ঙাকশেল মন্ত্রালয়না এন.জি.ও.শিং/লনাই স্কুমশিং/রাজ্য সরকারশিংগা লোয়ননা পার্তনরশিপ তৌদুনা অনৌবা সাইনিক স্কুল ২১ লিংখৎপদা অয়াবা পীখ্রে। স্কুলশিং অসি লৈবাক শিনবা থুংনা অনৌবা সাইনিক স্কুল ১০০ হাংদোক্নবা সরকারগী থৌশিল অসিগী অহানবা তাঙ্কক্তা পার্তনরশিপ মোদতা হাংদোক্কনি। মখোয় অসি হৌজিক লৈরিবা সাইনিক স্কুলশিংদগী খেন্নগনি।

প্রধান মন্ত্রী শ্রী নরেন্দ্র মোদীগী অনৌবা সাইনিক স্কুল ১০০ হাংদোকপগী বিজন অসিগী পান্দমদি নেস্নেল এজুকেসন পোলিসীগী মখাদা মহৈরোয়শিংদা ক্বালিতী এজুকেসন ফংহনবনি অমসুং মখোয়না আর্মদ ফোর্সেস চংবা য়াওনা কেরিয়রগী ওইবা খুদোংচাবশিং হেন্না ফংহনবনি। মসিনা হয়েংগী থৌদাং লৈবা প্রজাশিং ওইহন্নবা ঙসিগী নহারোলশিংবু শেমগৎতুনা সরকারনা লৈবাক শেমগৎপগী মাইকৈদা চংশিল্লিবা অসিদা খুৎশম্নদুনা লনাই সেক্তরনা চৎনমিন্নবা খুদোংচাবা অমসু পীরি।

অয়াবা পীখ্রবা অনৌবা সাইনিক স্কুল ২১গী রাজ্য/য়ু.তিগী ওইবা লিস্ত অদু এনেক্স তৌরি অমসুং www.sainikschool.ncog.gov.inদা য়েংবসু য়াগনি। স্কুলশিং অসিগী মনুংদা ১৭তি ব্রাউনফিল্দ ওইবা স্কুলশিংনি অমসুং অথুবদা গ্রীনফিল্দ স্কুল ৪সু হাংলগনি। অমরোমদা, অয়াবা পীখ্রবা অনৌবা স্কুলশিং অসিগী লিস্ত অদুদা এন.জি.ও.শিং/ত্রস্তশিং/সোসাইতীশিংগী সিয়র য়াওবা অয়াবা পীখ্রবা অনৌবা স্কুল ১২, লনাই স্কুল ৬ অমসুং রাজ্য সরকারগী ওইবা স্কুল ৩ য়াওরি। মপুং ফানা রেসিদেন্সিএল ওইবা হান্নগী লৈরিবা সাইনিক স্কুলশিং অসিদগী তোপ-তোপ্পা ওইনা  অনৌবা সাইনিক স্কুল ৭তি দে স্কুল ওইরি অমসুং ১৪না রেসিদেন্সিএল ওইনবা তৌরি।

অনৌবা সাইনিক স্কুলশিং অসি মখোয়গী মরী লৈনবা এজুকেসন বোর্দশিংদা এফিলিএসন তৌবগী মথক্তা সাইনিক স্কুল সোসাইতীগী মীৎয়েং মখাদা চল্লাইগনি অমসুং সোসাইতীনা পীবা পার্তনরশিপ মোদতা অনৌবা সাইনিক স্কুলশিংগী কাংলোনশিং ঙাক্না চৎকদবনি। মখোয়গী মহৌশানা এফিলিএৎ তৌরবা বোর্দকী করিকুলমগী মথক্তা মখোয়না সাইনিক স্কুলগী মওং-মতৌদা মহৈরোয়শিংদা একাদেমিক প্লস করিকুলমগী এজুকেসন ফংহনগনি। স্কুলশিং অসিগী ওপরেসনগী মোদেলিতীশিংগা মরী লৈনবা অকুপ্পা মরোলশিংwww.sainikschool.ncog.gov.in দা ফংগনি। অপাম্বা মহৈরোয়শিং অমসুং মমা-মপাশিংনা ৱেব পোর্তেলদা চংবীনবা অমসুং অফবা খুদোংচাবা অসি লৌবীনবা হায়জরি।

মিং চনবগী থৌওং:

(A) স্কুলশিং অসিদা অনৌবা সাইনিক স্কুল পেত্তর্নদা চংবা অসি মখাদা পীরিবা ৱাফম অসিগী মখা পোন্না ক্লাস VIকী থাক্তা খক্তা য়াগনি।

1. ক্লাস VIকী য়ামদ্রবদা চাদা ৪০দি ই-কাউন্সেলিংগী খুত্থাংদা এন.তি.এ.না লৌবা ওল-ইন্দিয়া সাইনিক স্কুল এন্ত্রান্স এগজামিনেসন ক্বালিফাইদ তৌরবা কেন্দিদেৎশিংদগী লৌগনি।
2. চাদা ৬০ ফাওবদি চপ মান্নবা স্কুলশিংদা এনরোল তৌখিবা মহৈরোয়শিং অমসুং ক্বালিফায়িং তেস্ত অমগী খুত্থাংদা অনৌবা সাইনিক স্কুলশিংগী মখাদা মিং চনবা পাম্বশিংদগী লৌগনি, মসিগী নোতিফিকেসন তোখাইনা থোক্কনি।

