পান্দু (গুৱাহাতি) অসি নেসনেল ৱাতরৱেজ (এন.দব্লিউ.-২)দা লৈবা খ্বাইদগী মরুওইবা মফমনি, অমদি মসিগী মতুং ইন্না লৈঙাক্না মল্তি-মোদেলগী তুরেলগী হিথাংফম অমা পান্দুদা শেমগৎলে‍। মচা খায়বা ৱাফমশিং এনেক্স-১দা পীরি‍।

লৈঙাক্না ২০২০-২১দগী ২০২৪-২৫ ফাওবদা লুপা করোর ৪৬১ চঙনা এন.দব্লিউ.-২ শেমগৎনবা প্রোজেক্ত অমা অয়াবা পীখ্রে‍। পান্দুদা জহাজ শেম্নবগী মফম অমা লুপা করোর ৭২.৬ চঙনা শেমগৎপসিসু প্রোজেক্ত অসিগী মচাক অমনি‍। অৱাং নোংপোক লমদমদি দ্রাই দোকিং য়াওবা ভেসেল রিপ্যার ফেসিলিতী অমত্তা লৈতবা মরম্না পান্দুদা জহাজ শেম্ফম অমা শেমগৎকদৌরিবসিনা কান্নহল্লগনি‍। হৌজিক্কী ওইনা এন.ই.আর.গী ভেসেলশিং দ্রোই পোক রিপ্যারগীদমক কোলকতাদা পুবনি‍।

ওন্ত্রপ্রিন্যুরণিং/কার্গো ওপরেতরশিংবু অৱাং নোংপোক্তা ইনলেন্দ নেভিগেসনগী ফীভম ফগৎহন্নবগীদমক পুক্নিং থৌগৎনবা লৈঙাক্না পায়খৎপা থৌরাংশিং এনেক্স-২দা পীরি‍।

এনেক্স-১

এন.দব্লিউ-২ (ব্রহ্মপুত্র তুরেল)দা পান্দুদা (গুৱাহাতি)দা লৈরিবা মল্তি-মোদেল তর্মিনেলগী মচা খায়পা ৱাফমশিং

পান্দু (গুৱাহাতি) অসি নেসনেল ৱাতরৱেজ (এন.দব্লিউ.-২)দা লৈবা মল্তি-মোদেল রিভর পোর্ত শেমগৎনবগী খ্বাইদগী মরুওইবা মফমনি‍। মরম অসিনা পান্দুদা তাঙ্কক নাইনা শেমগৎকদবা তর্মিনেলগী মাস্তর প্লান অমা শেমখি অমদি মদুগী মতুং ইন্না শেমগৎ শাগৎপগী থবক পায়খৎখি‍। ইং ২০০৯দা লো-লেভেল জেত্তী অমা লুপা করোর ৪০.০২ চঙনা শেমগত্তুনা মথৌ তৌবা হৌহনখি‍। লুপা করোর ৪৩.৮৯ চঙবা হায় লেভেল জেত্তী অমসু কন্তেনর য়াওনা মেকানিকেল হেন্দ্লিং ফেসিলিতীগা লোয়ননা চহি চুপ্পা মথৌ তৌহন্নবগীদমক ২০১৪-১৫দা মথৌ তৌবা হৌহনখি‍।

পান্দু হিথাংফমবু কমখ্যা রেলৱে স্তেসন (গুৱাহাতি)গা শমজিন্নবা ব্রোদ গেজ রেলৱে সাইদিং অমা এন.এফ. রেলৱেগী খুত্থাঙদা লুপা করোর ১৬.৪৬ চঙনা শেমদুনা এন.এফ. রেলৱেনা ২০১৩দা কম্মর্সিএল ওপরেসনগীদমক্তা হাংদোকখি‍। বি.জি. সাইদিং অসিবু থর্দ পার্তীনা কার্গো পুথোক পুশিন তৌবদা শীজিন্ননবগীদমক আই.দব্লিউ.এ.আই.না এন.এফ. রেলৱেগা য়ানচে অমা খুৎয়েক পীনখ্রে‍।

