কমর্স অমসুং ইন্দস্ত্রী মন্ত্রালয়

ভারতকী লৌউ-শিংউ অমসুং প্রোসেস তৌরবা চিঞ্জাক্কী পোত্থোকশিংগী এক্সপোর্তনা এপ্রিল-ফেব ২০২১-২২দা য়ু.এস.দি. বিলিয়ন $ ২১.৫ য়ৌখি; য়ু.এস.দি. বিলিয়ন $ ২৩.৭১গী চহিগী পান্দম্বু হৌজিক চৎলিবা শেনবা চহিসিদা ফংনবা শেম শাবা লোইরে


ভারতনা হৌজিক চৎলিবা শেনবা চহিসিদা য়ু.এস.দি. বিলিয়ন ৪০০গী রেকোর্দ ওইরবা এক্সপোর্ত তৌবা ঙমখিবদা এ.পি.ই.দি.এ.গী ৫%গী চাং হেনবা শরুক য়াওরি

প্রধান মন্ত্রী শ্রী নরেন্দ্র মোদীনা লৌমী, ফিশা-লোনশা তৌবা মীওই, এম.এস.এম.ই.বু য়ু.এস.দি. বিলিয়ন ৪০০গী পান্দম ফংবদা থাগৎপা ফোংদোকখ্রে

এ.পি.ই.দি.এ.না জিওগ্রাফিকেল ইন্দিকেসন (জি.আই.) তেগ তৌরবা পোত্থোকশিং এক্সপোর্ত তৌবদা মিৎয়েং চঙলি অমসুং তোঙানবা লমদমশিংদগী তোপ-তোপ্পা পোত্থোকশিংবু চাংয়েং ওইনা থাদোকপগী থৌওংদা তেংবাংলি

এ.পি.ই.দি.এ.না এগ্রিকলচর এক্সপোর্ত পোলিসীবু থবক ওইনা পাংথোক্নবগীদমক্তা রাজ্য সরকারশিংগা নক্ননা থবক তৌমিন্নরি

Posted On: 25 MAR 2022 4:04PM by PIB Imphal

কোবিদ-১৯গী শিংনবশিংনা অয়েৎপা পীবা ঙমহন্দনা, এগ্রিকলচরেল অমসুং প্রোসেস্‌দ ফুদ প্রদক্ত্‌স এক্সপোর্ত দিভেলপমেন্ত ওথোরিতী (এ.পি.এ.দি.এ.)না কম্মর্স অমসুং ইন্দস্ত্রী মন্ত্রালয়না শেনবা চহি ২০২১-২২গীদমক্তা থমখিবা এক্সপোর্তকী পান্দমগী ৯০% ফংবা ঙমদুনা মায় পাকপগী অনৌবা ৱারী ইমা ইবা ঙমখ্রে।

এ.পি.ই.দি.এ.না হৌজিক চৎলিবা শেনবা চহিসিগী অহানবা থা ১১দা য়ু.এস.দি. বিলিয়ন ১১গী শেনফমগী লৌউ-শিংউ অমসুং প্রোসেস তৌরবা চিঞ্জাক এক্সপোর্ত তৌখ্রবনি  অমসুং য়ু.এস.দি. বিলিয়ন $ ২৩.৭১গী চহিগী পান্দম্বু হৌজিক চৎলিবা শেনবা চহি, ২০২১-২২দা ফংনবা শেম শাবা লোইরবনি।

হন্দক্কী শেনবা চহি লোইগদবা নুমিৎ ৯নি ৱাৎলিঙৈগী মমাংদা য়ু.এস.দি. বিলিয়ন ৪০০গী মিৎয়েং শানবা পান্দম ফংবগীদমক্তা প্রধান মন্ত্রীনা লৌমী, ফিশা-লোনশাগী মীওই, মেন্যুফেকচরর অমসুং এক্সপোর্ত তৌবশিংবু থাগৎখ্রবা মতুংদা মায় পাকপা অসি ফংবা ঙমখিবনি।

