রাজ্য তরুক মদুদি অরুনাচল প্রদেশ, মনিপুর, মঘালয়, সিক্কিম, ত্রিপুরা অমসুং হিমাচল প্রদেশ জল জীবন মিসন (জে.জে.এম.) – ২০২৪ ফাওবদা খুঙ্গংদা লৈরিবা য়ুম্থোং খুদিংদা ঈশিং ফংহন্নবা হর ঘর জলগী মখাদা ২০২১-২২গী পর্ফোমেন্স ইন্সেন্তিব গ্রান্ত ক্বালিফাই ওইরে। কেন্দ্রগী জল শক্তি মন্ত্রী শ্রী গজেন্দ্র সিংহ শেখৱাতনা হায়রিবা রাজ্যশিং অসিদা লুপা করোর ১,৯৮২ পর্ফোমেন্স ইন্সেন্তিব ওইনা অয়াবা পীখ্রে, মসিদা অরুনাচল প্রদেশনা লুপা করোর ৫৪২ ফংখ্রে, মনিপুরনা লুপা করোর ১২০, মেঘালয়না লুপা করোর ৪০০, সিক্কিম্না লুপা করোর ৭০, ত্রিপুরানা লুপা করোর ১০০ অমসুং হিমাচল প্রদেশনা লুপা করোর ৭৫০ ফংখ্রে।

জল জীবন মিসনগী মখাদা পর্ফোমেন্স ইন্সেন্তিবকী প্রোভিজন অসিনা রাজ্যশিং/য়ু.তি.শিংগী মরক্তা হেল্দী কম্পিতিসন অমা পুথোক্লি, হায়রিবা অসিনা মিসন অসিগী মখাদা য়াম্না থুনা থবক্তা ওন্থোকপা অমসুং শোইদনা ঈশিং ফংহনবদা মতেং পাংলগনি। মিসন অসিনা ২০২৪ ফাওবদা খুঙ্গংগী ইমুং খুদিংদা থক্নবা ঈশিং ফংহন্নবগী পান্দম থম্লি।   

কোবিদ-১৯গী লায়চৎ অমসুং লোকদাউন্দ লৈখিবা অমসুং হৌখিবা চহি অনিদা অয়েৎপা কয়া অমা লৈখ্রবসু খুঙ্গংগী জল জীবন মিসনগী থবকশিং নিংথিনা চংশিনখি অমসুং খুঙ্গংগী য়ুম্থোং করোর ২.০৫ হেন্না ঈশিং ফংহনখি। হৌজিক্কী ওইনা, আন্দমান অমসুং নিকোবর ইথৎ, দদ্রা অমসুং নগর হবেলি অমসুং দমন অমসুং দিয়ু, গোৱা, হারিয়ানা, পুদুচেরী অমসুং তেলঙ্গনা ‘হর ঘর জল’ রাজ্যশিং/য়ু.তি. ওইখ্রে অমসুং দিস্ত্রীক্ত ১০৬ অমসুং লৈবাক অসিগী খুঙ্গং লাখ ১.৪৪না, তোতি ঈশিং ফংহনখ্র।    

২০১৯গী ওগস্ত ১৫দা জল জীবন মিসন লাওথোকখিবদগী, হৌজিক ফাওবদা, য়ুম্থোং করোর ৬.১০ হেন্না তোতি ঈশিং ফংহনখ্রে, মসিনা লৈবাক অসিদা খুঙ্গংগী য়ুম্থোংশিংদা তোতি ঈশিং করোর ৩.২৩ (১৭%)দগী করোর ৯.৩৪ (৪৮.৩%) হেন্না হেনগৎখি।২০২২-২৩গী জল জীবন মিসনগী বজেৎ অসি লুপা করোর ৬০,০০০তা হেনগৎখ্রে। অসিগুম্বা স্কেলদা ঈশিং পীবগী থৌরাং অমসুং শেম-শানবা অমসুং লম্বী অসিদা স্তেকহোল্দরশিং থবকশিং পাংথোক্নবা, ২০২২গী ফেব্রুৱারী ২৩দা পোস্ত-বজেৎ ৱেবিনার অমা পাংথোকখ্রে। প্রধান মন্ত্রী শ্রী নরেন্দ্র মোদী অমসুং কেন্দ্রগী জল শক্তি মন্ত্রী, শ্রী গজেন্দ্র সিংহ শেখৱাৎ, রাজ্যগী মন্ত্রী শ্রী প্রহলাদ সিংহ পতেল অমসুং ইন্দস্ত্রীদগী লুচিংবশিং, একাদেমিক ইন্সতিত্যুসনশিং, সিবিল সোসাইতী অমসুং ৱাশ এক্সপার্তশিংনা মখোয়গী মিৎয়েং/অনিং-অপাম্বা শিয়র তৌখি। থৌরাং তৌরবা থবকশিং মখা তানা হেন্না কন্না চংশিন্নবা, কেন্দ্রগী মন্ত্রীনা রাজ্যশিংদা চৎতুনা থবকশিং অসি হেন্না চংশিন্নবা খন্ন-নৈনবসু পাংথোকখি। শ্রী শেখৱাৎকী চেয়রমেনশীপকী মখাদা করিগুম্বা অৱা-অনা থেংনরবা, অমসুং দিসেন্ত্রেলাইজেসন, কম্ম্যুনিতী-মেনেজ, অমসুং দিমান্দ-দ্রাইবন প্রোগ্রামগী জে.জে.এম.গী ইথিলদা মিৎয়েং চংনবা রাজ্যশিং/য়ু.তি.শিংদা পুক্নিং থৌগৎনবা হন্দক্তা ফেব্রুৱারী অমসুং মার্চতা রিজনেল কনফরেন্স ৩ পাংথোকখি। থবকশিং অসিদা অয়েৎপা কয়াগী পাম্বৈ পুথোক্নবা স্তেকহোল্দরশিংগী খন্ন-নৈনবসু পাংথোকখি। 

হিমাচল প্রদেশকী সরকারনা পুক্নিং চংনা খুঙ্গংগী য়ুম্থোংশিংদা তোতি ঈশিং শোইদনা ফংহন্নবা খুঙ্গং খায়বা থৌরাং অমসুং থবকশিং পায়খৎখি। চীংগী চীংমাই অমসুং উমংগী মফম ওইজরবসু অৱাং-নোংপোক্কী রাজ্যশিংদা, জে.জে.এম. য়াম্না থুনা অমসুং পাক-চাউনা থবকশিং চংশিনখি। অৱাং-নোংপোক্কী রাজ্য ৫ পর্ফোমেন্স ইন্সেন্তিব গ্রান্ত ক্বালিফাই ওইরে। কেন্দ্রগী মন্ত্রী শেখৱাৎনা থবকশিং অসিবু চংশিন্নবা অৱাং-নোংপোক্কী রাজ্যশিংদা চৎখি অমসুং রিভ্যু মিতিং কয়া অমা পাংথোকখি। নেস্নেল জল জীবন মিসন্না এক্সপার্তশিংগী মল্তি-দিসিপ্লিনরী তীম কয়া অমা থবকশিং অসি য়াম্না থুনা অমসুং হেন্না ফবা থৌরাং তৌনবগী মতেং পাংনবা রাজ্যশিং অসিদা থাখি।

******