হোম এফিয়র্সকী কেন্দ্রগী রাজ্য মন্ত্রী শ্রী নিত্যানন্দ রাইনা ঙসি অথোইবা মীথুংলেন ওইনা শিল্লোংদা অসাম রাইফল্সকী ১৮৭শুবা রাইজিং দে থৌরমদা ৱা ঙাংখ্রে। শ্রী নিত্যানন্দ রাইনা লৈবাক অসিগীদমক থৱায় থাখিবা অথৌবা লান্মীশিংদা ইকাই খুম্নবা উৎখি। ভিদিও কনফরেন্সকী খুত্থাংদা থৌরম অসিদা অসাম রাইফল্সকী দিরেক্তর জেনরেল, লেফতনেন্ত পি.সি. নায়র, মকোক থোংবা ওফিসরশিং অমসুং অসাম রাইফল্সকী জৱানশিং অমদি মখোয়গী ইমুং-মনুংশিংনা শরুক য়াখি।

মহাক্কী ৱারোলদা কেন্দ্রগী রাজ্যগী গৃহ মন্ত্রী, শ্রী নিত্যানন্দ রাইনা অসাম রাইফল্স অসি ‘কছার লেভি” হায়না ১৮৩৫দা লিংখৎখি। অসাম রাইফল্স অসি মাগী শাংলবা পুৱারীদা পেরামিলিতরী ফোর্স পুম্নমক্কী মরক্তা গেলেন্তরী এৱার্দ মশিং খ্বাইদগী য়াম্না ফংখিবগী তোপ-তোপ্পা মগুন চেল্লি। ফোর্স অসিনা লানশোক্নবগী হৈথোই-শিংথোইরবা স্কিলগা লোয়ননা ওর্গনাইজেসন অমা ওইরি।

কেন্দ্রগী রাজ্যগী গৃহ মন্ত্রীনা হায়খি মদুদি অসাম রাইফল্সন মাগী ফজরবা পুৱারী অসিদা অৱাং নোংপোক অমদি জম্মু অমসুং কাশ্মীরদা ইনসর্জেন্সীনা শোকহল্লবা মফমশিংদা শান্তি অমদি তংদু লৈতাবা ফীভম পুরকপদা শীংথানীংঙাই ওইনা শরুক তমখি অমসুং দ্রগ ত্রাফিকিং থিংবদা চাউনা মতেং পাংখি। অসাম রাইফল্স অসি ও-রাউন্দর ফোর্স অমনি, মাগী জম্মু অমসুং কাশ্মীরদা বতালিয়ন অনি লৈ অমসুং এন.দি.আর.এফ বতালিয়ন অমা লৈ, হায়রিবা অসিনা মহৌশাগী ওইবা খুদোংথিবশিং থেংনবদা অচৌবা থৌদাং লৌখি। প্রধান মন্ত্রী নরেন্দ্র মোদীনা লৈবাক্কী য়াইফবগা লোয়ননা সেক্যুরিতী ফোর্সশিংগী য়াইফবা হায়বা অসি মতম চুপ্পদা খ্বাইদগী মরু ওইনা লৌখি। প্রধান মন্ত্রীগী লুচিং মখাদা সরকারনা সেক্যুরিতী ফোর্সশিং অমদি মখোয়গী ইমুং-মনুংশিংগী য়াইফনবা ৱারেপ কয়ামরুম পাইখৎখি হায়না শ্রী নিত্যানন্দ রাইনা ফোঙদোকখি। কেন্দ্রগী গৃহ মন্ত্রী শ্রী অমিত শাহনা অসাম রাইফল্সনা অৱাং নোংপোক্কী ৱাতচদোগ ওইরি অমসুং মরিংজেল খাবা অমসুং থৌনা ফবগী মমল য়াম্লবা পুৱারী অমা লৈজবগা লোয়ননা লৈবাক অসিগী খ্বাইদগী লিরবা পেরামিলিতরী ফোর্স অমনি হায়না ফোঙদোকখি। শ্রী রাইনা ফিল্দ পোস্তিংশিংগী মতুংদা জৱানশিংনা ফ্রেন্দলী ওইবা এনভাইরনমেন্ত অমদা মখোয়গী ইমুং-মনুংশিংগা হিংমিন্নবগী খুদোংচাবা অমা পীনবা হোম এফিয়র্স মন্ত্রালয়না অহেনবা বতালিয়ন মঙা শেম্নবা ইন-প্রিন্সিপল ওইনা অয়াবা পীখ্রে হায়না ফোঙদোকখি। মসি য়েংলগা সরকারনা এন.দি.পি.এস. এক্তকী মখাদা অসাম রাইফল্সতা শক্তিংশিং পীখি। মসি নীংথিনা খন্থরবা মতুংদা লৌখিবা ৱারেপ অমনি, মসিনা মরম ওইরগা অসাম রাইফল্সনা হৌখিবা চহিদা লুপা করোর ৪০রোমগী নর্কোতিক্স অমসুং দ্রগশিং ফাবা ঙমখি।

