দোনর মন্ত্রালয়গী মীৎয়েং মখাদা নোর্থ ইস্তর্ন রিজন কম্যুনিতী রিসোর্স মেনেজমেন্ত সোসাইতী (এন.ই.আর.সি.আর.এম.এস)না স্কিল দিবলপমেন্তকী থোংদা নারি শক্তিবু মপাঙ্গল কনখৎহন্নবা পান্দমদা অৱাং নোংপোক লমদমগী রুরেল এরিয়াশিংদা লৈরিবা নুপীশিংবু চেঙ্গুম থাবগী খুত্থাংদা মখোয়গী লাইবলিহুদ ফংবদা মতেং পীরি।

মসি পুম্নমক এন.ই.আর.সি.আর.এম.এস.না ৱুমেন সেল্ফ হেল্প গ্রুপ অমা ওইরিবা বানচুংবু চেঙ্গুম থানবগীদমক ত্রেনিং পীবগা লোয়ননা হৌদোকখি। মসিগী গ্রুপ অসি অরুনাচল প্রদেশকী চাংলাং জিলাদগীনি। গ্রুপ অসি অপুনবা নুপী মেম্বর ২০গা লোয়ননা ২০১৬কী জনুৱারীদা শেমখি। গ্রুপ অসি সিংফো ত্রাইবকী মনুং চল্লি।

এরিয়া অসিদা চেঙ্গুম থাবা অসি খঙজেল য়াংনা খুমাং চাউশিল্লি অমদি পোত্থোক অদু কৈথেলদা অফবা রিতর্ন ফংলি। ওইস্তর চেঙ্গুম অসি কম্পোস্তিং য়াওদনা মখল মখা কয়াগী এগ্রিকলচরেল ৱেস্তশিংদগী প্রোতিন মরাং কায়না য়াওবা চিঞ্জাক পুথোক্নবগীদমক খ্বাইদগী চানবা ফঙ্গেল ওর্গানিজম অমনি। ওইস্তর চেঙ্গুম পুথোকপা হৌনবগীদমক ত্রেনিং অমসুং শেম-শাবা মথৌ তাই।

হৌরকপদা গ্রুপ অসিনা মসিগী এক্তিবিতী অমদি মতৌ করম্না মসিগী সস্তেনেবিলিতী লৈহনগদগে হায়বদু খংলমদে। চহি ২০১৬দা, প্রোজেক্ত অসি ইমপ্লিমেন্ত তৌরবা মতুংদা, গ্রুপ অসিনা মসিগী প্রোসেস অমসুং এক্তিবিতীশিংগী মতাংদা তমখি অমদি তুংদা মসিগী শরুক অমা ওইখি। রিভোলবিং ফন্দগী থোংদা লুপা ১,২২,০০০/- (২০১৬দগী ২০২০ ফাওবা)গী অপুনবা শেনফম অমা ফংখ্রে, মদুদা গ্রুপ অসিনা আচার শেম্বা, ফি শাবা অমসুং চেঙ্গুম থাবা হৌদোকখি।

২০১৯গী অহানবা চয়োলদা, খেরেম বিসাদা লৈবা মোহোং খুঙ্গংদগী বেদ এম ভেজেগানা গ্রুপ অসিবু চেঙ্গুম থাবগী ত্রেন তৌখি। ত্রেনিং মনুংদা গ্রুপকী মেম্বরশিংনা ইচং থৌনা শরুক য়াখি। তুংদা, ২০২০গী জনুৱারীদা, ত্রেনিংগী থোংদা অমদি রিভোলবিং ফন্দগী তেংবাংগা লোয়ননা গ্রুপ অসিনা চেঙ্গুম স্পোন, পেকেজিং প্লাস্তিক, রব্বর অমসুং পাইপ স্প্রে লৈবদা লুপা ৭০০০কী শেনফম অমা চাদিং তৌবগা লোয়ননা চেঙ্গুম থাবা হৌখি।

থা অনিগী মতুং, চেঙ্গুমবু হোল সেল মার্কেৎ প্রাইস অমদা কিলোগ্রাম অমদা লুপা ১৫০দগী ১৬০ ফাওবা অমদি মতম মতমগী ওইনা লুপা ২০০গী রিতেল মার্কেৎ প্রাইসতা য়োনবা হৌখি। থা অমগা মখায়দা, মখোয়না হোল সেল প্রাইসতা লুপা ২,৮৭০দা কিলোগ্রাম ১৭ অমসুং রিতেলদা লুপা ১২,০০০দা কিলোগ্রাম ৬০ য়োনখি। অপুনবা য়োনখিবগী শেনফম অসি লুপা ১৪,৮৭০ ওইদুনা লুপা ১৪,৮৭০ শেন্দোং ফংখি।

গ্রুপ অসিনা ইনকম জেনরেসনগীদমক চেঙ্গু থাবগী নোলেজ পীদুনা খুঙ্গংগী নুপীশিংগী স্কিল দিবেলপ তৌরিবা অমসুং হেনগৎহল্লিবা এন.ই.আর.সি.আর.এম.এস.কী থোংদা ফংখিবা থিওরিতিকেল অমসুং ফাইনান্সিএল তেংবাংগীদমক প্রোজেক্ত অসিবু থমোয় শেংনা তৌবিমল খংবা ফোংদোকখি।

*****

(Release ID: 1813411) Visitor Counter : 120