চা গার্দেন ৱার্করশিংগী কোলোনী পুম্নমক্তা হাউজিং, হেল্থ, সেনিতেসন, দ্রিঙ্কিং ৱাতর, ইলেক্ত্রিসিতী, রোদ কনেক্তিবিতীগুম্বা ফেসিলিতীশিং রাজ্য সরকারগী মমলদা ফংহল্লগনি

রাজ্য সরকারনা ইলিজিবল ওইবা মীওইশিংদা সোসিএল পেন্সন অমসুং হেল্থ ইন্সুরেন্স ফংহল্লি

নেস্নেল ফোরেন্সিক সাইন্স য়ুনিবর্সিতীদা তম্বা মহৈরোইশিংনা মখোয়গী কেরিয়রদা ইন্সতিত্যুৎ অসিদা তম্বগী কানবা অদু শোইদনমক্কী ফংলগনি অমদি য়ুনিবর্সিতী অসিগী থোংদা রিজন পুম্বগী দিবলপমেন্তসু হৌরগনি

কেন্দ্রগী গৃহ অমসুং কোওপরেসন মিনিস্তর শ্রী অমিত শাহনা ঙসি ত্রিপুরাগী অগরতলাদা নেস্নেল ফোরেনসিক সাইন্সেসকী অনৌবা কেম্পসশিং উরেপ উয়ুং তমখ্রে অমদি ভুমি পুজন পাংথোকখ্রে, অমসুং ৱুমেন্স এম্পৱরমেন্ত কেম্পেন অমদি চিফ মিনিস্তর শর্মিক কল্যান প্রকল্পসু হৌদোকখ্রে। ত্রিপুরাগী মুখ্য মন্ত্রী বিপ্লব কুমার দেব, উপ মুখ্য মন্ত্রী জিশনু দেব বর্মন, য়ুনিয়ন মিনিস্তর প্রতিমা ভৌমিক অমসুং য়ুনিয়ন হোম সেক্রেতরী য়াওনা শক্নাইরবা কয়ানা থৌরম অদুদা শরুক য়াখি।

মহাক্কী ৱারোলদা কেন্দ্রগী গৃহ অমসুং কোওপরেসন মন্ত্রীনা হায়খি মদুদি ঙসি ঐখোয় পুম্নমক্না মফম অসিদা থৌরম অহুমগীদমক পুল্লরি, নেস্নেল ফোরেন্সিক সাইন্স য়ুনিবর্সিতী কেম্পসকী উরেপ উয়ুং তম্বা অমসুং ভুমি পুজন, ঙসি ত্রিপুরা সরকারগী চহি মরি মপুং ফারে অমদি মুখ্য মন্ত্রী বিপ্লব দেব অমসুং উপ মুখ্য মন্ত্রী জিশনু দেবনা য়াম্না ফবা থবক তৌরি। মহাক্না হায়খি মদুদি ঙসি ২০২২ অসিদা ত্রিপুরাগী নুপীশিংগীদমক ৱুমেন্স এম্পৱারমেন্ত পোলিসী লাউথোকখ্রে, মসিগী মথক্তা মুখ্য মন্ত্রীগী দ্রীম প্রোজেক্ত ওইরিবা শর্মিক কল্যান প্রকালপাসু লাউথোকখ্রে। মহাক্না হায়খি মদুদি শ্রী নরেন্দ্র মোদীগী লুচিং মখাদা মুখ্য মন্ত্রী বিপ্লব দেবনা চহি মরিদা ত্রিপুরাগী চহি ৫০গী পুৱারী হোংদোক্নবা থবক তৌরি। ২০১৫দা ঐহাক অহানবা ওইনা ত্রিপুরাদা লাকখি অমদি ইমা ত্রিপুরা সুন্দরিগী দর্শনগীদমক ঐহাক্না ত্রিপুরাদা লাকপা খুদিং, ঐহাক্না খুরুমজৈ মদুদি ইমানা রাজ্য অসিদা তেরোরিজম অমসুং দ্রগ ফ্রী ওইবা সরকার অমা পীনবিবা ওইরসনু  অমদি চাউখৎপগী লম্বীদা মাংথানা চংশিনবা ওইরসনু। মহাক্না মুখ্য মন্ত্রীবু চহি মরি অসিদা বঙ্গলাদেশ বোর্দর ফাওবা ত্রিপুরা সরকারনা শেমগৎলিবা লম্বীশিং, লাইতশিং অমসুং ইনফ্রাস্ত্রকচরশিংগীদমক থাগৎপা ফোংদোকখি, মদুনা তাক্লে মদুদি ত্রিপুরাদা দিবলপমেন্তকীদমক থবক কয়া অমা পায়খৎলে।

