مرکز کے زیر انتظام علاقے جموں و کشمیر کی حکومت کی طرف سے فراہم کردہ معلومات کے مطابق، 2019 ء سے اب تک جموں اور کشمیر میں مختلف شعبوں/ اسکیموں کے تحت 1,41,815 نئے کام/ منصوبے شروع کئے گئے ہیں۔ ان کاموں/ پروجیکٹوں کی تکمیل کے لئے 27,274.00 کروڑ روپئے  فراہم کئے گئے ہیں۔ پروجیکٹ کی تعمیر اور خریداری کی سرگرمیاں ہنر مند اور غیر ہنر مند مزدوروں، انجینئرز، ٹرانسپورٹرز اور چھوٹے کاروباریوں کے علاوہ نجی شعبے میں مواد اور آلات کی فراہمی میں مصروف افراد کے لئے روزگار کے نمایاں مواقع فراہم  کررہی ہیں۔ ایک اندازے کے مطابق اس سرمایہ کاری سے  مرکز کے زیر انتظام علاقے جموں و کشمیر میں تقریباً 1,169 لاکھ  دہاڑیون  ( مین ڈیز )  کا روزگار پیدا ہوا ہے۔ بنیادی ڈھانچے کے بڑے  سیکٹر  کی صورتِ حال  ذیل میں دی گئی ہے۔

 

مرکز کے زیر انتظام علاقے جموں و کشمیر  میں کنیکٹی ویٹی اور  بجلی  کے بنیادی ڈھانچے کی  صورتِ حال

 

 

 

 

 

کنیکٹی ویٹی اور بجلی کے بنیادی ڈھانچے کے منصوبوں کے علاوہ، دیگر شعبوں میں پیش رفت کی صورت حال حسب ذیل ہے:

1. پی ایم ڈی پی – 2015 وزیر اعظم کے ترقیاتی پیکج-2015 کے تحت  مرکز کے زیر انتظام علاقے جموں و کشمیر میں نافذ کئے جانے والے پروجیکٹوں کی پیشرفت کو تیز کیا گیا ہے۔ سڑکوں، بجلی، صحت، تعلیم، سیاحت، زراعت، اسکل ڈیولپمنٹ وغیرہ جیسے مختلف شعبوں میں 58,477 کروڑ روپئے  کی لاگت سے 15 وزارتوں سے متعلق 53 منصوبے نافذ  کئے  جا رہے ہیں، جن میں سے 25 منصوبے مکمل ہو چکے ہیں/کافی حد تک مکمل ہو چکے ہیں۔
2. سست روی کا شکار پروجیکٹوں  - سست روی کا شکار پروجیکٹ پروگرام کے تحت 1,984 کروڑ روپئے کے 1,193 پروجیکٹ مکمل کئے  گئے، جن میں 5 پروجیکٹ  ایسے ہیں ،  جو 20 سال سے زائد عرصے سے نامکمل تھے ، 15 پروجیکٹ 15 سال سے زیادہ اور 165 پروجیکٹ 10 سال سے زیادہ  عرصے سے زیر التوا تھے ۔
3. صحت - 2 نئے ایمس، 7 نئے میڈیکل کالج، 2 ریاستی کینسر انسٹی ٹیوٹ اور 15 نرسنگ کالجوں کو حال ہی میں لیا گیا/ فعال کیا گیا ہے۔ 854 سیٹوں کی صلاحیت کا اضافہ کیا گیا ، جس میں 600 ایم بی بی ایس ، 50 پی جی کورسوں کے لئے ، 26 بی ڈی ایس ، 38 ایم ڈی ایس اور 140 ڈی این بی کے لئے ہیں ۔
4. جل جیون مشن- گھریلو نل کے پانی کے کنکشن 5.75 لاکھ گھروں (31 فی صد) سے بڑھ کر 10.55 لاکھ گھرنوں (57 فی صد ) کیا گیا ۔ دو اضلاع (سرینگر اور گاندربل) کو ہر گھر جل اضلاع بنایا گیا ہے۔ تمام دیہی اسکولوں، آنگن واڑی مراکز اور صحت کے اداروں کو نل کے  ذریعے  پانی کے کنکشن فراہم کئے گئے ہیں۔
5. آبپاشی اور سیلاب کی روک تھام  – تین بڑے آبپاشی کے منصوبے جیسے مین راوی نہر (62 کروڑ روپئے )، ترال لفٹ اریگیشن اسکیم کا تیسرا مرحلہ (45 کروڑ روپئے ) اور دریائے جہلم اور اس کے معاون ندیوں کے لئے جامع سیلاب بندوبست کا منصوبہ  –  پہلا مرحلہ 399.29 کروڑ روپئے کی لاگت سے مکمل کیا گیا ۔
6. تعلیم - انڈین انسٹی ٹیوٹ آف ٹیکنالوجی ( آئی آئی ٹی ) جموں اور انڈین انسٹی ٹیوٹ آف مینجمنٹ (آئی آئی ایم ) جموں کو فعال بنا دیا گیا ہے۔  سرکاری ڈگری کالجوں / انجینئرنگ کالجوں کی تعداد 96 سے بڑھ کر 147 ہو گئی ہے ۔

 

یہ  معلومات داخلہ امور کے وزیر مملکت جناب نتیا نند رائے نے آج راجیہ سبھا میں ایک سوال کے تحریری جواب میں  فراہم کیں ۔

 

*****

( ش ح ۔ و ا ۔ ع ا   ) 

U. No. 3084

 

(Release ID: 1808842) Visitor Counter : 197