ভারতনা কোবিদ-১৯গী মাইয়োক্তা “সরকার মপুং ওইনা” অমসুং “খুন্নাই মপুং ওইনা” হায়বা থৌওং চত্থদুনা লৈবাক্কী মীয়ামগী হকশেল য়েংশিনবগী থবক লেপ্তনা চত্থরি। কোবিদ-১৯গী চৈথেং হন্থহন্নবা, লাকশিন্নবা অমসুং ঙাকথোক্নবগীদমক্তা খোঙথাং কয়া অমা সরকারনা পায়খৎলি। মহৌশা, অইং-অশা অমসুং ‘শা-ঙা, অকোয়বগী ফিভম অমসুং মীওইবগী হকশেল পুন্সিনবা ৱান-হেল্থকী থৌওং’ অসিনা ভারতকী কোবিদ-১৯দগী ফগৎলকপগী মতম অমসুং ‘আত্মানির্ভর ভারত’কী থৌরাংগী খ্বাইদগী মরু ওইবা ওইরি।

সেন্ত্রেল পোল্ল্যুসন কন্ত্রোল বোর্দতগী ফংবা ই-পাউগী মতুং ইন্না, মরু অইবা তুরেল ১৯গী ঈশিংগী মগুন য়েংশিনবদা লোকদাউনগী মনুংদা তুরেলগী ঈশিংগী চাংদা মশক থোক্না ফগৎপগী মতৌ থেংনখি। ওর্গানিক পোল্ল্যুসন হন্থবা, ঈশিংগী মথক থংবা মমায়দা ওক্সীজেনগী থাক্কী সেচ্যুরেসন হেনগৎপগী মতৌ থেংনখি অদুবু ফত্ত-হৌদিনা মোৎহনবগী চাংদা হান্নগা অদুমক মান্নখি। মান্নবা ওইনা, ইন্দস্ত্রী কয়া লোনখিবা, লম্বীদা গারী চেনবা লেপ্পা, য়ুম-কৈ শাবগী থবক অমসুং মীওইবগী অতোপ্পা থবক কয়া লেপখিবদগী শহর কয়া অমদা নুংশিৎকী মগুন্না মতম খরগী ওইনা ফগৎপগী মতৌ থেংনখি।

কন্তিনুৱস এম্বিএন্ত এয়র ক্বালিতী মোনিতরিং স্তেতস (সি.এ.এ.ক্যু.এম.এস.)তগী ফংবা দেতানা দিল্লী, ফরিদাবাদ, গুরুগ্রাম, ঘাজিয়াবাদ, নোইদা, মুম্বাই, কোলকতা, বেঙ্গালুরু, পত্না অমসুং চেন্নৈগুম্বা অচৌবা শহরশিংগী লোকদাউনগী অহানবা তাঙ্কক (মার্চ ২৫দগী এপ্রিল ২০, ২০২০) অমসুং অনিশুবা তাঙ্কক (এপ্রিল ২০দগী মে ৩, ২০২০) অসিদা পি.এম._২.৫, পি.এম._১০, এস.ও._২ অমসুং এন.ও._২গী চাংচৎকী তুংশিনবগী চাংদা হন্থখি হায়বা তাক্লি। ফগৎলকখিবশিং অসিদিঃ ইং ২০১৯গী মান্নবা মতমদা লৈবা তুংশিনবগী চাংচৎকী ওইবা চাংনা ওইখিবগা চাংদম্নবদা, শহর খুদিংদা লোকদাউনগী মনুংদা পি.এম._২.৫ না ৯-৭০%গী চাংদা হন্থখি, পি.এম._১০ না ২০-৬৮%গী চাংদা হন্থখি, এস.ও.._২ না ১৯-৭৭%গী চাংদা হন্থখি।

