাইন, ইন্তিগ্রেসন অমসুং দিবেলপমেন্ত তৌনবগীদমক ঙরাং স্তার্ত-অপ ওম ক্লীন তেক প্রাইবেৎ লিমিতেদকা লোয়ননা ইনক্যুবেসন এগ্রীমেন্ত অমা খুৎয়েক পীনখ্রে। স্তার্ত-অপ অসি মমিং লৈরবা আই.আই.তি.-গুৱাহাতিগী মখাদা লমজিং লমতাক্কনি অমসুং য়েংশিনগনি।

ওইল ইন্দিয়া লিমিতেদকী সি.এম.দি. শ্রী সুশিল সি.ঐচ. মিশ্রানা ও.আই.এল.না ক্লীন ইনর্জীগী লমদা ইন্নোবেতিব অমসুং পুম্ননৌ নৌবা তেক্নোলোজীশিং দিবেলপ তৌনবা হোৎনরি হায়না পাউদমখি। ও.আই.এল.না হাইদ্রোজেন জেনরেসন অমসুং ব্লেন্দিগীদমক পাইলোৎ প্রোজেক্ত অমা হান্না হৌদোকখ্রে। মসিনা হাইদ্রোজেন স্তোরেজ, ত্রান্সপোর্তেসন অমসুং মোবিলিতী সোল্যুসনশিংগী কমপ্লিমেন্তরী ফিল্দশিংদা স্তার্ত-অপ ভেঞ্চর অসি হৌজিক স্পোন্সর তৌরি। মসিনা জি.ও.আই.গী আত্মনির্ভর ভারত ইন্দিয়াগী থৌরাংশিং অসিদা মতেং পাংগনি অমসুং অৱাং নোংপোক্তা হাইদ্রোজেন ইকনোমীগী লম্বী ফাৎপদা মতেং পাংগনি।

Image.jpeg

থৌদোক অসিগী মতাংদা ৱা ঙাংবদা ওইল ইন্দিয়া লিমিতেদকী দাইরেক্তর ফাইনান্স ওইরিবা শ্রী হরিশ মধবনা ও.আই.এল.না মাগী ‘এস.এন.ই.ঐচ.” (স্তার-অপ নর্চরিং, ইনেব্লিং এন্দ হেন্দহোল্দিং) স্কিম অসিগী মখাদা ইলিজিবল স্তার্ত-অপশিং স্পোন্সর তৌরি। ও.আই.এল.না হৌজিক্কী ওইনা রোবোতিক্স, ইনস্ত্রুমেন্তেসন, বাইওতেক অমসুং ফ্যুএল দেলিবরী সোল্যুসনশিং অসিগুম্বা তোঙান-তোঙানবা হাই-তেক্কী লমশিংদা থবক তৌরিবা লৈবাক শিনবা থুংবদগী স্তার্ত-অপ তরুক ইনক্যুবেৎ তৌরি। হাইদ্রোজেন ইনর্জীগী লমদা নৌনা চুংশিন্নরিবা অনি অসি মপুং ফানা লোইশিনবগা লোয়ননা ও.আই.এল.না স্তার্ত-অপকা লোয়ননা সিনর্জী তৌদুনা অতেনবা মতমগী মনুংদা অৱাং নোংপোক ভারত্তা হাইদ্রোজেন ফ্যুএল সেলনা পাৱর তৌবা ই-বস মাইপাক্না চেলহনবা ঙম্লগনি হায়না মহাক্না থাজবা থমখি।

ওম ক্লীনতেক্কী দিরেক্তর ভাবনা এস. ময়ুরনা হায় অৱাং নোংপোক লমদমদা গ্রীন ইনর্জী পুশিল্লকপদা ওমনা নুংঙাইবা ফাওই অমসুং মসি মারকেত্তা এল.ও.ঐচ.সি. অমসুং হাইদ্রোজেন বসকুম্বা হাইদ্রিজেনগা মরী লৈনবা মরুওইবা তেক্নোলোজীশিং পুশিল্লক্নবা অখন্নবা খুদোংচাবা অমনি। ও.আই.এল.না ঐখোয়দা থাজবা থম্লিবা অসিগা লোয়ননা ভারত্তা আত্মনির্ভর ওইহনবদা ঐখোয়না অঙম্বা থাক্তা হোৎনগনি।

***********



(Release ID: 1815012) Visitor Counter : 166


Read this release in: English , Urdu , Hindi , Telugu