ইন্দিয়া-ওস্ত্রেলিয়া ইকনোমিক কোওপরেসন এন্দ ত্রেদ এগ্রীমেন্ত (“ইন্দওস ই.সি.তি.এ.”) অসি ভারত সরকারগী কম্মর্স এন্দ ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসন অমসুং তেক্সতাইল্সকী কেন্দ্র মন্ত্রী শ্রী পিয়ুশ গোয়ল অমসুং ওস্ত্রেলিয়া সরকারগী ত্রেন, তুরিজম এন্দ ইনভেস্তমেন্তগী মন্ত্রী মিস্তর দেন তেহান্না ঙসি ভারতকী ইকাই খুম্নরবা প্রধান মন্ত্রী ঐচ.ই. শ্রী নরেন্দ্র মোদী অমসুং ওস্ত্রেলিয়াগী ইকাই খুম্নরবা প্রধান মন্ত্রী, ঐচ.ই. স্কোত মোরিসন য়াওবা ভর্চুএল ওইবা থৌরম অমদা খুৎয়েক পীনখি।

খুৎয়েক পীনরবা মতুংদা ৱা ঙাংবদা প্রধান মন্ত্রী, শ্রী নরেন্দ্র মোদীনা হায়খি মদুদি অতেনবা মতমগী মনুংদা ইন্দওস ই.সি.তি.এ. খুৎয়েক পীনখিবা অসিনা লৈবাক অনিগী মরক্তা অমনা অমবু থাজনবগী চাং অদু উৎলি হায়না ফোঙদোকখ্রে। শ্রী মোদীনা ইকনোমী অনিগী মরক্তা অমনা অমগী মথৌ তাবশিং থুংহন্নবা হোৎনবদা লৈরিবা চাউনা তৌবা ঙম্বা অদু থমখি অমসুং এগ্রীমেন্ত অসিনা লৈবাক অনিনা মখোয়গী খুদোংচাবশিং মপুং ফানা শীজিন্নবা ঙমহল্লগনি হায়না ফোঙদোকখি। “মসি ঐখোয়গী বাইলেতরেলগী ওইবা মরী অসিগীদমক য়াম্না মরু ওইবা তাঙ্কক অমনি”, হায়না মহাক্না ফোঙদোকখি। প্রধান মন্ত্রীনা হায়খি, “এগ্রীমেন্ত অসিদা য়ুম্ফম ওইরগা ঐখোয়না সপ্লাই চেনশিংগী রেজিলিয়েন্স হেনগৎহনবা অমসুং ইন্দো-পেসিফিক রিজন্দা তংদু লৈতানা লৈহনবা ঙম্নবা শরুক তম্বসু ঙমহল্লগনি”।

‘পিপল তু পিপল’ রিলেসনশিং অসি ভারত অমসুং ওস্ত্রেলিয়াগী মরক্তা লৈনরিবা মরী অসিগী মরু ওইবা য়ুম্বীনি হায়না ফোঙদোক্লদুনা প্রধান মন্ত্রীনা হায়খি, “এগ্রীমেন্ত অসিনা ঐখোয়গী মরক্তা মহৈরোয়শিং, প্রোফেস্নেলশিং, অমসুং তুরিস্তশিং একচেঞ্জ তৌনবদা মতেং ওইরগনি, মসিনা লৈবাক অনিগী প্রজাশিংগী মরক্তা লৈনরিবা মরী অসি মপাঙ্গল কনখৎহল্লগনি”।

থৌরম অদুদা খুৎয়েক পীনবা লোইরবা মতুদা শ্রী সেন তেহানগা লোইননা পাংথোকখিবা জোইন্ত কনফরেন্স অদুগী মনুংদা মহাক্কী অহৌবা ৱারোলদা, শ্রী গোয়লনা ইন্দিয়া-ওস্ত্রেলিয়া ই.সি.তি.এ.না ঐখোয়গী এক্তা (অপুনবগী শক্তম) অমসুং কোওপরেশনগী ৱাখল্লোন অদুবু ময়েক শেংনা উৎলি হায়না হায়খি। ভারতকীদমক্তা পুৱারী ওইহৌরগদবা নুমিৎনি হায়না হায়খি, মরমদি মসি চহি দেকেদ অমগী মতুংদা চাউখৎপা লৈবাক অমগা অহানবা এগ্রীমেন্তনি হায়না হায়রদুনা শ্রী গোয়লনা ঐখোয়গী মরী অসি ত্রস্ত অমসুং রিয়াবেবিলিতীদা য়ুমফম ওই, হায়রিবা অসি ক্বাদ অমসুং সপ্লাই চেন রেজিলিয়েন্স ইনিসিয়েতিবকী খুত্থাংদা কনশিল্লক্লিবা ঐখোয়গী স্ত্রেতেজিক এনগেজমেন্ত অসিদা ময়েক শেংনা তাক্লি হায়না হায়কখি।

