কেন্দ্রগী জল শক্তি মন্ত্রী, শ্রী গজেন্দ্র সিং সেখাৱতনা জল জীৱন মিসন অমসুং স্বচ ভারত মিসন-গ্রামীনগী মখাদা পাইখৎখিবা থবকশিং অদুগী প্রোগ্রেস য়েংনবা রাজ্য  ৬ অমসুং অন্দমান অমসুং নিকোবার আইলেন্দশিংদগী মন্ত্রীশিংগা লোইননা রিজনেল কনফরেন্স অমা থৌবুরেল ওইদুনা পাংথোক্লগনি। কনফরেন্স অদু ২০২২গী মার্চ ৯দা কোলকাতাদা পাংথোক্লগনি। মীফম অদু জল শক্তিগী রাজ্য মন্ত্রী, শ্রী প্রহলাদ সিং পতেল, রুরল ৱাতর সপ্লাই অমসুং সেনিতেশন দিপার্তমেন্তকী সেনিয়র ওফিসিয়েলশিংগা লোইননা রাজ্যগী মন্ত্রীশিংনা মশা ওইনা শরুক য়ারগনি।

কেন্দ্রগী জল শক্তি মন্ত্রী, শ্রী গজেন্দ্র সিং সেখাৱতনা কনফরেন্স অদুগী মতাংদা ৱা ঙাংবা মতমদা “নুপীশিংদা ‘হর ঘর জল’গী মখাদা মরু ওইবা থৌদাং পীখ্রে মরমদি মখোয়শিং অসি প্রাইমরী স্তেকহোল্দেরশিং ওইবনা অমসুং হেক হৌরকপদগী প্রোগ্রাম অসিদা শরুক য়াদুনা লাকখি। মখোয়শিং অসি প্লানিং , মোনিতরিং অমসুং মতম-মতমগী মধুং ইন্না ঈশিংগী ক্বালিতী তেস্ত তৌনবগীদমক্তা ত্রেনিংশু ফংখ্রে। মসি নুপীশিংবু এমপাৱর তৌনবা অমসুং মখোয়গী অৱাবশীং অদুবু হন্থহন্নবা খোংথাং অমনি। হোজিক লৈরিবা সরকার অসিনা অর্বান অমসুং রুরলগী মরক্তা লৈরিবা খেৎনবা অসিবু শন্দাইননবা মরু ওইনা খুঙ্গংগী লমশিংদা লৈবা মীশিংগীদমক্তা ‘ইজ ওফ লিবিং’ লৈহন্নবা হোৎনরি।”

কেন্দ্রগী জল শক্তি মন্ত্রীনা বিহার, ছত্তিসগর, ঝারখন্দ, মিজোরাম, ওরিশা, ৱেস্ত বেঙ্গল হায়রিববা রাজ্যশিং অমসুং এ. অমসুং এন. আইলেন্দশিংগী য়ু.তি.গা লোইননা মখোয়না জল জীৱন মিসন অমসুং স্বচ ভারত মিসন-গ্রামীনবু থবক ওইনা পাইখৎপদা মায়োক্নরিবা অৱাবশিং অমসুং শিংনবশিং অদুগী মতাংদা খুপ্থনা খন্নরগনি।

‘হর ঘর জল’ অসি জল শক্তি মন্ত্রালয়গী মখাদা জল জীৱন মিসন (জে.জে.এম.)না পাইখৎপা ভারত সরকারগী ফ্লেগশিপ প্রোগ্রামনি। ভিজনরী ওইবা প্রধান মন্ত্রী, শ্রী নরেন্দ্র মোদীনা ২০২৪ ফাওবদা লৈবাক অসিগী খুঙ্গংগী য়ুমথোং খুদিংদা তেপ ৱাতর কনেক্সন পীনবগীদমক্তা তার্গেত অমা থমখি।শরুক য়ারিবা রাজ্যশিং অমসুং য়ু.তি., এ. অমসুং এন. আইলেন্দশিংনা ২০২১ ফাওবদা মখোয়গী খুঙ্গংগী য়ুমথোং খুদিংদা ১০০% কভরেজ পীখ্রে। বিহারনা ২০২২দা ‘হর ঘর জল’ ওইনবগী পান্দম থম্লি, মথংদা ছত্তিসগর অমসুং মিজোরাম্না ২০২৩ ফাওবদা অমসুং অরোইবদা ঝারখন্দ, ওরিশা অমসুং ৱেস্ত বেঙ্গলনা ২০২৪দা।