শ্রী অমিত শাহনা হায়খি মদুদি ঙসি নেস্নেল ফোরেন্সিক সাইন্স য়ুনিবর্সিতীগী উরেপ উয়ুং তমলে। মসিগী নেস্নেল ফোরেন্সিক সাইন্সেস য়ুনিবর্সিতী অসিনা অৱাং নোংপোক্তা মসিগী অহানবা কেম্পস লৈরে অমদি মসি নহাশিং অমসুং নুপীমচাশিংগীদমক অচৌবা খোংথাং অমনি মদুদি মফম অসিগী মখোয়গী স্তদী লোইরবা মতুং মখোয়গীদমক জোব ওপোর্চুনিতী লৈরগনি। মহাক্না হায়খি মদুদি ঐহাক্না গুজরাতকী গৃহ মন্ত্রী ওইবা মতমদুদা, গুজরাত ফোরেন্সিক সাইন্স য়ুনিবর্সিতী লিংখৎখি অমদি মতম অদুদা শ্রী নরেন্দ্র মোদীনা মুখ্য মন্ত্রী ওইখি। হৌজিক শ্রী নরেন্দ্র মোদী প্রধান মন্ত্রী ওইবীরি অদুগা মহাক্না গৃহ মন্ত্রী ওইরি। রাজ্য পুম্নমক্কী মহৈরোইশিংদা চপ মান্নবা অধিকার পীনবা গুজরাত ফোরেন্সিক সাইন্স য়ুনিবর্সিতীবু নেস্নেল ফোরেন্সিক সাইন্স য়ুনিবর্সিতী ওন্থোক্নবা হোৎনরি।

কেন্দ্রগী গৃহ মন্ত্রীনা হায়খি মদুদি অৱাং নোংপোক লমদমদা, ঐখোয়না এক্সত্রিমিজম অমসুং ইনফিলতরেসনগী প্রোব্লেম মায়োক্নরি, ঐখোয়না নার্কোতিক্স অমসুং সাইবর এতেকশিংগুম্বা প্রোব্লেমশিং মায়োক্নরি, মরম অদুনা মসিগী নেস্নেল ফোরেন্সিক সাইন্স য়ুনিবর্সিতী কেম্পস অসি মফম অসিদা থম্বা য়াম্না মরু ওই। অন্দরগ্রেজুএত অমসুং পোস্ত গ্রেজুএত কোর্স কয়া খুদম ওইনা গ্রাউন্দ ফোরেন্সিক্স, দি.এন.এ. ফোরেন্সিক্স, লাইফ লাইন ফোরেন্সিক্স, কাউন্তরফৈতিং ইনভেস্তিগেসন, সাইবর ক্রাইম, নার্কোতিক্স ফোরেন্সিক্স, দ্রগ এনালাইসিস সাইন্স, ক্রিমিনোলোজী, ফোরেন্সিক ইনভেস্তিগেসন অসিনচিংবশিং মফম অসিদা ফংলগনি। অঙাং অমসুং তিচিং প্রোফেসরশিংসু মফম অসিদগী থোরক্লগনি। অমদি অৱাং নোংপোক পুম্বা চাউনা কানহল্লগনি। মহাক্না হায়খি মদুদি চহি মরিদগী মঙা ফাওবগী মতুংদা মহৈরোই ৩০০০দগী ৪০০০না মখোয়গী ফ্যুচর শেম্লগনি অমদি মতম অদুদা এরিয়া অসি করি ওইগনি হায়বদু খন্দুনা য়েংবীয়ু মরমদি য়ুনিবর্সিতী অসি লাকপনা এরিয়া পুম্বদা দিবলপমেন্ত পুরক্লগনি।