গৃহগী কেন্দ্রগী রাজ্য মন্ত্রীনা ফোর্স অসিগী স্ত্রকচরেল ওপরেসনশিং অমসুং ফঙ্কসনেলিতীশিং হেনগৎহন্নবা পান্দমগা লোয়ননা রিক্রুৎমেন্ত অমসুং কেদর রিভ্যুগীদমক থবক পাইখৎপা হৌখ্রে হায়না ফোঙদোকখি। মমাংগী কেদর রিভ্যু অসি ২০০৩দা পাঙথোকখি, অনৌবা কেদর রিভ্যু অসিনা ওর্গনাইজেসনেল ইফিসিএন্সী হেনগৎহন্নবা অমসুং মতমগী মথৌ তাবশিং থুংহনবদা মতেং ওইরগনি। শ্রী রাইনা অসাম রাইফল্সকী মোদর্নাইজেসন তৌনবা থৌরাংসু অয়াবা পীখ্রে অমসুং হৌজিক ইমপ্লিমেন্তিং স্তেজতা লৈরি। মসিগা লোয়ননা স্তেৎ-ওফ-দি-আর্ত ৱিপনশিং, কম্ম্যুনিকেসন, সর্ভিলেন্স অমসুং ত্রেনিংগী ইনফ্রাস্ত্রকচরসু মপাঙ্গল কনখৎহল্লি হায়না হায়খি। শ্রী রাইনা কোবিদ-১৯ লাইচৎনা পীখিবা শীংনবশিং লৈরবসু ফোর্স অসিনা পর্সনেল ৫,১৯২ রিক্র্যুৎ তৌদুনা শীংথানীংঙাই ওইবা মাইপাকপা অমা ফংবা ঙমখি হায়না ফোঙদোকখি। মসিগী মথক্তা হৌজিক পর্সনেল ৪০০০ লৌবগী থবক চত্থরি।

শ্রী নিত্যানন্দ রাইনা অসাম রাইফল্সনা জেন্দর ইক্বেলিতী অমসুং নুপীদা শক্তি পীনবা অপুনবা খোঙথাংশিং লৌখৎখি মসিনা মরম ওইরগা ফোর্স অসিদা নুপী ১,১৮৭ হাপচিনবা ঙমখি হায়না ফোঙদোকখি। গৃহগী কেন্দ্রগী রাজ্য মন্ত্রীনা মখা তানা ফোর্স অসিদা নুপী লান্মীশিংগী মশিং হেনগৎলক্কনি হায়না থাজবা ফোঙদোকখি। মহাক্না দেমোক্রেতিক রিপব্লিক ওফ কোঙ্গোদা নুপীগী তীম দিপ্লোই তৌবা অসিনা লৈবাক অসিবু মালেমগী সুপরপৱার ওইহন্নবা ঐখোয়গী অনিংবদা থৌনা হাপখি হায়না হায়খি। ভারতনা চহি কয়া য়ু,এন.গী শান্তি ঙাকপদা শরুক তমজরবসু, অসাম রাইফল্সতা অহেনবা রাইফলৱুমেন তীমদা হাপচিল্লকপা অসিনা লৈবাকশিং অসিদা পীখিবা ঐখোয়গী ফিরেপ অদুদা অতোপ্পা খুন্নাইগী অমদি হ্যুমেন দাইমেন্সন অমা হাপচিল্লি। ঐহাক্না মসি ওইথোকহল্লিবা রাইফলৱুমেন পুম্নমক্তা থাগৎপা ফোঙদোকখি, অমসুং তুংলমচৎতা হেন্না নীংথিনা থবক তৌগনি হায়বগী থাজবা অদু থমখি। অসাম রাইফল্সনা নুপীদা শক্তি পীবদা শীংথানীংঙাই ওইনা মখোয়না শরুক তমখিবা অদুগীদমক থাগৎনীংঙাই ওই, হায়রিবা অসি রাইফলৱুমেনগী স্কিলশিংদা উবা ফংখি।

