শীজিন্নগদবা ভেক্সিন ভাইল মোনিতরিং (ভি.ভি.এম.)গী মখল খঙদোক্নবা করম্বা মতমদা ভেক্সিন অদু মফম অদুদগী হেন্না শীজিন্নবা য়াদববা এন্দ পোইন্তদা য়ৌগনি হায়বা অসি লেপথোক্নবা তোঙান-তোঙানবা অকোইবগী অইং-অশা অমসুং মতমদা নৈনবা মথৌ তাই। ভি.ভি.এম. অসি ওফশোর মেন্যুফেকচর্র অমা খক্তনা শাই অমসুং দিবেলপ তৌরকপগী মতুং ইন্না কোবিদ-১৯ ভেক্সিন শীজিন্নবগী মালেমগী তঙাই ফদবা, ভি.ভি.এম.গী ভোল্যুম য়াম্না চাউবা অমসুং অকক্নবা প্রদক্সন কেপাসিতী মথৌ তাবা অসি য়েংলগা কোবিদ-১৯ ভেক্সিনশিং অসি মালেমশিনবা থুংনা ভি.ভি.এম. য়াওদনা শীজিন্নখি।

নেস্নেল রিগ্যুলেতর হায়বদি সেন্ত্রেল দ্রগস স্তেন্দর্দ কন্ত্রোল ওর্গনাইজেসন্না মেন্যুফেকচর তৌখিবা তাংদগী কোবিশিল্দ ভেক্সিনগী শেল্ফ লাইফ অসি থা ৯ অমসুং কোভেক্সিন অমদি স্পুতনিক ভেক্সিননা থা ১২ ওইহনবদা অয়াবা পীখ্রে। ভারত সরকারনা কোবিদ-১৯ ভেক্সিনশিং মতিক চানা থম্নবা, হেন্দল তৌনবা অমসুং কাপ্নবা চুনবা গাইদলাইন অমসুং ত্রেনিং মেতরিএল পীখি।

মেন্যুফেকচর্রদগী কোবিদ-১৯ ভেক্সিনেসন সেন্তর (সি.ভি.সি.) ফাওবা কোবিদ-১৯ ভেক্সিনশিংগী থম্বা অমসুং পুথোক-পুশিন তৌবা অসি তেম্পরেচর কন্ত্রোল তৌবা এনভাইরনমেন্তদা দিগ্রী সেল্সিয়স ২-৮ ওইবা থম্মি। তেম্পরেচর কন্ত্রোল তৌবা এনভাইরনমেন্ত অমদা কোবিদ-১৯ ভেক্সিনশিং থম্নবা অমসুং পুথোক-পুশিন তৌনবা ইন্সুলেতেদ/রিফ্রিজিরেতেদ ভেক্সিন ভেনশিং, কোল্দ বোক্সশিং অমসুং ভেক্সিন কেরিশিংগা লোয়ননা কোল্দ চেন্দ পোইন্ত ২৯,০০০ য়াওবা অচৌবা কোল্দ চেন নেৎৱার্ক অমা লৈ। মথৌ তাবা স্তোরেজ তেম্পরেচর অদু ঙাক্নবা রিএল তাইম ওইনা স্তোরেজ তেম্পরেচর মোনিতর তৌবগী থবকসু পাইখৎখি।

হকশেল অমসুং য়াইফ-য়ুম্বালগী কেন্দ্রগী রাজ্য মন্ত্রী দা. ভারতি প্রবিন পাৱরনা ঙসি ৱাফম অসি রাজ্য সভাদা অইবা পাউখুম অমা ওইনা পীখি।

****

(Release ID: 1806327) Visitor Counter : 155