نئی دلّی ،25 فروری / فضائیہ  کی مغربی کمان کے کمانڈروں کی کانفرنس 24 فروری ، 2022 ء کو نئی دلّی کے سبروتو پارک میں منعقد ہوئی۔ اس کانفرنس میں فضائیہ کی مغربی کمان  ( ڈبلیو اے سی ) کے تحت آنے والے تمام اڈوں کے کمانڈروں نے شرکت  کی ۔ فضائیہ کے سربراہ ایئر چیف مارشل وی آر چودھری کا  کمان کے صدر دفتر میں ایئر آفیسر کمانڈنگ اِن چیف ڈبلیو اے سی ، ایئر مارشل امت دیو نے خیر مقدم کیا اور انہیں گارڈ آف آنر پیش کیا گیا  ۔

فضائیہ کے سربراہ نے اپنے خطاب میں کارروائی کی تیاریوں میں اضافہ کرنے پر زور دیتے ہوئے کمانڈروں کو ہدایت دی کہ وہ تمام پلیٹ فارمس ، ہتھیاروں کے نظام اور اثاثوں  میں آپریشن کی تیاری کو یقینی بنائیں ۔ انہوں نے  تمام حادثات اور واقعات کی بنیادی وجہ کا تجزیہ کرنے  اور فزیکل اور سائبر سکیورٹی کو بر قرار رکھنے کے علاوہ ، ہر وقت مشن کی موثر کارروائی  اور پریکٹس کو بہتر بنانے پر زور دیا ۔

انہوں نے  پروازوں کی تعداد کے لئے ڈبلیو اے سی کی ستائش کی اور تمام کمانڈروں پر زور دیا کہ وہ ایک محفوظ آپریشنل پروازوں کا ماحول فراہم کرنے کی خاطر اپنی کوششوں کو جاری رکھیں ۔ 

 

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا )

U. No.  1997

(Release ID: 1801271) Visitor Counter : 159