এস.বি.এম.(জি.) অসি ২০১৪দা হৌদোকখিবা কেন্দ্র সরকারগী ফ্লেগশিপ প্রোগ্রাম অমনি। জিলাশিং মশামক্না ২০১৯গী ওক্তোবর ২দা ওপন দেফিকেশন ফ্রী (ও.দি.এফ.)নি হায়না লআউথোকচখ্রে। খুঙ্গংশিংনা  ও.দি.এফ.তগী ও.দি.এফ. প্লসতা ওন্নবগীদমক্তা ও.দি.এফ. স্তেতস অদু মখাতানা অদুমক লৈহন্নবা অমসুং সোলিদ অমসুং লিখ্বিদ ৱেস্ত মেনেজমেন্ত (এস.এল.দবল্যু.এম) নিংথিনা পাংথোক্নবা মসিদা মীৎয়েং থমদুনা জল শক্তি মন্ত্রালয়গী দিপার্তমেন্ত ওফ  দ্রিংকিং ৱাতর এন্দ সেনিতেশন (দি.দি.দবল্যু.এস.)না  হৌজিক-হৌজিক, এস.বি.এম.(জি.) ফেজ II অসি থবক ওইনা পাইখৎলি।

স্রীমতি, বিনি মহাজন, সেক্রেতরী, দি.দি.দব্ল্যু.এস., জল শক্তি মন্ত্রালয়না কনফরেন্স অদুগী এজেন্দা অদু থম্লগনি। মহাক্না মহাক্না রাজ্যশিং/য়ু.তি.শিংদা মরু ওইনা য়াম্না হেন্না তঙাইফদবা মফমশিংদা খুদম ওইনা শরুক য়ারিবা রাজ্যশিংদা ঈশিংগী ক্বালিতী ফত্তবা মফমশিং, এস.সি./এস.তি. লৈফমশিং, এস্পিরেস্নেল অমসুং জে.ই./এ.ই.এস.না শোকহল্লবা জিলাশিংদা য়াম্নায়াংনা থবকশিং অদু পাইখৎনবা হায়রগনি। ৱাতর সোর্সশিংগী সস্তেনেবিলিতি, জে.জে.এম. মখাদা দেবেলপ তৌখিবা ইনফ্রস্ত্রকচর অমসুং এস.বি.এম.জি.গী মখাদা শাখিবা ইন্দিভিজুৱল হাউসহোলদ লেত্রিনশিং (আই.ঐচ.ঐচ.এল.) অদুসু খন্নরগনি

স্রী অরুন বারোকা, এ.এস. অমসুং এম.দি. (জে.জে.এম. অমসুং এস.বি.এম. (জি))না খুমাং চাউশিনখিবা, মায়োক্নখিবা শিংনবশিং অমসুং মাংদা চখৎনবগী লম্বিগী মতাংদা অকুপ্পা মরোলশিং পীরদুনা প্রেজেন্তেশন অমা তৌরগনি। রাজ্যশিংনা মখোয়গী এন্যুৱল এক্সন প্লানদা থমখিবা তার্গেত অদু মতম চানা লোইশিনবা ঙম্নবা মহাক্না প্রোগ্রাম ইমপ্লিমেন্তেশনগী খোংজেল অদুগী মতাংদা মীৎয়েং থম্লগনি।

রিজনেল কনফরেন্স অসিনা এস.বি.এম.(জি.) ফেজ IIগী ও.দি.এফ. প্লস এলিমেন্তশিংগী কনভর্জেন্সকীদমক্তা মোদেলিতীশিং মপাঙ্গল কনখৎহনবা অমসুং ইমপ্লিমেন্তেশন য়ংখৎহনবদা নত্তনা ও.দি.এফ.সস্তেনেবিলিতীগী মতাংদা খন্নরগনি। হিরম অসিদা হৈ-শিংলবা এক্সপার্তশিং অমসুং সরকারগী সেনিয়র ওফিসিয়েলশিংনা ১৫শুবা ফাইনান্স কমিসনগী ফন্দশিং অদুগী মতুং ইন্না ঈশিং মরাং কাইনা ফংহনবা অমসুং সেনিতেশনগা মরী লৈনবা থবকশিং পাংথোকপদা রুরল লোকেল বোদীশিংগী থৌদাংগী মাতংদা তেক্নিকেল সেসনশিং পাংথোক্লগনি। কনফরেন্স অদুদা শিজিন্নরবা অমোৎপা ঈশিংগী মেনজুমেন্তকী মতাংদা অখীন্নবা সেসন অমা পাংথোক্লগনি। ফীল্দা তৌক্লিবা ইশুশিং অদুবু নিংথিনা খ্বাইদগী হেন্না ফবা মওংদা লোইশিন্নবগীদমক্তা রাজ্য/য়ু.তি খুদিংমক্তা গ্রীভেন্স রিদ্রেসল মেকানিজম অমা লিংখৎপগী মতাংদা অখন্নবা সেসন অমা পাংথোক্লগনি।

থৌরম অদুগী মীকুপ খুদিংমক য়েংনবগীদমক্তা অসিদা ক্লিক তৌবীয়ু

*****