ভারত সরকারনা ২০১৫গী এপ্রিল ১দগী চৎনবা হৌদুনা ৱান স্তোপ সেন্তর (ও.এস.সি.) স্কিম ইমপ্লিমেন্ত তৌখি। ও.এস.সি.শিংনা পুলিস তান্নবগী খুদোংচাবা, মেদিকেলগী তেংবাং, আইনগী ওইবা তেংবাং অমসুং কাউন্সেলিং, সাইকো-সোসিএল কাউন্সেলিং অমসুং হিংসা নত্ত্রগা অৱাবা তারবা নুপীশিংবু মতম খরগী ওইবা চংজফম পীবা য়াওনা মফম অমদা ইন্তিগ্রেতেদ সর্ভিস মখল কয়ামরুম ফংহল্লি। ঙসি ফাওবদা, লৈবাক অসিদা লৈরিবা জিলা ৭২৯দা ও.এস.সি. ৭৩৩ অয়াবা পীখ্রে, মসিগী মনুংদা ও.এস.সি. ৭০৪দি রাজ্য/য়ু.তি. ৩৫দা মথৌ তৌবা হৌখ্রে, মসিনা নুপী লাখ ৪.৯৩ হেনবদা মতেং পাংখ্রে। ২০১৫দগী হৌদুনা জিলাগী থাক্তা লিংখৎখিবা ও.এস.সি.শিংনা জিলাগী থাক্তা অৱানা তারবদা নুপীশিংদা, মমাংদা ফংলমদবা মথৌ তাবা মতেং ফংনবা দেদিকেতেদ প্লেৎফোর্ম অমা ফংহনখি।

জিলা/দিস্ত্রিক্ত ওথোরিতীশিংনা স্কিম অসি নীংথিনা ইমপ্লিমেন্ত তৌনবগীদমক সেন্তরশিং অসিদা মতিক চাবা মেনপাৱর/স্তাফ লৌবগী থৌদাং লৌরি। রাজ্য/য়ু.তি. ২৪দগী ফংবা ই-পাউগী মতুং ইন্না কাউন্সেলর ৫২০ খনখ্রে। মথৌ তৌবা হৌরবা ও.এস.সি.শিংগী অমসুং সাইকো-সোসিএল কাউন্সেলরশিংগী মশিংগী রাজ্য/য়ু.তি.শিংগী অকুপ্পা মরোল এনেক্সরদা পীরি।

মন্ত্রালয় অসিনা মীফমশিং, ভিদিও কনফরেন্সকী খুত্থাংদা অমসুং রাজ্যশিংগী সরকার/য়ু.তি. এদমিনিস্ত্রেসনশিংগীনা এদভাইজরীশিং থোক্তুনা মতম মতমগী ওইনা সেন্তরশিং অসিদা স্কিম ইমপ্লিমেন্তেসন অমসুং ফঙ্কসন তৌবা অসি য়েংশিল্লি।