ভারতনা হৌজিক চৎলিবা শেনবা চহিসিদা য়ু.এস.দি. বিলিয়ন ৪০০গী রেকোর্দ ওইরবা এক্সপোর্ত তৌবা ঙমখিবদা এ.পি.ই.দি.এ.গী ৫%গী চাং হেনবা শরুক য়াওরি ।

প্রধান মন্ত্রীনা মহাক্কী ত্বীত অমদা অসুম্না হায়খি, “ভারৎনা পোত্থোক এক্সপোর্ত তৌবদা য়ু.এস.দি. বিলিয়ন ৪০০গী মিৎয়েং শানবা পান্দম থমখি অমসুং খ্বাইদগী অহানবা ওইনা ফংবসু ঙমখি। ঐহাক্না মায় পাকপা অসিগীদমক্তা লৌমী, ফিশা-লোনশা তৌবা মীওই, এম.এস.এম.ই.বু থাগৎলি। মসিদি ঐখোয়গী আত্মানির্ভর ভারতকী খোঙচত্তা য়াম্না মশক নাইবা থৌওং অমনি”।

ফোরেন্স এক্সচেঞ্জ তানবদা খ্বাইদগী য়াম্বা ওইদুনা, য়ু.এস.দি. বিলিয়ন ৮.৬৭কী চাং এক্সপোর্ত তৌবগী পান্দমগী মনুংদা এ.পি.ই.দি.এ. ৯১%গী চাংগী শরুক হৌজিক ফাওবদা তমখি। হন্দক্কী শেনবা চহিসিদা, এপ্রিলদগী ফেব্রুৱারী ফাওবগী মনুংদা চেং এক্সপোর্ত তৌবনা য়ু.এস.দি. বিলিয়ন ৮.৬৭ হেনখ্রে। ভারতনা য়ু.এস.দি. বিলিয়ন ৮.৬৭কী শেনফমগী চেং এক্সপোর্ত তৌখিবগা লোয়ননা অতোপ্পা সিরিএলশিংগী এক্সপোর্তনা য়ু.এস.দি. মিলিয়ন ৮৪৭কী এক্সপোর্তকী পান্দমগী ১০৫% য়ৌখি।

মনা-মশিং অমসুং উহৈ-ৱাহৈগী কাংলুপ্তা, ফেব্রুৱারী ফাওবগী ওইবা য়ু.এস.দি. বিলিয়ন ৩০৪৮গী পান্দমগী মনুংদগী, এ.পি.ই.দি.এ.না অপুনবা পান্দমগী ৭৫%গী চাং ওইদুনা য়ু.এস.দি. বিলিয়ন ২৫০৬কী শেনফমগী এফ. অমসুং ভি. এক্সপোর্ত তৌবা ঙমখি।

শা, শঙ্গোম অমসুং য়েন-ঙানুগী পোত্থোক্কী এক্সপোর্তনা ১৩%গী চাং হেন্দুনা এপ্রিল-জনুৱারী ২০২১দা য়ু.এস.দি. মিলিয়ন ৩৪০৮ ওইখি অমসুং মমাংগী ২০২০-২১গী থা তরাগী এক্সপোর্তকী শেনফম্না শুপ্নগী য়ু.এস.দি. মিলিয়ন ৩০০৫ ওইখিবনি। 

