ইকাই খুম্নরবা প্রধান মন্ত্রীনা কোবিদ-১৯ লাইচৎনা মরম ওইদুনা মমা-মপা অনিমক নত্ত্রগা সর্ভাইবিং পেরেন্ত নত্ত্রগা লিগেল গার্জিয়ন নত্ত্রগা অয়োকপা মমা-মপা কাইনখ্রবা অঙাংশিংদা তেঙবাং পীনবা পি.এম. কিয়র্স ফোর চিলদ্রেন স্কিম লাউথোকখ্রে। স্কিম অসি ওনলাইন পোর্তেল pmcaresforchildren.in গী খুত্থাংদা এক্সেস তৌবা য়াগনি। হায়রিবা অঙাংশিং অসিগী এপ্লিকেসন অদু মরী লৈনবা রাজ্য/য়ু.তি.গী সরকারশিংনা পোর্তেলদা অপলোদ তৌখ্রে। ২১.০৩.২০২২ ফাওবদা অপুনবা এপ্লিকেসন ৮৯৯৫ পোর্তেলদা অপলোদ তৌখ্রে অমসুং ৪৩০৫না প্রোসেস তৌরবা মতুংদা দিস্ত্রিক্ত মেজিস্ত্রেৎশিংনা অয়াবা পীখ্রে। উত্তর প্রদেশ য়াওনা পি.এম. কিয়র্স চিল্দ্রেন স্কিম পোর্তেলদা রাজ্য/য়ু.তি.গী মতুং ইন্না অয়াবা পীরবা অঙাংশিংগী অকুপ্পা মরোল অদু এনেক্সর-Iদা য়াওরে।  

মন্ত্রালয় অসিনা চাইল্দ প্রোতেক্সন সর্ভিসেস (সি.পি.এস.) স্কিম – মিসন ভাতসল্য কৌবা অমসুং মসিগী মখাদা অৱাবা তারবা মতমশিংদা অঙাংশিংগী মতেং পাংনবা সর্ভিসশিং পীনবা রাজ্য অমসুং য়ু.তি. সরকারশিংদা তেঙবাং পীরিবা কেন্দ্রনা স্পোন্সর তৌবা স্কিম অমা চৎনবা হৌহনখ্রে। সি.পি.এস. স্কিমগী মখাদা লিংখৎখিবা চাইল্দ কিয়র ইন্সতিত্যুসনশিং (সি.সি.আই.শিং)  অসিনা এজ-এপ্রোপ্রিএৎ এজুকেসন, ভোকেস্নেল ত্রেনিংগী এক্সেস ফংহনবা, রিক্রিএসন, হেল্থকিয়র, স্পোন্সরশিপ অসিনচিংবা কয়া অসি তেংবাং ফংহনখি। মন্ত্রালয়না কোবিদকা চুনবা চৎন-লোনচৎ থৌগৎনবা, চাইল্দ কিয়র ইন্সতিত্যুসনশিং মোনিতর তৌবা অমসুং অঙাংশিং অমদি কিয়র গিভরশিংগী মেন্তেল হেল্থ সপ্পোর্ত পীনবগীদমক কোবিদ মনুংদা লালোংশিং য়াৎনবা এদভাইজরীশিং অমসুং গাইদলাইনশিং পীখি।

মখা তানা পি.এম. কিয়র্স ফোর চিলদ্রেন অসিনা ইন্তর-এলিয়া ওইনা অপুনবা থৌজিলগী খুত্থাংদা অঙাংশিংদা এজুকেসন, হেল্থ ফংহন্নবা গেপ ফন্দিং তৌবা, চহি ১৮দগী থাগী স্তাইপেন্দ অমসুং চহি ২৩ শুরকপদা লুপা লাখ ১০গী অপুনবা শেনফম অমা ফংহল্লি। পি.এম. কিয়র্স চিলদ্রেন স্কিমগী গাইদলাইনশিংগী মতুং ইন্না, মন্ত্রালয়শিং অমসুং বিভাগশিং হায়বদি শেল-থুম মন্ত্রালয় (দিপার্তমেন্ত ওফ ইকনোমিক এফিয়র্স), এজুকেসন মন্ত্রালয় (দিপার্তমেন্ত ওফ স্কুল এজুকেসন এন্দ লিতরেসী অমসুং দিপার্তমেন্ত ওফ হায়র এজুকেসন), হকশেল অমসুং য়াইফ-য়ুম্বাল মন্ত্রালয়, ত্রাইবেল এফিয়র্স মন্ত্রালয়, সোসিএল জস্তিস এন্দ এম্পাৱর্মেন্ত মন্ত্রালয়, মাইনোরিতী এফিয়র্স মন্ত্রালয় অমসুং দিপার্তমেন্ত ওফ পোস্তনা স্কিম অসিদা মতেং পাংলি অমসুং মখোয়গী স্কিমশিংগী মখাদা পি.এম. কিয়র্স ফোর চিলদ্রেন স্কিম অসিগী মখাদা অঙাংশিংদা ফেসিলিতীশিং অমসুং সর্ভিসশিং ফংহন্নবা হোৎনরি অমসুং অঙাংশিংদা মখোয়গী মথৌ তাবশিংগী মতুং ইন্না মখোয়দা প্রোগ্রামশিং অসি য়ৌহল্লি।

মসিগী ইপাউ অসি নুপী অমসুং অঙাংগী য়াইফ-থৌরাং মন্ত্রালয়গী কেন্দ্রগী মন্ত্রী শ্রীমতি স্মৃতী জুবিন ইরানিনা রাজ্য সভাদা অইবা পাউখুম ওইনা ঙসি পীখিবনি। 

*****

(Release ID: 1808890) Visitor Counter : 132