સરકારે એક ફરિયાદ નિવારણ પ્લેટફોર્મ બનાવ્યું છે, જેનું નામ કેન્દ્રિય જાહેર ફરિયાદ નિવારણ અને મોનિટરિંગ સિસ્ટમ (CPGRAMS) https://pgportal.gov.in પર ઉપલબ્ધ છે. કોઈપણ નાગરિક આ પ્લેટફોર્મ દ્વારા કેન્દ્રીય મંત્રાલયો/વિભાગો/રાજ્ય સરકારો/કેન્દ્રશાસિત પ્રદેશો (UTs) ને લગતી તેમની ફરિયાદો નોંધાવી શકે છે. ભારત સરકારના દરેક મંત્રાલય/વિભાગ અને રાજ્ય સરકાર/કેન્દ્રશાસિત પ્રદેશ પાસે આ સિસ્ટમની ઍક્સેસ છે અને સંબંધિત મંત્રાલયો/વિભાગો/રાજ્યો/કેન્દ્રશાસિત પ્રદેશો દ્વારા ફરિયાદોનું નિરાકરણ કરવામાં આવે છે. CPGRAMS માં કુલ 81000 ફરિયાદ અધિકારીઓ અને 792 એપેલેટ/સબ એપેલેટ અધિકારીઓને મેપ કરવામાં આવ્યા છે. ફરિયાદના નિકાલ માટે 45 દિવસની સમયમર્યાદા નક્કી કરવામાં આવી છે. જો નિર્ધારિત સમયમર્યાદામાં નિવારણ શક્ય ન હોય તો નાગરિકને વચગાળાનો જવાબ આપવામાં આવશે. CPGRAMS માં 01.01.2015 થી 28.02.2022 સુધી લગભગ 1,17,06,366 ફરિયાદોનો નિકાલ કરવામાં આવ્યો છે.
આ માહિતી કર્મચારી, જાહેર ફરિયાદ અને પેન્શન મંત્રાલયના રાજ્ય પ્રધાન અને વડા પ્રધાન કાર્યાલયના રાજ્ય મંત્રી ડૉ. જીતેન્દ્ર સિંહે આજે રાજ્યસભામાં એક લેખિત જવાબમાં આપી હતી.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 1809102)