হাউজিং অমসুং আর্বান এফিয়র্স মন্ত্রালয়না ফোংদোকখিবগী মতুং ইন্না, ২০২০গী মার্চ ২৪ ফাওবদা অমদি মমাংদা শহরগী মফমশিংদা পোৎ য়োল্লিবা স্ত্রীত বেন্দরশিংনা পি.এম. স্বনিধি স্কিমগী মখাদা কান্নবশিং লৌবা য়াগনি৷ মসি শেল থুমগী কেন্দ্রগী রাজ্য মন্ত্রী দা. ভগৱত কিসনরাউ করদনা ঙসি লোক সভাদা অইবা পাউখুম অমদা ফোংদোকখিবনি৷

২০২২গী মার্চ ৭ ফাওবদা ইলিজিবল বেনিফিসরী ২৮,৬৯,৪৭৭ পি.এম. স্বনিধি স্কিমগী মখাদা কান্নবা ফংখ্রে হায়না মন্ত্রীনা ফোংদোকখি৷ স্কিম অসিগী মখাদা কাইথখিবা লোনগী রাজ্যগী অমসুং চহি-চহিগী ওইবা অকুপ্পা মরোলশিং উৎলিবা স্তেতমেন্ত অমা এনেক্সচর-Iদা লৈরে৷

হৌজিক ফাওবদা, লুপা কোতি ৪৫.২১ অমসুং লুপা কোতি ৭.৫৫গী শেনফম অমা মথংশিৎনা ইন্তরেস্ত সবসিদী অমসুং কেশ বেক ওইনা পীখ্রে হায়না মন্ত্রীনা ফোংদোকখি৷ রাজ্য-রাজ্যগী ওইবা অকুপ্পা মরোলশিং এনেক্সচর-IIদা লৈরে৷

পি.এম. স্বনিধি অসি সেন্ত্রেল সেক্তর স্কিম অমনি হায়না মন্ত্রীনা ফোংদোকখি৷ বেনিফিসরীশিংদা শেল পীথনবগীদমক রাজ্যশিংদা শেল অমতা পীখবা লৈতে৷ লোনগী শেনফম অসি লেন্দিং ইন্সতিত্যুসনশিংনা বেনিফিসরীশিংদা হকথেংননা রিলিজ তৌরি হায়না মন্ত্রীনা মখাতাখি৷

অকুপ্পা মরোলশিং পীরদুনা, লোন ইন্সতোলমেন্তশিং থিগৎলকপদা শেল পুরিবা মীওই অদুদা দাইরেক্ত বেনিফিৎ ত্রান্সফরগী খুৎথাংদা ক্বাতর্লী বেসিস্তা ৭%গী ইন্তরেস্ত সবসিদী অমা পীরি অমদি দিজিতেল ত্রাঞ্জেক্সনশিং তৌববু হেন্না পুক্নিং থৌগৎনবা স্ত্রীত বেন্দরশিংদা থা অমদা লুপা ১০০ ফাওবগী কেশ বেক পীরি হায়না মন্ত্রীনা ফোংদোকখি৷

মখাগী ক্রাইতরিয়া অসিগী মতুং ইন্না ইলিজিবল ওইরবা বেন্দরশিং খায়দোক্লি হায়না মন্ত্রীনা ফোংদোকখি:-

1. আর্বান লোকেল বোদীশিং (য়ু.এল.বি.শিং)না ফোংখিবা বেন্দিং সর্তিফিকেৎ /আইদেন্তিতী কার্দ পাইবা স্ত্রীত বেন্দরশিং;
2. য়ু.এল.বি.না তৌখিবা সর্ভেদা খন্দোকখ্রবা অদুবু বেন্দিংগী সর্তিফিকেৎ/আইদেন্তিতী কার্দতি পাইদবা  বেন্দরশিং;
3. সর্ভে য়াওহৌদ্রবা নত্রগা সর্ভে লোইখ্রবা মতুংদা পোৎ-চৈ য়োনবা হৌরকখিবশিং অমদি য়ু.এল.বি./তাউন বেন্দিং কম্মিতী (তি.ভি.সি.)না লেত্তর ওফ রিকম্মেন্দেসন ইসু তৌখ্রবা স্ত্রীত বেন্দরশিং; অমসুং
4. য়ু.এল.বি.শিংগী জিওগ্রাফিকেল লিমিতশিংদা পোৎ-চৈ য়োল্লিবা অকোইবদা চাওখৎলক্লিবা/পেরি-আর্বান/খুঙ্গংগী মফমশিংদা লৈরিবা অমদি য়ু.এল.বি./তি.ভি.সি.না লেত্তর ওফ রিকম্মেন্দেসন ইসু তৌখ্রবা বেন্দরশিং৷

 

পি.এম. স্বনিধি স্কিমগী মখাদা তোঙান তোঙানবা লেন্দিং ইন্সতিত্যুসন মখল কয়ানা চার্জ তৌখিবা শেন্দোইগী চাংগী অকুপ্পা মরোলশিং পীরদুনা, মন্ত্রী অসিনা মখাগী অসি ফোংদোকখি:-

1. সেদ্যুল কম্মর্সিয়েল বেঙ্কশিং, রিজনেল রুরেল বেঙ্কশিং (আর.আর.বি.শিং), স্মোল ফাইনান্স বেঙ্কশিং (এস.এফ.বি.শিং), কোওপরেতিব বেঙ্কশিং অমসুং এস.ঐচ.জি. বেঙ্কশিংগী ওইনদি, মখোয়গী বোর্দনা এপ্রুব তৌখ্রবা পোলিসীশিং য়েংলগা মখোয়গী শেন্দোইগী চাং লেপ্পি৷
2. নন-বেঙ্কিং ফাইনান্স কম্পেনী (এন.বি.এফ.সি.), এন.বি.এফ.সি.-মাইক্রো –ফাইনান্স ইন্সতিত্যুসনশিং (এম.এফ.আই.শিং)গী ওইনদি, মরী লৈনবা লেন্দিং কেতিগোরীগীদমক আর.বি.আই. গাইদলাইনশিংগী মতুং ইন্না লেপ্পি৷
3. এম.এফ.আই.শিং (এন.বি.এফ.সি. ওইদবা) অমদি আর.বি.আই. গাইদলাইনশিংগী মনুং চন্দবা অতোপ্পা লেন্দর কেতিগোরীশিংগী ওইনদি, এন.বি.এফ.সি.-এম.এফ.আই.শিংগী ওইনদি হৌজিক লৈরিবা আর.বি.আই. গাইদলাইনশিংগী মতুং ইন্না চান্ননা লেপ্পি৷

লোন ইন্সতোলমেন্তশিং মতম চানা থিগৎলকপদা ক্বাতর্লী বেসিস্তা ৭%গী ইন্তরেস্ত সবসিদী অমা পীরি৷ সবসিদীগী মথক্তা লৈরিবা ইন্তরেস্ত অদু বেনিফিসরী অদুনা পুরি৷

******

(Release ID: 1807296)