مرکزی وزیرمملکت جناب کیلاش چودھری نے  آج نئی دہلی میں پوسا کرشی وگیان میلہ -2022کا افتتاح کیا ۔ یہ تین روزہ کرشی میلہ زراعت اورکسانوں کی بہبود کے  مرکزی وزیر جناب نریندرسنگھ تومرکی رہنما ئی میں  زرعی تحقیق کے بھارتی ادارے (آئی اے آرآئی ) کی جانب سے منعقد کیاگیاہے ۔ڈی اے آرای ، سکریٹری اور زرعی تحقیق کی بھارتی کونسل( آئی سی اے آر )کے ڈائرکٹرجنرل ڈاکٹرتری لوچن مہاپاترانے تقریب کی صدارت کی ۔ اس موقع پرجناب چودھری نے دوایکڑکے رقبے میں تیارکیاگیا‘‘پوسا ایگری کرشی ہاٹ کمپلکس ’’کو وقف کیا ۔ کسان  اور زرعی اشیاء  پیداکرنے والی تنظیمیں ‘‘ پوسا ایگری کرشی ہاٹ کمپلکس ’’میں اپنی اشیاء کی براہ راست مارکیٹنگ کرنے کے اہل ہوں گی ۔ اس سہولت کے ساتھ  صارفین کسانوں سے براہ راست اشیاء خرید نے کے اہل ہوں گے ، جو انھیں بچولیوں سے چھٹکارا دلائے گی ۔ کسان صنعت کاروں کو فروغ دینے کے لئے اس طویل وعریض کمپلکس میں 60اسٹالوں، ہاٹس اور دکانوں کابندوبست  ہے ۔ہزاروں کی تعداد میں ترقی پسند کسانوں ،خواتین صنعت کاروں اور ملک کے مختلف حصوں سے اسٹارٹ اپس نے اس میلے میں حصہ لیا۔

کسانوں کی بہبود کے لئے پوسا انسٹی ٹیوٹ کی جانب سے کی گئی کوششوں کی ستائش کرتے ہوئے مرکزی وزیرمملکت جناب چودھری نے کسانوں سے  نئی ٹکنالوجیوں، سائنٹفک اختراعات کے زیادہ سے زیادہ  فائدہ حاصل کرنے کے لئے  کہا۔ کسانوں کے مفاد کے لئے بھارتی حکومت کے ذریعہ کئے گئے کاموں کے بارے میں جانکاری دیتے ہوئے انھوں نے کہاکہ حکومت کسانوں کو بیج سے لے کرمارکیٹ تک سہولیات فراہم کررہی ہے ۔ بھارتی زراعت کسانوں کی سخت محنت اور سائنس دانوں کی تحقیق کی بدولت ترقی کررہی ہے ۔ نوجوانوں کے مابین زراعت کے تئیں بیداری کے سلسلے میں جوش وخروش دیکھاجارہاہے ۔ جناب چودھری نے کہاکہ وزیراعظم نے زراعت کی وزارت کے بجٹ میں مسلسل اضافہ کیاہے جو فی  الحال 1.32لاکھ کروڑروپے ہے ۔ جب کہ 7سال قبل یہ بجٹ محض تقریبا 23ہزارکروڑ روپےتھا۔

موجودہ بجٹ کا نصف سے زیادہ حصہ پردھان منتری کسان سمّان ندھی کی شکل میں کسانوں کے  کھاتوں میں براہ راست  بھیجاگیاہے ،اس طرح حکومت نے کسانوں کے تئیں  اپنی حساسیت کا اظہارکیاہے ، جب کہ سوامی ناتھن کمیٹی کی سبھی سفارشات کوبھی مودی حکومت کی جانب سے تسلیم کرلیاگیا ہے۔

جناب چودھری نے کہاکہ حکومت نہ صرف یہ کہ مزید فصلوں پرقیمت کو بڑھاتے ہوئے ایم ایس پی کو نافذ کررہی ہے بلکہ اس نے خریداری میں بھی اضافہ کیاہے ۔ تقریبا 6865کروڑروپے کے اخراجات  کے ساتھ ملک میں 10ہزارایف پی اوز قائم کئے جارہے ہیں ۔ ایک لاکھ کروڑروپے کی مالیت کے ایگری کلچرانفرافنڈ سے گاوؤں میں سہولیات فراہم کی گئی ہیں ۔ زرعی متعلقہ شعبوں کے لئے خصوصی پیکج بھی دیئے گئے ہیں ۔ کسانوں کی سخت محنت اورحکومت کی کوششوں کی بدولت دالوں سمیت اناج کی پیداوار میں ریکارڈ اضافہ ہواہے ۔ ان  سبھی کوششوں سے پتہ چلتاہے کہ حکومت کسانوں کو خود کفیل بناکر ملک کو خود کفیل بنانے میں مصروف ہے ۔ انھوں نے کسانوں سے آگے بڑھنے اور حکومت کے ساتھ اشتراک میں اسکیموں کا فائدہ حاصل کرنے کے لئے کہا۔

اس تقریب میں ڈپٹی ڈائرکٹرجنرل (ایگریکلچرایکسٹنشن ) ڈاکٹراے کے سنگھ ، ڈپٹی ڈائرکٹرجنرل (فصلی سائنس ) ، ڈاکٹرٹی آرشرما  اورڈاکٹرایم انگاموتھواے پی ای ڈی اے چیئرمین بھی موجود تھے ۔

ڈاکٹراشوک کمار سنگھ ، ڈائرکٹر،آئی سی اے آر-آئی اے آرآئی نے بتایا کہ یہ میلہ اس سال 9سے 11مارچ کے درمیان منعقد کیاگیاہے اور اس میلے کا موضوع ہے ‘‘تکنیکی معلومات کےساتھ خود کفیل کسان’’۔

اس میلے میں جو بڑی دلچسپیاں ہیں وہ ہیں اسمارٹ/ڈیجیٹل زراعت زرعی اسٹارٹ اپس اور فارمرپروڈیوسرآرگنائزیشن (ایف پی او) نامیاتی اورقدرتی  زراعت پروٹیکٹڈ فارمنگ /ہائیڈروپونک /ایروپونک /ورٹیکل فارمنگ ، زرعی اشیاء کی برآمدات کے فروغ کے  لئے ایڈوائزری ۔اس میلے میں ادارے کی جانب سے تیارکی گئی مختلف قسموں ، جب کہ آئی اے آرآئی ، کی دیگراختراعی ٹکنالوجیوں  جیسے شمسی توانائی سے چلنے والا‘ پوسا –فارم  سن فریج ’پوسا ڈی کمپوزر، مکمل بائیو-فرٹیلائزر(نائٹروجن فاسفورس اور پوٹیشیم فراہم کرنے والا منفرد رقیق مرکب) کودکھایاجائے گا ۔

آئی اے آرآئی جوائنٹ ڈائرکٹر(ایکسٹنشن ) ڈاکٹربی ایس تومر نے کہا کہ  مختلف آئی سی اے آراداروں کی  جدید تکنالوجیوں  ، کرشی وگیان کیندروں  اوران  دیگراداروں جو زرعی شعبے میں بے مثال کام کررہے ہیں کو بھی  اس میلے میں دکھایاجائے گا۔ ڈاکٹرتومر نے شکریے کی تحریرکی تجویز پیش کی۔

*****

ش ح ۔ ش ر ۔ ع آ

U-2429