حکومت نے  لازمی  غذائی اشیا کی گھریلو فراہمی  کو بڑھانے اور قیمتوں کو مستحکم کرنے کے لئے  بہت سے سرگرم اقدامات کئے ہیں۔ ان  اقدامات   کی وجہ سے  مونگ کی دال کی قیمت میں  تیزی سے گراوٹ آئی ہے۔

صارفین کے امور کے محکمے کے سرکاری اعدادوشمار کے مطابق  مونگ دال کی کل ہند اوسط  خردہ قیمت  28 فروری  2022  کو 102.36  فی کلوگرام روپے ہے ،  جو 28  فروری  2021  کو 106.47  فی کلوگرام روپے تھی۔

مئی  2021  میں  لازمی  خوردنی اشیا کی قیمتوں کی نگرانی کے لئے ریاستوں اور مرکز کے زیر انتظام علاقوں کو ایڈوائزری جاری کی گئی تھی اور  لازمی اشیا کے قانون  1955 کے تحت  مل مالکان  ،درآمد کاروں اور تاجروں کے ذریعہ دالوں   کی ذخیرہ  اندوزی کو یقینی بنانے کے لئے  بھی ایڈوائزری جاری کی گئی تھی۔مونگ کو چھوڑ کر سبھی دالوں  پر ذخیرے کی حد کے نفاذ  کو دو جولائی  2021  کو  نوٹیفائی  کیا گیا تھا۔ اس کے بعد  19  جولائی  2021  کو ایک ترمیم شدہ  آرڈر جاری کیا گیا تھا ،جس کے تحت  31  اکتوبر  2021  تک  کی مدت کے لئے توہر ،اڑد ،مسور اور چنا جیسی  چار دالوں  پر اسٹاک کی حد مقرر کردی گئی تھی۔

دالوں کی  فراہمی کو بہتر بنانے اور ان کی قیمتوں کو مستحکم کرنے کے لئے حکومت نے  بلارکاوٹ اور خوش اسلوبی سے درآمدات کو یقینی بنانے کی خاطر 31  اکتوبر 2021 تک  فری زمرے کے تحت  توہر ،اڑد اور مونگ کی درآمد کی اجازت دے دی ہے۔  اس کے بعد توہر اور اڑد کی درآمد کے معاملے میں  مفت  نظام  کو 31 مارچ  2022 تک وسعت  دی گئی تھی۔اس  پالیسی اقدام کے نتیجے میں کافی  سہولت حاصل ہوئی ہے اور  متعلقہ محکموں  / تنظیموں کے ذریعہ  نفاذ کی قریبی نگرانی ممکن ہوپائی ہے۔درآمدپالیسی کے اقدامات کے نتیجے میں گزشتہ دوسال کی اسی مدت کے مقابلے میں  توہر ، اڑد  اور مونگ  کی درآمد میں  خاطر خواہ اضافہ دیکھنے کو ملاہے۔

*************

ش ح۔ح ا ۔رم

U-2136