প্রধান মন্ত্রী শ্রী নরেন্দ্র মোদীনা ঙসি পুনে মোত্রে রেল প্রোজেক্ত শঙ্গাখ্রে৷ মহাক্না পুনেদা দিবেলপমেন্ত প্রোজেক্তশিং উরেপ-উয়ুং তমখি অমদি কয়া অমনা শঙ্গাখ্রে৷

থৌরম অসিদা ৱা ঙাংলদুনা,  প্রধান মন্ত্রীনা অসুম্না হায়খি মদুদি ২০১৪ ফাওবদা মেত্রো সর্ভিসশিং অসি শহর খরা খক্তদা লৈরমখি অদুবু ঙসিদি শহর কুনগা মরি হেনবনা মেত্রো সর্ভিসশিং অসিদগী কান্নবা লৌরি অমদি কান্নবা লৌনবা চংশিল্লক্লি৷ করিগুম্বা ঐখোয়না মু্ম্বাই, থানে, নাগপুর অমদি পিমপ্রি-চিনচৱদ পুনেদা য়েংলুরবদি মহারাস্ত্রনা এক্সপান্সন অসিদা মরু ওইবা সেয়র পাইরি হায়না মহাক্না ফোংদোকখি৷ “মসিগী মেত্রো অসিনা পুনেদা চৎথোক-চশিন তৌববু লাইথোকহল্লগনি, পোলুসলন অমসুং জামশিংদগী কোমথোকহল্লগনি, পুনেগী মীয়ামগী হিংবগী পুন্সি লাইথোকহনবা হেনগৎহল্লগনি”, হায়না প্রধান মন্ত্রীনা ফোংদোকখি৷ মেত্রো অমসুং অমসুং অতোপ্পা পব্লিক ত্রান্সপোর্ত শিজিন্নববু হৈনবী অমা ওইনা থম্নবা মহাক্না পুনেগী মীয়াম মরু ওইনা শেল-থুম মরাং-কাইনা পীরবা মীওইশিংদা হায়খ্রে৷

শহরগী মীশিং হেনগৎলকপা হায়বসি খুদোংচাবা অমসুং চেলেঞ্জ অনিমক ওই হায়না প্রধান মন্ত্রীনা ফোংদোকখি৷ঐখোয়গী শহরশিংদা মীশিং হেনগৎলক্লিবা অসি মাই-পাক্না থেংননবগীদমক, মাস ত্রান্সিৎ সিস্তেম শেমগৎপা হায়বা অসিনা মরু ওইবা পাউখুম ওই৷ সরকার অসিনা গ্রীন ত্রান্সপোর্ত হেন্না-হেন্না পীনবা, ইলেক্ত্রিক বসশিং, ইলেক্ত্রিক কারশিং অমদি মখোং অনি পানবা ইলেক্ত্রিক গারীশিং হেন্না-হেন্না শিজিন্নহন্নবা সরকার অসিনা হোৎনবগা লোইননা লৈবাক অসিগী চাওখৎলিবা শহরশিংগীদমক মংলান অমা মহাক্না থমখি৷ “ফেসিলিতী অসি হেন্না স্মার্ত ওইহন্নবা শহর খুদিংমক্তা ইন্তিগ্রেতেদ কম্মান্দ অমসুং কন্ত্র্রোল সেন্তর থমগদবনি৷ সর্কুলর ইকোনোমী অসিবু হেন্না মপাঙ্গল লৈহন্নবা শহর খুদিংমক্তা মতমগা চুনবা ৱেস্ত মেনেজমেন্ত সিস্তেম অমা থমগদবনি৷ শহর খুদিংমক ইশিং মরাং-কাইনা ফংহন্নবা মতমগা চুনরবা সিৱেজ ত্রিতমেন্ত প্লানশিং থমগদবনি, ইশিংগী সোর্সশিং অসি ঙাক-শেন্দুনা থম্নবা হেন্না ফবা এরেঞ্জমেন্তশিং শিন-লাংগদবনি”,হায়না প্রধান মন্ত্রীনা শন্দোক্না ফোংদোকখি৷ ফৎত-হাউদিশিং অসিদগী লন লৌথোক্নবা অসিগুম্বা শহরশিং অসিদা গোবর্ধন অমদি বাইওগ্যাস প্লানশিং লৈরগনি হায়নসু মহাক্না অশা তৌখি৷এল.ই.দি. বল্ব শিজিন্নবগুম্বা ইনর্জী ইফিসিয়েন্ত  ওইবা খোংথাংশিং অসিনা শহরশিং অসিগী হোলমার্ক ওইরগনি৷ অমরুত মিসন অমসুং রেরা লোশিং অসিনা আর্বান লেন্দস্কেপতা অনৌবা থৌনা পুদুনা লাক্লি হায়না মহাক্না ফোংদোকখি৷

