কমর্স অমসুং ইন্দস্ত্রী মন্ত্রালয়
azadi ka amrit mahotsav g20-india-2023

পি.এম. গতিশক্তী নেস্নেল মাস্তর প্লান্না ঐখোয়গী লোজিস্তিক্স কোস্তপু হন্থহন্দুনা জি.দি.পি.গী ৭-৮%দা লৈহন্দুনা মালেমগী খ্বাইদগী নেম্বা ওইহনবদা তেংবাংবা ঙমগনি – শ্রী পিয়ুশ গোয়ল


গতিশক্তীনা মেক্রো প্লান্নিং অমসুং মাইক্রো ইমপ্লিমেন্তেসনগী মরক্তা লৈরিবা অহাঙববু মেনশিংবদা তেংবাংবা ঙমগনি

গতিশক্তীনা প্রাইভেৎ অমসুং পব্লিক ইনভেস্তমেন্তকী অফবা সাইকল লৈহল্লগনি অমসুং শেন্মিৎলোন্দা এক্সেলরেতর ইফেক্ত অমা লৈহল্লগনি

মন্ত্রীনা লিতিগেসন থোকপগী চাং য়াম্না নেম্বা স্মার্ত ওইবা কন্সেসন এগ্রীমেন্তকী তঙাই ফদবা লৈবদা মিৎয়েং চঙখি

স্তেকহোলদরশিংদা গতিশক্তীগা লেপ্তনা মরী লৈননবা অমসুং মসিগী মতিকশিংবু নীংথিনা শিজিন্নদুনা খুদোংচাবা লৌনবা খঙহনখ্রে

লোজিস্তিক্স সেক্তরদা অপ্সকিলিং তৌনবগীদমক্তা স্তেকহোলদর অমদগী হেনবগা তেংবাংনদুনা থবক পায়খৎপগী ৱাফম থমখ্রে

Posted On: 28 FEB 2022 7:36PM by PIB Imphal

কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইল মন্ত্রী, শ্রী পিয়ুশ গোয়লনা পি.এম. গতিশক্তী নেস্নেল মাস্তর প্লানবু তেংবাংনদুনা হোৎনমিন্নবা অমসুং মসিগী খ্বাইদগী হেনা কান্নবা লৌদুনা ঐখোয়গী লোজিস্তিক্স কোস্তপু হন্থহন্দুনা জি.দি.পি.গী ৭-৮%দা লৈহন্দুনা মালেমগী খ্বাইদগী নেম্বা ওইহনবদা তেংবাংবা ঙমগনি অমসুং মালেমগী কৈথেলদা চাংয়েংনবদা ভারত্তা অহেনবা পাঙ্গল পীগনি হায়না ফোংদোকখি।

মহাক্না দিপার্তমেন্ত ফোর প্রোমোসন ওফ ইন্দস্ত্রী অমসুং ইন্তর্নেল ত্রেদ (দি.পি.আই.আই.তি.)না শীনবা “পি.এম. গতিশক্তীগী ৱেবিনারঃ এক্সেলরেত তৌরবা শেন্মিৎলোনগী শাহৌ লৌনবা সিনর্জী শেমগৎপা” অসিগী লোইশিনবগী সেসন্দা নই দিল্লীদগী ঙসি ৱা ঙাংবনি। কেন্দ্র অমসুং রাজ্য সরকারগী এজেন্সী, প্রাইভেৎ সেক্তরগী মকোক থোংবা মীওই, একাদমিক অমসুং ইন্দস্ত্রীগী মীহুৎ অপুনবা মীওই ৮৫০না ৱেবিনার অসিদা শরুক য়াদুনা ভারতকী লোজিস্তিক্স ফগৎহন্নবগী মতাংদা খন্ন-নৈনখি অমসুং মরী লৈনবা থৌরাংসু য়াৎখি।

ৱেবিনার অসিবু হৌদোকপগী সেসন্দা ৱারোল থমখিবগীদমক্তা প্রধান মন্ত্রী, শ্রী নরেন্দ্র মোদীবু থাগৎপা ফোংদোক্লদুনা, শ্রী পিয়ুশ গোয়লনা ৱেবিনার অসিনা  পি.এম. গতিশক্তীবু স্তেকহোলদর খুদিংদা মমুৎ তানা খঙহন্নবা অমসুং ‘সবকা প্রয়াস’কা লোয়ননা মসিগী অপুনবা মপাঙ্গলবু শিজিন্ননবগীদমক্তা সরকারগী ‘প্রয়াস’ খুদিংদা ‘গতি’ (খোঙজেল) হাপকনি হায়না পাউদমখি। প্রধান মন্ত্রীনা গতিশক্তীগীদমক্তা হোলিস্তিক ওইবা মঙলান অমা থম্লিবা অসিবু পল্লদুনা, শ্রী গোয়লনা গতিশক্তীনা ইনফ্রাস্ত্রকচর প্লান্নিংগী মতাংদা ‘লৈবাকপু অপুনবা থৌওং’ ওইনা লৌই হায়খি।

