উপ রাস্ত্রপতি, শ্রী এম. ভেঙ্কাইয়া নাইদুনা ঙসি ভারতকী মমল য়াম্লবা কলচরেল হেরিতেজ অসি য়োকখৎনবা অমসুং চাউখৎহন্নবা পাইখৎলিবা খোঙথাংশিং অসিগী শরুক ওইনা অঙাংশিংগী অপাম্বা কলা মখল অদু তম্বদা পুক্নিং থৌগৎনবা স্কুলশিং অমসুং মমা-মপাশিংদা হায়খ্রে। ঐখোয়গী হৌরকফম অসি য়োকখৎপগী মথৌ তাবশিংগী মতাংদা ফোঙদোক্লদুনা মহাক্না ভারতকী খুন্নাইদা কলচরেল রেনিসেন্স অমা পুরকপা তাই হায়খ্রে। 

 উপ-রাস্ত্রপতিনা নোংচুপ লৈবাক্কী চৎনবী অসি পাম্নরকপনা মরম ওইরগা পপ্পেতরীগুম্বা ঐখোয়গী মমল য়াম্লবা ত্রেদিস্নেসল ফোক-আর্ত মখলশিং অসি মাংথরক্লি হায়নসু ফোঙদোকখি। মখোয় অসি সরকারশিং খক্তা নত্তনা খুন্নাই অসিনা চাউনা শরুক য়াদুনা হীংগৎহনগদবনি। চহি নৌরিঙৈ মতমদা ক্রিএতিবিতী অমসুং আর্তকী এক্সপোজর ফংবা অসিনা অঙাংশিংবু মখোয়গী অকোইবশিংগী মতাংদা হেন্না খঙহনবদা অমসুং হেন্না অফবা পুন্সি অমা ওইহনবদা মতেং পাংই হায়না ফোঙদোক্লদুনা শ্রী নাইদুনা এজুকেস্নেল ইন্সতিত্যুসনশিংনা মখোয়গী করিকুলমদা আর্ত সবজেক্তশিংবু চপ মান্ননা মরু ওইনা লৌবা পাম্বি হায়খ্রে।

উপ-রাস্ত্রপতিনা সঙ্গীত নাতক একাদমী অমসুং ললিত কলা একাদমী ফেল্লোশিপশিং লোয়ননা ২০১৮গী একাদমী এৱার্দশিং অমসুং ৬২শুবা নেস্নেল একজিবিসন ওফ আর্ত এৱার্দসকী ইনভেস্তিচরদা ৱা ঙাংখিবনি। মহাক্না পরফোর্মিং আর্তস অমসুং ফাইন আর্তসকী লমদা মখোয়না শরুক তমখিবগীদমক তোঙান-তোঙানবা আর্তিস্তশিংদা ওনর অসি খুৎশিন্নখি।

‘আজাদী কা অমৃত মহোৎসব’ পালন তৌবগী মতাংদা পল্লদুনা শ্রী নাইনা ঐখোয়গী নীংতম্বা ফংনবগীদমক মশক খঙবীদ্রবা অথৌবা কয়ানা কত্থোকখি অদুবু মখোয়গী ৱারীশিং অসি মীয়াম্না খঙদনা লৈরি মরমদি মখোয় অসি ঐখোয়গী হিস্তরী লাইরিকশিংদা পল্লমখিদে হায়না ফোঙদোকখি। মহাক্না অশোইবশিং অসি চুমথোক্নবা অমসুং মীয়াম্না মশক খঙবীদ্রবা অথৌবশিং অসিনা নীংতম লান মনুংদা শরুক তমখিবশিং অদু খঙহন্নবা হায়খ্রে।

নীংতম ইহৌ মনুংদা লৈবাক নীংবগী ৱাখল্লোনশিং অসি ফাওহনবদা ভিজুএল অমসুং পরফোর্মিং আর্তশিংগী থৌদাং অদু নীংশিংলদুনা, উপ-রাস্ত্রপতিনা আর্তনা ব্রিতিশকী শুক্নম শাদম অসিগী ৱারীশিং অসিবু কান্নবা মওং অমদা তমথোক্নবা “শক্তি লৈরবা রাজনিতীগী খুৎলাই” অমা ওইনা শীজিন্নখি হায়না ফোঙদোকখি। মহাক্না মীয়ামগী মরক্তা রবিন্দ্রনাথ তেগোর, সুব্রহ্মনিয়ম ভারতি, কাজি নজরুল ইস্লাম অমসুং বঙ্কিম চন্দ্র চেত্তর্জীগী লৈবাক নীংবা ঈশৈ অমসুং শৈরেংশিংনা করম্না নেস্নেলিজমগী অচৌবা ইনোৎ অমা পীখিবগে হায়বা অদু নীংশিংখি। “শক্তি লৈরবা আর্তিস্তিক এক্সপ্রেসনগী খুত্থাংদা ঐখোয়গী নীংতম লান্মীনা শরুক তমখিবা অসি ঐখোয়গী নীংতম লানগী মরু ওইবা শরুক অমনি অমসুং মসি কাউথোকফম থোক্তে”, হায়না মহাক্না অকনবা ৱাফম থমখি।