চহিসিগী মনুংদা তোপ-তোপ্পা পোত্থোক এক্সপোর্ত তৌববু পুক্নিং থৌগৎপা ওইনা, এ.পি.ই.দি.এ.না ফ্লেগ ওফ থৌরম পরিং কয়া শীন লাঙখি অমসুং মসিদা মহারাস্ত্রাগী লৌমীশিংনা পুথোকপা দাহানু ঘোল্ভাদ চিকু, জলগাওন লফোই অমসুং মরাথৱারা কেসরগুম্বা জি.আই.তেগ তৌরবা পোত্থোকশিংবু অহানবা ওইনা এক্সপোর্ত তৌখি। এ.পি.ই.দি.এ.না ভিতামিন সি. অমসুং আইরনগী চাং য়াম্না ৱাংবা লেতেকু (বর্মাগী অঙ্গুর)গী অহানবা কন্সাইনমেন্তপু গুৱাহাতী এয়রপোর্ত্তগী দুবাইদা পুথোকখিবদা তেংবাংখি অমসুং মসিগী মথক্তা, তগৎ-তগৎ তেকপা ত্রিপুরাদগী পুরকপা থৈবোংবুসু গুৱাহাতী ফাওদুনা জর্মনী অমসুং য়ু.কে.দা পুথোকখি।

অতেকপা ‘রাজা মির্চী’, মোরোক্কী নিংথৌ হায়নসু খঙনবা উ মোরোকপুসু নাগালেন্দদগী পুরক্তুনা লন্দন্দা অহানবা কন্সাইনমেন্ত ওইনা থাদোকখি অমসুং খোইহীবুসু খ্বাইদগী অহানবা ওইনা অসমদগী দুবাইদা থাদোকখি। জি.আই. তেগ তৌরবা কেরলাগী নেন্দ্রান লফোইবুসু সিঙ্গাপোরদা অহানবা কন্সাইনমেন্ত ওইনা থাদোকখি অমসুং থৈবোং অমসুং পেসন ফ্রুত্তগী শেম্বা ভেল্যু হাপ্লবা পোত্থোকশিংবুসু ন্যু জিলেন্দদা থাদোকখি। জি.আই. তেগ তৌরবা ভাজাকুলম কিহোমগী অহানবা কন্সাইনমেন্তপুসু দুবাই অমসুং শার্জাহদা থাদোকখি অমসুং কেরলাগী ইদুক্কীগী মারায়ুরগী মারায়ুর জেগগরীবু দুবাইদা থাদোকপদসু এ.পি.ই.দি.এ.না তেংবাংখি।

এ.পি.ই.দি.এ.না য়ু.পি.গী লখিমপুরগী লফোইবু ইরান্দা এক্সপোর্ত তৌবদা তেংবাংখি অমসুং গুজরাতকী মনাৎকী ওইবা চেং মখল মঙা – গুজরাত ১৭ চেং (জীরসর/জীরা সম্বা), সুর্তী কোলম চেং, অম্বেমোহর চেং, কালী মুচ চেং অমসুং ইন্দ্রয়ানী চেংবুসু য়ুনাইতেদ কিংদমদা থাদোকখি।

এ.পি.ই.দি.এ.না হিমালয়গী মিল্লেত (ওর্গানিক বার্নয়ার্দ, ফিঙ্গর মিল্লেত অমসুং অমরান্থস)পু উত্তরাখন্দদগী ভিএৎনামদা অহানবা এক্সপোর্ত তৌবদা তেংবাংখি অমসুং ওরিশাগী কত্তক্তগী পুথোকপা পফ তৌরবা চেংগী শিপমেন্তপু ভিজাগ হিথাংফমদগী মলেসিয়াদা এক্সপোর্ত তৌখি।

 “রাজ্য সরকারগা খুৎশম্নদুনা ক্লস্তর এপ্রোচতা য়ুম্ফম ওইবা এক্সপোর্তরশিংদা ঐখোয়না তেংবাংবা লেপ্ত্রি অমসুং ঐখোয়না থৌওং অসি এগ্রিকলচর এক্সপোর্ত পোলিসী, ২০১৮গী পান্দম খন্নদুনা পাংথোকপনি”, হায়না এ.পি.ই.দি.এ.গী চেয়রমেন, দাঃ এম. অঙ্গামুথুনা ফোংদোকখি।

মমাংগী চহি খরদা এ.পি.ই.দি.এ.না এগ্রি-এক্সপোর্ত চাউখৎহন্নবা পায়খৎপা খোঙথাং খরা মখাদা শম্লপ্না পীরিঃ