ইনফ্রাস্ত্রকচরদা চাউখৎপা পুরকপগী থৌওং লৈরমদবনা মরম ওইরগা ভারতনা দিকেদ কয়াদা শোত্থদুনা লৈরম্ববু লাইবক থীবনি হায়না শ্রী গোয়লনা ফোংদোকখি। মতমদুদা শেমগৎখিবা ইনফ্রাস্ত্রকচরশিং অসি মচেৎ মচেৎ ওইনা শেমখি অমসুং কেন্দ্র, রাজ্য অমসুং লোকেল বোদীশিংগী মরক্তা তেংবাংনবা লৈতবনা অহোবা কয়া লৈবা খল মান্নদবা চাউখৎপগী থৌওং লৈখি হায়না মহাক্না খা তাখি। রাজ্য অমসুং কেন্দ্রগী বোদীশিংদা ইন্দস্ত্রীএল ক্লস্তরগী অপাম্বগী মখা পোন্না হিথাংফম, মৈ, ঈশিং, ইন্তর্নেত কন্নেক্তিবিতী, রেল, শোরোক, কম্মন ওইবা এফ্লুএন্ত ত্রিৎমেন্ত প্লান, পেকেজিং তৌনবা খুদোংচাবা অমসুং স্কিল দিভেলপমেন্ত সেন্তরশিংগুম্বা য়ুতিলিতী অমসুং ইনফ্রাস্ত্রকচরশিংগী থৌরাং য়াৎপদা গতিশক্তীনা তেংবাংগনি হায়না মহাক্না ফোংদোকখি। মহাক্না স্তেকহোলদরশিংদা গতিশক্তীগা লেপ্তনা মরী লৈননবা অমসুং মসিগী মতিকশিংবু নীংথিনা শিজিন্নদুনা খুদোংচাবা লৌনবা খঙহনখ্রে।

ইনফ্রাস্ত্রকচরগা মরী লৈনবা অশোইবশিংবু শেমদোকপসি য়াম্না অরুবা ওইরম্মি অমসুং মতম থেংথবনা মরম ওইরগা প্রোজেক্ত কয়াবু মতমগা চুনদবা অমসুং কান্নদবা ওইহল্লম্মি হায়বগী ৱাফম্বু মন্ত্রীনা য়াজখি। অসিগুম্বা থৌওং অসিগী মরু ওইবা মরমদি মেক্রো প্লান্নিং অমসুং মাইক্রো ইমপ্লিমেন্তেসনগী মরক্তা অচৌবা খেন্নবা লৈবননি হায়না মহাক্না ফোংদোকখি। ৱারেপ লৌবগী হীরমদা সাইলোসকী থৌওং লৈবনা, বজেৎপু কান্নহনখিদে অমসুং ইনফ্রাস্ত্রকচরনা ফোর্স মলতিপ্লাইয়র ওইনা মথৌ তৌবগী মহুত্তা, ঐখোয়না অয়াম্বা মতমদা ভেল্যু মাঙবগী ফিভম থেংনখি হায়না মহাক্না ফোংদোকখি।

শ্রী গোয়লনা হায়খিবদা, প্রধান মন্ত্রীগী ‘চাউখৎপা পুরক্নবা থবক পায়খৎপা, চাউখৎপা পুরক্নবা লন-থুম তানবা, চাউখৎপা পুরক্নবা থৌরাং য়াৎপা অমসুং চাউখৎপা পুরকপা পাম্বা’ হায়বা মন্ত্রা অসিনা লমজিংদুনা, গতিশক্তীনা কেন্দ্র অমসুং রাজ্যগী মরক্তা থাক খুদিংদা তেংবাংনবা অমসুং চুশিন্নবগী থৌওং হেনগৎহন্নবা পান্দম থম্লিবনি। পি.এম. গতিশক্তীনা  চাউখৎপগী ইঞ্জিন ৭, মিং ওইনা পল্লবদা, লম্বী-শোরোক, রেলৱেজ, এয়রপোর্ত, হিথাংফম, মাস ত্রান্সপোর্ত, ঈশিং লম্বী অমসুং লোজিস্তিক্স ইনফ্রাস্ত্রকচরগা লোয়ননা শেন্মিৎলোন অমসুং লৈবাকপু খোঙজেল য়াঙখৎহনবা পাম্মি হায়না মহাক্না মখা তাখি।

