نئی دلّی ،25 فروری / وزارت دفاع نے 25 فروری ، 2022 ء کو مرکزی بجٹ 23-2022 ء میں کئے گئے اعلانات پر ’ دفاع میں آتم نربھرتا – کارروائی پر زور ‘ کے موضوع پر بجٹ  کے بعد ایک ویبینار کا انعقاد کیا۔ وزارت دفاع سے متعلق مرکزی بجٹ  23-2022 ء  نے  دفاع میں آتم نربھرتا کو مزید تحریک دی ہے اور ویبینار کا مقصد دفاعی شعبے میں حکومت کے مختلف اقدامات کو آگے بڑھانے میں تمام  فریقوں کو شامل کرنا تھا۔

         وزیر اعظم جناب نریندر مودی نے ویبینار  میں افتتاحی خطبہ دیا ۔ انہوں نے کہا کہ  ویبینار کا موضوع ’ دفاع میں آتم نربھرتا – کارروائی پر زور ‘ ملک کے موڈ کی عکاسی کرتا ہے ۔ دفاع کے شعبے میں آتم نربھرتا  کو  مستحکم کرنے کی خاطر حالیہ برسوں کی کوششیں ، اس سال کے بجٹ میں پوری طرح واضح ہیں۔ انہوں نے یاد دلایا کہ ہندوستان کی دفاعی مینو فیکچرنگ غلامی کے دور میں اور آزادی کے فوراً بعد بھی کافی مضبوط تھی۔ دوسری جنگ عظیم میں ہندوستان میں بنے ہتھیاروں نے اہم کردار ادا کیا۔ انہوں نے کہا کہ اگرچہ بعد کے سالوں میں ہماری یہ صلاحیت  میں زوال آیا لیکن  اس سے ظاہر ہوتا ہے کہ صلاحیتوں کی نہ تو اس وقت کی تھی اور نہ اب ہے ۔

         وزیر اعظم نے مخالفوں کو چوکانے والے عناصر رکھنے کے لئے منفرد دفاعی نظام کی اہمیت پر زور دیا ۔  انہوں نے کہا کہ انفرادیت اور حیران کن عناصر صرف اس وقت ہو سکتے ہیں ، جب ساز و سامان  آپ کے اپنے ملک میں تیار کیا جائے ۔  وزیر اعظم نے  کہا کہ اس سال کے بجٹ میں ملک میں تحقیق، ڈیزائن اور مینو فیکچرنگ کو فروغ دینے کا ایک فعال نظام تیار کرنے کا بلیو پرنٹ موجود ہے ۔  انہوں نے مزید کہا کہ دفاع کے تقریباً 70 فی صد بجٹ کو صرف گھریلو صنعت کے لئے رکھا گیا ہے ۔

وزارت دفاع نے اب تک 200 سے زیادہ دفاعی پلیٹ فارم  اور ملک میں تیار  ہونے والے ساز و سامان کی مثبت فہرست جاری کی ہے۔ اس اعلان کے بعد ، وزیر اعظم نے بتایا کہ گھریلو خریداری کے لئے 54 ہزار کروڑ روپئے کے معاہدوں پر دستخط کئے گئے ہیں۔ وزیر اعظم نے مزید کہا کہ اس کے علاوہ ، 4.5 لاکھ کروڑ روپئے سے زیادہ کے  ساز و سامان کی خریداری کا عمل مختلف مراحل میں ہے۔ انہوں نے کہا کہ تیسری فہرست جلد آنے کی توقع ہے۔

