மக்களவையில் கேள்வி ஒன்றுக்கு எழுத்துப்பூர்வமாக பதிலளித்த மத்திய வீட்டுவசதி மற்றும் நகர்ப்புற விவகாரங்கள் இணை அமைச்சர் திரு, கவுஷல் கிஷோர் கீழ்காணும் தகவல்களை வழங்கினார்.

நகர்ப்புற ஏழை குடும்பங்களின் வறுமை மற்றும் பாதிப்பை குறைப்பதை தீன்தயாள் அந்த்யோதயா திட்டம்-தேசிய நகர்ப்புற வாழ்வாதார இயக்கம் நோக்கமாகக் கொண்டுள்ளது.

2022-ம் ஆண்டுக்குள் அனைவருக்கும் வீடு என்ற தொலைநோக்கு லட்சியத்தின் கீழ் அனைத்து தகுதியுள்ள குடும்பங்களுக்கும் வீடுகளை கட்டுவதற்கு பிரதமரின் வீட்டுவசதி திட்டம் - நகர்ப்புறம்     கீழ்   உதவியை வழங்குவதன் மூலம் மாநிலங்கள்/யூனியன் பிரதேசங்களின் முயற்சிகளுக்கு வீட்டுவசதி மற்றும் நகர்ப்புற விவகாரங்கள் அமைச்சகம் துணை புரிகிறது.  இதுவரை அனுமதிக்கப்பட்ட 1.15 கோடி வீடுகளில், 56.3 லட்சம் வீடுகள் கட்டி முடிக்கப்பட்டு, பயனாளிகளுக்கு வழங்கப்பட்டுள்ளன.

தீன்தயாள் அந்த்யோதயா திட்டம்-தேசிய நகர்ப்புற வாழ்வாதார இயக்கத்தின் கீழ் தமிழ்நாட்டில் 2014 ஏப்ரல் 1 முதல் 2022 பிப்ரவரி 28 வரை 97067 சுய உதவிக்குழுக்கள் உருவாக்கப்பட்டு, 60280 சுய உதவிக்குழுக்களுக்கு சுழல் நிதி வழங்கப்பட்டு, 14409 நபர்களுக்கு பயிற்சி வழங்கப்பட்டு, 9754 பேருக்கு பணி வழங்கப்பட்டுள்ளது.

தீன்தயாள் அந்த்யோதயா திட்டம்-தேசிய நகர்ப்புற வாழ்வாதார இயக்கத்தின் கீழ் தமிழ்நாட்டில் 2014 ஏப்ரல் 1 முதல் 2022 பிப்ரவரி 28 வரை தனிநபர்/குழு குறு நிறுவனங்கள் அமைக்க 236303 பயனாளிகளுக்கு உதவி வழங்கப்பட்டு, சுய உதவிக்குழு-வங்கி இணைப்பு திட்டத்தின் கீழ் 61878 கடன்கள் வழங்கப்பட்டுள்ளன.

மேலும் விவரங்களுக்கு, இந்த ஆங்கில செய்திக் குறிப்பைக் காணவும்:

https://pib.gov.in/PressReleasePage.aspx?PRID=1811885

                                ******************

 

 

 

(Release ID: 1812092) Visitor Counter : 756