ఇంకా, ఫేమ్ ఇండియా స్కీమ్ ఫేజ్-II కింద ఛార్జింగ్ మౌలిక సదుపాయాల స్థాపన కోసం 5 సంవత్సరాల [2019-20 నుండి 2023-24] కాలానికి రూ.1000 కోట్లు బడ్జెట్ కేటాయించారు.   

ఫేమ్ ఇండియా స్కీమ్ ఫేజ్-II కింద 25 రాష్ట్రాలు/యూటీలలోని 68 నగరాల్లో 2877 ఛార్జింగ్ స్టేషన్‌లను కూడా మంత్రిత్వ శాఖ మంజూరు చేసింది. ఇంకా, ఎంహెచ్ఐ ఈ దశలో 16 హైవేలు, 9 ఎక్స్‌ప్రెస్‌వేలలో 1576 ఈవీ ఛార్జింగ్ స్టేషన్‌లను మంజూరు చేసింది. ఫేమ్ ఇండియా స్కీమ్ ఫేజ్-II కింద నగరాల్లో మంజూరు చేయబడిన మరియు ఇన్‌స్టాల్ చేయబడిన ఛార్జింగ్ స్టేషన్ల వివరాలు అనుబంధం-I లో పేర్కొన్నారు. ఎక్స్‌ప్రెస్‌వేలు/హైవేలలో మంజూరు చేయబడిన ఛార్జింగ్ స్టేషన్‌ల వివరాలు అనుబంధం-IIలో పేర్కొన్నారు. 

విద్యుత్ మంత్రిత్వ శాఖ మార్గదర్శకాల ప్రకారం, హైవేకి ఇరువైపులా ప్రతి 25 కి.మీల వద్ద కనీసం ఒక ఛార్జింగ్ స్టేషన్ ఉండాలి మరియు రెండు వైపులా ప్రతి 100 కి.మీల వద్ద లాంగ్ రేంజ్/హెవీ డ్యూటీ ఈవీల కోసం కనీసం ఒక ఛార్జింగ్ స్టేషన్ ఉండాలి. నగరం కోసం 3 కిమీ x 3 కిమీ గ్రిడ్‌లో కనీసం ఒక ఛార్జింగ్ స్టేషన్ ఏర్పాటు చేయబడుతుంది. 

ఫేమ్ ఇండియా పథకం దశ-I కింద ఈవీల కోసం క్రింది సౌర ఆధారిత ఛార్జింగ్ మౌలిక సదుపాయాలు మంజూరు అయ్యాయి:

***