ভারত অমসুং ওস্ত্রেলিয়া অসি দেমোক্রেসীগী ভেল্যুশিং, ক্রিকেত, চিঞ্জাক অমসুং মুভীজপু পামজবা ওইবদা নত্তনা লো অমসুং ত্রান্সপরেন্সীগি রুলনা কনেক্ত তোরবা মহৌশাগী ওইবা পার্তনরশিংনি হায়না হায়খি, শ্রী গোয়লনা  ইন্দ-ওস ই.সি.তি.এ. অসিনা চহি মঙাগী মনুংদা বাইলেতরেল ত্রেদ অসি শরুক অনি থোক্না হেনগত্তুনা চাউরাক্না $ বিলিয়ন ৫০ রোম ওইরগনি হায়না হায়খি। মহাক্না তেক্সতাইলশিং অমসুং অপরেলশিং, লেদর, হোসপিতেলিতী, জেমস অমসুং জেৱেলরি, ইঞ্জিনীয়র্দ গুদস অমসুং ফার্মা, আই.তি., স্তার্তঅপশিং অসিনচিংবগুম্বা সেক্তর কয়া অমদা ইন্দিয়ন এক্সপোর্তশিংগীদমক্তা পোতেন্সিয়েল য়াম্না চাউনা লৈ হায়না মহাক্না হায়খি। ওস্ত্রেলিয়ানা এজুকেশন, আই.তি. বিজনেস, প্রোফেস্নেল সার্বিস, হেল্থ ঞাসুং ওদিয়ো-ভিজুৱলগুম্বা ভারতকী মরু ওইনা ইনতরেস্ত লৈবা সার্বিসশিংগী হীরমশিং অসিদা থবক তৌরি লোইন-লোইননা ওস্ত্রেলিয়ানা মহৈরোইশিংগীদমক্তা পোস্ত-স্তদী ৱার্ক ভিজাশিং, সেফ অমসুং য়োগ ইন্সত্রক্তরশিংগীদমক্তা কোতা অমসুং নহা ওইরিবা প্রোফেস্নেলশিংগীদমক্তা ৱার্ক অমসুং হোলিদে ভিজাশু পীরগনি।

এগ্রীমেন্ত অসিনা সর্কমভেন্সন থোকহন্দনবা মতিক চাবা চেকশিন-থৌরাংশিং পীরগনি, গুদসশিংগী ইমপোর্ততা খঙহৌদনা হেনগৎলকপদগী ঙাকথোক্নবা ফ্যুজ; অহানবা ওইনা, চহি ১৫গী মতুংদা কমপলসরী রিভ্যুগীদমক্তা মেকানিজম য়াওহনখি হায়না স্রী গোয়লনা হায়খি। ইন্দ-ওস ই.সি.ত.এ. অসিনা ত্রেদ অমসুং কমর্সিয়েলগী ওইবা মরীশিং অনৌবা য়ুক অমগী পাউজেল্লোই ওইবদা নত্তনা লৈবাক অনি অসিগী মরক্তা লৈরিবা মরী অসিবু অনৌবা অৱাংবা অমদা পুখৎলগনি হায়না পল্লদুনা ই.সি.তি.এ. অসিবু মীয়ামদা য়ৌহন্নবা ঐহাক ইশামক লাক্কদবা নুমিৎ খরনি অসিদা ওস্ত্রেলিয়াদা চৎকনি হায়না শ্রী গোয়লনা হায়খি।

মখাদা পীরিবা অসি শহরী গোয়লগী ৱারোল অদুগী মপুং ফাবা অইবা ৱাহৈশিংনি:

“ওস্ত্রেলিয়াগী ইকাইখুম্নরবা ত্রেদ, তুরিজম অমসুং ইনভেস্তমেন্তকী মন্ত্রী, ঐগী মরুপ দেন তেহান, নুপীশিং অমসুং নুপাশিং, খুরুমজরি!”