কেন্দ্র সরকারনা নুপীশিংগী সেফতী অমসুং সেক্যুরিতী পীবদা মরু ওইবা মীৎয়েং চংলি অমসুং সেকচুএল অমসুং জেন্দর-বেজ ভাইওলেন্সকী ভিক্তিমশিং মতেং পাংনবা অমসুং সেকচুএল অমসুং জেন্দর-বেজ ভাইওলেন্স য়াওনা নুপীশিং অমসুং নুপীমচাশিংগী সেফতী অমদুং সেক্যুরিতী ঙাক্তুনা থম্নবা রাজ্য/য়ু.তি.শিংগী খোঙথাংশিং অসি মতেং পাংনবা খোঙথাং কয়ামরুম লৌখৎখি। স্কিম/প্রোজেক্ত অসিদা ৱান স্তোপ সেন্তরশিং (ও.এস.সি.শিং); য়ুনিভর্সেলাইজেসন ওফ ৱুমেন হেল্পলাইনশিং (দবল্যূ.ঐচ.এল.); ইমর্জেন্সীশিংগীদমক পেন-ইন্দিয়া সিঙ্গল নম্বর (১১২)/মোবাইল এপ বেজ সিস্তেম অমা ওইরিবা ইমর্জেন্সী রেস্পোন্স সপ্পোর্ত সিস্তেম; ওবসিন কন্তেন্ত রিপোর্ত তৌনবা সাইবে-ক্রাইম রিপোর্তিং পোর্তেল অমা; ইনভেস্তিগেসন ওফিসরশিং, প্রোজিক্যুসন ওফিসরশিং অমসুং মেদিকেল ওফিসরশিংগীদমক এৱের্নেস প্রোগ্রামশিং, ত্রেনিং অমসুং স্কিল দিবেলপমেন্ত প্রোগ্রামশিংগী খুত্থাংদা ইনফ্রাস্ত্রকচর, তেক্নোলোজী এদোপসন অমসুং কম্ম্যুনিতীগী কেপাসিতী বিল্দিং য়াওনা শহর ৮ (অহমদাবাদ, বেঙ্গলুরু, চেন্নাই, দিল্লী, হায়রদাবাদ, কোলকাতা, লখনৌ অমসুং মুম্বাই)গী সেফ সিতী প্রোজেক্তশিং ; রাজ্য/য়ু.তি.শিংদা সেকচুএল এসোল্ত ইভিদেন্স কল্লেক্সন (এস.এ.ই.সি.) কিৎশিং য়েন্থোকপা; চান্দিগরগী সি.এফ.এস.এলদা. স্তেৎ ওফ দি আর্ত দি.এন.এন. লেবোরেতরোতী লিংখৎপা; ফোরেন্সিক সাইন্স লেবোরেতোরীশিং মপাঙ্গল কনখৎহন্নবা রাজ্যয়ু.তি. ২৪দা তেংবাংবা; পোক্সো এক্তকী মখাদা রেপ অমসুং কেসশিংগী কেসশিং খোঙজেল য়াংখৎহন্নবা ফর্স্ত ত্রেক স্পেসিএল কোর্তস (এফ.তি.এস.সি.শিং ) ১০২৩ লিংখৎপা; লৈবাক অসিগী জিলা পুম্নমক্তা এন্তি হ্যুমেন ত্রাফিকিং য়ুনিৎ (এ.ঐচ.তি.য়ু.শিং) লিংখৎপা/মপাঙ্গল কনখৎহনবা; পুলিস স্তেসনশিংদা ৱুমেন হেল্প দেস্কশিং (দবল্যু.ঐচ.দি.শিং) লিংখৎপা/মপাঙ্গল কনখৎহনবা অসিনচিংবা য়াওরি।

নির্ভায়া ফন্দগী মখাদা ব্যুরো ওফ পুলিস রিসর্চ এন্দ দিভেলপমেন্ত (বি.পি.আর.&দি.)না ইনভেস্তিগেসন ওফিসরশিং, প্রোসিক্যুসন ওফিসরশিং অমসুং মেদিকেল ওফিসরশিংগী ত্রেনিং অমসুং স্কিল দিভেলপমেন্ত প্রোগ্রামশিং অমসুং রাজ্য/য়ু.তি.শিংদা সেক্সুএল এসোল্ত ইভিদেন্স কলেক্সন (এস.এ.ই.সি.) কিৎশিং য়েন্থোকপা য়াওনা তোঙান তোঙানবা খোঙথাং কয়ামরুমসু পাইখৎলি। বি.পি.আর.&দি.না ইনফ্রাস্ত্রকচর, ত্রেনিং, হ্যুমেন রিসোর্স দিবেলপেমন্ত অমসুং রেস্পোন্স মেকানিজম হায়রিবা মরুওইবা মচাক মরি অসিদা মীৎয়েং চংদুনা ৱুমেন হেল্প দেস্কশিং অপনবা লৈতনা মথৌ তৌনবা ‘পোলিস স্তেসনশিংদা লৈবা ৱুমেন হেল্প দেস্কশিং’গী স্তেন্দর্দ ওপরেতিং প্রিসিদ্যুরশিং (এস.ও.পি.) শেম শাখ্রে। ‘ৱুমেন’স সেফ্তি এন্দ সিক্যুরিতী- এ হেন্দবুক ফোর ফর্স্ত রেস্পোন্দর্স এন্দ ইনভেস্তিগেতর্স ইন দি পুলিস’ হায়না মমিং থোনবা লাইরিক অমা ইনভেস্তিগেসন, ভিক্তিম কম্পেন্সেসন অমসুং রিহেবিলিতেসন য়াওনা সেকচুএল এসোল্তকী ক্রাইমদা অখন্নবা রিফরেন্স পীদুনা নুপীশিংগী মায়োক্তা চত্থবা ক্রাইম ঙাকথোক্নবা অমসুং থিজিন্নবা ৱাখল্লোন্দা শেম শাখ্রে। নুপী অমসুং অঙাংশিংগী মায়োক্তা চত্থবা ক্রাইম ঙাকথোক্নবা অমসুং খংদোক্নবা অমসুং ক্রাইমনা মরম ওইরগা অৱাবা তারবশিংগা ৱারী ৱাতাই শাবদা মতেং ওইনবা পুলিসকী মতিক চাবা বিহেবিয়রিকেল অমসুং এতিচ্যুদিনেল স্কিলশিংদা অহেনবা মীৎয়েং চংখ্রে। বি.পি.আর.&দি.না ৱুমেন সেফ্তী ৱিদ সেন্সিবিলিতী, জেন্দর সেন্সিতাইজেসন ওফ পুলিস পর্সনেলনচিংবদা ৱেবিনারশিং পাংথোকখি।