প্রোজেক্তকী মরু ওইবা কান্নবশিং

• অনৌবা আর্বান মোবিলিতী পেরাদিজমদা লমজিংলকপা: ঙসি কি.মি. ১২ শাংবা সেক্সন চলাইরক্লি অমদি লেমহৌরিবা কি.মি. ২১ অসিনা ২০২৩গী মার্চ ফাওবগী মনুংদা চলাইদুনা, প্রোজেক্ত অসি গেম চেঞ্জর অমা ওইরগনি, মসিনা শহর অসিবু ইনক্লুসিব, ইক্বুইতেবল অমসুং সস্তেনেবল ওইহনবগা লোইননা হেন্না খোংজেল য়াংবা, কমফোর্তেবল ওইবা, খুদোং চাবা, শাফবা, সেক্যোর ওইবা অমদি এফোর্দেবল ওইবা মোবিলিতী সোলুসন পুরক্তুনা শহর অসিগী আর্বান মোর্বিলিতী পেরাদিজমবু অমুক হন্না ফগৎহল্লগনি৷ হৌজিক হৌজিক লৈরিবা পব্লিক ত্রান্সপোর্ত সেয়র ১২% অসিগা লোইননা শহর অসিদা অপগ্রেদ তৌরিবা পব্লিক ত্রান্সপোর্ত সেনারিওগী সবস্তেন্সিয়েল অপগ্রেদ অমা মার্ত তৌরগনি অমদি লৈবাক অসিদা মখোং অনি পানবা গারী মচাশিং থৌবগী চাং খ্বাইদগী ৱাংনা লৈরিবা অমসুং নোংমগী ওইবা মেত্রো রাইদরশিপ অসি নোংমদা লাখ ৬ ফাওবা তপ্ন-তপ্ন হেনগৎলক্লগনি হায়না পানরি৷
• মল্তি-মোদেল ইন্তিগ্রেসন: মেত্রো স্তেসনশিং অসি রেলৱে স্তেসনশিং, ইন্তরস্তেত সিতী বস স্তোপশিং, এয়রপোর্ত, অমদি অতোপ্পা ফুতফোল এরিয়া ৱাংবা মফমশিং খুদম ওইনা সিতী ইন্সতিত্যুসনেল, ইন্দস্ত্রীএল, এজুকেস্নেল অমসুং হেল্থ হবশিং, শোপ্পিং অমদি মরু ওইবা পোৎথানবগী য়ুনিৎশিং অসিগা অতৎ-অখম লৈতনা মল্তি-মোদেল ইন্তিগ্রেসন তৌবা অসিনা মরু ওইবা কান্নবা অমা ওইরি৷
• ইকোনোমিক গ্রোথ প্রোপেল্লেন্ত: মেত্রো কোরিদোরদা তোঙান তোঙানবা কম্মর্সিয়েল কমপ্লেক্স শেমগৎ-শাগৎতুনা, শেল-থুমগী ফিভম শুংশোই-শোইদনা ফগৎহল্লগনি৷ হিরম অসিগীদমক মহা মেত্রোনা মাংজৌননা স্বর্গৎ, সিবিল কোর্ত, রেঞ্জ হিল্স, বনাজ অমদি ভোসারিদা প্রোপর্তী দিবেলপমেন্ত প্রোজেক্ত পাইখৎলি৷
• ওর্দরলী আর্বনাইজেসন: মসিনা শহরবু মথং-মনাউ নাইনা লাইনা চাওখৎহল্লগনি  অমদি খোংজেল য়াংনা মীশিং হেনগৎলক্লিবা শহরদা হেন্না ফবা ইন্তিগ্রেতেদ লেন্দ য়ুজ মোবিলিতী ইন্তিগ্রেসন লৈহল্লগনি৷
• লম্বীগী খুদোংথিবশিং অমদি শিবা-নাবাগী চাং হন্থহনবা: মেত্রো রেলনা মীওই হেন্না-হেন্না পুথোক-পুশিন তৌদুনা, হৌজিক হৌজিক শহর অসিদা লম্বীগী খুদোংথিবশিং অমদি শিবা-নাবা থোকহনবগী চাং ৱাংলিবা অসি হন্থহল্লগনি৷
• পোলুসন হন্থহনবা: মেত্রোবু হেন্না-হেন্না শিজিন্নরক্তুনা, মীয়াম্না মশা মশাগী গারী শিজিন্নবগী চাং হন্থরক্লগনি৷ পব্লিক ত্রান্সপোর্তকী মোদেল সেয়র অসি হৌজিক হৌজিক চাদা ১২ ওইরিবা অসিদগী চাদা ৩০দা হেনগৎলক্লগনি হায়না পানরি অমদি মসিনা মরম ওইদুনা, মেত্রো রেলনা শহরগী লম্বীশিংদা মীয়াম্না মশা-মশাগী গারী থৌদুনা চৎপগী চাং অসি হন্থহন্দুনা পোলুসন থোকপগী চাং অসিসু চাওনা হন্থহল্লগনি৷ অদুগা নন-মোতোরাইস ত্রান্সপোর্তকী খুৎথাংদা মাহা মেত্রোনা পাইখৎখিবা মল্তি মোদেল ইন্তিগ্রেসন ইনিসিয়েতিব অসিনসু পোলুসন থোকহনববু হন্থহনবদা মতেং পাংলগনি৷মসিনা কার্বোন ফুতপ্রিন্তবু চহি অমদা তন লাখ ১রোম হন্থহনবদা মতেং পাংলগনি৷