(B) ওল ইন্দিয়া সাইনিক স্কুল্স এনত্রান্স এগজামিনিনেসন ২০২২আ ক্বালিফাই তৌরবা কেন্দিদেৎশিংদা এন.তি.এ.দা রেজিস্তর তৌখিবা মখোয়গী ইমেল আই.দি.দা অয়াবা পীখ্রবা অনৌবা সাইনিক স্কুলশিং হাংদোকপগী অমসুং স্কুলশিং অসিদা এপ্লাই তৌনবগী থৌওংগী মতাংদা খনহনখ্রে। নৌনা অয়াবা পীখ্রবা স্কুলশিং অসিদা মখোয়গী অপাম্বগী মখা পোন্না মিং চনবা পাম্বা অসিগুম্বা ক্বালিফাই তৌরবা কেন্দিদেৎশিং অসিনা কাউন্সেলিংগীদমক মখোয় মশাবু https:/sainikschool.ncog.gov.in দা রেজিস্তর তৌবা তাই। মহৈরোয়শিংনা লোগ ইন তৌনবা অমসুং ৱেব পোর্তেলদা রেজিস্তর তৌনবা মখোয়গী এ.আই.এস.এস.ই.ই.-২০২২গী এপ্লিকেসন নম্বর শীজিন্নবা তাই, মসিগী মতুংদা এপ্লিকেন্ত ওইরিবা মহৈরোয়না ই-কাউন্সেলিংগীদমক মখোয়গী অপাম্বগী মতুং ইন্না স্কুল ১০ ফাওবা খনবা য়াগনি। অনৌবা সাইনিক স্কুলশিংদা তম্বা পাম্বা এ.আই.এস.এস.ই.ই. ২০২২দা ক্বালিফাই তৌরবা কেন্দিদেৎশিংনা ই-কাউন্সেলিংগী মতাংদা খ্বাইদগী নৌবা অপদেৎশিংগীদমক ৱেব পোর্তেলদা তোয়না চেক তৌনবা পাউতাক পীখি।

(C) অনৌবা সাইনিক স্কুলশিংদা হান্ননা এনরোল তৌখ্রবা অমসুং অনৌবা সাইনিক স্কুল অসিগী মখাদা তম্বা পাম্বা মহৈরোয়শিংগী ওইনা অথুবদা পাঙথোক্কদবা ক্বালিফায়িং তেস্ত অমদা য়ুম্ফম ওইরগা মিং চনবা য়াহনগনি। অনৌবা সাইনিক স্কুলশিং অসিদা তেস্ত পাঙথোক্কদবা এজেন্সীদা পীরিবা তাইমলাইনশিংগী মনুংদা অপাম্বা কেন্দিদেৎশিংগী অকুপ্পা মরোল লৌশিন্নবা অমসুং পীনবা তোখাইনা নোতিফাইদ তৌখি, হায়রিবা অসিগী অকুপ্পা ৱারোল ৱেব পোর্তেল https:/sainikschool.ncog.gov.in.দা ফংবীগনি।

অনৌবা সাইনিক স্কুলশিংগী একাদেমিক সেসন অসি মে ২০২২গী অহানবা চয়োলদগী হৌবা য়ানা লৈ। ইন্দিকেতিব তাইমলাইন ৱেব পোর্তেল https:/sainikschool.ncog.gov.inদা উবা ফংগনি।

লেমহৌরিবা অনৌবা সাইনিক স্কুলশিংগী ওইনা মথংগী রাউন্দা এপ্লিকেসন কৌবা অসি এপ্রিল ২০২২গী অহানবা চয়োলদা অমুক হন্না হাংদোক্লবা য়ানা লৈ। অপাম্বা স্কুলশিং/এন.জি.ও.শিংনা ৱেব পোর্তেলদা ফংলিবা পার্তনরশিপ মোদতা লৈবা অনৌবা সাইনিক স্কুলশিংগী ক্যু.আর.শিং, এম.ও,.এ. অমসুং কাংলোনশিং য়েংবা য়াগনি। অহানবা রাউন্দদা রেজিস্তর তৌখ্রবা অমসুং এপ্লাই তৌখ্রবা স্কুলশিং/এন.জি.ও.শিং/ত্রস্তশিং/সোসাইতীশিং অসিনচিংবনা অমুক হন্না নৌনা এপ্লাই তৌবা নত্ত্রগা ফী অমুক হন্না থিবগী মথৌ তারোই। অদুম ওইনমক, হান্না রেজিস্তর তৌখ্রবা এপ্লিকেন্তশিংনা ক্যু.আর.শিং, কাংলোনশিং অমসুং এম.ও.এ. য়েংবীগদবনি অমসুং অনৌবা ইনপুৎশিং লৈবা তারবদি মখোয়গী দেতা অদু ৱেব পোর্তেলদা অপদেৎ তৌগদবনি।

এনেক্সর

অয়াবা পীখ্রবা অনৌবা সাইনিক স্কুলশিংগী লিস্ত

*****