১) রাজ্যশিংগা খুৎশম্নদুনা এগ্রিকলচর এক্সপোর্ত পোলিসীবু থবক্তা ওন্থোকপা

২) ক্লস্তর চাউখৎহন্নবা পায়খৎপা খোংথাংশিং

৩) এক্সপোর্ত প্রোমোসন ফোরম (ই.পি.এফ.) শেম্বা

৪) নেস্নেল প্রোগ্রাম ফোর ওর্গানিক প্রদক্সনগী মখাদা এক্রিদিতেসন/কমপ্লাইএন্স/ইনফোর্সমেন্ত তৌবা

৫) জি.আই. পোত্থোকশিংবু মমিং চৎহনবা

৬) মেমোরেন্দম ওফ অন্দর্স্তেন্দিং (এম.ও.য়ু.)

লৌউ-শিংউ অমসুং প্রোসেস তৌরবা চিঞ্জাকশিংগী এক্সপোর্ত হেনগৎলক্লিবা অসি তোঙান-তোঙানবা লৈবাকশিংদা বি.২বি. একজিবিসন পাংথোকপা, ভারতকী ইম্বেসীশিংবু থৱাই য়াওনা শরুক য়াহন্দুনা পোত্থোকশিংগী অখন্ননা অমসুং মীয়ামগী ওইবা মার্কেতিং কেম্পেন শিন্দুনা কান্নগদবা অনৌবা কৈথেল থীদোকপগুম্বা থৌওং কয়া পাংথোক্তুনা এ.পি.ই.দি.এ.না তোঙানবা খোংথাং কয়া পায়খৎখিবা অসিনসু য়াম্না তেংবাংখি।

এক্সপোর্ত তেস্তিং অমসুং রেসিদ্যু মোনিতরিং প্লানগীদমক্তা মশক খঙলবা লেবোরেতরীশিংবু অপগ্রেদ তৌবা অমসুং মপাঙ্গল হেন্না লৈহনবদসু এ.পি.ই.দি.এ.না তেংবাংলি। এ.পি.ই.দি.এ. লৌউ-শিংউগী পোত্থোকশিংগী এক্সপোর্ত তৌবগী চাং হেনগৎহন্নবা ইনফ্রাস্ত্রকচর শেমগৎপা, মগুন লৈবা হেনগৎহনবা অমসুং মার্কেত শাগৎপগী শেল থুমগী তেংবাং কয়াগী মখাদসু অতোপ্পা তেংবাং কয়া পীরি।

মালেমগী কৈথেলদা পোত্থোক পুথোকপশিংগী চিঞ্জাকশিংবু য়োন্নবা প্লেৎফোর্ম পীবা মালেমগী ওইবা ত্রেদ ফেয়রশিংদা শরুক য়াহন্নবা এ.পি.ই.দি.এ.না তেংবাংলি। এ.পি.ই.দি.এ.না আহার, ওর্গানিক ৱর্ল্দ কংগ্রেস, বাইফেক ইন্দিয়ানচিংবা লৈবাক্কী ওইবা থৌরম কয়া অমসু এগ্রি-এক্সপোর্ত হেনগৎহন্নবগীদমক্তা শীন-লাঙলি।

এক্সপোর্ত তৌগদবা পোত্থোকশিংগী ক্বালিতী সর্তিফিকেসন তৌবদা মওং-মরিল নাইহন্নবগীদমক্তা, এ.পি.ই.দি.এ.না ভারত শিনবা থুংবগী ওইনা লেব ২২০শকখঙলি অমসুং মসিনা এক্সপোর্ত তৌবা মীওইশিংদা মখোয়গী তোঙান-তোঙানবা পোত্থোক কয়া তেস্ত তৌবগী খুদোংচাবা ফংহল্লি।

*******



(Release ID: 1809964) Visitor Counter : 155


Read this release in: English , Hindi , Gujarati , Telugu