• আর্বান রেজুবিনেসন অমদি অনৌবা সিতী সেন্তর শেমগৎপা: সবস্তেন্সিয়েল কম্মর্সিয়েল দিবেলপমেন্তগা লোইননা মালেমগী আর্কিতেক্তশিং দিজাইন তৌখিবা মালেমগী থাক্তা লৈরিবা স্তেসনশিং অসিনা আর্বান স্পেসশিং অসি  শেমদোক্লগনি অমদি মখোয়না মশামক অসি অনৌবা গ্রোথ সেন্তরশিং ওইহল্লগনি৷
• এমপ্লোইমেন্ত বেনিফিৎশিং: প্রোজেক্ত অসিনা শেম-শাবগী মতমদা থবক লিশিং কয়া পীখ্রে অমদি ওপরেসনেল ফেজকী মতমদসু থবক(দাইরেক্ত/ইন্দাইরেক্ত) পীরগনি৷
• মেক ইন ইন্দিয়া খুমাং চাওশিনবা: মেক ইন ইন্দিয়া পোলিসীবু খুমাং চাওশিন্নবা, ইন্তরনেস্নেল কম্পিতিতিব বিদ্দিংগী খুৎথাংদা মাহা-মেত্রোনা পুনে মেত্রো প্রোজেক্তকীদমক রেলৱে কোসেস অমদি ৱেগোনশিংগী ফিল্দদা লৈরিবা কোলকতাদা বেজ তৌবা ইন্দিয়ন কম্পেনী অমা ওইরিবা এম./এস. তিতাগরগী ইতালিয়ন সবসিদী অমা,এম./এস. তিতাগর ফিরেমাদা মতমগা চুনবা এলুমিনিয়ম বোদীদ মেত্রো কোচেস ১০২ সপ্লাই তৌনবগী কন্ত্রেক খুৎশিন্নখি৷ অনৌবা জেনেরেসনগী  “এলুমিনিয়ম বোদী কোচশিং”(স্তীল কোচশিংদগী হেন্না য়াংবা, হেন্না ইনর্জী ইফিসিয়েন্ত ওইবা অমদি হেন্না ফজবা) অসি লৈবাক অসিদা শাজগনি হায়বসি মসিনা অহানবনি৷ মসি লৈবাক অসিদদি শেম-শাবগী হিরমদা গেম-চেঞ্জর অমা ওইরি৷পুনে মেত্রোনা পেকেজ পুম্নমক্তা ইন্দিয়ন কন্তেন্তশিংগী তঙাই ফদবা থ্রেসহোল্দ রিক্বেয়রমেন্ত হেন্দোক্না পীদুনা ভারত সরকারগী অত্মনির্ভর ভারত্তা চাওনা সপোর্ত তৌরি৷

প্রোজেক্কী অকুপ্পা মরোলশিং

পুনে মেত্রো রেল প্রোজেক্ত অসি ২০১৬কী জিসেম্বর থাদা জি.ও.আই. অমদি জি.ও.এম.না সেঙ্কসন তৌখি অমদি ২০১৬কী দিসেম্বর ২৪দা ইকাই-খুম্নরবা প্রধান মন্ত্রী শ্রী নরেন্দ্র মোদীনা উরেপ-উয়ুং তমখি৷ প্রোজেক্তকী থবক অদু ২০১৭কী মে থাদগী শুবা হৌখি৷

পুনে মেত্রো রেল প্রোজেক্ততা কোরিদোর অনি, নোর্থ-সাউথ কোরিদোর(পর্পল লাইন) অমদি ইস্ত-ৱেস্ত কোরিদোর(এক্বা লাইন) য়াওরি, মসি পুন্না কি.মি. ৩৩.২ শাংলি অমদি স্তেসন ৩০ য়াওরি৷ ইলিবেতেদ সেক্সনগী অশাংবা অসি কি.মি. ২৭.২ ওইরি অমদি লৈনুংগী সেক্সনগী অশাংবা অসিনা কি.মি. ৬ ওইরি৷মসিদা মেন্তিনেন্স দিপোৎ অনি লৈরি, অমনা রেঞ্জ হিল্সতা অদুগা অমনা বনাজতা৷মপুং ফানা অমুকপু চলাইখ্রবদি, মসিগী সর্ভিসশিং অসি কার ত্রেন কনফিগুরেসন অহুমদা মেত্রো ত্রেন ৩৪গা লোইননা চেল্লগনি৷