সরকারনা হীরম অসিগী মতাংদা নীংথিনা মিৎয়েং চঙলি। ভারত সরকারগী মনুংদা লৈবা নোদেল মন্ত্রালয় অমা ওইনা, ইনভাইরনমেন্ত, ফোরেস্ত অমসুং ক্লাইমেত চেঞ্জ (এম.ও.ই.এফ.সি.সি.) মন্ত্রালয়না মরী লৈনবা মন্ত্রালয়/বিভাগ অমসুং রাজ্য সরকারশিংগী মরক্তা খুৎশম্নদুনা ইকোসীস্তেমদা য়ুম্ফম ওইবা থৌওং পায়খৎপদা পুক্নিং থৌগৎপগা লোয়ননা লৈবাক অসিগী লৈরিবা মহৌশাগী রিসোর্সশিং শেন্নবদসু তেংবাংলি। মসিগী মথক্তা, এম.ও.ই.এফ.সি.সি.না নেস্নেল মিসন ফোর এ গ্রীন ইন্দিয়া (এফ.ৱাই. ২০২২-২৩গী লুপা করোর ৩৬১.৬৯), কঞ্জর্বেসন ওফ নেচরেল রিসোর্স অমসুং ইকোসীস্তেম (এফ.ৱাই. ২০২২-২৩গী লুপা করোর ৫৮.৫০) অমসুং ইনভাইরনমেন্তেল প্রোতেক্সন মেনেজমেন্ত অমসুং সস্তেনেবল দিভেলপমেন্ত (এফ.ৱাই. ২০২২-২৩গী লুপা করোর ১৪২.৫০) য়াওনা তোঙানবা স্কিম কয়া পায়খৎলি। কম্পেন্সেসন এফোরেস্তেসন ফন্দ মেনেজমেন্ত অমসুং প্লান্নিং ওথোরিতী (সি.এ.এম.পি.এ.) অসিবু উমং কনবা অমসুং য়োকখৎপগী থবক কয়াবু উমংগী লমশিংবু উমংগা মরী লৈন্দবা থৌওংগীদমক্তা শিজিন্নখিববু মহুৎ শিন্নবগীদমক্তা পাম্বৈ অমা শিজিন্নববু খুমাং চাউশিলহনবগী পান্দম থমদুনা লিংখৎখি। নেস্নেল বাইওদাইবর্সিতী ওথোরিতী (এন.বি.এ.) অসিবু ভারতকী বাইওলোজিকেল দাইবর্সিতী এক্ত, ২০০২বু থবক্তা ওন্থোক্নবগীদমক্তা কেন্দ্র সরকারনা ইং ২০০৩দা লিংখৎখি। এন.বি.এ. অসি স্তেত্যুতরী বোদী অমনি অমসুং বাইওলোজিকেল রিসোর্সশিং য়োকখৎপা, তুং কোইনা শিজিন্নবা অমসুং মসি শিজিন্নবগী কান্নববু চাং মান্নবা য়েন্নবগী থৌওংশিংদা ভারত সরকারদা কাঙলোন ঙাকপা অমসুং পাউতাক পীবগী মথৌ পাংথোকই। কোবিদ-১৯ লাইচৎকা মাইয়োক্নবা ওইনা, এন.বি.এ.না কোবিদ-১৯গী রিসর্চকা মরী লৈনবা এপ্লিকেসনশিংগী কান্নবা লৌবা অমসুং য়েন্নবা, কোবিদ-১৯ লাইয়েংবগী হিদাক শাবগী ওর্দর পীখি অমসুং মখোয়বু নুমিৎ মঙানিগী মনুংদা পুম্নমক্তা য়ৌহনখি।

কোবিদ লাইচৎ মনুংদা, সেন্ত্রেল পোল্ল্যুসন কন্ত্রোল বোর্দ (সি.পি.সি.বি.)না কোবিদ-১৯গী অনাবশিং শেন্নবা, লাইয়েংবা, লাইয়েংবগী থৌওংদা থোকপা ফত্ত-হৌদি হুন্দোকপা, লাইওং খঙদোকপা অমসুং ক্বারেন্তাইন তৌবগী কাঙলোন শেমখি। মসিগী কাঙলোনশিং অসিনা কোবিদ-১৯গা মরী লৈনবা ফত্ত-হৌদিশিংবু তেক্ত-কায়দনা শেন্নবগী পাক-শনবা ৱারোল তাকখি। কাঙলোনশিং অসিবু নীংথিনা ইলহন্নবগীদমক্তা কেন্দ্র সরকারগী মরী লৈনবা মন্ত্রালয়, রাজ্য সরকার, রাজ্যগী হকশেল বিভাগ, অর্বান দিভেলপমেন্ত অমসুং ইনভাইরনমেন্ত, স্তেত পোল্ল্যুসন কন্ত্রোল বোর্দ/পোল্ল্যুসন কন্ত্রোল কম্মিত্তী অমসুং কম্মন বাইওলোজিকেল ত্রিতমেন্ত অমসুং দিস্পোজেল ফেসিলিতীশিংগী লুপশিংদা য়েন্থোকখি।

মখা তাবা ওইনা, সি.পি.সি.বি.না কোবিদ১৯ বি.দবল্যু.এম. কৌবা মোবাইল এপ্লিকেসন অমা পুথোকখি অমসুং মসিনা ৱেস্ত জেনেরেতর অমসুং কম্মন বাইওমেদিকেল ৱেস্ত ত্রিতমেন্ত ফেসিলিতী (সি.বি.দবল্যু.তি.এফ.)না পীবগী মথৌ তাবা কোবিদ-১৯না বাইওমেদিকেল ৱেস্ত পুথোকপা অমসুং মদুবু ত্রিত্মেন্ত তৌবগা মরী লৈনবা দেতা খোম্নবা মথৌ পাংথোকই। মখা তাবা ওইনা, কোবিদ লাইচৎ মনুংদা হেল্থকেয়র ফেসিলিতীশিংনা পুথোকপা বাইওমেদিকেল ৱেস্ত অসি সি.বি.দবল্যু.তি.এফ. অমসুং হেল্থকেয়র ফেসিলিতীশিংনা থম্বা কেপ্তিব ত্রিতমেন্ত ফেসিলিতীশিংনা  ত্রিতমেন্ত তৌদুনা মাঙহল্লি।

ৱাফম অসি ইনভাইরনমেন্ত, ফোরেস্ত অমসুং ক্লাইমেত চেঞ্জ মন্ত্রালয়গী রাজ্য মন্ত্রী, শ্রী অশ্বিনি কুমার চৌবেনা রাজ্য সভাদা ঙসি হায়খিবনি।

*****