سری لنکا میں مغربی بحری بیڑے کی تعیناتی کا اختتام 12 مارچ 2022 کو دونوں بحریہ کے درمیان بحری شراکت داری کی مشق میں ہوا۔

کولمبو کی بندرگاہ سے روانگی پر، ہندوستانی بحریہ کے جہازوں آئی این ایس چنئی اور آئی این ایس تیغ نے سری لنکا بحریہ کے جہاز سندھورالا کے ساتھ مشق کی۔ آسانی سے منعقد کی جانے والی مشق کا آغاز سری لنکا کی بحریہ کے فاسٹ اٹیک کرافٹس کے ذریعے بندرگاہ چھوڑنے والے بحری جہازوں کے خلاف غیر متناسب خطرے کی فرضی صورت حال کے ساتھ ہوا۔ اس کے بعد، بحری مشقوں کے ایک حصے کے طور پر، دونوں بحریہ کے جہازوں نے جہازوں کوکھینچنے کے لیے رسائی اپنائی، سمندر میں دوبارہ سامان بھرائی کے لیے اسٹیشن کو برقرار رکھا اور قریبی فاصلہ کی مشقیں کیں۔ مشق میں ہندوستانی بحریہ کے چیتک ہیلی کاپٹر نے بھی حصہ لیا۔ مشق کا اختتام روایتی اسٹیم پاسٹ کے ساتھ ہوا جس میں سری لنکا کا جہاز دوسری سمت سے ہندوستانی بحریہ کے جہازوں کے کالم کے قریب پہنچا اور عملے نے اپنے جہاز کے اطراف کو سنبھالتے ہوئےایک دوسرے کو الوداع کہی۔ بحری افواج کے درمیان پیشہ ورانہ تعامل انتہائی نتیجہ خیز رہا اور ان کے درمیان باہمی تعاون میں اضافہ ہوا۔

اس سے قبل 11 مارچ 2022 کو، ریئر ایڈمرل سمیر سکسینہ، این ایم، فلیگ آفیسر کمانڈنگ ویسٹرن فلیٹ (ایف او سی ڈبلیو ایف) نے سری لنکا کے خارجہ سیکرٹری ایڈمرل پروفیسر جیاناتھ کولمبیج سے ملاقات کی۔ آئی این ایس چنئی اور آئی این ایس تیغ کے کمانڈنگ آفیسرز نے سری لنکا کے مغربی نیول ایریا کے کمانڈر ریئر ایڈمرل اے یو سی ڈی سلوا سے ملاقات کی۔

دونوں بحری افواج کے جوانوں کے درمیان ایک دوستانہ والی بال میچ بھی کھیلا گیا تاکہ جونیئر سطح پر باہمی روابط کو بڑھایا جا سکے۔ ہندوستانی بحری جہازوں کو عام لوگوں، اسکول کے بچوں، خدمات انجام دینے والے بحریہ کے اہلکاروں اور خصوصی ضروریات والے بچوں کے لیے کھلا رکھا گیا تھا۔ بات چیت کے دوران کووڈ- 19 کے تمام ضوابط پر عمل کیا گیا۔

 

 

*****

U.No.2643

(ش ح - اع - ر ا)   

 

(ریلیز آئی ڈی: 1806247) وزیٹر کاؤنٹر : 154