কোরিদোরশিংগী অকুপ্পা মরোলশিং

• নোর্থ-সাউথ কোরিদোর, পি.সি.এম.সি.দগী স্বর্গৎ(পর্পল লাইন): মসিগী কোরিদোর অসিনা পিমপিরি-চিনচৱদকী ইন্দস্ত্রীএল এরিয়া ফাওদুনা চৎলি অমদি মখাতানা পুনে সিতীগী অরিবা পেথ এরিয়াশিং ফাওদুনা চৎলি৷ কোরিদোর অসিগী অশাংবা অসি কি.মি. ১৭.৫নি, মসিদা স্তেসন ১৪ লৈরি৷  মফম অয়াম্বদা য়াম্না খুবা লম্বীশিং লৈদুনা শিবাজী নগর অমদি অরিবা পেথ এরিয়াশিং অসি কা-হেন্না শিনবনা মরম ওইদুনা রেঞ্জ হিল্সতগী স্বর্গৎ ফাওবদা কি.মি. ৬ শাংলিবা সেক্সন অসি আন্দরগ্রাউন্দ ওইরিবনি৷
• ইস্ত-ৱেস্ত কোরিদোর, বনাজতগী রামৱদি(এক্বা লাইন): মসিগী মপুং-ফানা ইলিবেৎ তৌরবা কোরিদোর অসিনা নোংপোক্তা বনাজ দিপোৎতগী হৌরগা পুনে সিতীগী মী তাবা য়াম্না চিনবা মফমশিং অদু ফাওদুনা চৎলি৷ মসিদা মেত্রো স্তেসন পুন্না ১৬ন লৈ অমদি কোরিদোর অসিগী অশাংবা অসি পুন্না কি.মি. ১৫.৭নি৷ মসিগী কোরিদোর অসিদসু নান স্তোপ অমদি অবিনাব চোককী মরক্তা মীতর ৬০০ শাংবা দবল দেকর ফ্লাইওভর অমা লৈ, মসি নান স্তোপ অমদি অবিনাব চোককী মরক্তা লৈরিবা মরু ওইবা জঙ্কসনশিং অসিগী মরক্তা ত্রাফিক য়াম্না চিন্না লৈরিবা অসিদগী ঙাকথোক্নবা দিপোজিৎ বেসিস্তা পুনে মুনিসিপাল কোর্পোরেসনগীদমক শেমগৎলিবনি৷
• দিপোৎশিং: ত্রেনশিং ফনা থম্নবগীদমক পুনে মেত্রোগী মেন্তিনেন্স দিপোৎ অনি লৈ৷ রেঞ্জ হিল্সকী এন.এস. কোরিদোরদা লৈরিবা দিপোৎ অদুবুনা রেঞ্জ হিল্স কার দিপোৎ কৌই অদুগা বনাজকী ই.দবল্যু. কোরিদোরদা লৈরিবা দিপোৎ অদুবুনা হিল ব্যু পার্ক কার দিপোৎ কৌই৷

পুনে মেত্রো লাইন-৩ (পি.পি.পি. বেসিস্তা পুনে মেত্রোপোলিতান রিজন দিবেলপমেন্ত ওথোরিতীনা চৎনরিবা) – মাহা মেত্রোনা কি.মি. ৩৩.২ চলাইরিবা অসিদগী হেন্দোক্তুনা,  শিবাজী নগরদগী হিনজেৱদি ফাওবদা স্তেসন ২৩ লৈরিবা কি.মি. ২৩.৩ শাংবা অতোপ্পা ইলিবেতেদ লাইন অমগা হৌজিক হৌজিক পুনে মেত্রোপোলিতান রিজন দিবেলপমেন্ত ওথোরিতীনা পি.পি.পি. বেসিস্তা চলাইরি৷ হায়রিবা অসিমক্কী কন্ত্রেক অদু তানা-সিমেন্স জে.ভি.দা খুৎশিন্নখ্রে অমদি হায়রিবা অসিমক্কী থবক অদু ২০২২গী জানুৱারী থাদগী শুবা হৌখ্রে৷

