হৌখিবা চহি অনিগী মনুংদা লৈবাক অসিদা অমদি অৱাংথংবা শরুক্তা এভিএসন সেক্তরদা রেজিস্তার তৌবগী গ্রোথ রেত এনেক্সচর Iদা পীরি।

সরকার অসিনা তুংদা এভিএসন সেক্তরদা হেনগৎলক্লিবা দিমান্দ অদু ফংনবগীদমক খোংথাং কয়া অমা লৌখৎলে, মদুগী মনুংদা খরদি মখাদা পীরি:

1. এ.এ.আই.না মথংগী চহি মঙাদা লুপা করোর ২৫,০০০গী প্রোজেক্তেদ কেপিতেল এক্সপেন্দিচর অমগা লোয়ননা অনৌবা অমসুং হান্ননা লৈরবা এয়ারপোর্তশিং দিবেলপ তৌবগী খোংথাং লৌখৎলি। মসিদা অনৌবা তর্মিনেলশিং শেমগৎপা, হৌজিক লৈরিবা তর্মিনেলশিং পাকথোক চাউথোকপা অমসুং মোদিফিকেসন, হৌজিক লৈরিবা রনৱেশিং, এপ্রোনশিং, এয়রপোর্ত নেভিগেসন সর্বিসশিং (এ.এন.এস.) ইনফ্রাস্ত্রকচর, কন্ত্রোল তৱারশিং অমদি তেক্নিকেল ব্লোকশিংনচিংবশিং পাকথোক চাউথোকপা অমসুং/নত্রগা মপাঙ্গল হেঙ্গৎহনবা।
2. দিল্লী, হায়দ্রবাদ অমসুং বেঙ্গলুরুদা লৈরিবা পব্লিক প্রাইভেৎ পার্তনরশিপ (পি.পি.পি.) এয়রপোর্তশিং অসি ২০২৫ ফাওবদা চাউরাক্না লুপা করোর ৩০,০০০গী মেজর এক্সপানসন প্রোজেক্তশিং পায়খৎপা। মসিগী মথক্তা, পি.পি.পি. মোদকী মখাদা লৈবাক পুম্বদা অনৌবা গ্রীনফিল্দ এয়রপোর্তশিং দিবেলপ তৌবদা ইনভেস্ত তৌনবগীদমক লুপা করোর ৩৬,০০০ প্লান তৌরি।
3. ভারত সরকারনা লৈবাক পুম্বদা গ্রীনফিল্দ এয়রপোর্ত ২১ শেমগৎনবগীদমক অয়াবা পীখ্রে। হৌজিক ফাওবদা গ্রীনফিল্দ এয়রপোর্ত নিপাল হায়বদি মহারাস্ত্রদা সিন্ধুদুর্গ অমসুং শিরদি, ৱেস্ত বেঙ্গলদা দুর্গাপুর, সিক্কিমদা পাকয়োং, কেরলাদা কান্নুর, আন্ধ্র প্রদেশতা ওরভাকাল, কর্নাতকাদা কালাবুরাগি অমসুং অত্তর প্রদেশতা কুশিনগর হান্ননা মথৌ তৌখ্রে।
4. রিজনেল কনেক্তিবিতী স্কিম (আর.সি.এস.) – উরে দেশ কা আম নাগরিক (উরান)গী মখাদা ২০২২গী মার্চ ০৮ ফাওবদা রুত ৪০৫না এয়রপোর্ত ৬৫ (হেলিপোর্ত ৮ অমসুং ৱাতর এরোদ্রোম ২ য়াওনা) শম্নহল্লি।
5. দোমেস্তিক মেন্তিনেন্স, রিপিয়ার এন্দ ওভরহোল (এম.আর.ও.) সর্বিসশিংগীদমক গুদস অমসুং সর্বিসেস তেক্স (জি.এস.তি.) রেত ১৮%দগী ৫%দা হন্থরে।
6. কন্দক্তিব এয়রক্রাফ লিজিং অমসুং ফাইনান্সিং এনভাইরনমেন্ত অমা ঙমহল্লে।
7. কোবিদ মমাংগী মতমদা লৈরম্বা অদুম্না এয়রলাইনশিংগী দোমেস্তিক কেপাসিতী হন্নগুম্না থলহল্লে।
8. ইন্দিয়ন এয়রপোর্তশিংদা এয়র নেভিগেসন ইনফ্রাস্ত্রকচর ফগৎহল্লে।
9. ইন্দিয়ন কেরিয়রশিংনা দিপ্লোই তৌবা পোৎ হোনবা এয়রক্রাফকী মশিং ২০১৮দা ৭ ওইরম্বদগী ২০২১দা ২৮দা হেনগৎলে। মদুগী মহৈ ওইনা অন্তরজাতিগী পোৎ হোনবগী খোংজেলদা ইন্দিয়ন কেরিয়রশিংগী শেয়র হৌখিবা চহি অনিদা ২%দগী ১৯%দা হেনগৎলে।

এনেক্সচর I

ভারতকী অৱাং থংবা শরুক্তা থম্বা অমসুং অমত্তা ওইনা লৌরগা ভারতকী এয়রপোর্ত পুম্নমক্তা লৈরিবা এয়রপোর্তশিংগী থোংদা অপুনবা পেসেঞ্জর (মিলিয়নদা)
চহি	ভারতকী অৱাং থংবা শরুক্তা লৈরিবা এয়রপোর্তশিং	মমাং চহিগী মথক্তা অহোংবা %	অমত্তা ওইনা লৌরগা ভারতকী এয়রপোর্ত পুম্নমক	মমাং চহিগী মথক্তা অহোংবা %
২০১৯-২০	৯৬.০৩	-০.৮	৩৪১.০৫	-১.১
২০২০-২১	৩৬.২১	-৬২.৩	১১৫.৩৮	-৬৬.২
ওইরিবা চহি
২০২০-২১ (এপ্রিল-জনুৱারী)	২৫.৬৩	-	৮১.৫৬	-
২০২১-২২ (এপ্রিল-জনুৱারী)	৪৭.৫৭	৮৫.৬	১৪৬.৮০	৮০.০

 

 

এনেক্সচর II

 

পেসেঞ্জর থ্রুপুত ফোর্কাস্ত – ওল ইন্দিয়ন এয়রপোর্তস
চহি	পেসেঞ্জর অপুনবা (মিলিয়নদা)
২০১৯-২০ (একচুএল)	৩৪১
২০২০-২১ (একচুএল)	১১৫
গ্রোথ রেত	৭৩%
২০২১-২২	২০০
গ্রোথ রেত	৬৯%
২০২২-২৩	৩৩৮
গ্রোথ রেত	২০%
২০২৩-২৪	৪০৪
গ্রোথ রেত	১১%
২০২৪-২৫	৪৪৯

 

ইনফোর্মেশন অসি ঙসি রাজ্য সভাদা হংলকপা ৱাহং অমদা সিভিল এভিএসন মন্ত্রালয়গী রাজ্য মন্ত্রী জেনরেল দা. ভি.কে. সিংহ (থবক্তগী পোত্থারবা)না অইবা পাউখুম অমদা পীখিবনি।

***

(রিলিজ আই.দি.: 1809870) ভিজিতর কাউন্তর : 153