গুদি পদ্বাগী শেংলবা থৌরম অসিদা মীয়াম পুম্নমকপু য়াইফ-পাউজেল পীজরি। লাক্কদবা চই অসিনা ময়াম পুম্নমক্কী মঙলান অমসুং অপাম্বশিং অদুবু নিংবা থুং বা ওইরসনু।

মীয়ামদা খঙহনবদা য়াম্না নুংঙাইবা ফাওই মদুদি ঙসি, ইকাইখুম্নরবা ওস্ত্রিয়াগী পি.এম., স্কোত মোরিসন অমসিং ইকাইখুম্নরবা পি.এম. শ্রী নরেন্দ্র মোদীনা ইকাইখুম্নিংঙাই ওইবা মওংদা  শরুক য়াদুনা, ভারত অমসুং ওস্ত্রেলিয়ানা ইকোনোমিক কোওপরেশন এন্দ ত্রেদ এগ্রীমেন্ত (ই.সি.তি.এ.)খুৎয়েক পীনখি। ভারতকীদমক্তা পুৱারী ওইহৌরগদবা নুমিৎনি, মরমদি মসি চহি দেকেদ অমগী মতুংদা চাউখৎপা লৈবাক অমগা অহানবা এগ্রীমেন্তনি। অমনা অমগী সেন্সিতিবিতিশিং নিংথিনআ খঙদুনা, শেংনা কোওপরেতিব ওইবা ৱাখল্লোনদা এগ্রীমেন্ত অসিবু মপুং ফাহনবদা ঐখোয়বু লমজিংখিবা অমসুং থৌগ৭খিবা ঐখোয়গী লুচিবশিংদা তৌবীমল খঙবা উৎচরি।   

ঐগী মরুপ, মন্ত্রী তেহাননা থমোই শেংনা সপোর্ত তৌবীবগীদমক্তা অখন্ননা থাগৎচরি। তীম অনিমক্না মখোয়গী শিংথানিংঙাই ওইবা থবকশিং অমসুং পুং ২৪ হোৎনবগীদমক্তা ঐহাক্না থমোই শেংনা থাগৎপা ফোংদোক্লি।

ভারত অমসুং ওস্ত্রেলিয়া অসি দেমোক্রেসীগী ভেল্যুশিং, ক্রিকেত, চিঞ্জাক অমসুং মুভীজপু পামজবা ওইবদা নত্তনা লো অমসুং ত্রান্সপরেন্সীগি রুলনা কনেক্ত তোরবা মহৌশাগী ওইবা পার্তনরশিংনি।  অশেংবা মচিন-মনাওগুম্না, লৈবাক অনি অসিনা অমনা অমবু কোবিদ-১৯গী মতমদা মতেং পাংনখি। ঐখোয়গী মরী অসি ত্রস্ত অমসুং রিয়াবেবিলিতীদা য়ুমফম ওই, হায়রিবা অসি ক্বাদ অমসুং সপ্লাই চেন রেজিলিয়েন্স ইনিসিয়েতিবকী খুত্থাংদা কনশিল্লক্লিবা ঐখোয়গী জিও-স্ত্রেতেজিক এনগেজমেন্ত অসিদা ময়েক শেংনা তাক্লি।

ইন্দ-ওস ই.সি.তি.এ.না ত্রেদ অমসুং কমর্সিয়েল রিলেশনশিংগি শরুক অয়াম্বা লোইনা য়াওই, ত্রেদ বেরিয়রশিং লৌথোক্তুনা অমসুং গুদস অমসুং সার্বিসঅনিমক্তা খুদোংচাবা কয়া অমা হাংদোরক্লি। ই.সি.তি.এ.গী $ বিলিয়ন ২৭.৫ (২০২১)কী মর্চেন্দাইজ অমসুং সার্বিসকী হৌজিক ওইরিবা বাইলেতরেল ত্রেদ অসি লাক্কদবা চহি ৫ অসিগী মনুংদা চাউরাক্না $ বিলিয়ন ৪৫দগীনা $ বিলিয়ন ৫০ ফাওবা য়ৌরবা য়াই হায়না থাজবা থম্লি।

