آزادی کے 75 برسوں  اور بھارت کے امرت کال میں داخل ہونے کا جشن منانے کے لئے  کوئلے کی  وزارت  7 سے 11 مارچ 2022 تک ’آزادی کا امرت مہوتسو‘ آئیکونک ویک تقریبات کے ایک حصے کے طور پر ملک بھر میں خصوصی تقریبات اور پروگراموں کا انعقاد  کر رہی ہے۔

آج آئیکونک ویک کی تقریبات کے تیسرے روز کوئلے کی وزارت  کے  افسروں  کے لیے بھارت کی جنگ آزادی  پر ایک شارٹ فلم دکھائی گئی۔

 

 

وزارت  میں جنگ آزادی  یا بھارت  کے مستقبل @ 75 ایئرس  کے موضوع پر وزارت کے افسروں/ملازمین کے اسکولی بچوں کے لیے پینٹنگ  کے مقابلے کا انعقاد کیا گیا۔

 

دن کے دوسرے حصے میں ماحولیات، جنگلات اور آب و ہوا کی  تبدیلی کی وزارت کے مشیر ڈاکٹر جے آر بھٹ نے ورچوئل موڈ سے’’نیٹ زیرو اخراج‘‘ پر گفتگو کی۔ اس موقع پر وزارت کے  سکریٹری (کوئلہ) اور دیگر سینئر افسران کی موجود تھے ۔

 

 

وزارت کے آزادی کے امرت مہوتسو آئیکونک ویک کی تقریبات 11 مارچ 2022 تک جاری رہیں گی اور اس  ہفتے کے لیے متعدد تقریبات اور  سرگرمیوں کا  منصوبہ  تیار کیا گیا ہے۔

حکومت ہند  ترقی پذیر بھارت  کے 75 برسوں اور اس کی شاندار تاریخ کے سلسلے میں بھات کی  آزادی کی  75 سالہ تقریب ’’آزادی کا امرت مہوتسو‘‘ منا رہی ہے۔ آزادی کے امرت مہوتسو کا باضابطہ سفر 12 مارچ 2021 کو شروع ہوا تھا،  جس میں  آزادی کی 75 ویں سالگرہ  منانے کے لیے 75 ہفتوں کی الٹی گنتی شروع کی گئی تھی  اور اس کا اختتام 15 اگست 2023 کو  ہوگا۔

۔۔۔۔۔۔۔۔۔۔۔

 

ش ح۔ا گ ۔ن ا۔

U- 2415

(Release ID: 1804510) Visitor Counter : 146