প্রধান মন্ত্রী, শ্রী নরেন্দ্র মোদীগী ভিজন অদুগী মতুং ইন্না নুপীশিং, খুৎ-শা হৈবা অমসুং পোৎ-চৈ শাবা হৈবা মীশিংগী তেলেন্তপু থৌগৎনবা অমসুং মখোয়দা খুদোংচাবা পীনবগীদমক্তা, এয়রপোর্ত ওথোরিতী ওফ ইন্দিয়া (এ.এ.আই.)না সেল্ফ হেল্ফ গ্রুপশিং (এস.ঐচ.জি.শিং)দা মখোয়গী রিজন অদফুগী মখোয় মশানাা শাজবা পোত্থোকশিং অদুবু এয়রপোর্তশিংদা য়োন্নবা অমসুং উৎথোক্নবা মফম পীনবা আনৌবা খোংথাং অমা পাইখৎলকখ্রে   

 “অৱসর”গী মখাদা (রিজন অদুগী খুৎ-শা হৈ-শিংলবশিংগীদমক্তা এয়রপোর্ত অসিবু ভেন্যু অমা ওইনা), এ.এ.আই.গী অনৌবা খোংথাং অসিনা লমদম অসিগী ইমুংশিদা মরোমদোম লেপচবা  অমসুং মিপাল তাংদবা মশানা শেল তাঞ্জবা গ্রুপ অমা ওইনা লৈবা ঙম্নবা খুদোংচাবা পীবদা মতেং পাংলি। মসিগী স্কীম অসিগী মখাদা এ.এ.আই.না ওপরেত তৌবা এবরপোর্ততা স্ক্যার ফিত ১০০-২০০গী মফম অমা তোঙান্না খাইদোক্তুনা থম্লি। মসিগী অহাংবা ফম অসি নুমিৎ ১৫নিগী মতমগীদমক্তা পলি খাইদোক্তুনা সেল্ফ হেল্প গ্রুপশিংদা পীরি। চেন্নেআই , এগর্তলা, দেহরাদুন, কুশিনাগর, উদয়পুর অমসুং অমৃতসর এবরপোর্তদা অউতলেত খরদি কমিসন তৌখ্রে, মসিদা লোকেল নুপীশিংনা ওপরেত তৌবা এস.ঐচ.জি.শিংনা মখোয়গী য়ুমদা শাজবা লমদম অদুগী পোত্থোকশিং খুদম ওইনা পুফদ রাইস, পেকেজ তৌরবা পাপদ, পিক্কলশিং, ৱানা শাবা নুপীশিংগী বেগ, বোতল. লেমপম সেতশিং, লোকেল আর্তিফেক্তশিং, ত্রেদিস্নেল ক্রাফ, নেচরেল দাইশিং, এম্ব্রোইদেরী অমসুং লমদম অদুগী ওইবা ফিশা-লোনশাগী পোত্থোকশিং অদু এয়র ত্রাভেলরশিং অদুদা শোকেস অমসুং মার্কেতিং তৌরি।

অতোপ্পা এ.এ.আই. এয়রপোর্তশিংনা রাজ্য সরকারশিংগা লোইননা অসিগুম্বা সেল্ফ-হেল্প গ্রুপশিংদা মফম পীনবগী থবক পাইখৎলি, খুদম ওইনা রাঞ্চি, কোলকাতা, বারানসি, ইন্দোর, ভোপাল, বাদোদারা, বেলাগাভি, মদুরাই, কোইম্বাতোর, কেলিকত, সুরত, ভুবনেস্বর, রায়পুর, সিলচর, দিব্তুগর অমসুং জোরহাত।

সেল্ফ-হেল্ফ গ্রুপশিং অসি অপিকপা অমসুং খুঙ্গংগ কম্যুনিতীশিংবু সবসিস্তেন্সতগী সস্তেনেবিলিতীদাএমপাৱর তৌনবগীদমক্তা ভারতকী খ্বাদগী মপাঙ্গল লৈবা চেনেলশিংনি। সরকার অসিনা এস.ঐ.জি.শিংবু মপাঙ্গল কনখৎনবা াতমোফিয়র অমা লেপ্তনা শেম্লি। অসিগুম্বা গ্রুপ কয়া অমা য়াম্না ফবা প্রোদ্যুসরশিং, লোকল সর্তশিংগী করইয়েতরশিং, ক্রাফ, কঞ্জুমরশিংদগী দিমান্দ লৈবা কান্নবা অমসুং অফবা প্রোদক্তশিংনি অমসুং মখোয়না মখোয়গী পোত্থোকশিং অদুবু উৎথোক্নবা খুদোংচাবা অমসুং মফম মথৌ তাই। এ.এ.আই. এয়রপোর্তশিংদা মফম পীদুনা এস.ঐচ.জি.শিংবু মপাঙ্গল কনখৎহন্নবগী অনৌবা খোংথাং আসিনা অপিকপা গ্রুপশিং অসিদা য়াম্না চাউনা মশক খঙবীবা অমসুং আম্লবা মীয়ামদা য়ৌহন্দুনা হেন্না পাক চাউবা স্পেক্ত্রমদা মখোয়গী প্রোদক্তশিং অদুবু প্রোমোত/মার্কেত তৌনবগীদমক্তা শেম শাবীরি।  

সেল্ফ-হেল্ফ গ্রুপশিংদগী এপ্লিকেশনশিং অদু  এস.ঐচ.জি.শিংনা লৈরিবা মফম অদুগী রাজ্যগী এবরপোর্ততা এলোতমেন্তকীদমক্তা এ.এ.আই. পোর্তলদা (এয়রপোর্তকী মতুং ইন্না ) লৌগনি।। থৱাই য়াওবা এস.ঐচ.জি.শিংনা এ.এ.আই. পোর্তল https://www.aai.aero/en/node/add/shg-user-detailগী খুত্থাংদা থাজিনগদবনি।

এ.এ.আই.গী চেন্নাই এয়রপোর্ত‌তা এস.ঐচ.জি.আউৎলেত

দেহরাদুন এয়রপোর্ত্তা এস.ঐচ.জি.আউৎলেত

আগর্তলা এয়রপোর্ত্তা এস.ঐচ.জি.

উদয়পুর এয়রপোর্ত্তা এস.ঐচ.জি.আউৎলেত

***