প্রোজেক্ত ফাইনান্সিং

জি.ও.আই. অমদি জি.ও.এম.দী ৫০:৫০ জে.ভি. অমা ওইরিবা মহারাস্ত্র মেত্রো রেল কোর্পোরেসননা প্রোজেক্ত অসি চলাইরি৷ প্রোজেক্ত লোইশিনবদা চংলিবা লুপা কোতি ১১,৪২০গী শেনফম অদু মখাগীশিং অসিনা থাদরি:

• জি.ও.আই. অমসুং জি.ও.এম.- ইক্বুইতী অমসুং সবওর্দিনেৎ দেবত (৫০:৫০) – অমমমদা লুপা কোতি ১,৯৫৪.০০
• জি.ও.এম. এন্তাইতীশিংদগী পীরিবা গ্রান্ত – লুপা কোতি ২৮.৫০
• লেন্দ অমসুং তেক্সেসকী জি.ও.এম. গ্রান্ত – লুপা কোতি ৩০২.২০
• ই.আই.বি. লুজেমবর্গতগী পীরিবা লোন – লুপা কোতি ৪,১৪০.৭১ (য়ুরো মিলিয়ন ৬০০)
• এ.এফ.দি. ফ্রাঞ্চতগী পীরিবা লোন –লুপা কোতি ১,৬৯০.৭৯ (য়ুরো মিলিয়ন ২৪৫)
• য়ু.এল.বি.দগী আর. অমদি আর. অমসুং স্তেতস তেক্সশিং য়াওনা লমগী এস.দি. –লুপা কোতি ১,২১০.৮০
• জি.ও.এম. অমসুং য়ু.এল.বি.শিংনা পুগদৌরিবা ই.দি.সি. – লুপা কোতি ১৩৯.০০

য়ুনিক প্রোজেক্ত ফিচরশিং

• লৈবাক অসিদা খ্বাইদগী য়াংবা মেত্রো কোচশিং: পুনে মেত্রো কোচশিং অসি এলুমিনিয়ম বোদীনা শেম্বনি, মসিগী কান্নবা হারগদি মসিনা কনবেসনেল স্তেনলেস স্তীল কোচশিং অদুদগী ৬.৫% হেন্না য়াংই৷ হায়রিবা কোচশিং অসিগী মপুন্সি য়াম্না শাংই অমদি শেম-শাবদা শেল হন্থনা চংই অমসুং হেন্না ইনর্জী ইফিসিয়েন্ত ওই৷পুনে মেত্রো অসি লৈবাক অসিদা ভারত সরকারগী মেক ইন ইন্দিয়া পোলিসীগী মখাদা ইন্দিজিনিয়র্সলী শেমজখিবা এলুমিনিয়মনা বোদী ওইবা অহানবা প্রোজেক্তনি৷  কোচশিং অসিগী ইন্দিজিনিয়র্স  কম্পোনেন্তশিং অসি ৭০ % হেল্লিবনি৷ কোচশিং অসিগী দিজাইন স্পীদ অসি পুংদা কি.মি. ৯৫নি৷ এলুমিনিয়ম কোচশিংনা হেন্না য়াংবনা ইনর্জী ইফিসিয়েন্ত হেন্না ওই অমদি মসিগী মথক্তা ৩০% য়ৌনা ইনর্জী রিজেনেরেসন তৌবা ঙম্লগনি৷