কেন্দ্রগী গৃহ অমসুং কোওপরেসন মন্ত্রীনা হায়খি মদুদি ঙসি অসি ইন্তরনেস্নেল ৱুমেন্স দেনি অমদি নুমিৎ অসিদা ত্রিপুরা সরকারনা ৱুমেন্স এম্পৱারমেন্তকীদমক এক্সন প্লান অমা লাউথোকখ্রে। রাজ্য সরকারনা ৱারেপ লৌরে মদুদি নুপীশিংনা রাজ্য সরকারগী থবক পুম্নমক্তা চাদা ৩৩গী রিজর্বেসন ফংলগনি, নুপীশিংনা হায়র এজুকেসন ইন্সতিত্যুৎশিংদসু রিজর্বেসন ফংলগনি, জাতিগী মরুওইবা ইন্সতিত্যুসনশিংদা এদমিসন তৌনবা নুপীশিংনা লোন লৌবদা কেন্দ্র সরকারনা চাদা ৩গী ইন্তরেস্তসু ফংহল্লগনি। বিপ্লব দেব সরকারনা শাগৎলিবা গবর্নমেন্ত মার্কেৎ অমসুং শোপ্পিং কমপ্লেক্স পুম্নমক্তা নুপীশিংগীদমক দুকান চাদা ৫০ রিজর্ব তৌরে। ভেঞ্চর কেপিতেল ফন্দদা নুপী ওন্তরপ্রিনরশিংগীদমক চাদা ৫০গী শেনফম রিজর্ব তৌরে, মদুনা নুপী স্তার্তঅপশিং পুক্নিং থৌগৎলগনি।

অমিত শাহনা হায়খি মদুদি ঙসি মুখ্য মন্ত্রীনা হৌদোকখিবা ৱুমেন্স ৱেলফেয়র কেম্পেনগী মখাদা ত্রিপুরাগী নুপী পুম্নমক্না কানবশিং ফংলগনি। মহাক্না হায়খি মদুদি ত্রিপুরাদা চাগী ইস্তেত ৫৪, চাগী প্রোসেসিং ফেক্তরী ২১ লৈরি অমদি চাগী ইস্তেতশিংদা থবক তৌরিবা হাউসহোল্দ ৬০,০০০গী মনুংদা চাদা ৭৫দি নুপীশিংনি। চাগী গার্দেনশিংদা থবক তৌরিবা লমগী সোল প্রোপ্রাইতরশিংগী ইমুং মনুংশিংদা য়ুম শানবা লম পীনবা সরকারনা স্কিম অমা পুরক্লে, ঐখোয়না চা গার্দেন কোওপরেতিবশিংদা লীজহোল্দ বেসিসতা লম পীদুনা চা গার্দেনশিং শেমগৎনবা পোলিসী অমসু পুরক্লে। ইলিজিবিলিতীগী বেসিসতা হাউসহোল্দ খুদিংদা প্রায়োরিতী হাউসহোল্দ রেসন কার্দ পীনবা ৱারেপসু লৌরে। চা গার্দেনগী কোলোনী পুম্নমক্তা হাউজিং, হেল্থ, সেনিতেসন, দ্রিঙ্কিং ৱাতর, ইলেক্ত্রিসিতী, রোদ কনেক্তিবিতীগুম্বা ফেসিলিতীশিং ফংহল্লগনি, মদুগীদমক অচংবা মমল রাজ্য সরকারনা পুথোক্কনি। রাজ্য সরকারনা মতিক চারবা মীওইশিংদা সোসিএল পেন্সন অমসুং হেল্থ ইন্সুরেন্স ফংহন্নবা থবকসু তৌরি।

কেন্দ্রগী গৃহ মন্ত্রীনা হায়খি মদুদি নেস্নেল ফোরেন্সিক সাইন্স য়ুনিবর্সিতীদা তম্বা মহৈরোইশিংনা মখোয়গী কেরিয়রদা ইন্সতিত্যুৎ অসিদা তম্বগী কানবা অদু শোইদনমক্কী ফংলগনি অমদি য়ুনিবর্সিতী অসিগী থোংদা রিজন পুম্বগী দিবলপমেন্তসু হৌরগনি।

****