തൊഴില്‍, ഉദ്യോഗ മന്ത്രാലയം
ഇ-ശ്രം പോർട്ടൽ ഇപ്പോൾ UMANG മൊബൈൽ ആപ്ലിക്കേഷനിൽ ലഭ്യമാണ്; കൂടാതെ എൻസിഎസുമായി സംയോജിപ്പിച്ചിരിക്കുന്നു
Posted On:
07 MAR 2022 3:50PM by PIB Thiruvananthpuram
അടുത്തിടെ സമാരംഭിച്ച ഇ-ശ്രം (e-SHRAM) പോർട്ടൽ 6 മാസത്തിനുള്ളിൽ 25 കോടി രജിസ്ട്രേഷൻ എന്ന നാഴികക്കല്ല് പിന്നിട്ടതായി കേന്ദ്ര തൊഴിൽ മന്ത്രി ശ്രീ ഭൂപേന്ദർ യാദവ്. മന്ത്രാലയത്തിന്റെ ഐക്കോണിക് വാരാഘോഷത്തിന് അദ്ദേഹം തുടക്കം കുറിച്ചു.
സംസ്ഥാനങ്ങൾ/കേന്ദ്ര ഭരണ പ്രദേശങ്ങൾ/സിഎസ്‌സി-വിഎൽഇ-കൾ എന്നിവയെ ഇ-ശ്രം അവാർഡുകൾ നൽകി ശ്രീ യാദവ് ആദരിച്ചു. രാജ്യത്തെ മൊത്തം തൊഴിലാളികളുടെ 80% വരുന്ന അസംഘടിത തൊഴിലാളികളുടെ ക്ഷേമത്തിനായുള്ള ശ്രമങ്ങൾ തുടരാൻ അദ്ദേഹം ആവശ്യപ്പെട്ടു.
ഇ-ശ്രം പോർട്ടൽ ഇപ്പോൾ UMANG മൊബൈൽ ആപ്ലിക്കേഷനിലും ലഭ്യമാക്കിയതായി ഈ അവസരത്തിൽ തൊഴിൽ മന്ത്രി അറിയിച്ചു. കൂടാതെ, തൊഴിൽ സംബന്ധമായ സേവനങ്ങൾ ഒരിടത്തു പ്രദാനം ചെയ്യുന്ന സംവിധാനമായ നാഷണൽ കരിയർ സർവീസസ് (NCS) പോർട്ടലുമായും ഇ-ശ്രം പോർട്ടൽ സംയോജിപ്പിച്ചിരിക്കുന്നതായി കേന്ദ്രമന്ത്രി പ്രഖ്യാപിച്ചു. എൻസിഎസ് വഴി, അസംഘടിത മേഖലയിലെ തൊഴിലാളികൾക്ക് സമീപപ്രദേശങ്ങളിലും വിദേശത്തുമുള്ള തൊഴിലവസരങ്ങൾ പോർട്ടലിലൂടെ അറിയാനാകും.
മറ്റൊരു സുപ്രധാന നീക്കത്തിൽ, ശ്രീ യാദവ് പ്രധാനമന്ത്രി ശ്രം യോഗി മാൻ-ധൻ (PM-SYM) പെൻഷൻ പദ്ധതിക്ക് കീഴിലുള്ള "ഡൊണേറ്റ്-എ-പെൻഷൻ" സംരംഭവും പ്രഖ്യാപിച്ചു. ഒരു ഇന്ത്യൻ പൗരന് അദ്ദേഹത്തിന്റെ വീട്ടിലോ സ്ഥാപനത്തിലോ ഉള്ള തൊഴിലാളികൾ, ഡ്രൈവർമാർ, സഹായികൾ, പരിചാരകർ, നഴ്‌സുമാർ, എന്നിവർക്ക് പെൻഷൻ പ്രീമിയം തുക സംഭാവന നൽകാൻ കഴിയുന്ന പദ്ധതിയാണിത്.
കേന്ദ്ര സഹമന്ത്രി ശ്രീ രാമേശ്വർ തെലിയും ചടങ്ങിൽ പങ്കെടുത്തു.
RRTN
(Release ID: 1803660)
Visitor Counter : 112