• ৫দি বি.আই.এম. দিজিতেল প্রোজেক্ত মেনেজমেন্ত প্লেতফোর্মগী খুৎথাংদা পাংথোক্লিবা প্রোজেক্ত মেনেজমেন্ত এক্সিলেন্স: মাহা মেত্রোনা হৌখিবা প্রোজেক্তশিংদগী ফংখিবা অফবা এক্সপরিয়েন্স অদু শিজিন্নবগী চৎনবী অমা শেমগৎখ্রে অমদি নাগপুরদা ৫দি বি.আই.এম. মাই-পাক্না চৎনখ্রবা মতুংদা, হায়রিবা প্লেতফোর্ম অদুমক পুনে মেত্রোগীসু চৎনখ্রে৷ ৫-দাইমেন্সনেল বিল্দিং ইনফোর্মেসন মোদেলিং(৫দি-বি.আই.এম.)দা বেজ তৌরিবা ‘দিজিতেল প্রোজেক্ত মেনেজমেন্ত প্লেতফোর্ম’ অসিনা এন্তরপ্রাইজ রিসোর্স প্লানিং(ই.আর.পি.)গা খুৎশম্নখ্রে- সিঙ্গল প্লেতফোর্ম শিজিন্নদুনা ইন্তিগ্রেতিং মল্তিপল সোফতৱেয়রগী ফিল্দদা লৈরিবা মালেমগী খ্বাইদগী ফবা প্রেক্তিসশিংবু ফগৎহনখ্রে৷  .
• ইন্সেপসন তৌখিবদগী হৌরগা রুফতোপ, গ্রিদ কন্নেক্তেদ সোলর ইনর্জী পুনশিনবা: পুনে মেত্রো শেমগৎখিবদগী হৌরগা ইলিবেতেদ স্তেসনশিং অমদি দিপোৎশিংগী রুফতোপতা সোলর পৱার জেনেরেসন এম.দবল্যু.পি. ১১.১৯ ইন্সতোল তৌনবগী প্রোভিজন পুনে মেত্রোনা শেমখ্রে৷ পুথোরক্লিবা ইনর্জী অদু স্তেসনশিং অমদি অচেনবা ত্রেনশিংগী ত্রেক্সন পৱারদা শিজিন্নরগনি৷ইন্সতোল্দ তৌরিবা সোলর পেনেলশিং অদু আর.ই.এস.সি.ও.গী মখাদা মাহা মেত্রোনা নো কেপেক্সকা তৌরিবা অদুগুম্না গ্রিদ কন্নেক্ত তৌরগনি৷ মসিনা ইনর্জী কোস্ত সেবিং অদু চহি অমদা লুপা কোতি ২০ কনবা ঙম্লগনি অমদি মসিনা প্রোজেক্তকী ফাইনান্সিয়েল সস্তেনেবিলিতী ফংহনবদা মতেং পাংলগনি৷ অদুগা, মসিনা কার্বোন ফুতপ্রিন্ত হন্থহন্দুনা কার্বোন দাইওক্সাইদ থাদোকপগী চাং অসি চাওরাক্না তন ২৫,০০০ থাদোকপদগী ঙাকথোক্লগনি অমদি মসিনা সস্তেনেবল ওইবা এনবাইরোনমেন্ত অমদা পুরক্লগনি৷
• নেস্নেল কম্মন মোবিলিতী কার্দ কমপ্লেন্ত কম্মন মোবিলিতী কার্দ(মমিং “ই.কে. পুনে” কার্দ): ভারত সরকারগী এন.সি.এম.সি. মেন্দেৎকা মরী লৈননা মাহা মেত্রোনা ওপন লুপ চিপ বেজ কন্তেক্তলেস স্মার্ত কার্দ শেমখ্রে৷ মসিগী ই.এম.ভি.দা বেজ তৌবা কম্মন মোবিলিতী কার্দ অসি – ত্রান্সিৎ অমদি নন-ত্রান্সিৎ ত্রাঞ্জেক্সনশিংগীদমক শিজিন্নবা য়াগনি৷ মসিনা মেত্রো, বসশিং, ফীদরশিং, পার্কিং, য়ুতিলিতী অমদি অতোপ্পা রিতেল পেমেন্তগীদমক কার্দ অমা খক্তা ওইহল্লগনি৷ পেমেন্ত ওপ্সনশিং অসি কার্দ নত্রগা য়ু.পি.আই.দা বেজ তৌবা ওইগদবনি অমদি মদু মোবাইল অমদি ৱেব বেজ ত্রাঞ্জেক্সনশিংগীদমক অয়েৎ-অপন লৈতনা শিজিন্নবা য়াগনি৷ ৱান পুনে কার্দ অসি সরকারগী ৱান নেসন ৱান কার্দ প্রোগ্রামগা পুনশিন্নরি৷ ইনিসিয়েতিব অসিদা, কেপেক্স অমতা মাহা মেত্রোনা পাংথোকখিবা লৈতে৷