ফংলিবা ইনফ্রাস্ত্রকচর ফেসিলিতীগী ফীভম -

মফম	জেত্তী/তর্মিনেল	স্তোরেজ ফেসিলিতী	ইকুইপমেন্ত	অতৈ ফেসিলিতীশিং
পান্দুও গুৱাহাতি	লো লেভেল আর.সি.সি. জেত্তী – (অশাংবা – ৫০ মিতর, অপাকপা – ২০ মিতর)   হায় লেভেল আর.সি.সি. জেত্তী – (অশাংবা – ৫০ মিতর, অপাকপা – ২০ মিতর)	ত্রাঞ্জিৎ সেদ (অমমম্না ৭৫ মিতর x ২১ মিতর ওইবা) মশিং অনি     ওপন স্তোরেজ এরিয়া: স্ক্বার মিতর ৫৫৩.৯০	এম.তি. ২০ অমসুং এম.তি. ৭৫গী কেপাসিতীগী হায়দ্রোলিক সোর ক্রেন অনি,   ৱৈৎ ব্রিদ্জ অমা: এম.তি. ১০০গী কেপাসিতী	রেলৱে ব্রোদ গেজ (বি.জি.) সাইদিং অমা     কস্তম নোতিফাইদ

 

এনেক্সন-২

ওন্ত্রপ্রিন্যুরণিং/কার্গো ওপরেতরশিংবু অৱাং নোংপোক্তা ইনলেন্দ নেভিগেসনগী ফীভম ফগৎহন্নবগীদমক পুক্নিং থৌগৎনবা লৈঙাক্না পায়খৎপা থৌরাংশিং‍।‍

১. ফ্যারৱে দেবেলপমেন্ত ৱর্ক্স: ইন্দো বঙ্গলাদেদ প্রোতোকোল রুতকী খুত্থাঙদা এন.দব্লিউ.-১ অমসুং এন.দব্লিউ.-২/এন.দব্লিউ.-১৬গী মরক্তা কন্নেক্তিবিতী ফগৎহন্নবগীদমক, বঙ্গলাদেশকী শরুক্তা লৈবা প্রোতোকোল রুত নম্বর ১ অমসুং ২গী সিরাজগঞ্জ অমসুং দাইখোৱাগী মরক্তা লৈবা অমসুং প্রোতোকোল রুত নম্বী ৩ অমসুং ৪গী  অসুগঞ্জ অমসুং জাকিগঞ্জকী মরক্তা লৈরিবা মরুওইবা অমদি অথেনবা পরিংশিং চহি চুপ্পা চত্থোক চৎশিন য়ানবগীদমক (মিতর ২.৫কী এল.এ.দি.গী পান্দমগা লোয়ননা) তারত অমসুং বঙ্গলাদেশনা পুন্না শেমগৎমিন্নরি‍। মতৌ অসুম্না ইন্দো-বঙ্গলাদেশ প্রোতোকোল রুত্তা জহাজশিং অপনবা লৈতনা চত্থোক চৎশিন তৌনবগীদমক সুন্দরবন্দা এন.দব্লিউ.-৯৭দা ফ্যারৱে দেবেলপমেন্তকী থবকশিং পায়খৎলি‍।

 

২. রো-রো/রো-পেক্স সর্ভিস নেস্নেল ৱাতরৱে-২দা হৌখ্রে

মখাদা পীরিবা লম্বী পরিংশিংসিদা ইকায়খুম্নরবা প্রধান মন্ত্রীনা ফেব্রুৱারী ২০২১দা রো-রো/রো-পেক্স জহাজ মথৌ তৌবা হৌহনখ্রে:

 

জহাজ মমিং	রো-রো/রো-পেক্স সর্ভিস লৈগদবা মফমশিং	ইকায়খুম্নরবা প্রধান মন্ত্রীনা হৌদোকখিবা তাং
এম.ভি. রানি গাইদিনলিউ অমসুং এম.ভি. সচিন দেব বর্মন	নীমতি অমসুং কমলাবারি (মাজুলি)	১৮.০২.২০২১
এম.ভি. জে.এফ.আর. জেকোব	গুৱাহাতি অমসুং নোর্থ গুৱাহাতি	১৮.০২.২০২১
এম.ভি. বোব খথিং	ধুব্রি অমসুং ফকিরগঞ্জ (য়ু/এস. হৎসিংগিমারি)	১৮.০২.২০২১