“ঐখোয়গী মমল য়াম্লবা হৌখ্রবা মতম অদুবু হৌজিক অমদি তুংলমচৎকা শম্নহনবদা মরী অসি মপাঙ্গল হনবদা” আর্তিস্তশিংনা শরুক তমখিবশিং অদুবু থাগৎপা ফোঙদোক্লদুনা শ্রী নাইদুনা আর্তনা কলচর কয়াগী মীওইশিংবু অমত্তা ওইহল্লি, মখোয়দা ইনোৎ অমসুং ইথিল পীখি অসুম তৌবনা “থৌওং অসিদা অহোংবা পুরক্নবা শক্তি লৈরবা এজেন্ত অমা ওইরক্লি” হায়না ফোঙদোকখি। “ঐখোয় পুম্নমক্না ঐখোয়গী মমল য়াম্লবা কলচরেল ত্রেদিসনশিং অমসুং তোঙান-তোঙানবা র্ত ফোর্মশিং অসি য়োকখৎপা অমসুং চাউখৎহনবা হায়বা অসি ঐখোয়গী পুম্নমক্কী থৌদাংনি”, হায়না মহাক্না ফোঙদোকখি।

উপ-রাস্ত্রপতিনা ভাতর অসিদা য়াম্না রিফাইন তৌরবা আর্তকী ফজরবা ত্রেদিসন অমা লৈ, মসিব অরিবা সস্ত্রশিংদা পল্লম্বা থিওরীশিংনা ঙাকলৌ পীখি হায়না ফোঙদোকখি। শ্রী নাইদুনা “লৈবাক অসিগী ইনতেঞ্জিবল কলচরেল হেরিতেজকা মরী লৈনবা অমসুং ঐখোয়গী জাতিবু শক্তাক্লিবা” ভিজুএল অমসুং পরফোর্মিং আর্তশিং অসি য়োকখৎনবা হায়খি।

থৌরম অসিদা উপ-রাস্ত্রপতিনা ফুঙ্গা ৱারীগী ভারতকী অরিবা ত্রেদিসন অসি খুদক্তা মীৎয়েং চংবা মথৌ তারিবা লম অমনি অমসুং খুদক্তা এক্সন লৌখৎনবা হায়খ্রে। মতমগা ইরোইননা ফোক ত্রেদিসনশিংগী তোঙান-তোঙানবা মওংশিং অসি হন্থরক্লি অমসুং “ঐখোয়গী ফজরবা ফোক ত্রেদিসনশিং য়োকখৎনবা ঐখোয়না খোঙথাং পুম্নমক লৌখৎপা মরু ওইরে” হায়না ফোঙদোকখি।

তুরিজম, কলচর অমসুং অৱাং নোংপোক লমদমগী চাউখৎ-থৌরাংগী কেন্দ্র মন্ত্রী শ্রী জি. কিশন রেদ্দী, সঙ্গীত নাতক একাদমী অমসুং ললিত কলা একাদমীগী চিয়রমেন শ্রীমতি উমা নন্দুরি, সঙ্গীত নাতক একাদমীগী সেক্রেতরী শ্রী তেমসুনারো জমির, ললিত কলা একাদমীগী সেক্রেতরী শ্রী রামা কৃষ্ণ বেদলা, কম্মর্স মন্ত্রালয়গী জোইন্ত সেক্রেতরী শ্রীমতি সঞ্জুক্তা মুদগল, কলচরগী জোইন্ত সেক্রেতরী, মশক নাইবা আর্তিস্তশিং অমসুং অতোপ্পা দিগনিতরীশিংনা থৌরম অসিদা শরুক য়াখি।

