পোর্তস শিপ্পিং অমসুং ৱাতরৱেজ অমদি আয়ুশকী কেন্দ্র মন্ত্রী শ্রী সর্বানন্দা সোনোৱালনা ঙসি আইজোলদা ইন্দিয়ন ৱাতরৱেজ ওথোরিতী (আই.দবল্যু.এ.আই.), ত্রান্সপোর্ত দিপার্তমেন্ত, মিজোরামগী পব্লিক ৱার্কস দিপার্তমেন্ত (পি.দবল্যু.দি.)গী মকোকথোংবা ওফিসিএলশিংগা লোয়ননা ইনলেন্দ ৱাতর ত্রান্সপোর্ত (আই.দবল্যু.তি.) দিবেলপ তৌনবগীদমক মিজোরামদা পায়খৎলিবা মরুওইবা কালাদান মল্তি মোদাল ত্রান্সপোর্ত প্রোজেক্ত য়াওনা হৌজিক পায়খৎলিবা প্রোজেক্তশিং নৌহৌনা য়েংশিনখ্রে। মন্ত্রীনা অৱাং-নোংপোক ভারত্তা অচৌবা ইনলেন্দ ৱাতর সিস্তেম অমা দিবেলপ তৌবদা মিজোরামনা লৌরিবা মরুওইবা থৌদাং অদু ফোংদোকখি। য়েংশিনখিবা অদুদা মিজোরাম সরকারগী ত্রান্সপোর্ত বিভাগকী রাজ্যগী মন্ত্রী পু তি জে লালনুনতলুৱাংঙা অমসুং মিজোরাম সরকারগী চিফ সেক্রেতরী দা. রেনু শর্মসু শরুক য়াখি।

খাৱথিলাংতুইপুই (করনাপুলি)-তুইচোং তুরেলদা কিলোমীতর ২৩ ফাওবা শাংদোকপা ইনলেন্দ ৱাতর ত্রান্সপোর্ত দিবেলপ তৌনবা থৌরমশিং য়াৎখ্রে। প্রোজেক্ত অসিগী অপুনবা মমল অসি লুপা করোর ২২.৯৩নি। পি.এস.দবল্যু. মন্ত্রালয়না সেন্ত্রেল সেক্তর স্কিমগী মখাদা অপুনবা লুপা করোর ৬.১৭ সেঙ্কসন তৌখ্রে। মন্ত্রীনা মিজোরামগী খামরাং খুঙ্গংদগী অসামগী ঘরমুরাগী মরক্তা তিয়াং তুরেলদা কিলোমীতর ৮৭.১৩৬ শাংনা কভর তৌদুনা স্তদী চত্থরিবা হায়দ্রোগ্রাফিক সর্ভে অমসুং তেক্নো ইকোনোমিক ফিসিবিলিতীসু থগৎপা ফোংদোকখি। ছিমতুইপুই তুরেলদা আই.দবল্যু.তি. দিবেলপ তৌনবা অকুপ্পা রুপোর্ত অমা পীশিনখ্রে। তুরেল অসিদা তুপুই দি দগী লোমাসু ফাওবা কিলোমীতর ১৩৮.২৬ শাংনা দিতেল হায়দ্রোগ্রাফিক সর্ভে অমসুং তেক্নো ইকোনোমিক ফিসিবিলিতী সর্ভে কনদক্ত তৌনবা হৌজিক ৱারেপ লৌরে। সর্ভে অসিগী মমল লুপা লাখ ৮২.৩০দা বজেত তৌরে।

নৌহৌনা য়েংশিল্লবা মতুংদা ৱা ঙাংলদুনা শ্রী সর্বানন্দা সোনোৱালনা হায়খি, “অৱাং-নোংপোক্কী ইনলেন্দ ৱাতর ত্রান্সপোর্তকী দিবেলপমেন্তদা মিজোরামনা শাথিবাথৌদাং অমা লৌরি। প্রধান মন্ত্রীগী মীৎয়েং অসি ভারত্তা গ্রোথকী অনৌবা ইঞ্জীন ওইনা অৱাং-নোংপোক লমদমবু ইনর্জাইজ তৌবনি। মসি ফংনবা ঐখোয়না ত্রান্সপোর্তকী উপায় ওইনা ঐখোয়গী তুরেলশিং শিজিন্নগদবনি। মিজোরাম অমদি অৱাং-নোংপোক্কী ইকোনোমিক পোতেন্সিএল অসি ঐখোয়গী ৱাতরৱেশিং দিবেলপ তৌদুনা অমদি মালেমগী কৈথেলদা ঐখোয়গী লোজিস্তিকেল এক্সেস মপাঙ্গল কনখৎহন্দুনা অনলোক তৌবা য়াই।”

*********