ৱুমেন অমসুং চাইল্দ দিভেলপমেন্ত মন্ত্রালয়না ওৎপী নৈবীরবা নুপীশিং অমসুং ৱাখল ৱারবা নুপীশিংদা মতেং পাংবদা মথৌ তারিবা সাইকো-সোসিএল অমসুং মেন্তল হেল্থ পীনবা লৈবাক পুম্বদা লৈরিবা ৱান স্তোপ সেন্তরশিং (ও.এস.সি.)গী স্তাফশিংদা ‘স্ত্রী মনোরক্ষা’ হায়না কৌবা প্রোজেক্তকী মখাদা তঙাই ফদবা অমসুং এদভান্স ত্রেনিং পীবদা নেস্নেল ইন্সতিত্যুত ওফ মেন্তল হেল্থ এন্দ ন্যুরো সাইন্সেস (নিমহান্স)কী সর্ভিসশিংগী মতেং লৌরি। 

মসিগী ই-পাউ অসি ৱুমেন অমসুং চাইল্দ দিভেলপমেন্তকী কেন্দ্রগী মন্ত্রী শ্রীমতি স্মৃতি জুবিন ইরানিনা ঙসি রাজ্য সভাদা অইবা পাউখুম ওইনা পীখি।

*****

 

এনেক্সর

রাজ্য রাজ্যগী ওইবা লৈবাক অসিদা লিংখৎখিবা ৱান স্তোপ সেন্তরশিং (ও.এস.সি.শিং)গী মশিং অমসুং সাইকো-সোসিও কাউন্সেল্লরশিংগী মশিং

সিরিএল নম্বর	রাজ্য	অয়াবা পীরবা ও.এস.সি.শিংগী মশিং	মথৌ তৌরিবা ও.এস.সি.শিংগী মশিং	সাইকো-সোসিও কাউন্সেল্লরশিংগী মশিং
১	অন্দামান অমসুং নিকোবার ইথৎশিং	৩	৩	০
২	আন্ধ্র প্রদেশ	১৪	১৩	*
৩	অরুনাচল প্রদেশ	২৫	২৪	*
৪	অসাম	৩৩	৩৩	১৯
৫	বিহার	৩৮	৩৮	*
৬	চন্দিগর	১	১	১
৭	ছত্তিশগর	২৭	২৭	২৬
৮	দাদ্রা অমসুং নগর হভেলি অমসুং দামন অমসুং দ্যু	৩	৩	*
৯	দিল্লী	১১	১১	১১
১০	গোৱা	২	২	১২
১১	গুজরাত	৩৩	৩৩	*
১২	হরিয়ানা	২২	২২	*
১৩	হিমাচল প্রদেশ	১২	১২	৮
১৪	জম্মু অমসুং কাশ্মীর	২০	২০	২০
১৫	ঝারখন্দ	২৪	২৪	২৪
১৬	কর্নাতকা	৩০	৩০	*
১৭	কেরেলা	১৪	১৪	১৪
১৮	লদাখ-য়ু.তি.	২	২	*
১৯	লক্ষদ্বীপ	১	১	*
২০	মধ্য প্রদেশ	৫২	৫২	৫২
২১	মহারাস্ত্র	৩৭	৩৭	২৭
২২	মনিপুর	১৬	১৬	১৬
২৩	মেঘালয়	১১	১১	১১
২৪	মিজোরাম	৮	৮	১
২৫	নাগালেন্দ	১১	১১	১১
২৬	ওরিশা	৩০	৩০	*
২৭	পুদুচেরী	৪	৪	২
২৮	পঞ্জাব	২২	২২	৯
২৯	রাজস্থান	৩৩	৩৩	৬০
৩০	সিক্কিম	৪	৪	৪
৩১	তমিল নাদু	৩৮	৩৪	৩৮
৩২	তেলঙ্গনা	৩৩	৩৩	৬৬
৩৩	ত্রিপুরা	৮	৮	*
৩৪	উত্তর প্রদেশ	৭৫	৭৫	৭৫
৩৫	উত্তরাখন্দ	১৩	১৩	১৩
৩৬	ৱেস্ত বেঙ্গল	২৩	০	*
	অপুনবা	৭৩৩	৭০৪	৫২০

*মরী লৈনবা রাজ্য/য়ু.তি.দগী পাউ ফংদবা

******

(Release ID: 1814253) Visitor Counter : 205