ৱারোল পীখিবগী মপুং ফাবা ৱারোল অদুগীদমক মসিদা নম্বীয়ু  

থৌরম অসিদা কলচরগী কেন্দ্র মন্ত্রী শ্রী জি. কিশন রেদ্দীনা ভারতকী ত্রেদিসন অমসুং আর্তকী ফিরাল অসি ঐখোয়গী লৈবাক মনুং অমসুং মপালদা পাইহন্দুনা থম্বদা থৌদাং লৌখিবা ফেল্লো অমসুং এৱার্দীশিংনা শরুক তমখিবা অসি শকখঙবীবা হায়বা অসি মন্ত্রালয় অমসুং ভারত সরকারগী ওইনা য়াম্না চাউথোকচনীংঙাই ওইবা ৱাফম অমনি হায়খি। মহাক্না মখা তারদুনা হায়খি “ললিত কলা একাদমীনা এৱার্দশিংগী মশিং অসি ১৫ ওইরম্বদগী চহি অসিদা ২০দা হেনগৎহনখিবা অসিদা ঐহাক্না য়াম্না নুংঙাইবা পোকই”।

কেন্দ্র মন্ত্রীনা মখা তারদুনা হায়খি “আর্তনা চাউখৎলবা খুন্নাই অমগীদমক ইন্দিকেতর ওই হায়বা অসি ঐখোয় পুম্নমক্না য়ারবা ৱাফমনি। মসিনা কলচরেল আইদেন্তিতী অমা পীবা খক্তা নত্তনা মীয়ামবু অমত্তা ওইনা পুনশিন্নবা হোৎনরি। ভারতকুম্বা মখল কয়াগী মীওইশিংনা খুন্দাবা লৈবাক অমগীদমক মসি অখন্ননা অচুম্বা অমনি। ঐখোয়গী অঙনবা মতমগী নীংতম লান্মীশিংনা মসি মশক খঙখি অমসুং মসিগী শক্তি অসি পুরারীদা অওনবা পুরক্নবা শীজিন্নখি”।

শ্রী জি.কে. রেদ্দীনা হায়খি, “ঙসি ঐখোয়না নীংতম্বগী চহি ৭৫ শুরকপা অসিদা চাউথোকচগা লোয়ননা তুং হন্দুনা য়েংবা অমসুং হৌজিক ফাওবদা কয়াম খুমাং চাউশিল্লবগে য়েংবা য়ারগনি। ভারত পুম্বনা আজাদী কা অমৃত মহোৎসব পাঙথোক্লি অমসুং ঐখোয়গী নীংতম লানগী মশক খঙবীখিদ্রবা অথৌবশিংদা ইকাই খুম্নবা উৎলি। মখোয়শিংগী মরক্তা ভারতকী নীংতম্বগীদমক লান শোক্নখিবা আর্তিস্ত কয়ামরুক য়াওই। মীচম প্রজানা লায়না খঙহনগদবা মওংদা প্লে অমসুং ম্যুজিকেল দ্রামাশিং উৎতুনা ৱারীশিং খঙহনখি। মসিগা মান্নবা মওংদা কবি অমসুং লাইয়েকপা কয়ানা ব্রিতিশ লৈঙাক্কী মায়োক্তা মখোয়গী খোলাউ লাউখি”।

উপ-রাস্ত্রপতি, শ্রী এম. ভেঙ্কাইয়া নাইদুনা ২০১৮গী সঙ্গীত নাতক একাদমী ফেল্লোশিপ অমসুং সঙ্গীত নাতক এৱার্দশিং, অমসুং ২০১৯গী ললিত কলা একাদমীগী ফেল্লোশিপশিং অমসুং নেস্নেল এৱার্দশিং অসি নই দিল্লীগী বিজ্ঞান ভবন্দা পাঙথোকপা অপুনবা থৌরম অমদা খুৎশিন্নখি।

সঙ্গীত নাতক এৱার্দশিংগী এৱার্দীশিংদা মধুপ মুদগল – হিন্দুস্তানি ভোকেল’ মল্লাদি সুরিবাবু – কার্নাতিক ভোকেল; মনি প্রসাদ – হিন্দুস্তানি ভোকেল; এস. করিম অমসুং এস. বাবু – কর্নাতিক ইন্সত্রুমেন্তেল – নগাস্বরম (জোইন্ত এৱার্দ) য়াওখি। ললিত কলা একাদমীগী নেস্নেল এৱার্দশিংগী এৱার্দ পীখিবা এৱার্দীশিংদা অনন্দ নরায়ন দবলি; ভোলা কুমার; দেবেশ উপধ্যা; দিগবিজয়ী খাতুৱা; ঘনশ্যান কাহর য়াওখি।

মপুং ফাবা লিস্তকীদমক মসিদা নম্বীয়ু।

*****