তেক্সতাইলশিং অমসুং অপরেলশিং, লেদর, হোসপিতেলিতী, জেমস অমসুং জেৱেলরি, ইঞ্জিনীয়র্দ গুদস অমসুং ফার্মা, আই.তি., স্তার্তঅপশিং অসিনচিংবগুম্বা সেক্তর কয়া অমদা ইন্দিয়ন এক্সপোর্তশিংগীদমক্তা পোতেন্সিয়েল য়াম্না চাউনা লৈ। মসিনা থবক্কী অনৌবা খুদোংচাবা কয়া অমা লৈহল্লগনি, লৈবাক অনি অসিগী মীশিংগী লিবিং স্তেন্দার্দশিং অমসুং য়াইফ-থৌরাংশিং হেনগৎহল্লগনি।

সার্বিসশিংদা, ওস্ত্রেলিয়ানা ভারত্তা সব-সেক্তর ১৩৫ পীখ্রে, অদুগা ভারতনা ওস্ত্রেলিয়াদা সব-সেক্তর ১০৩ পীখ্রে।ওস্ত্রেলিয়ানা এজুকেশন, আই.তি. বিজনেস, প্রোফেস্নেল সার্বিস, হেল্থ ঞাসুং ওদিয়ো-ভিজুৱলগুম্বা ভারতকী মরু ওইনা ইনতরেস্ত লৈবা সার্বিসশিংগী হীরমশিং অসিদা থবক তৌরি লোইন-লোইননা ওস্ত্রেলিয়ানা মহৈরোইশিংগীদমক্তা পোস্ত-স্তদী ৱার্ক ভিজাশিং, সেফ অমসুং য়োগ ইন্সত্রক্তরশিংগীদমক্তা কোতা অমসুং নহা ওইরিবা প্রোফেস্নেলশিংগীদমক্তা ৱার্ক অমসুং হোলিদে ভিজাশু পীরগনি।

সর্কমভেন্সন থোকহন্দনবা অমসুং নন-পার্তী অমত্তদগী গুদশিংগী দাইভর্জন থোকহন্দনবা মতিক চাবা চেকশিন-থৌরাংশিং পীখ্রে, গুদসশিংগী ইমপোর্ততা খঙহৌদনা হেনগৎলকপদগী ঙাকথোক্নবা বাইলেতরেল সেফগার্দ মীজরশিংগীদমক্তা প্রোভিজন। অহানবা ওইনা অকক্নবা মতমগী মখা পোন্না চহি ১৫গী মতুংদা কমপলসরী রিভ্যুগীদমক্তা অখন্নবা রিভ্যু মেকানিজমগী ক্লোজ অমা হৌদোখ্রে।

অরোইবদ।, ঐখোয়গী থবক অসি অসিদা লোইবা নত্তে হায়না হায়নিংঙি, মসিগী এগ্রীমেন্ত অসিগী মতিক অসি মপুং ফানা ফুদোকপা ঙম্নবা স্তেকহোল্দরশিংগী কন্ত্রিব্যুশন মথৌ তাই। ই.সি.তি.এ. অসিবু মীয়ামদা য়ৌহন্নবা ঐহাক ইশামক লাক্কদবা নুমিৎ খরনি অসিদা ওস্ত্রেলিয়াদা চৎকনি। বিজনেস লীদরশিং, ভারত মচা মহৈরোইশিং, দাইসপোরা অসিনচিংবা ৱারী-ৱাতাই শান্নবা থৌরাং তৌখ্রে। ইন্দ-ওস ই.সি.ত.এ. অসিনা ত্রেদ অমসুং কমর্সিয়েলগী ওইবা মরীশিং অনৌবা য়ুক অমগী পাউজেল্লোই ওইবদা নত্তনা লৈবাক অনি অসিগী মরক্তা লৈরিবা মরী অসিবু অনৌবা অৱাংবা অমদা পুখৎলগনি।”

****