         وزیر اعظم نے ہتھیاروں کی خریداری کے لئے طویل عرصے تک جاری رہنے والے عمل پر افسوس کا اظہار کیا ، جس کے نتیجے میں عام طور پر ، جب تک کہ وہ ہتھیار استعمال کے لئے شامل کئے جاتے تھے ، اُس وقت تک تاخیر کی وجہ سے وہ پرانے ہو جاتے تھے ۔  انہوں نے  زور دے کر کہا کہ اس کا حل  آتم نربھر بھارت اور ’ میک اِن انڈیا ‘ میں ہے ۔ وزیر اعظم نے آتم نربھرتا کو ذہن میں رکھتے ہوئے فیصلے کرنے کے لئے مسلح افواج کی ستائش کی۔ وزیر اعظم نے ہتھیاروں اور ساز و سامان سے متعلق معاملات میں جوانوں کے احساسات اور فخر کو بلند رکھنے کی ضرورت پر زور دیا ۔  انہوں نے کہا کہ یہ اُس وقت ہی ممکن ہے ، جب ہم ان شعبوں میں آتم نربھر ہوں ۔

         وزیراعظم نے آرڈیننس فیکٹریوں کو ترقی اور عہد بستگی کی شاندار مثال بننے پر ستائش کی ۔ انہوں نے ، اِس بات پرخوشی کا اظہار کیا کہ پچھلے سال دفاع کی ، جو سات نئی کمپنیاں قائم کی گئی تھیں ، وہ تیزی سے اپنا کاروبار بڑھا رہی ہیں اور نئے بازاروں تک پہنچ رہی ہیں ۔ وزیر اعظم نے زور دے کر کہا کہ ہم نے 5 – 6 برسوں میں دفاعی بر آمدات کو چھ گنا بڑھا دیا ہے ۔ آج ہم  میڈ اِن انڈیا  دفاعی ساز و سامان اور خدمات 75 سے زیادہ ملکوں کو فراہم کر رہے ہیں ۔

وزیر دفاع جناب راج ناتھ سنگھ نے اختتامی خطبہ دیا ۔ انہوں نے ’ آتم نربھر بھارت ‘کے مقصد کو حاصل کرنے اور ’ شریشٹھ بھارت‘ کے حصول کے لئے افرادی قوت میں ایک نیا جوش پیدا کرنے میں ان کی قیادت اور رہنمائی کے لئے وزیر اعظم کا شکریہ ادا کیا۔ انہوں نے امید ظاہر کی کہ ویبینار بجٹ کے اعلانات میں تیزی لائے گا اور ان پر تیزی سے عمل درآمد کی راہ ہموار کرے گا۔ انہوں نے ہندوستان کو عالمی دفاعی مینوفیکچرنگ کا مرکز بنانے کے حکومت کے ارادے کو تقویت دینے کے لئے قیمتی معلومات فراہم کرنے کے لئے شرکاء کا شکریہ ادا کیا۔  انہوں نے صنعت اور اسٹارٹ اپس کی ہمت افزائی کے لئے کئی اعلانات  کئے ، جو مندرجہ ذیل ہیں :

1. مالی سال 23-2022 ء  کے دوران میک-I کے تحت کم از کم پانچ پروجیکٹوں کی منظوری دی جائے گی تاکہ صنعت کی قیادت میں آر اینڈ ڈی کی کوششوں کو فروغ دیا جاسکے۔
2. ڈی جی ایکویزیشن کے تحت نگرانی کا ایک نظام قائم کیا جائے گا، جس میں تینوں فوجوں کے نمائندے شامل ہوں گے   ، جو بجٹ  کے اہداف کی نگرانی کریں گے ، خاص طور پر پرائیویٹ انڈسٹری اور سٹارٹ اپس کے لئے، تاکہ اس کا مکمل استعمال ہو سکے۔
3. کیو اے کے عمل میں اصلاحات  کی جائیں گی  تاکہ  اسے غیر مداخلتی ، روک تھام پر مبنی اور انسپکٹر راج سے آزاد بنایا جا سکے  ۔
4. آئی ڈیکس پرائم  دفاع کے شعبے میں مسلسل بڑھنے والے اسٹارٹ اَپس کو 1.5 کروڑ روپئے سے زیادہ  10 کروڑ روپئے تک کی ضروری امداد فراہم کرنے کے پروجیکٹوں کی مدد کرے گا ۔