মন্ত্রীমন্দল
azadi ka amrit mahotsav

মন্ত্রী মন্দলনা অতল ইনোভেসন মিসন শাংদোকপদা অয়াবা পীখ্রে

অতল তিঙ্করিং লেব ১০০০০; অতল ইনকুবেসন সেন্তর ১০১; অতল কম্ম্যুনিতী ইনোভেসন সেন্তর ৫০ লিংখৎকদৌরি

স্তার্তঅপ ২০০দা অতল নিউ ইন্দিয়া চেলেঞ্জকী খুত্থাঙদা ঙাক্লৌ পীগদৌরি

লুপা করোর ২০০০ হেনবগী চাদিং তৌগদৌরি

Posted On: 08 APR 2022 3:54PM by PIB Imphal

প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকপা কেন্দ্রগী মন্ত্রী মন্দলগী মীফম্না অতল ইনোভেসন মিসন মার্চ ২০২৩ ফাওবা শাংদোক্নবা অয়াবা পীখ্রে‍। এ.আই.এম. অসিনা লৈবাকসিদা ইনোভেসনগী লীচৎ অমসুং ওন্ত্রপ্রিন্যুরিএল ইকোসিস্তেম শেমগৎনবগী থম্লিবা পান্দমদা থবক পায়খৎকনি‍।

এ.আই.এম.না ফংনবা তাল্লিবা পান্দমশিংদি:

অতল তিঙ্করিং লেব (এ.তি.এল.) ১০০০০ লিংখৎপা,

অতল ইনকুবেসন সেন্তর (এ.আই.সি.) ১০১ লিংখৎপা,

অতল কম্ম্যুনিতী ইনোভেসন সেন্তর (এ.সি.আই.সি.) ৫০ লিংখৎপা অমদি

স্তার্তঅপ ২০০দা অতল নিউ ইন্দিয়া চেলেঞ্জকী খুত্থাঙদা ঙাক্লৌ পীবনি‍।

হায়রিবশিং অসি লিংখৎপা অমদি বিনিফিসিয়রীশিংদা ঙাক্লৌ পীবদা পুন্না লুপা করোর ২০০০+গী শেনফম চাদিং তৌগদৌরি‍।

মিসন অসি নিতি অয়োগকী মখাদা, ২০১৫গী বজেৎ ৱারোলদা ইকায়খুম্নরবা শেলথুম মন্ত্রীনা লাউথোকখিবগী মতুং ইন্না শেমগৎপনি‍। এ.আই.এম.গী পান্দমদি স্কুল, য়ুনিভর্সিতী, রিছর্চ ইন্সতিত্যুসন, এম.এস.এম.ই. অমসুং ইন্দস্ত্রীগী থাক্তা খুৎ থিংজিন্দুনা লৈবাক শিনবা থুংনা ইনোভেসন অমসুং ওন্ত্রপ্রিন্যুরসিপকী ইকোসিস্তেম শেমগৎপনি‍। এ.আই.এম.লনা ইনফ্রাস্ত্রকচর অমদি ইন্সতিত্যুসনশিং শেমগৎপদা মীৎয়েঙ চঙলি‍। হায়রিবা খুদমশিংসিনা তাকপগুম, এ.আই.এম.না লৈবাক্কী অমসুং মালেমগী থাক্তা ইনোভেসন ইকোসিস্তেম পুনশিন্নবগী থবক পায়খৎলি‍।

রসিয়াগা লোয়ননা এ.আই.এম. – সাইরিয়স স্তুদেন্ত ইনোভেসন এক্সচেঞ্জ প্রোগ্রাম, দেনমার্ক্কা লোয়ননা এ.আই.এম. – আই.সি.দি.কে. (ইনোভেসন সেন্তর দেনমার্ক) ৱাতর চেলেঞ্জ, অমসুং ওস্ত্রেলিয়াগী লোয়ননা আই.এ.সি.ই. (ইন্দিয়া ওস্ত্রেলিয়া সর্কুলর ইকনমী হেকাথোন) অসিনচিংবা তোঙান তোঙানবা ইন্তরনেস্নেল এজেন্সীশিংগী ইনোভেসন অমসুং ওন্ত্রপ্রিন্যুরসিপকী মতাঙদা ইচঙ থৌবা খোঙবু শেম্নবগীদমক এ.আই.এম.না নাকল অনিগী ওইবা মরী শেমগৎলে‍।

এ.আই.এম.না ভারত অমসুং সিঙ্গাপোর অনিনা শীনবা ইনোভেসন স্তার্তঅপ সম্মিৎ অমা ওইরিবা ইন্সপ্রিন্যুর মায় পাকহনবদা মরুওইবা থৌদাং লৌরি‍।

এ.আই.এম.না দিফেন্স ইনোভেসন ওর্গনাইজেসন লিংখৎনবগীদমক ঙাকশেল মন্ত্রালয়গা খুৎশম্নরি, মসিনা দিফেন্স সেক্তরদা ইনোভেসন অমসুং প্রোকরমেন্তকী ফীভম ফগৎহল্লি‍।

হৌখিবা চহিশিংসিদা, এম.আই.এম.না লৈবাক শিনবা থুংনা ইনোভেসনগী থবক থৌওংশিং পুনশিন্নবগী ইন্সতিত্যুস্নেল মেকানিজম অমা পীনবা থবক পায়খৎলি‍। মসিগী থৌরমশিংগী খুত্থাঙদা, মহৈ তম্লিবা অঙাঙ কয়াদা মসিনা ইনোভেসন পুরক্লি‍। এ.আই.এম.না ঙাক্লৌ পীবা স্তার্তঅপশিংনা লৈঙাক্কী অমসুং লনাইগী ইকুইতী ইনভেস্তরশিংদগী লুপা করোর ২০০০ হেনবগী শেনফম খোমগত্তুনা থবক লিশিং কয়া পীরি‍। এ.আই.এম.না লৈবাক্কী ইন্তরেস্ততা লৈবা হীরম কয়াদসু তোঙান তোঙানবা ইনোভেসন চেলেঞ্জ পায়খৎলি‍। এ.আই.এম.গী থৌরমশিংনা ইনোভেসন ইকোসিস্তেমদা হেন্না শরুক য়াহন্নবা পুক্নিং থৌগত্তুনা ভারতকী দিমোগ্রাফিক দিবিদেন্দবু শীজিন্নবগী পান্দমদা পুন্না স্তেত অমসুং য়ুনিয়ন তেরিতরী ৩৪বু কোনশিল্লি‍।

মখা চত্থনবা মন্ত্রী মন্দলগী অয়াবা ফংবগা লোয়ননা, এ.আই.এম.না ইনোভেসন অমসুং ওন্ত্রপ্রিন্যুরসিপকী লমদা থবক তৌবদা হেন্না লায়থোকহনবা পুম্নমক কোনশিল্লবা ইনোভেসন ইকোসিস্তেম অমা শেমগৎনবগী হেন্না চাউবা থৌদাং লৌরি‍।

****



(Release ID: 1814998) Visitor Counter : 78