  • এন.এ.তি.এম.গা লোইননা য়ু.জি. স্তেসনগী ইন্নোবেতিব দিজাইন (অনৌবা ওস্ত্রিয়ান তন্নেলিং মেথর্দ): পুনে মেত্রোগী আন্দরগ্রাউন্দ সেক্সন অসিনা পুনে শহরগী খ্বাইদগী শিনবা মফম ফাওদুনা চৎলি৷ হায়রিবা মফমশিং অসিদা লৈরিবা স্পেস অসি অদুক্কী মতিক অকক্নবা ওইবনা আন্দরগ্রাউন্দ স্তেসন শেমগৎ-শাগৎপগী কনবেস্নেল কত অমদি কবর মেথর্দ অসি ওইথোকখিদে৷ মসিবু মাইথিবা পীনবা, মাহা মেত্রোনা এন.এ.তি.এম.গী ফোর্মদা কত্তিং-এদজ তেক্নোলোজীগী কান্নবশিংগা লোইননা থোক্লকখি৷ শেমগৎ-শাগৎপগীদমক লম মতিক চানা লৈতবনা মরম ওইদুনা মেত্রো স্তেসন অনি – মন্দাই অদি বুদ্বরপেথ অসি তেক্নোলোজী অসি শিজিন্নদুনা দিজাইন তৌখিবনি৷ অদুগা এন.এ.তি.এম. শিজিন্নবনা মরম ওইদুনা, রিসাইদেন্ত ২০০রোমগী সেত্তলমেন্ত অমদি রিহেবিলিতেসন অসি লৈহনখিদবনি৷
  • কচ্রে সে কঞ্চন তক – ফৎত-হাউদি হুন্তোকফমবু দিপোৎতা ওন্থোকপা: বনাজতা লৈরম্লিবা কোথরুদ কচা দমপিং সাইত অসি হৌখিবা চহি ৫০ অসি ফৎত-হাউদি হন্থোকপগী মফম অমা ওইরমখি, মফম অসি হেক্তর ১২.৩ হেন্না শন্দোক্লি৷ মাহা মেত্রোনা মফম অসি ফত-হাউদি ক্যুবিক মীতর লাখ ৩.৮রোমগী ফৎত-হাউদিগা লোইননা লৌশিলহৌবনি৷ হান্না নিংথিনা নৈনরবা মতুংদা, মফম অদুদা লৈহাউ অদু অফবা সোইল কন্দিসনরশিং ওইরিবা তোতেল ওর্গানিক কার্বোন (তি.ও.সি.) অমদি নাইত্রোজেন, ফোসফোরস, পোতাসিয়ম(এন.পি.কে.) মরাং-কাইনা ফংই হায়বা খঙবা ঙমখি৷ বেক ফিল্লিংগীদমক চুনবা স্ক্রীন মেতরিএল ক্যুবিক মীতর লাখ ১.৬ ফংখি অমদি মদু দিপোৎতা বেকফিল্লিং তৌবদা শিজিন্নদুনা সেবিংশিং মরাং-কাইনা কনবা ঙমখ্রে৷ হিল ভ্যু পার্ক কার দিপোৎ হায়না মমিং থোনখিবা দিপোৎ  অমদি পুনেকর্সনা ফৎত-হাউদি হুন্দোকফম মফম অসিদা ত্রান্সফোর্মেসন পুরকপগীদমক মাহা মেত্রোদা থাগৎপা ফোংদোক্লি৷
  • জিরো ইফ্লুয়েন্ত দিসচার্জকা লোইননা স্তেসনশিংদা ইশিং ১০০ % রিসাইকল তৌবা: ১০০% ৱেস্ত ৱাতর মেনেজমেন্তগীদমক এনএরোবিক বাইওদাইজেস্তর তেক্নোলোজী ইন্সতোল তৌনবগীদমক মাহা মেত্রোনা দি.আর.দি.ও.গা লোইননা য়ানা-ৱারোল শহি পীনখ্রে৷ মসিনা পুনে মেত্রোগী স্তেসন পুম্নমক্কী ওইনা মুনিসিপাল সিৱরেজ সিস্তেমদা জিরো দিসচার্জ তৌহল্লগনি৷ স্তেসন পুম্নমক্কী রুফতোপশিং, বাইয়েদক্ত অমদি দিপোৎ বিল্দিং রুফতোপতা  নোংগী ইশিংবু ১০০%  চেন্থহন্নবগীদমক প্রোবিজনশিং শেমখ্রে৷ খোমজিল্লবা ইশিং অদু বাইওদাইজেস্তরশিংগীদমক ফিল্তর তৌরগনি৷ সিস্তেম অসি মপুং-পানা সস্তেনেবল ওই, মপুং-পানা ইকো-ফ্রেন্দলী ওই অমদি ইশিং য়োকশিনবদা মতেং পাংলগনি৷ ত্রিত তৌরবা ইশিং অদু হোর্তিকলচরগী হিরমশিং অমদি তোইলেতশিং চামথোকপদা শিজিন্নরগনি৷