শ্রী গোয়লনা গতিশক্তীনা পুন্সি মহিং ফগৎহনবগা লোয়ননা কারবার তৌবা লাইথোকহন্নবগীদমক্তা নেক্স-জেন ইনফ্রাস্ত্রকচর শেমগৎপদা তেংবাংগনি হায়না ফোংদোকখি। গতিশক্তীনা প্রাইভেৎ অমসুং পব্লিক ইনভেস্তমেন্তকী অফবা সাইকল লৈহল্লগনি অমসুং শেন্মিৎলোন্দা এক্সেলরেতর ইফেক্ত অমা লৈহল্লগনি হায়না মহাক্না মখা তাখি।

মহাক্না বিসান-জি.গী সাইন্তিস্তশিংবু গতিশক্তীবু থবক ওইনা পাংথোকপা য়াহন্নবা কন্না হোৎনবগীদমক্তা থাগৎপা ফোংদোকখি অমসুং মাস্তর প্লানবু অচুম্বা লম্বীদা থম্বদা মরু ওইবা থৌদাং লৌবগীদমক্তা দি.পি.আই.আই.তি.বুসু থাগৎখি। বিসান-জি. (ভাস্কারাচার্য় ইন্সতিত্যুৎ ফোর স্পেস এপ্লিকেসন অমসুং জিও-ইনফোর্মেতিক্স) না শাবা নেস্নেল মাস্তর প্লান পোর্তেল অসি দাইনামিক ওইবা জি.আই.এস. প্লেৎফোর্ম অমনি। মসিদি প্রোজেক্ত মেনেজমেন্ত তুল, দাইনামিক দেশবোর্দ, এম.আই.এস. রিপোর্তনচিংবা কয়া য়াওবা দিজিতেল মাস্তর প্লান্নিং তৌনবা খুৎলায় অমনি। মসিনা ভারত্তা ইনফ্রাস্ত্রকচর শেমগৎলিবশিংগী মপুং ওইবা শক্তম অমা উবা ফংহল্লি।

ঐখোয়না ইনফ্রাস্ত্রকচরদা ইনভেস্ত তৌবা হেনগৎনবা অমসুং পব্লিক অমসুং প্রাইভেৎ সেক্তর অনিমক্না সপ্লাই সাইদ ইনফ্রা ফাইনেন্সিং তৌবা য়াহন্নবা পান্দম থমগদবনি হায়না ফোংদোক্লদুনা, ইনফ্রাস্ত্রকচর প্রোজেক্তশিংদা প্রাইভেৎ সেক্তরশিংবু শরুক য়াহন্নবা পুক্নিং থৌগৎনবগীদমক্তা অশাংবা মতম অমসুং কোস্ত-ইফেক্তিব ওইবা এগ্রীমেন্তকী অপাম্বা খনবা য়াবগী খুদোংচাবগা লোয়ননা লিতিগেসন থোকপগী চাং য়াম্না নেম্বা স্মার্ত ওইবা কন্সেসন এগ্রীমেন্ত শেম্নবগীদমক্তা প্রোজেক্তশিংদা থবক ওইনা পাংথোকপা য়াবা ফাইনেন্সিএল মোদেল লৈবগী তঙাই ফদবা লৈরে হায়না মন্ত্রীনা ফোংদোকখি।

শ্রী গোয়লনা একাদমিয়া, ইন্দস্ত্রী অমসুং সরকারশিংদগী দেতা লান্ননবা অমসুং লোজিস্তিক্স সেক্তরগী অপস্কিলিং তৌনবগীদমক্তা স্তেকহোলদর অমদগী হেনবগী মরাক্তা তেংবাংনবগী থৌওং লৈবা পাম্বগী ৱাফম থমখি। মহাক্না লম, অকোয়বগী ফিভম অমসুং উমংনচিংবগী অথুবা মতমদা ক্লিয়ারেন্স পীনবগীদমক্তা তোঙানবা এজেন্সীশিংগী মরক্তা হান্নদগী হেন্না তেংবাংননবা হায়খি।

ৱেবিনার অসিবু ‘সাগর মন্থনগী’ মিথোলোজিকেল ওইবা ৱারীগা মরী লৈনহল্লদুনা, মন্ত্রীনা ৱেবিনার অসিনা অথুবা মতমদা থবক্তা ওন্থোক্লগদবা অনৌবা ৱাখল্লোন কয়া ‘পুথোকপা ঙমগনি’ হায়বগী থাজবা ফোংদোকখি।