 

৩. লেভী নৌনা লেপথোকপা অমসুং ফী খোমগৎপা: ভারত লৈঙাক্কী কংফাল মনুংগী ঈশিং লম্বীবু চত্থোক চৎশিনগী অতোপ্পা পামবৈ অমা ওইনা য়োকখৎনবগী মীৎয়েঙবু মাঙদা পুখত্তুনা পোর্ত, সিপ্পিং এন্দ ৱাতরৱেজ মন্ত্রালয়না ঈশিং লম্বী শীজিন্নবগী চার্জশিং চহি অহুমগী ওইনা কোকপিনবা খন্নখ্রে‍।

 

৪. আই.দব্লিউ.তি. মোদ শীজিন্নদুনা রিজনেল ত্রেদ ফগৎহনবা

 

ক. পি.আই.দব্লিউ.তি. অমসুং তি.গী মখাদা ভারত অমসুং বঙ্গলাদেশতা অনৌবা পোর্ত ওফ কোল অমসুং রূতশিং হাপচিনবা: ভারত অমসুং বঙ্গলাদেশকী মরক্তা লৈরিবা পি.আই.দব্লিউ.তি.অমসুং তি.গী মখাদা হান্না লৈরিবা পোর্ত ওফ কোল ৬গী মথক্তা নাকল অনিমক্তা অনৌবা ৭ হাপচিল্লকপা, লোয়ননা হান্না লৈরবা ৱাতরৱে রুত ৮গী মথক্তা অনৌবা ২ হাপচিল্লকপা/পাকথোক চাউথোরকপসিনা ভারত অমসুং বঙ্গলাদেশ অনিগী মরক্তা লৈরিবা আই.দব্লিউ.তি. মোদকী লল্লোন ইতিক্কী থবক থৌরমশিং হেনগৎলক্কনি অমদি এন.দব্লিউ.শিংসিদা চত্থোক চৎশিনগী চাং হেনগৎলক্কনি হায়না পানরি‍।

 

খ. ভুতান অমসুং বঙ্গলাদেশকী মরক্তা লল্লোন ইতিক: পুথোক পুশিনগী মমল হন্থবা, কংফাল লম্বীগা চাংদম্নবদা হেন্না চাউবা সিপমেন্তকী চাং, কংফালগী লম্বীগুম্না চিনবা লৈতবনচিংবা ঈশিং লম্বীগী কান্নবা কয়া য়েংলগা ভুতানদগী নুং এক্সপোর্তরশিংনা কংফাল মনুংগী ঈশিং লম্বীবু পুথোক পুশিনগী অতোপ্পা পামবৈ ওইনা শকখঙলে‍। আই.দব্লিউ.এ.তি.গী মীৎয়েঙ মখাদা অহানবা মুভমেন্ত জুলাই ২০১৯দা মায় পাক্না তৌখ্রে‍। আই.দব্লিউ.তি. পামবৈ শীজিন্নদুনা পাঙথোকপা লল্লোন ইতিক্কী থৌওং অসি মখা চত্থদুনা লাক্কদৌরিবা চহিশিংদা মশক থোক্না ৱাংখৎলক্কনি হায়না থাজনরি‍।

 

৫. স্তেকহোল্দরশিংবু ইনলেন্দ ৱাতর ত্রান্সপোর্ত শীজিন্নহন্নবা অমদি নেস্নেল ৱাতরৱেজকা মরী লৈনবা তোঙান তোঙানবা ৱাফমশিং ফংহন্নবগী স্তেন্দর্দ ওপরেতিং প্রোসিজরশিং (এস.ও.পি.)