গৃহগী কেন্দ্রগী রাজ্য মন্ত্রীনা অসাম রাইফল্সকী লৈরিবা রেঙ্ক পুম্নমক্না লৈবাক অসিগী ঙাকশেলগী ওইবা খুদোংথিবা কয়া মায়োক্নখি, মরম অসিনা মখোয়গী য়াইফবা পুরকপা হায়বা অসি সরকারগী খ্বাইদগী মরু ওইবনি। লান্মীশিংগী য়াইফনবা সরকারনা হোৎনরি হায়বা তাক্লিবা ই-আৱাজ পোর্তেলগুম্বা য়াইফ-থৌরাংগী স্কিম কয়ামরুম হৌদোকখি। সরকারনা “ভারত কে ভীর” থৌরাং অসিনা ২০১৬দগী হৌনা থৱায় থাখ্রবা অথৌবা লান্মী ৪৪গী ইমুং-মনুংশিংদা লুপা করোর ৫.৫৭কী শেলগী তেংবাং ফংহনখ্রে। মসিগী মথক্তা ফোর্সকী হৌজিক মথৌ তৌরিবা অমসুং থবক্তগী পোত্থখ্রবা পর্সনেলশিংগী মচাশিং মহৈ-মশিং তমহন্নবগী খুদোংচাবশিং হেনগৎহন্নবা সরকারনা খনগৎলবা মেদিকেল কোলেজশিংদা এম.বি.বি.এস./বি.দি.এস.কী রিজর্বেসন থম্মি।

শ্রী নিত্যানন্দ রাইনা মেদিকেল কেম্পশিং, নুপীদা শক্তি পীবা স্কিমশিং, নেস্নেল ইন্তিগ্রেসন তুরশিং অমসুং অতোপ্পা থবক-থৌরমশিং সিবিল এক্সন প্রোগ্রামগী মখাদা লোকেল সিতিজেনশিংগীদমক অসাম রাইফল্সনা পাইখৎলি হায়না হায়খি। খুন্নাইগী শোত্থরবা শরুকশিংগীদমক অৱাং নোংপোক রিজনগী খুন্নাইদা চাউখৎ-থৌরাং পুরক্নবা য়ুম্ফম অমা থোনগদবনি। গৃহ মন্ত্রালয়গী মখাদা উ-পাম্বী লাখ ৩১ থাবা ঙমখ্রে মসি খ্বাইদগী য়াম্বা মশিং ওইরি। মহাক্না কোবিদ-১৯ ভেক্সিনেসনগী দোজ অহুম অসাম রাইফল্সকী পর্সনেল পুম্নমক্তা কাপখি, অসুম তৌবনা প্রধান মন্ত্রী শ্রী নরেন্দ্র মোদীগী পান্দম অসি অতেনবা মতমগী মনুংদা ফংবা ঙমগনি হায়না ফোঙদোকখি।

গৃহগী কেন্দ্রগী রাজ্য মন্ত্রীনা ঙসি অসাম রাইফল্সকী ১৮৭শুবা রাইজিং দেগী থৌরমদা হায়খি, “ঐহাক্না ইমালৈবাক্কী শেবা তৌদুনা ফোর্স অসিদা লৈরিবা অথৌবা লান্মীশিংদা হায়জনীংবদি মখোয়গীদমক মতম চুপ্পদা সরকারনা য়েংশিল্লি”। মহাক্না হায়খি, “ঐহাক্না অথুবদা অসাম রাইফল্স অসি লৈবাক অসিদা খক্তা নত্তনা মালেমগী থাক্তসু মরু ওইবা ফোর্স অমা ওইনা লিংখৎলক্কনি হায়না থাজবা থম্মি”।

*****