শ্রী পিয়ুশ গোয়লনা নীংতম্বগী অমৃত মহোৎসবকী নুংঙাইবা ফোংদোক্লিবা অসিবু শম্লপ্না পল্লদুনা  ঐখোয়গী পুৱারীগী অসিগুম্লবা মরু ওইবা তাঞ্জা অসিদা “তুংগী চারোন-শুরোন্দা কান্নবা পীগদবা করম্বা থবকপু ঐহাক্না ঙসি লৈবাক্কীদমক্তা পাংথোকপা য়াবগে?” হায়রিবা ৱাহংবু ইশাদা লেপ্তনা হংজনবা অমসুং ইশাবু হেন্না ফগৎহন্নবা পাম্বৈ কয়াগী মতাংদা ঐখোয়না পুন্না খনমিন্নবগী মথৌ তারে হায়না ফোংদোকখি।

শ্রী গোয়লনা পি.এম. গতিশক্তী হায়বসি খুৎলায় অমনি, অমসুং মসিবু ঐখোয়না খম থেংনা শিজিন্নরবদি, ভারতপু ‘অমৃত কাল’দা সুপর পাৱর অমা ওইহনগনি হায়না ফোংদোকখি। পি.এম. গতিশক্তীনা ঐখোয়গী তসেংবা মতিকপু তাক্কনি অমসুং মশাদা থাজবা থম্বা আত্মানির্ভর ভারতনা ঐখোয়গী মীয়ামগীদমক্তা হেন্না ফবা তুংগী মতম অমা শেম্নবগীদমক্তা তেক্নোলোজীবু মতৌ করম্না শিজিন্নবগে হায়বসি মালেমদা উৎকনি।

প্রধান মন্ত্রী, শ্রী নরেন্দ্র মোদীনা অঙনবদা ৱেবিনার অসিবু হৌদোকপগী ৱারোল থমখ্রবনি অমসুং সব-গ্রুপ মঙানা ব্রেকআউত সেসনগী মনুংদা গতিশক্তীবু থবক্তা ওন্থোকপগী মরী লৈনবা তোঙান-তোঙানবা হীরম কয়াগী মতাংদা খন্ন-নৈনখ্রবনি। কম্মর্স অমসুং ইন্দস্ত্রী মন্ত্রালয়গী দি.পি.আই.আই.তি.গী সেক্রেতরী, শ্রী অনুরাগ জেন্না পুন্সিল্লবা থৌরাং য়াৎপা অমসুং অকক্নবা মতমগী মনুংদা থবক ওইনা পাংথোক্নবা শীন্দোকপগী অনৌবা ৱাখল্লোন হৌদোক্নবা “লৈবাকপু অপুনবা থৌওং অমা ওইনা লৌবা” অসিগী মতাংদা পাংথোকপা সেসন লুচিংখি। ‘কোওপরেতিব ফেদেরেলিজম অমসুং ইনহেন্স কেপিতেল ইনভেস্তমেন্ত ফোর ইনফ্রাস্ত্রকচর’গী অনিশুবা সেসন্না কম্মর্স অমসুং ইন্দস্ত্রী মন্ত্রালয়গী দি.পি.আই.আই.তি.গী স্পিসিএল সেক্রেতরী, শ্রী অমৃত লাল মীনানা লুচিংখি। রোদ ত্রান্সপোর্ত অমসুং হাইৱেজ (এম.ও.আর.তি.ঐচ.) মন্ত্রালয়গী সেক্রেতরী, শ্রী গিরিধর অরামানেনা পি.এম. গতিশক্তী মলতি-মোদেল কার্গো তর্মিনেলশিংগা লোয়ননা সাগরমালা, পর্বতমালা অমসুং নেস্নেল এক্সপ্রেসৱে মাস্তর প্লান্দা মিৎয়েং চঙবা ‘ইনেব্লর্স ওফ লোজিস্তিক্স ইফিসিএন্সী’গী মতাংদা তোঙানবা সেসন অমা লুচিংখি। স্কিল দিভেলপমেন্ত অমসুং ওন্তোপ্রিনর্শিপ (এম.এস.দি.ই.) মন্ত্রালয়গী সেক্রেতরী, শ্রী রাজেশ অগর্ৱালনা ‘লোজিস্তিক্স ৱর্কফোর্স স্ত্রেতজী – ইনহেন্সিং স্কিল এন্দ ইমপ্লোয়মেন্ত ওপোর্চুনিতী’গী মতাংদা পাংথোকপা সেসন লুচিংখি। খ্বাইদগী অরোইবা সেসন অদুবুনা নিতি আয়োগকী সি.ই.ও., শ্রী অমিতাব কান্তনা লুচিংখি অমসুং ‘য়ুলিপ- রিভোল্যুস্নাইজিং ইন্দিয়ন লোজিস্তিক্স’ হায়না মিংথোনখি।

*****



(Release ID: 1801971) Visitor Counter : 153


Read this release in: English , Urdu , Hindi , Telugu