नवी दिल्‍ली, 14 मार्च 2022

 

गृहनिर्माण आणि शहरी व्यवहार मंत्रालयाने सूचित केल्यानुसार, 24 मार्च 2020 पर्यंत किंवा त्यापूर्वी शहरी भागात विक्री करणारे फेरीवाले पंतप्रधान स्वनिधी योजनेअंतर्गत लाभांसाठी पात्र आहेत. केंद्रीय अर्थ राज्यमंत्री डॉ.भागवत किसनराव कराड यांनी लोकसभेत एका प्रश्नाच्या लेखी उत्तरात ही माहिती दिली.

पंतप्रधान स्वनिधी योजनेंतर्गत, 7 मार्च 2022 पर्यंत 28,69,477 पात्र लाभार्थ्यांनी लाभ घेतला आहे असे त्यांनी सांगितले. योजनेअंतर्गत वितरित केलेल्या कर्जाचा राज्य आणि वर्षवार तपशील परिशिष्ट-I मध्ये आहे.

आतापर्यंत 45.21 कोटी रुपये आणि 7.55 कोटी रुपये व्याज अनुदान आणि रोख परतावा (कॅश बॅक) म्हणून देण्यात आले आहेत, असे त्यांनी नमूद केले. राज्यनिहाय तपशील परिशिष्ट-II मध्ये आहे.

पंतप्रधान स्वनिधी ही केंद्रीय योजना आहे. लाभार्थ्यांना वितरित करण्यासाठी राज्यांना कोणताही निधी जारी केला जात नाही. कर्ज देणाऱ्या संस्थांद्वारे कर्जाची रक्कम थेट लाभार्थ्यांना दिली जाते, असेही त्यांनी स्पष्ट केले.

कर्ज हप्त्यांच्या परतफेडीवर कर्जदाराला थेट लाभ हस्तांतरणाद्वारे तिमाही आधारावर 7% व्याज अनुदान दिले जाते आणि डिजिटल व्यवहारांना प्रोत्साहन देण्यासाठी फेरीवाल्यांना दरमहा 100 रुपयांपर्यंतचा रोख परतावा (कॅश बॅक) दिला जातो असे मंत्री महोदयांनी अधिकचा तपशील देत सांगितले.

 

* * *

S.Tupe/V.Ghode/D.Rane

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1806125)