میلبورن یونیورسٹی کے افسران پر مشتمل ایک آسٹریلیائی وفد نے  آج سماجی انصاف اور تفویض اختیارات کے مرکزی وزیر ڈاکٹر وریندرکمار کے دفتر میں ان سے ملاقات کی تاکہ معذوری کے شعبے میں تعاون سے متعلق مختلف  امور  اور آگے کے معاملوں پر تبادلہ خیال کیا جاسکے ۔

پروفیسر مائیکل ویسلے، ڈپٹی وائس چانسلر، پروفیسر ایم اشوک کمار، معاون ڈپٹی وائس چانسلر، پروفیسر ایم او بریان، سائنس کے ڈین فیکلٹی ، پروفیسر ناتھن گرلس اور محترمہ لیزا، چیف ایگزیکٹو ا فسر ، آسٹریلیا انڈیا انسٹی ٹیوٹ پر مشتمل وفد نے 22 نومبر 2018 کو معذور ی کے شعبے میں تعاون کے لئے حکومت ہند  اور آسٹریلیائی حکومت کے درمیان دستخط کئے گئے مفاہمت نامے کے نفاذ پر ہوئی پیش رفت پر تبادلہ خیال کیا۔ آسٹریلیائی وفد کے ممبران نے  مفاہمت نامے کی عمل آوری میں اب تک کی پیش رفت کی ستائش کی ۔

مذکورہ مفاہمت نامےمیں تعاون کےشعبے میں معذوری کی پالیسی اور خدمات کی ترسیل  ، جلد شناخت اور معذوری کی روک تھام کے لئے اقدامات ، کمیونٹی  رسائی، تعلیم و تربیت، صلاحیت سازی اور معذوری کے شعبے میں سرمایہ کاری کو فروغ دینا شامل ہیں۔ میلبورن یورنیورسٹی  ا ٓسٹریلیا کی  پروگرام کا نفاذ کرنے والی ایجنسی ہے  جیسا کہ آسٹریلیائی ہائی کمیشن، نئی دہلی نے مفاہمت نامےکےنفاذ کے لئے نامزد کیا ہے ۔

ڈاکٹر ویریندر کمار نے کمیونٹی پر مبنی جامع ترقی (ای بی آئی ڈی ) پروگرام سے متعلق  6 ماہ کا کورس تیار کرنے کے لئے میلبورن یونیورسٹی اور ڈی ای پی ڈبلیو ڈی کے تعاون کی ستائش کی  جسے بعد میں ملک بھر کے 16 اداروں میں پائلٹ بنیاد پر شروع کیا گیا ہے ۔ انہوں نے تجویز دی کہ ایک بار ذہنی صحت کی بحالی کا قومی ادارہ (این آئی ایم ایچ آر) مکمل طور پر فعال  ہوجائے،  میلبورن یونیورسٹی تربیتی پروگراموں کے تبادلے کے ذریعہ  ادارے کی صلاحیت سازی میں اہم کردار ادا کرسکتی ہے ۔

مرکزی وزیر نے اس بات کابھی مشاہدہ کیا کہ این آئی ایم ایچ آر اور میلبورن یورنیورسٹی دونوں  مشترکہ طور پر  تحقیق شروع کرنے اور ذہنی بیماری میں مبتلا افراد کی بحالی کےلئے ماڈل اور معیاری آپریٹنگ طریقہ کار تیار کرنے کے لئے  ایک ساتھ مل کر کام کرسکتے ہیں ۔

دونوں فریق نے  ذہنی صحت کی بحالی سمیت بحالی کے شعبے میں کورس / ماڈیول تیارکرنےکےلئے ایک ٹاسک فورس کی تشکیل پر متفق ہوئے ہیں ۔ ڈی ای پی ڈبلیو ڈی کے تحت قومی ادارے مفاہمت نامے کے مطابق میلبورن یونیورسٹی کے ساتھ تعاون بھی کریں گے۔

ڈی ای پی ڈبلیو ڈی کی سکریٹری محترمہ انجلی بھاورا اور جناب راجیش یادواور جناب راجیو شرما، کوائنٹ سکریٹریز اور دیگر افسران پر مشتمل ا ن کی ٹیم آسٹریلیائی وفد کے ساتھ بات چیت کے دوران موجود تھی ۔

۔۔۔۔۔۔۔۔۔۔۔

ش ح۔ ع ح ۔ ف ر

U-3806