আই.দব্লিউ.এ.আই.গী ৱেবসাইত্তা ফংলবা তোঙান তোঙানবা নেস্নেল ৱাতরৱেজশিংগী স্তেন্দর্দ ওপরেতিং প্রোসিজরশিংগী (এস.ও.পি.) লিস্ত মখাদা পীরি:

ক. ছত্তোগ্রাম অমসুং মোঙ্গলা হিথাংফমবু গভর্নমেন্ত ওফ দি পীপল্স রিপব্লিক ওফ বঙ্গলাদেশ অমসুং গভর্নমেন্ত ওফ রিপব্লিক ওফ ইন্দিয়াগী মরক্তা পোৎলমশিং ভারত্তা পুশিল্লকপা অমদি ভারত্তগী পুথোকখিনবা শীজিন্নবগী য়ানচেগী স্তেন্দর্দ ওপরেতিং প্রোসিজরশিং (এস.ও.পি.)‍।

খ. গভর্নেন্ত ওফ দি পীপল্স রিপব্লিক ওফ বঙ্গলাদেশ অমসুং গভর্নমেন্ত ওফ রিপব্লিক ওফ ইন্দিয়া অনিগী মরক্তা কোস্তেল অমসুং প্রোতোকোল রুত্তা পেসেঞ্জর অমসুং ক্রুজ সর্ভিস তৌবগী এম.ও.য়ু.গী স্তেন্দর্দ ওপরেতিং প্রোসিজরশিং (এস.ও.পি.)‍।

গ. গভর্নেন্ত ওফ দি পীপল্স রিপব্লিক ওফ বঙ্গলাদেশ অমসুং গভর্নমেন্ত ওফ রিপব্লিক ওফ ইন্দিয়া অনিগী মরক্তা কংফাল মনুংগী ঈশিং লম্বীবু বাইলেতরেল ত্রেদ অমসুং ত্রাঞ্জিৎ কার্গো তৌনবগী শীজিন্ননবা এম.ও.য়ু.গী স্তেন্দর্দ ওপরেতিং প্রোসিজরশিং (এস.ও.পি.)‍।

ঘ. প্রোতোকোল ওন ইনলেন্দ ৱাতর ত্রাঞ্জিৎ এন্দ ত্রেদ (পি.আই.দব্লিউ.তি. এন্দ তি.)দা জহাজ চত্থোক চৎশিনগী স্তেন্দর্দ ওপরেতিং প্রোসিজরশিং (এস.ও.পি.)‍।

ঙ. নেস্নেল ৱাতরৱেশিংদা রো-রো/রো-পেক্স জহাজ মথৌ তৌবগী স্তেন্দর্দ ওপরেতিং প্রোসিজরশিং (এস.ও.পি.) অমসুং চেক লিস্ত‍।

চ. কার-দি পোর্তেলগী স্তেন্দর্দ ওপরেতিং প্রোসিজরশিং (এস.ও.পি.)‍।

 

৬. স্তেকহোলদরশিংগা তাথোক তাশিন তৌবা: আই.দব্লিউ.এ.আই.না শেনবা চহি ২০দা তোঙান তোঙানবা মফম তরুক্তা (কোলকতা, কোচি, মুমবাইও পত্না, গোৱা অমসুং ধাকা) স্তেকহোল্দরশিংগী খন্ন-নৈনখ্রে অমদি শেনবা চহি ২১দা কন্ফরেন্স-কম-ৱেবিনার ৯ পাঙথোকখ্রে‍। হায়রিবা ইন্তরেক্সনশিং অসিনা ঈশিং লম্বীবু পোৎ পুথোক পুশিনগী পাম্বৈ অমা ওইনা য়োকখৎপদা অমদি স্তেকহোল্দরশিংনা পাম্লিবা অমদি মখোয়গী ফীদবেকশিং খঙবদা মতেং ওইখি‍। আই.দব্লিউ.এ.আই.না এন.দব্লিউ.শিংদা চত্থোক চৎশিনগী চাং হেনগৎহন্নবগীদমক মখোয়না ফংলিবা এক্সপেক্তেসন অমসুং ফীদবেকশিংগী মতাঙদা ৱাখৈ পুরক্নবগীদমক পান্দম নাইবা থৌরাং কয়া লৌখৎলি‍।

 

ৱাফম অসি পোর্ত, সিপ্পিং এন্দ ৱাতরৱেজকী কেন্দ্র মন্ত্রী শ্রী সর্বনন্দ সোনোৱালনা রাজ্য সভাদা অইবা পাউখুম ওইনা পীদুনা ফোঙদোকখিবনি‍।

 

*****

(रिलीज़ आईडी: 1808312) आगंतुक पटल : 228