  • মাহা মেত্রোগী ‘উ অমতা য়ানথৎতবা ’ পোলিসী: মেত্রো এলাইনমেন্তশিংদা তারিবা উ পুম্নমক অমুক নৌহৌননা মফম হোংদোক্তুনা থাখি৷ পোলিসী অমা ওইনা মাহা মেত্রোনা উশিং য়ান্থৎতে, উশিং অদুবু রুত বোল মেথর্দ তেক্নোলোজী শিজিন্নদুনা ইনৌ নৌবা মফম অমদা হোংদোক্তুনা থারি৷ পুনে মেত্রোনা ইন্নোবেতিব রুত বোল তেক্নোলোজী শিজিন্নদুনা এলাইনমেন্তদা তারিবা উ পাম্বী ২,২৬৭ মফম হোংদোক্তুনা অতোপ্পা মফমদা ইনৌ-নৌনা হোংদোক্তুনা থাখ্রে৷ মফম হোংদোক্তুনা থারিবা উ পাম্বী অমা খুদিংগী উ অহুম থাই অমদি মফম হোংদোকপদা মাই পাক্তবা উ পাম্বী অমা খুদিংগী উ তরা থাই৷ শহর অসিবু হেন্না শঙহন্নবা মাহা মেত্রোনা অনৌবা উ ১৭৯৮৬ থাখ্রে৷
  • নাল স্তোপতা দবল দেকর ফ্লাই ওভর: লোকেল বোদীশিংগা চেৎনা চৎমিন্নদুনা অমদি ই.দবল্যু. কোরিদোরগী নাল স্তোপ স্ক্বেয়রদা ত্রাফিক য়াম্না চিল্লিবা অসি হন্থহন্নবা, মাহা মেত্রোনা দবল দেকর ফ্লাইওভর অমা শারি৷  মেত্রো বাইয়েদক্ত অমদি রোদ ফ্লাইওভর অসি সিঙ্গল পাইয়র স্ত্রকচর ওইরগনি, মসিনা মফম, মতম অমদি মমল কনবা ঙম্লগনি৷ দবল দেকর ফ্লাইওভর অসি মপুং-ফানা শাবা লোইরবা মতুংদা, কার্ব রোদতা নাল স্তোপ সিগনেল ক্রোসিং অসি লৌথোরক্তুনা ত্রাফিক ফ্লো নিংথিনা লৈহল্লগনি৷
  • পুনেগী ইতিহাসিক অমদি কলচরেল হেরিতেজ উৎলিবা আইকোনিক স্তেসন দিজাইন: পুনে মেত্রোনা স্তেসনশিং অসিগীদমক অখন্নবা আর্কিতেকচরেল থীমশিং শিজিন্নখ্রে৷ শিবাজী নগর স্তেসনদা ফোর্ত থীম স্তেসনগী মওংদা  অমদি দেকান মেত্রো স্তেসন অমসুং সমবাজি নগারদা পগাজি থীমগী মওংদা ছত্ত্রপতি শমবাজি মহারাজ, ছত্ত্রপতি শিবাজী মহারাজকী ইরাগী দিজাইনশিং উৎলিবা দিজাইনশিং য়াওরি৷  হৌজিক মতমগী পুনে অসিনা পি.সি.এম.সি. অমদি ভোসারি মেত্রো স্তেসনশিংদা ইন্দস্ত্রীএল থীম উৎলগনি৷ পুনে অসি ভারত্তা খ্বাইদগী শংবা শহরশিংগী মনুংদা অমা ওইদুনা, হায়রিবশিং অসিমক উৎলিবা লীফ থীম স্তেসনশিং অদু সান্ত তুকারাম নগর, কেসরৱদি অমদি ফুগেৱাদি মেত্রো স্তেসনশিংনি৷ চর্খানা জাতিদা মপাদা ইকাই খুম্নবা উৎপা মানবা দিজাইন অমা য়রৱাদা মেত্রো স্তেসনদা লৈরি৷
  • মল্তি মোদেল ইন্তিগ্রেসন: স্তেসনশিং, লৌখৎফম/থাদফম মফমশিংদা পার্কিংগী খুদোংচাবা নিংথিনা পীদুনা মপুং-ফাবা মল্তি মোদেল ইন্তিগ্রেসন ওইহন্নবা স্তেসনশিং প্লান তৌখ্রে৷ ই-রিকশোশিং, ই-স্কুতরশিং, ফীদর বসশিং অমদি বাইসাইকলশিং সেয়র তৌদুনা শিজিন্ননবগীদমক ৱানা-ৱারোল চৎনবা হৌখ্রে৷ পুনে মেত্রোগী স্তেসনশিংদা ই.ভি. চার্জিং প্রোবিজনশিং নিংথিনা ইক্ব্যুইপ তৌরগনি৷ মসিদগী হেন্দোক্তুনা, ইন্তরস্তেত অমদি ইন্ত্রাস্তেত বসশিংনা শহর অসি ফাওদুনা লাক্তনবগীদমক পুনে মেত্রোনা স্বর্গৎ মেত্রো স্তেসন অমদি সিবিল কোর্ত মেত্রো স্তেসনদা মল্তি মোদেল ইন্তিগ্রেসন হবশিংসু শেমগৎলি৷
  • ইনর্জী ইফিসিয়েন্ত ওইবা আই.জি.বি.সি. প্লেতিনম রেতিং স্তেন্দর্দতা স্তেসন বিল্দিং শাবা:পুনে মেত্রোগী স্তেসনশিং, দিপোৎশিং অমদি এদমিনিস্ত্রেতিব বিল্দিং পুম্নমক প্লেতিনম রেতেদ ইন্দিয়ন গ্রীন বিল্দিং কাউন্সিল(আই.জি.বি.সি.) বিল্দিংশিং ওইনা দিজাইন তৌখিবনি৷

*****